Palaong mPomakau i mPue Yesu 3:26 - Tuntu i mPue ri Basa Taa

²⁶ Wali i Pue Allah mangampilis to PapolaongiNya, i Yesu, panewa mampokau Ia ma’i resi kita ruyu, damampakasanang kita. Wali ewa si’i nikaNya mampakasanang kita, Ia mangansawang kita samba’a pei samba’a see kita rani mangandolika tangonta yako ri palaong ngkita to maja’a.”

Sura Magali Nuntu Ngkatuwu

²⁶ Inceʼe puʼunya i Pue Ala mampilisi Ana-A, nepa ndapokau maʼi ri komi riunya, da naka Sira madonco komi. Popadonco inceʼemo da mampapewali komi da majea pai da ndipampalaika engko anu majaʼa ri raya ngkatuwumi.”

Palaong mPomakau i mPue Yesu 3:26 Referans Kwoze

Matius 1:21

Wali i Maria damampoanaka ana langkai panewa korom damangansangaka Ia i Yesu, apa Ia semo damampalaes tauNya yako ri huku nu dosa nsira.” Etu semo gombo mpomakau i mPue Allah resi i Yusup.

Palaong mPomakau i mPue Yesu 3:22

Apa pobuuka gombo i Musa, samba’a to pantuntu tuntu i mPue Allah tempo owi etu, tempo etu ia magombo mangkonong i Yesu, ia manganto’o, ‘I Pue Allah damangampilisika komi samba’a to pantuntu tuntuNya to yako ri oyo ngkomi. To pantuntu tuntu etu ewa aku si’i. Wali padongeka kojo samparia anu to nato’oka ntau etu komi.

I Yudas 1:24

Wali i Pue Allah anu pu’u ngkapande, Ia samba’aja. Ia to Pansompo ngkita apa saba to naika i Yesu Kerisitu, Pue ngkita. Wali Ia nakurang mangajagai kita see kita taa mangika dosa, raporapaka ewa masou. Pasi Ia nakurang mangkeni kita mampotango kayawaNya. Tempo kita mampotango Ia etu kita tare sala pasi kita ndende kojo rayanta. Wali anu kita mangabarong Ia pasi magombo mangkonong anggaNya bae kojo, mangkonong karosoNya pasi mangkonong kuasaNya yako ri tempo owi pasi tempo si’i pasi rataka wo’u ri singkasaenya. Amin. Wali ungkanyamo ruyu gombongku si’i.

Roma 1:16

Wali aku taa mangepe mea mampakarebaka kareba matao mangkonong i Kerisitu, apa kareba matao etu semo karoso i mPue Allah. Apa i sema tau to mangaya kareba matao etu, karoso i mPue Allah mampalaes tau etu. Wali uyu-uyunya owo to Yahudi to rakenika kareba matao, pei si’i-si’i pasi tau to si’a to Yahudi sira rakenika seja kareba matao.

Palaong mPomakau i mPue Yesu 3:25

Wali a’i-a’i, kita semo to mangantima parajanji i mPue Allah to nato’o yami nto pantuntu tuntuNya etu. I Pue Allah mamparajanjika bue ngkita tempo owi, i Abraham, Ia manganto’o, ‘Yako ri wiyaamu Aku damampakasanang samparia to lino.’ (Pomulanya 22:18) Wali a’i-a’i, kita to Yahudi semo to mangarata kasanang yako to naparajanjika i mPue Allah kita etu.

1 Petrus 1:3

Wali anu kita mangabarong i Pue Allah. Ia semo Allah to napue i Yesu Kerisitu, Pue ngkita, pasi Ia Pa’aNya seja. Wali barong Ia apa bae kojo kanotoNya resi kita. Pasi yako kanotoNya etu see naka kita raporapaka ewa rapoanaka wo’u apa Ia mangawaika kita katuwu to bou. Wali palaong to etu mawali apa saba i Pue Allah roomo mangawangu muni i Yesu Kerisitu yako ri kapateNya. Wali see naka kita re’e pansarumakanta to maroso kojo.

Epesus 1:3

Wali anu kita mangabarong i Pue Allah, etu semo Allah pasi Pa’a i Yesu Kerisitu, Pue ngkita. Apa Ia mangawaika tonii ngkita rasi. Ia mangawaika kita songonya samparia ngaya nu rasi yako ri raya nsaruga, saba kamonsonya kita tau nsaruga apa kita samba’a pei i Kerisitu.

Roma 15:29

Pasi aku kunsani, ane tempo aku rata mayunu resi komi, tempo etu bae kojo rasi to yako resi kareba matao mangkonong i Kerisitu to kita damangarata samba’a pei samba’a.

