Palaong mPomakau i mPue Yesu 3:13 - Tuntu i mPue ri Basa Taa

¹³ I Pue Allah semo to mangika palaong to etu. Ia semo Allah to napue nu bue-bue ngkita tempo owi, etumo i Abraham, i Ishak, pasi i Yakub, apa sira mampakabae Ia. Wali i Pue Allah mampakatao witi ngkai si’i see to lino damangabarong kuasa nto PapolaongiNya, i Yesu. Wali i Yesu to na’angga i mPue Allah etu, Ia semo to nuposora yau ngkomi resi pomarenta. Pasi Ia semo to nupobo’o ngkomi ri tango i mPilatus tempo i Pilatus etu rani mangalapa muni Ia.

Sura Magali Nuntu Ngkatuwu

¹³ I Pue Ala anu ndapanyomba i Burahima, i Saki, i Yako, Pue Ala ntau tuʼata, Pue Ala setu anu roo mampapeawa Ana-A inceʼemo i Yesu anu roomo ndipepombaika ri pale ntau anu makuasa, pai anu ndipombeewaka ri suara i mPilatu, ri napampepalika i mPilatu jaya da napalapa Sira.

Palaong mPomakau i mPue Yesu 3:13 Referans Kwoze

Palaong mPomakau i mPue Yesu 7:32

manganto’o, ‘Aku semo i Allah. Pasi bue-bue ngkorom tempo owi, i Abraham pasi i Ishak pasi i Yakub, sira samparia paka mampue mampakabae Aku.’ Wali ojo pandonge i Musa gombo i mPue Allah etu, ia rongko-rongko pasi ia tamo rani mangalo’aka junju to mawea etu apa meka rayanya.

Matius 22:32

’Aku semo Allah to napue i Abraham, pasi to napue i Ishak, pasi to napue seja i Yakub. (Posuwunya 3:6) Etu semo gombo i mPue Allah resi komi. Wali kita mangansani i Pue Allah Ia taa napue ntau to mate. Ia napue ntau to tuwu wali manasa nempo roomo namate yau koro i Abraham sira togo i Ishak pasi i Yakub, pei sira tiroowa tuwu ndate saruga apa nato’o i mPue Allah sira tiroowa mampue mampakabae Ia.”

Ibrani 2:9

Pei to kita mangansani, parajanji i mPue Allah etu rabanangimo apa saba i Yesu semo. Etu semo jaya to napake i mPue Allah mangabanang parajanjiNya etu. Kamonsonya, tempo i Yesu ma’i ri lino si’i, Ia rapakakodi pangkaNya see kodi wo’u sangkodi pei pangka mpomakau i mPue Allah. Ia mawali ewa wetu see Ia maya mangarata kasesa sampe mate yau mangkapateka samparia tau, apa saba kanoto i mPue Allah. Roo see, apa saba Ia buya rayaNya mate yau ewa wetu, see naka tempo si’i Ia nawaika i mPue Allah pangka to meyawa pasi to ra’angga.

Yohanes 19:15

Pei sira sakaboo, manganto’o, “Pate yau Ia! Pate yau Ia! Paku yaumo Ia ri kaju pasape!” Wali i Pilatus mampotanaka resi sira, ia manganto’o, “Gete komi, bara monso pu’u komi mamporani aku mangampaku makole ngkomi ri kaju pasape?” Wali kepala-kepala nto pampue manganto’o, “Ojo patanya i Kaisar semo makole mami. Tare to yusa!”

Yohanes 19:12

Wali tempo i Pilatus mangandonge gombo i Yesu etu, yako etu ia mangaliwu kojo jaya see maya mangalapa i Yesu. Pei tempo ia yau muni mampotango to Yahudi pei manganto’oka sira pampobuukanya, tempo etu to Yahudi sakaboo wo’u, sira manganto’o, “Ane komi mangalapa tau etu, batuanginya komi bali i ngKaisar, Makole nto Roma. Apa i sema tau to mampoanika makole ewa naika ntau etu, ia mangewa i Kaisar.”

Yohanes 18:40

Pei sira maroso loonya sakaboo, manganto’o, “Ne’e ralapa ngkai etu. I Barabas semo to kami rani!” Wali i Barabas etu, naka pei ia ratarungku apa ia samba’a tau to mangewa kojo pamorenta.

