Palaong mPomakau i mPue Yesu 27:4 - Tuntu i mPue ri Basa Taa

⁴ Wali ojo karata muni i Paulus ri bangka, kami malayag wo’u. Pei tempo kami malayag etu marimbo kojo ngoyu yako ri tangonya, wali see naka kami liu ri wii mpulo Siprus see taa kono ngoyu marimbo etu.

Sura Magali Nuntu Ngkatuwu

⁴ Ungka njairia mosumomba mpaliu kami. Ua pewui ngoyu marimbo ungka ri dulungi, mosumombamo kami malulu wiwi ntasi togongi Kiperu, mampetatondoka ngoyu.

Palaong mPomakau i mPue Yesu 27:4 Referans Kwoze

Palaong mPomakau i mPue Yesu 4:36

Wali ewa wetu seja naika ntau to sanganya i Yusup. Ia mampobalu yau seja tananya, panewa doi oli ntana etu ia mangkeni seja ri tango mbiti mpomakau i mPue Yesu. I Yusup etu ia semo to Yahudi to yako ri wiyaa i Lewi pasi ia yako ri pulo Siprus. Ia seja nasangaka mpomakau etu i Barnabas. Barnabas batuanginya, “tau to mampakaroso raya nsa’e.”

Palaong mPomakau i mPue Yesu 27:7

Pei tempo kami malayag etu bara sawei mbengi kasaenya malengi kojo bangka mami etu apa marimbo ngoyu to yako ri tangonya. Pasi kami mandasai kojo mangampomosuk kota Knidus. Tare pandoonya ngoyu marimbo etu wali see naka kami taa rakurang polas tondo kasoyo nu eo etu, wali kami jamo malayag tondo selatan mangalulu wii mpulo Kreta liu ri urung Salmone, apa ane nja’u ria tamo marimbo kojo ngoyu.

Palaong mPomakau i mPue Yesu 21:16

Tempo kami yau etu, re’e seja bara sawei mba’a tau to anaguru i mPue Yesu to yako Kaisarea yau seja mangalulu kami ndeku Yerusalem, panewa rata ndate ria sira mangawawa kami njo’u banua i Manason apa kami damaroo ri banuanya etu. I Manason etu ia yako ri pulo Siprus pasi ia masaemo mawali anaguru i mPue Yesu.

Palaong mPomakau i mPue Yesu 21:3

Ri raya mpalayag mami etu, kami mangkita pulo Siprus ri tondo ngkii mami pei kami taa mandoo nja’u ria, kami ojo polas mampago nja’u propinsi Siria. Nja’u propinsi Siria etu kami mansomponaka ri palabuan nja’u kota Tirus apa ngaya-ngaya to re’e ri bangka daratauraka ri palabuan etu.

Palaong mPomakau i mPue Yesu 15:39

Wali i Paulus sira dua i Barnabas matingka, see naka sira dua maga’a yau. Wali i Barnabas mangkeni Markus panewa sira dua mapone ri bangka pei malayag yau njo’u pulo Siprus.

Palaong mPomakau i mPue Yesu 13:4

Wali yako etu i Nosa Mapasing mampokau i Barnabas sira dua i Saulus yau lo’u kota Seleukia la’u wii ntasi. Wali see naka sira dua yau lo’u ria. Ojo karatanya la’u ria sira mapone ri bangka malayag njo’u pulo Siprus.

Markus 6:48

Wali tempo etu i Yesu mangkita anaguruNya mandasai kojo naepenya mangawose bangka apa ngoyu marimbo yako ri tangonya. Wali ojo kamosueonya i Yesu yau mangampago anaguruNya etu, Ia malinja ri wawo nu ue. Tempo Ia malinja ri wawo nu ue etu Ia mangika ewa damaliunaka bangka nu anaguruNya.

Matius 14:24

Pei tempo etu bangka mami longkomo yako ri wii ndano pasi kanggoli-nggoli naika nu bombang, apa ngoyu marimbo yako ri tangonya.

Lukas 8:22

Wali re’e seore i Yesu manganto’oka anaguruNya, “Yaumo kita njo’u sambote ndano.” Wali sira mapone ri bangka panewa sira malayag.