Palaong mPomakau i mPue Yesu 26:20

Wali aku mampakarebaka samparia tau, manganto’o, ‘Pajea pei ndolika tango ngkomi resi i Pue Allah pei ika lengko ngkatuwu to masipato naika ntau to majeam.’ Etu semo gombongku mampakarebaka tau nja’u kota Damsyik ruyu, panewa nda’a Yerusalem, pasi ri sambawo propinsi Yudea, pasi aku mampakarebaka seja tau to si’a to Yahudi.

Palaong mPomakau i mPue Yesu 3:15

Panewa komi mampopate yau i Yesu anu pu’u ngkatuwu. Pei karoonya komi mampopate yau Ia i Pue Allah mangawangu muni Ia yako ri kapateNya. Pasi kami semo matamanasa palaong to etu.

Palaong mPomakau i mPue Yesu 2:24

Wali ojo karoonya komi mampopate yau i Yesu, i Pue Allah mampotuwu muni Ia yako ri kapateNya etu. I Pue Allah mangalapa Ia yako ri kuasa nu ngkapate apa kapate taa nakurang manganta’amaka Ia.

Palaong mPomakau i mPue Yesu 1:8

Pei tempo i Nosa Mapasing darata resi komi, tempo etu komi darawaika karoso. Pasi komi damawali matamanasangKu damangangkeni kareba yako resi Aku. Komi damangangkeni kareba etu resi tau to ri kota Yerusalem pasi tau to ri propinsi Yudea pasi Samaria, pasi rataka ri suogi lino.”

1 Petrus 3:9

Ne’e mamponsawak ane re’e tau to mangika maja’a resi komi. Pasi ne’e seja mampoja’a tau to re’e mampoja’a komi. Kasimbalinya yako etu, matao ane komi makai-kai mamporapika resi i Pue Allah see Ia mangawaika tau to mampoja’a komi etu rasi. Wali ane komi mangika ewa wetu, komi danawaika seja i mPue Allah rasi, apa etu semo naka pei komi napokio i mPue Allah, see komi maya damangarata seja rasi to Ia damangawaika kita to anaNya.

Palaong mPomakau i mPue Yesu 13:26

“Wali a’i-a’i to wiyaa i Abraham, pasi komi to si’a to Yahudi pei to mampalaika seja i Pue Allah saba manga’angga Ia, kita semo to napaponsanika i mPue Allah kareba si’i mangkonong ewa wimba kita rapalaes.

Palaong mPomakau i mPue Yesu 3:20

Apa ane ewa see Ia damangawaika komi kasanang ndaya to mampakaroso raya ngkomi. Pasi Ia damampokau i Yesu Kerisitu ma’i wo’u resi komi, apa i Yesu semo to Ia roomo mangampilis mawali Makole ngkomi.

Lukas 24:47

Pasi re’e seja gombo to ratulis to manganto’o saba yako kuasa i ngKerisitu, see naka tau damampakarebaka resi sa’e manganto’oka sira, ‘Pojea see dosa ngkomi tamo danakitanaka i mPue Allah.’ Wali kareba etu darapakarebaka ri kota Yerusalem ruyu panewa yako etu kareba etu darapakarebaka resi samparia bansa nto lino.

Matius 15:24

Wali i Yesu mangansono, to’oNya, “Aku rapokau ojo damangansawang to Israel to ewa domba to pusa.”

Palaong mPomakau i mPue Yesu 2:32

Wali i Yesu etu, Ia semo to nawangu muni i mPue Allah yako ri kapateNya, pasi kami samparia mawali matamanasa palaong etu.

Palaong mPomakau i mPue Yesu 3:13

I Pue Allah semo to mangika palaong to etu. Ia semo Allah to napue nu bue-bue ngkita tempo owi, etumo i Abraham, i Ishak, pasi i Yakub, apa sira mampakabae Ia. Wali i Pue Allah mampakatao witi ngkai si’i see to lino damangabarong kuasa nto PapolaongiNya, i Yesu. Wali i Yesu to na’angga i mPue Allah etu, Ia semo to nuposora yau ngkomi resi pomarenta. Pasi Ia semo to nupobo’o ngkomi ri tango i mPilatus tempo i Pilatus etu rani mangalapa muni Ia.

Roma 15:8

Ne’e rakalingan i Kerisitu nama’i mawali to papolaong nto Yahudi. Ia mangika ewa wetu mangabanang parajanji i mPue Allah resi bue-bue nto Yahudi tempo owi, see samparia tau manasa i Pue Allah taa mawuti.