Palaong mPomakau i mPue Yesu 28:30 - Tuntu i mPue ri Basa Taa

³⁰ Wali yako etu i Paulus maroo-roo nja’u kota Roma dua nto’u kasaenya. Tempo etu doi sewa banua to nakaroo ia semo mangabayar. Wali ri rayanya dua nto’u etu ia masanang kojo mayunu resi samparia tau to rata resi ia.

Sura Magali Nuntu Ngkatuwu

³⁰ Rua ntaʼu kasaenya karoo-roo i mPaulu ri Roma ri banua anu nasaro ngkalionya. Mawongko rayanya mancabe tau anu maʼi madadu siʼa.

Palaong mPomakau i mPue Yesu 28:30 Referans Kwoze

Palaong mPomakau i mPue Yesu 28:29

Wali ojo karoonya i Paulus manganto’o gombo etu, to Yahudi etu miyai yako ri banuanya, sira matingka samba’a pei samba’a.

Palaong mPomakau i mPue Yesu 28:31

Pasi ia taa meka mampakarebaka tau nja’u ria mangkonong ewa wimba i Pue Allah mawali Makole nto lino pasi ia taa seja meka mampotundeka sira mangkonong i Pue Yesu Kerisitu, Makole parajanji i mPue Allah. Pasi tempo ia mangika palaong etu tare tau to manganto’oka ia ne’e mangika. Tau ojo mangabiaka palaong to ia mangika etu.

Pilipi 1:13

Apa samparia tentara to mangajagang kami to ratarungku ri raya banua makole si’i pasi samparia tau to yusa, sira paka manasa naka pei aku ratarungku apa saba aku mampakarebaka tau mangkonong i Kerisitu.

Yohanes 1:39

Wali i Yesu manganto’oka sira, “Yau lulu Aku see komi damangkita.” Wali sira yau resi i Yesu pei mangkita tampa nakaroo. Tempo etu bara jam opo rede eo, wali sira maroo-roo resi i Yesu nja’u tampa nakaroo etu, panewa ojo kawenginya rao, sira yau muni njo’u lipu nsira.

Palaong mPomakau i mPue Yesu 19:21

Wali ojo karoonya palaong etu nawali, i Paulus mansongka dayau ndeku Yerusalem liu ri Makedonia pasi Akhaya. Ia manganto’o, “Ane room aku mayunu-yunu resi tau nja’u ria to tao-tao aku yau seja njo’u kota Roma.”

Palaong mPomakau i mPue Yesu 24:27

Pei yako etu, ojo kagananya dua nto’u, i Peliks ia rabolosika yau i Perkius Pestus. Wali i Perkius Pestus semo to mawali gubernur. Pei tempo i Peliks tawa rabolos, tempo etu ia rani mampakasanang to Yahudi, wali see naka ia taa mangalapa i Paulus yako ri raya ntarungku.

Palaong mPomakau i mPue Yesu 28:16

Yako etu kami rata ri kota Roma. Ojo karata mami nja’u ria i Paulus pasi yununya to rata’amaka seja nawaika yau ngkepala ntentara resi kepala ntau to mangajagai makole nja’u ria. Pei i Paulus ia taa ratarungku. Ia nabiaka mpomarenta Roma maroo-roo ri banua sindara-ndara pei samba’a tentara to mangajagai ia.

Roma 15:32

Pasi pokai-kai seja see ane singkonong pei pamporani i mPue Allah aku maya rata resi komi ri kasanang ndaya, pasi maya mawali maroso wo’u rayangku sindara-ndara pei komi.

2 Korintus 6:5

Kami mangainsoka tempo ratidas, pasi ratarungku, pasi narotai ntau boros. Kami mangainsoka seja tempo mandasai mapalaong, pasi taa gana yore, pasi taa seja gana pangkoni. Wali bae kojo kasesa mami etu.

2 Korintus 11:23

Wali monso pu’u gombongku si’i ewa gombo ntau to bea, pei aku tiroo mampakapolas gombongku to tabaro si’i. Apa ane tau etu manganto’o, “Kami to papolaong i ngKerisitu,” kamonsonya aku semo to manganangi sira mangika palaong i ngKerisitu. Apa aku semo to roso-roso mapalaong, pasi aku semo to mapari kojo naika ntau mangawotu-wotu, pasi aku semo to malagi ngkani ratarungku, pasi to malagi ngkani mosu rapopate yau.

2 Timotius 1:17

Kasimbalinya yako etu, ojo karatanya ri kota Roma si’i, ia mangaliwu kojo aku sampe ia mangarata aku rire.

2 Timotius 4:2

Etu semo, pakarebaka tuntu i mPue Allah. Pasi pakaroso rayamu pasi pakayoa see bara matao temponya bara taa matao temponya, korom nukurang mansaka mampakarebaka tau tuntu i mPue. Pakakonoka tau to taa kono pangayanya, seko tau to maja’a lengkonya, pasi paposiaka tau see sira mangaluluka i Pue. Pasi tempo korom mangika palaong to etu ne’e mosa mampakabae sabaramu pasi mampotundeka tau.