Palaong mPomakau i mPue Yesu 4:27 - Tuntu i mPue ri Basa Taa

²⁷ O Pue, tibanang kojo gombomu etu apa i Makole Herodes pasi i Pontius Pilatus sira siromu ri kota si’i seore sindara-ndara pei tau to Yahudi pasi to si’a to Yahudi. Tempo etu sira mansongka mangewa i Yesu, to papolaong ngKomi to mapasing to nupilis ngKomi damawali Makole.

Sura Magali Nuntu Ngkatuwu

²⁷ Maka lawi i Herode pai Pontiu Pilatu roo momberata pai waʼa ntau anu bareʼe maincani i Pue sangkani pai waʼa nto Isaraeli ri kota seʼi. Tau seʼe momberata da maewa i Yesu ana-Mi anu mepoʼinaya anu magali setu, anu roomo ndipatongko mewali Mokole Tadungkadago.

Palaong mPomakau i mPue Yesu 4:27 Referans Kwoze

Matius 27:2

Roo sira magombo etu, sira mangampungu i Yesu panewa mangkeni Ia resi gubernur nto Roma, i Pilatus.

Palaong mPomakau i mPue Yesu 4:30

Pasi kuporapika seja resi Komi see Komi damampaponsanika tau kuasaMu tempo sira mangkita tau to rapakatao muni yako ri panyaki, pasi tempo sira mangkita palaong to yusa to taa rapobiasa to mawali tondong resi sira pasi palaong to mampakaipu raya nsira. Palaong to etu damawali saba yako kuasa i Yesu, to papolaong ngKomi to mapasing.” Etu semo pakai-kai nu yunu i mPetrus sira dua i Yohanes.

Lukas 9:22

Wali yako etu i Yesu manganto’oka wo’u anaguruNya, “Aku, Wiyaa nto Lino, damangarata boros kasesa. Pasi Aku danapobo’o ntau tu’a nto Yahudi pasi kepala-kepala nto pampue pasi tau to mampoguru porenta i Musa. Wali Aku darapopate yau, pei yako etu, ri rayanya togo eo Aku darawangu muni yako ri kapatengKu.”

Ibrani 7:26

Wali to pampue to bae anggaNya to ewa wetu semo to naparluu ngkita. Apa Ia mapasing, pasi tare lengkoNya to masipato napakasala nsa’e pasi tare lengkoNya to makarika. Pasi Ia raga’a yako resi tau to madosa. Pasi Ia raokotaka nto’u tampa to bae kojo angganya, ri wawonya samparia yangi.

Palaong mPomakau i mPue Yesu 10:38

Wali komi mangansani mangkonong i Yesu to Nasaret. I Pue Allah mangampilis Ia pasi mangawaika Ia i Nosa Mapasing pasi mangawaika seja Ia kuasa. Wali i Yesu etu mangalinjak tana Israel pasi imba nakanjo’u Ia mangika palaong to matao, pasi Ia mampakatao muni samparia tau to nakuasang i maja’a. Samparia to nikaNya etu Ia nangika apa i Pue Allah re’e resi Ia.

Palaong mPomakau i mPue Yesu 2:27

apa Komi, i Pue Allah, taa ojo damangabiaka toniingKu maroo-roo la’u lipu ntau mate. Pasi Aku, to papolaong to si Komija, Aku kunsani Komi taa seja damangabiaka lembangKu naka boo yau.

Yohanes 19:34

Pei re’e samba’a tentara to mangantujaka yu’a ri usu i Yesu see matantu Ia namatemo, panewa mansaka masuwu raa pasi ue.

Yohanes 18:28

Wali ojo karoonya i Yesu mampotango i Kayapas, dawuro kojowa Ia nakeni wo’u ngkepala-kepala nto Yahudi njo’u tongonata banua gubernur, i Pilatus. Gubernur etu tau to si’a to Yahudi. Wali apa saba banua etu banua ntau to si’a to Yahudi, see naka to Yahudi etu taa rani masua tempo sira rata nja’u ria. Sira taa masua naka ne’e sira damawali makarika ane ewa ada nu agama nsira. Apa ane mawali makarika, sira taa maya mangkoni pangkoni ri Roa Paskah.

Yohanes 10:36

ane ewa see taa manto’o Aku. Apa Aku napilis i mPue Allah, Pa’angKu, mawali Iaja puenya pasi Aku napokau i mPue Allah ma’i ri lino si’i. Wali maka pei komi mampakasala Aku pei manganto’o Aku manto’o maja’a i Pue Allah apa saba Aku manganto’o, ‘Aku Ana i mPue Allah’?

Yohanes 1:11

Pasi tempo Ia ma’i ri tana nu bansa to si Ia, tempo etu kaborosinya yunuNya ri tana etu taa mangantima Ia.

Lukas 22:63

Wali yako etu tau to mangajagang i Yesu mula mampokore pasi mangantidas Ia.

