Palaong mPomakau i mPue Yesu 4:34 - Tuntu i mPue ri Basa Taa

³⁴ Wali tare tau to ri oyo nsira to taa gana to napake. Apa i sema to re’e tana bara banua, sira mampobalu yau panewa olinya etu sira mangkeni

Sura Magali Nuntu Ngkatuwu

³⁴ Bereʼe mau sambaʼa tau ungka ri oyo ntau seʼe anu mampomakura bara nunjaa-njaa. Maka anu mampotumpu tana bara banua, napobalu tana bara banua ntau seʼe; nepa olinya nakeni ntau seʼe

Palaong mPomakau i mPue Yesu 4:34 Referans Kwoze

Palaong mPomakau i mPue Yesu 2:45

Sira mampobalu yau ngaya-ngayanya panewa doinya etu natilaka yau nsira samparia. I sema to taa gana to napake, ia mangantima yako ri tila nu doi etu.

Lukas 16:9

Wali Aku manganto’oka komi, Aku rani komi mawali pande seja mangampake kasugi nu lino si’i. Pake kasugi etu damangansawang sa’e see damawali boros yunumu to mangaya seja. Apa ane ewa see, ane ratamo temponya puramo kasugi ri lino si’i, tempo etu komi darata ri lipu to danukaroos rataka ri singkasaenya. Wali tempo etu komi daratima ri lipu etu ri kasanang ndaya.

Lukas 12:33

Wali pobalu ngaya-ngaya ngkomi pei waika doinya resi tau to masiasi. Panewa poromung kasugi to ndate saruga, apa kasugi to etu maya raporapaka ewa dompet to taa dapura yau bananginya. Pasi ndate ria tare to palima to masua damangoko yau kasugimu pasi taa seja re’e ane to mampakaja’aka yau kasugi etu.

Lukas 22:35

Wali yako etu i Yesu mampatiendoka samparia anaguruNya mangkonong palaong to nawali seore, Ia manganto’o, “Pobuuka seore tempo Aku mampokau komi yau pei manganto’oka komi ne’e mangkeni doi, tas, bara sandal to yabi yako sandal to nupake ngkomi. Wimba tempo palinja ngkomi etu, bara re’e to napo’ipu ngkomi?” Wali sira mangansono, “Tare.”

Markus 10:21

Wali i Yesu mangalo’aka resi ngkai etu. Ia mamporayang ia pei manganto’oka wo’u ia, “Jamo sanjaya to tawa nuika, etu semo, intamo pei pobalu yau samparia kasugimu pei olinya tilaka yau tau to masiasi. Ane ewa wetu nuika ngkorom, korom damangarata kasugi ndate saruga. Pasi ane roomo mangawaika yau samparia etu, mai muni pei lulu Aku. Wali nempo darapopate yau saba mangalulu Aku, pei ne’e mandoo mangalulu Aku.”

Matius 19:21

Wali i Yesu mangansono, Ia manganto’o, “Ane korom rani mawali masilonga kojo, intamo pei pobalu yau samparia kasugimu pei olinya tilaka yau tau to masiasi. Ane ewa wetu nuika ngkorom, korom damangarata kasugi ndate saruga. Pasi ane roomo mangawaika yau samparia etu, mai muni pei lulu Aku.”

1 Timotius 6:19

Apa ane sira mangika ewa see, sira re’e mamporomung kasugi ndate Saruga. Ojo kasugi to etu to bae batuanginya ri tempo to darata. Wali ane sira mangika ewa see, sira maya mangangkongko katuwu to monso pu’u.

Yakobus 1:27

Pei agama to monso pasi to taa sala ri pangkita i mPue Allah, Pa’a ngkita, ewa si’i, kita mangansawang tau to ilu kojo pasi tau to balu ri raya ngkasusa nsira. Pasi agama to monso etu ewa si’i seja, kita mangajagai koronta naka ne’e mangalulu seja lengko to makarika to naika nto lino to taa mangaya i Pue Allah. Wali etu semo to masipato naika ngkita mangaluluka tuntu i mPue Allah.

1 Tesalonika 4:12

Apa ane ewa wetu lengko ngkatuwu ngkomi, komi taa ojo marapi-rapi resi sa’e. Pasi ane ewa wetu lengko ngkatuwu ngkomi, komi damasipato na’angga ntau to taa mangaya i Pue.

2 Korintus 8:14

Wali ane tempo si’i, komi gana kojo to re’e resi komi, wali masipato komi mangansawang tau to taa gana. Pei ane ratamo temponya komi tamo gana to re’e resi komi, tempo etu komi semo to danasawang wo’u ntau to tiroo gana. Ewa wetu daraika masisawang see samparia tau paka taa masiasi katuwu nsira.