Pangkita 1:18

Aku semo to tuwu. Tempo ruyu Aku mate pei tempo si’i Aku tuwu singkasaenya. Wali Aku semo mangkuasang kapate ntau pasi mangkuasang lipu ntau mate.”

Pangkita 1:5

pasi yako resi i Yesu Kerisitu anu matamanasa to maya rasarumaka. I Yesu Kerisitu semo to uyunya rawangu muni yako ri kapateNya. Pasi Ia semo to mangkuasang samparia makole-makole to re’e ri lino si’i. Ia mamporayang kita pasi Ia roomo mangawaika raaNya damangalapas kita yako ri huku nu dosanta.

Palaong mPomakau i mPue Yesu 22:14

“Roo see i Ananias manganto’o, ‘I Pue Allah anu napue nu bue ngkita, Ia room mangampilis korom damangansani pamporaniNya. Ia mangampilis korom damangkita i Yesu anu to singkonong pei i Pue Allah, pasi mangandonge looNya mampogomboka korom.

Yohanes 12:16

Pei tempo etu kami to anaguru i Yesu tawa mangansani batuanginya palaong to mawali etu. Pei tempo i Yesu roomo nayau muni nto’u saruga pei mangoko muni kayawaNya, tempo etu panewa kami manasamo gombo to ratulis yami mangkonong Makole to mampolea keledai etu, gombo etu mangkonong i Yesu semo. Pasi tempo etu panewa kami manasa seja mangkonong boros wo’u gombo to natulis yami nto pantuntu tuntu i mPue Allah tempo owi. Wali kami mangansani gombo etu seja mangkonong i Yesu apa kami mangkita palaong to roomo naika ntau resi Ia.

Yohanes 7:39

Wali etu semo ligi to nato’o i Yesu. Ane ri ligi etu, ue to mangawai katuwu batuanginya i Nosa Mapasing to dama’i damaroo ri raya ntau to mangaya i Yesu. Pei tempo etu i Nosa Mapasing tawa rawaika resi tau apa i Yesu tawa tiokotaka muni nto’u saruga. Wali ane tempo Ia datiokotaka muni nto’u saruga etu, tempo etu Ia damangoko muni kayawaNya.

Lukas 23:4

Wali roo see i Pilatus manganto’oka kepala-kepala nto pampue pasi tau boros, ia manganto’o, “Aku taa mangarata palaong to naika ntau si’i to masipato rahuku.”

Markus 15:11

Pei tempo i Pilatus mampotanaka tau boros etu, kepala-kepala nto pampue sira manganto’oka tau boros, “Anu kita mamporapika resi i Pilatus see ia mangalapa i Barabas, si’a i Yesu.” Wali tau boros etu sakaboo manganto’oka i Pilatus ewa wetu.

Matius 28:18

Wali i Yesu ma’i ri awe mami pei manganto’o, “Samparia kuasa to re’e ri saruga pasi to re’e ri lino si’i roomo nakuasangika i mPue Allah Aku.

Matius 27:2

Roo sira magombo etu, sira mangampungu i Yesu panewa mangkeni Ia resi gubernur nto Roma, i Pilatus.

Matius 20:19

Pasi sira damangawaika Aku resi tau to si’a to Yahudi panewa tau etu damampokore Aku pasi damampedas seja Aku. Roo see sira damampopate yau Aku mangampaku Aku ri kaju pasape. Pei ri rayanya togo eo Aku damambangu muni yako ri kapatengKu.”

Matius 11:27

Wali yako etu i Yesu manganto’o wo’u, “Samparia anu to re’e roomo nasarumakaka mPa’angKu resi Aku. Wali tare to maya mangansani kojo Aku, Ana i mPue Allah, kasimbalinya yako Pa’angKu. Pasi tare to maya mangansani kojo i Pue Allah, Pa’angKu, kasimbalinya yako Aku to AnaNya. Pei ane mangkonong tau, ojo tau to Aku rani mampaponsanika mangkonong Pa’angKu, ojo tau etu maya mangansani seja Ia.

Posuwunya 3:13

Pei i Musa manganto'oka i Pue Allah, to’onya, “Ane rapanya aku yau resi tau Israel pei manganto'oka sira, ‘I Pue Allah to napakabae nu bue-bue ngkomi, Ia semo to nampokau aku ma’i resi komi’, ane ewa see sira bara damampotanaka resi aku. Sira damanganto'o, ‘I sema sanga i mPue Allah etu?’ Wali ane ewa see, wimba dakuika mangansono sira?”

