Palaong mPomakau i mPue Yesu 26:22 - Tuntu i mPue ri Basa Taa

²² Pei nempo ewa wetu pamporani nsira, i Pue Allah re’e mangansawang aku yako ri tempo etu rataka seo si’i. Wali see naka aku tiroo tuwu pei makore ri tango ngkomi sire. Pasi aku mangansaritaka samparia tau, to bose angganya pasi to taa bose angganya mangkonong anu to monso. Pasi anu to kuto’o si’i sewaju kojo pei to nato’o yami i Musa pasi to pantuntu tuntu i mPue Allah to yusa tempo owi.

Sura Magali Nuntu Ngkatuwu

²² Paikanya nakarataka sandeme seʼi yaku ndakariani i mPue Ala, painaka kukoto mekakore ireʼi mamparata posabiku ri pura-pura – waʼa ntau anu bangke bara waʼa ntau anu kodi katuwunya. Nunjaa anu kupau seʼi bareʼe ntaninya ewa anu nawati waʼa nabi pai i Musa;

Palaong mPomakau i mPue Yesu 26:22 Referans Kwoze

Palaong mPomakau i mPue Yesu 24:14

Pei re’e sanjaya to aku mampongakung resi komi, