Palaong mPomakau i mPue Yesu 4:17 - Tuntu i mPue ri Basa Taa

¹⁷ Pei kita taa rani kareba mangkonong palaong etu datikarebaka wo’u ri tau boros. Wali anu kita mamporentang kojo sira dua manganto’oka sira ne’e kojo manto’oka wo’u tau mangkonong i Yesu.”

Sura Magali Nuntu Ngkatuwu

¹⁷ Paikanya da naka neʼemo tebaanaka ri waʼa ntau, moruana taekasi tau radua setu da naka neʼemo napau-pauka tau kono toʼo i Yesu.”

Palaong mPomakau i mPue Yesu 4:17 Referans Kwoze

Palaong mPomakau i mPue Yesu 5:28

ia manganto’o, “Kami roomo mamporentangika komi manganto’o ne’e kojo mampotundeka tau mangkonong ngkai to nululu ngkomi etu. Pei komi taa mampolaika porenta mami etu. Komi ojo mampotundeka wo’u wali tempo si’i juku tau ri Yerusalem mangandonge kareba to nupotundeka ngkomi etu. Pasi komi rani mampakasala kami apa komi manganto’o kami semo to nampopate yau ngkai etu.”

1 Tesalonika 1:8

Naka pei komi mawali tondong, apa yako resi komi semo see naka kareba mangkonong i Pue natikareba-reba, si’a ojo ri lipu ngkomi, etu semo propinsi Makedonia pasi propinsi Akhaya. Pei samparia lipu-lipu to yusa tau mangansani mangkonong pangaya ngkomi resi i Pue Allah. Wali tamore batuanginya kami manganto’oka tau ri lipu-lipu etu.

Palaong mPomakau i mPue Yesu 5:24

Wali ojo pandonge ngkepala ntau to mangajagang banua i mPue Allah pasi kepala-kepala nto pampue gombo nto papolaonginya etu, sira masusa rayanya mampobuuka bara kesaa to nawali resi pomakau i mPue Yesu etu.

Palaong mPomakau i mPue Yesu 4:21

Wali ojo karoonya sira dua magombo, kepala-kepala etu mangarai wo’u sira panewa mangalapa muni sira. Kepala-kepala etu taa mangarata jaya mangahuku sira dua apa tau boros samparia paka mangabarong i Pue Allah saba mangkita palaong to taa rapobiasa to nika ntau dua etu.

Matius 27:64

Wali ngkai etu matemo si’i-si’i, see naka ri rayanya togo mbengi si’i, pakauka tau yau mangkampang dayonya. Apa ne’e ne’e re’e anaguruNya mampolima yau lembaNya ri raya mburi pei manganto’oka tau boros, ‘Ia tuwu muni yako ri kapateNya.’ Apa ane ewa see, akal to purinya etu wo’u to ja’a-ja’a pei akal to ruyu.”

Matius 9:30

Wali tau dua etu mansaka mangkita rao. Roo see i Yesu mampatiendoka kojo sira dua, to’oNya, “Ne’e kojo ragagangika sa’e mangkonong palaong to mawali si’i.”

Yohanes 15:21

Pei to lino to maja’a nakita komi, sira damangansesai komi apa saba komi Aku puenya. Naka pei sira damangika ewa wetu apa sira taa mangansani Ia to nampokau Aku.

Epesus 6:9

Pasi komi to pue mbatua, ika seja lengko to masipato raika resi watua ngkomi. Ne’e mangarai sira, apa komi mangansani Pue ngkomi ndate saruga Ia Pue mbatua ngkomi seja. Pasi Ia taa mampasisala tau.

1 Petrus 2:23

Pasi tempo Ia napoja’a ntau, Ia taa mampoja’a wo’u sira. Pasi tempo Ia nasesai ntau Ia taa mamponsawak. Ia ojo mansarumakaka koroNya resi to pobotus to sangkani mangabotus singkonong pei to masipato raika. To pobotus etu, etu semo i Pue Allah.