Palaong mPomakau i mPue Yesu 28:15 - Tuntu i mPue ri Basa Taa

¹⁵ Wali ri katawanya kami rata nja’u kota Roma, pua’i-pua’i mami to samba’a pangaya to maroo ri kota etu sira re’e mangandonge kareba mangkonong kama’i mami. Wali sira ma’i mangantomu kami ri Pasar Apius pasi ri tampa to rato’oka Tres Taberne. Wali ojo pangkita i mPaulus sira ia makai-kai manganto’oka i Pue Allah tarima matao. Pasi ia rapakaroso rayanya.

Sura Magali Nuntu Ngkatuwu

¹⁵ Waʼa ngkasangkompo ri Roma anu meayamo ri Yesu, nadongemo bambari kono kami, painaka maʼi tau seʼe mantomu kami rata-rata ri Pasari Apiu pai Pasanggaraha Tatogo. Pomberata i mPaulu pai tau seʼe naunde kapuru ndaya mPue Ala pai marosomo raya ntau seʼe.

Palaong mPomakau i mPue Yesu 28:15 Referans Kwoze

Ibrani 13:3

Pasi ne’e seja kalingan yunu ngkomi to ratarungku. Porayang sira ewa nuporani sa’e mamporayang komi ane ratarungku seja sindara-ndara pei sira. Pasi ne’e mangkalingan tau to nasesai nsa’e, apa komi re’e seja koro to maya nasesai nsa’e.

Roma 15:24

see naka aku mansongka liu mandoo resi komi tempo aku yau njo’u tana Spanyol. Aku masanang kojo damayunu-yunu nempo ojo sangkodi temponya resi komi, pasi roo see aku damasanang seja mangantima pansawang ngkomi tempo aku dapolas wo’u njo’u Spanyol.

Galatia 4:14

Pasi tempo aku masaki etu, mandasai kojo nuepe ngkomi mangansawang aku. Pei nempo panyaki to si aku mawali soba resi komi, pei komi taa mampobo’o bara mampolime aku. Kasimbalinya yako etu, komi masanang mangantima aku. Rapanya ewa nuika ngkomi mangantima pomakau i mPue Allah yako ndate saruga, bara mangantima i Kerisitu Yesu semo, ewa wetu seja inika ngkomi mangantima aku seore.

Palaong mPomakau i mPue Yesu 21:5

Pei nempo ewa see, ojo kagananya pitu mbengi kami nja’u nja’u ria, kami polas wo’u. Tempo kami polas etu, samparia tau to mangaya pasi indo nu ananya pasi ananya yau mangantambo kami lo’u wii ntasi ri sambali ngkota. Tempo la’u la’u wii ntasi etu kami mambokotu panewa makai-kai sindara-ndara pei sira, panewa roo see kami masimang resi sira.

Palaong mPomakau i mPue Yesu 10:25

Wali ojo karata i mPetrus ri banua i ngKornelius, i Kornelius ma’i mangampago. Ia madungku yau ri tango mbiti i mPetrus panewa mampue resi ia saba mampakabae ia.

Yohanes 12:13

Wali sira mangantoto ira to ewa ira nu wai to danapake nsira mangangalis jaya apa manga’angga i Yesu, apa ewa see ada nsira to Yahudi ane rata tau to bae angganya. Wali ojo pangoko nsira ira etu, sira yau mangantomu i Yesu. Sira maroso loonya sakaboo, sira manganto’o, “Tau si’i semo Makole nto Israel to ma’i napokau i mPue! Wali barong Ia!” Etu semo gombo to nato’o ntau boros.

Posuwunya 4:14

Wali ojo pangandonge i mPue Yawe gombo i Musa etu, Ia mawali maja'a rayaNya resi i Musa, pei nempo ewa see, Ia manganto'oka i Musa, to’oNya, "Wimba ane tukaka ngkorom, i Harun, to Lewi etu? Aku Kunsani ia pande magombo pasi Aku Kunsani ia re'emo ri raya mpalinjanya ma'i damangantomu korom. Wali ia damasanang kojo tempo simparata pei korom.

1 Tesalonika 3:7

Wali a’i-a’i, kami mangarata kasusa pasi kasesa, pei nempo ewa wetu kami tiroo maroso raya mami saba yako kareba mangkonong komi etu, apa kami kunsani pangaya ngkomi tiroo maroso.

2 Korintus 2:14

Pei nempo taa lindo rayangku seore, aku tiroo manganto’oka i Pue Allah tarima matao. Apa Ia sangkani mangansawang kami naka pei bali mami nangi. Naka pei Ia mangansawang kami apa saba kami samba’a pei i Kerisitu. Pasi Ia mangampake kami damampakarebaka resi tau ri ponto ponto lipu kareba mangkonong i Kerisitu. Wali kareba etu raporapaka ewa anu to magaya kojo waunya.

Palaong mPomakau i mPue Yesu 1:15

Wali re’e seore, tempo sira siromu mangampea sora yako resi i Pue Allah etu, re’e siromu tau satu pei dua mpuyu mba’a to paka samba’a pangayanya. Tempo sira siromu etu, i Petrus makore ri oyonya pei magombo, ia manganto’o,

Palaong mPomakau i mPue Yesu 10:23

Wali ojo pangandonge i mPetrus gombo ntau etu ia manganto’oka sira, “Pasua pei yore rire.” Wali sira masua ri raya banua etu. Wali yako etu, ojo kaeonya rao i Petrus sira opo mayoko dayau njo’u kota Kaisarea. Pasi re’e seja sawei mba’a yunu nsira to samba’a pangayanya yako ri kota Yope, yau mangalulu sira opo etu.

Palaong mPomakau i mPue Yesu 11:1

Wali yako etu re’e tau to mampakarebaka resi tau ri propinsi Yudea manganto’oka sira mangkonong tau to si’a Yahudi etu sira mangaya seja tuntu i mPue Allah. Wali pomakau i mPue Yesu pasi samparia pua’i to samba’a pangayanya to re’e ri propinsi Yudea, sira mangandonge seja kareba etu.

Palaong mPomakau i mPue Yesu 11:12

Wali i Nosa Mapasing manganto’oka aku, ‘Ne’e bata-bata rayamu mangalulu sira.’ Wali aku yau mangalulu sira pasi yunu ngkita to ono si’i sira seja mangalulu aku njo’u Kaisarea. Wali rata nja’u Kaisarea, kami masua ri raya banua ntau to nampokau tau ma’i resi aku etu.

Palaong mPomakau i mPue Yesu 12:17

Yako etu i Petrus mangokotaka palenya, batuanginya see tau boros etu damaroti, panewa ia mangansaritaka sira mangkonong ewa wimba naika i mPue mangkeni muni ia yako ri raya ntarungku. Pasi ia seja manganto’oka sira, “Paponsanika seja i Yakobus pasi pua’i ngkita to yusa mangkonong palaong to mawali si’i.” Wali ojo karoonya ia mampogomboka sira etu, ia mayoko dayau wo’u njo’u lipu to yusa.

Palaong mPomakau i mPue Yesu 28:14

Wali nja’u Putioli etu kami mana’u yako ri bangka panewa simparata pei bara sawei mba’a pua’i to samba’a pangaya. Sira mangansale kami maroo resi sira pitu mbengi kasaenya. Wali ojo kagananya pitu mbengi etu kami mayoko pei malinja mbiti dayau njo’u kota Roma.