Palaong mPomakau i mPue Yesu 5:40 - Tuntu i mPue ri Basa Taa

⁴⁰ Wali kepala-kepala etu mampodongeka kojo to nato’o i Gamaliel etu. Wali sira mampokio muni pomakau i mPue Yesu etu panewa mangampedas sira pei manganto’oka sira, “Ne’e kojo mampotundeka wo’u tau mangkonong i Yesu.” Wali ojo karoonya sira manganto’o etu, sira mangalapa muni pomakau etu.

Sura Magali Nuntu Ngkatuwu

⁴⁰ Napeboo ntau seʼe waʼa ncuro setu, nepa natabasi, napetangani kojo ntau seʼe da mampaguru kono toʼo i Yesu. Roo setu nepa nalapa tau seʼe.

Palaong mPomakau i mPue Yesu 5:40 Referans Kwoze

Matius 10:17

Pei jagai kojo tau, apa re’e tau to mangewa anu to nupakarebaka ngkomi, see naka sira damamposora komi resi kepala-kepala nu agama. Pasi sira damangansamparika komi kayoro nja’u banua-banua to napampotunde nsira.

2 Korintus 11:24

Pasi lima ngkani aku nasesai nto Yahudi. Pei ri rayanya lima ngkani rasesai etu, ponto ngkani rasesai etu aku togo mpuyu pei sio ngkani rasamparika kiyoro.

Palaong mPomakau i mPue Yesu 5:28

ia manganto’o, “Kami roomo mamporentangika komi manganto’o ne’e kojo mampotundeka tau mangkonong ngkai to nululu ngkomi etu. Pei komi taa mampolaika porenta mami etu. Komi ojo mampotundeka wo’u wali tempo si’i juku tau ri Yerusalem mangandonge kareba to nupotundeka ngkomi etu. Pasi komi rani mampakasala kami apa komi manganto’o kami semo to nampopate yau ngkai etu.”

Markus 13:9

“Wali ane ratamo tempo kasesa etu, pakatao kojo apa tempo etu komi darasoko pasi darakenika to pobotus. Pasi tempo etu komi darapedas nja’u raya banua-banua to napampotunde nto Yahudi. Pasi komi darakeni ri tango gubernur-gubernur pasi ri tango makole-makole apa saba komi mangaya Aku. Wali tempo komi rakeni ri tango nsira, tempo etu komi maya mawali matamanasa resi sira mangkonong Aku.

Lukas 20:10

“Wali ojo karatanya temponya wua nu anggur etu matasamo, tau pue nawu etu mampokau to papolaonginya yau njo’u to pangkampang nawu etu damangokoka ia wua nu anggur to si ia. Pei ojo karata to papolaong etu, to pangkampang nawu sira mangantidas ia pei manganto’oka ia pawolili muni resi tau puenya. Pasi tare wua nu anggur to nawaika nsira ia.

Matius 23:34

“Wali apa saba komi maja’a kojo, see naka Aku mangampokau tau yau resi komi. Tau etu to pantuntu tuntu i mPue Allah, pasi tau to bae kapande to nawaika i mPue Allah sira, pasi re’e seja tau to mampotundeka sa’e porenta i mPue Allah. Pei komi taa mampodongeka tau etu. Kasimbalinya yako etu re’e sira to danupopate yau ngkomi pasi re’e to danupaku yau ngkomi ri kaju pasape. Pasi re’e seja to danutidas ngkomi nja’u banua-banua to napampatunde ngkomi. Panewa re’e wo’u sira to danurubak ngkomi yako ri kota to samba’a rata nja’u kota-kota to yusa.

Matius 20:19

Pasi sira damangawaika Aku resi tau to si’a to Yahudi panewa tau etu damampokore Aku pasi damampedas seja Aku. Roo see sira damampopate yau Aku mangampaku Aku ri kaju pasape. Pei ri rayanya togo eo Aku damambangu muni yako ri kapatengKu.”