Posuwunya 3:15

Wali roo see i Pue Allah manganto'oka wo'u i Musa, “To'oka tau Israel, 'I Pue Yawe, Allah to napakabae nu bue-bue ngkomi tempo owi, etu semo i Abraham, i Ishak, pasi i Yakub, Ia semo to nampokau aku ma'i resi komi.’ Ewa wetu to danato’oka ngkorom sira. Wali Aku i Pue Yawe. Etu semo sangangKu rataka ri singkasaenya. Pasi etu semo sangangKu to danato'oka ntau pasi samparia wiyaanya rataka ri singkasaenya.

Lukas 6:37

Wali yako etu i Yesu manganto’o wo’u, to’oNya, “Tempo komi mangabotus sa’e, ne’e mampakasala sira see komi taa seja darapakasala. Pasi ne’e manganto’o sa’e masipato darahuku see komi taa darahuku. Kasimbalinya yako etu, ane sa’e mangika sala resi komi, lapa salanya etu see komi daralapa seja salamu.

Yohanes 19:11

Wali i Yesu manganto’o, “Ane si’a i Pue Allah mangawaika komi kuasa etu, komi taa kojo re’e kuasa damangika bara kesaa resi Aku. See naka tau to nangawaika yau Aku resi komi, tau etu semo to bae-bae salanya pei komi.”

Palaong mPomakau i mPue Yesu 3:12

Wali tempo i Petrus mangkita tau boros to mampago sira etu, ia manganto’oka sira, to’onya, “A’i-a’ingku to Israel, maka pei komi ipu rayamu mangkita ngkai si’i malinja? Maka pei mangalo’aka kojo resi kami? Wimba, komi bara mampobuuka ngkai si’i naka pei nakurang malinja bara saba yako ri kuasa mami dua, bara saba yako lengko mami dua to mampakasanang i Pue Allah? Gete, si’a kojo kami to mampakatao ia.

Palaong mPomakau i mPue Yesu 3:26

Wali i Pue Allah mangampilis to PapolaongiNya, i Yesu, panewa mampokau Ia ma’i resi kita ruyu, damampakasanang kita. Wali ewa si’i nikaNya mampakasanang kita, Ia mangansawang kita samba’a pei samba’a see kita rani mangandolika tangonta yako ri palaong ngkita to maja’a.”

Palaong mPomakau i mPue Yesu 4:27

O Pue, tibanang kojo gombomu etu apa i Makole Herodes pasi i Pontius Pilatus sira siromu ri kota si’i seore sindara-ndara pei tau to Yahudi pasi to si’a to Yahudi. Tempo etu sira mansongka mangewa i Yesu, to papolaong ngKomi to mapasing to nupilis ngKomi damawali Makole.

Palaong mPomakau i mPue Yesu 4:30

Pasi kuporapika seja resi Komi see Komi damampaponsanika tau kuasaMu tempo sira mangkita tau to rapakatao muni yako ri panyaki, pasi tempo sira mangkita palaong to yusa to taa rapobiasa to mawali tondong resi sira pasi palaong to mampakaipu raya nsira. Palaong to etu damawali saba yako kuasa i Yesu, to papolaong ngKomi to mapasing.” Etu semo pakai-kai nu yunu i mPetrus sira dua i Yohanes.

Palaong mPomakau i mPue Yesu 24:14

Pei re’e sanjaya to aku mampongakung resi komi, Pa’a, etu semo aku mampue mampakabae i Pue Allah anu napakabae nu bue-bue mami. Tempo aku mampue mampakabae i Pue Allah etu, aku mampue singkonong pei Jaya to nato’o i Yesu. Jaya etu nato’oka ntau aliran. Pei aku tiroo seja kuaya samparia to ratulis ri raya mporenta i Musa pasi to natulis nto pantuntu tuntu i mPue Allah tempo owi.

Roma 9:5

Sira semo wiyaa i Abraham, i Ishak, i Yakub pasi bue-bue nsira to yusa tempo owi. Pasi i Kerisitu, Makole Parajanji i mPue Allah, tempo Ia mawali to lino Ia rapoanaka yako ri wiyaa nsira seja. I Kerisitu etu Ia semo Allah anu mangkuasang samparia, wali masipato Ia rabarong rataka singkasaenya. Amin.

Lukas 22:57

Pei i Petrus mamposapu gombonya, ia manganto’o, “Indo, aku taa kunsani ngkai to to’o ngkorom etu!”