Lukas 4:18

“Nosa i mPue re’e resi Aku, apa Ia roomo mangampilis Aku damampakarebaka kareba matao resi tau to masiasi. Pasi Ia nampokau Aku damampolindo tau to masusa kojo rayanya pasi damampaponsanika resi tau to nata’amaka nsa’e sira daralapa muni. Pasi Ia nampokau Aku damampaponsanika resi tau to buta sira damangkita muni rao. Pasi Ia nampokau Aku damangansawang tau to rapakasusa,

Lukas 1:35

Wali pomakau etu mangansono, ia manganto’o, “I Nosa Mapasing yako resi i Pue Allah darata resi korom, pasi kuasa i mPue Allah damangika see damawali. Ia darata resi korom, pei kuasa i mPue Allah to bae kojo anggaNya damangantorung korom. Wali see naka Ana to danupoanaka ngkorom etu darato’oka mapasing pasi see naka Ia darato’oka seja Ana i mPue Allah.

Markus 15:31

Pasi ewa wetu seja naika ngkepala-kepala nto pampue pasi tau to mampoguru porenta i Musa. Sira seja mampokore Ia, sira manganto’oka yununya samba’a pei samba’a, “Ia nakoto mampalaes tau to yusa, pei gete, koroNya ngkalio Ia taa nakoto mampalaes!

Markus 10:33

Ia manganto’o, “Kita dayau ndeku Yerusalem, panewa nda’a ria Aku, Wiyaa nto Lino, daraposora yau resi kepala-kepala nto pampue pasi tau to mampoguru porenta i Musa. Wali tau etu sira damanganto’o Aku taa maya taa darapopate yau. Pasi sira damangawaika Aku resi tau to si’a to Yahudi,

Matius 23:37

Wali yako etu i Yesu magombo wo’u, Ia mawo rayaNya manganto’o, “Kuporayang kojo komi to Yerusalem! Yako tempo owi rataka ri tempo si’i komi mampopate yau to pantuntu tuntu i mPue Allah. Pasi tau to napokau i mPue Allah resi komi, tau etu nutasoka ngkomi watu. Pei mandudu ngkani Aku rani mampasiromunaka samparia komi ri awengKu ewa naika manu mampasiromunaka ananya ri ara mpaninya. Pei komi taa rani.

Matius 21:28

Wali yako etu i Yesu manganto’oka wo’u kepala-kepala nto pampue pasi yunu nsira, Ia manganto’o, “Kesaa pampobuuka ngkomi mangkonong rapa si’i? Rapanya re’e tau to dua ananya to langkai. Wali tau etu yau resi ananya to tu’anginya pei manganto’o, ‘Anangku, inta pei palaong seo si’i nja’u nawu anggur.’

Matius 14:1

Wali ri tempo etu boros kojo tau to mangansarita mangkonong palaong to naika i Yesu. Pasi i Makole Herodes mangandonge seja sarita to etu.

Yesaya 53:3

Wali to Papolaong i mPue Yawe, Ia narowis ntau pasi napobo’o nsira. Ia bae kojo kamawo ndayaNya pasi Ia malagi ngkani mangarata kasesa. Wali kita mangarowis Ia pasi taa manga’angga Ia, see naka kita ewa mangandolika yau tango ngkita yako resi Ia.

Matius 14:3

Naka pei i Herodes ewa wetu pampobuukanya apa saba palaong to nawali seore. Wali ewa si’i palaong to nawali etu. Re’e seore i Herodes mangoko yau indo nu ana i mPilipus, tua’i i Herodes semo. Wali i Herodes mamporongo wo’u tau we’a etu to sanganya i Herodias. Wali ojo pangandonge i Yohanes mangkonong palaong to etu, ia yau resi i Herodes pei manganseko ia, to’onya, “Taa matao palaong to nuika ngkomi apa komi roomo mangoko yau indo nu ana ntua’imu. Pei ane ewa porenta i mPue Allah, taa maya tau mangika palaong to etu.” Ewa wetu nato’o i Yohanes manganseko i Makole Herodes. Wali ojo pangandonge i Herodes gombo i Yohanes etu, ia maja’a rayanya resi i Yohanes, see naka ia rani mampopate yau ia. Pei ia taa mangika ri tempo etu apa ia meka resi tau boros, apa tau boros mampobuuka i Yohanes ia samba’a to pantuntu tuntu i mPue Allah. Wali i Herodes ojo mampokau tau mangansoko i Yohanes panewa mangantarungku ia.

Matius 14:6

Wali yako etu re’e seore i Herodes mangika roa mangendo eo ngkare’enya. Wali tempo roa etu re’e samba’a ana i Herodias, ia ana we’a, ana woku i Herodes, ia manari-nari ri tango i Herodes pasi ri tango nto pantako to boros. Tempo ia manari etu ia mampakasanang kojo raya i Herodes.

Lukas 23:1

Wali yako etu samparia tau to siromu etu sira makore pei mangkeni i Yesu resi gubernur nto Roma, i Pilatus.

Yohanes 18:29

Wali apa saba sira taa rani masua, see naka i Pilatus masuwu yako ri raya banuanya pei mampotango sira ri tongonata. Ia mampotanaka resi sira, to’onya, “Ane ewa panto’o ngkomi, kesaa sala ntau si’i?”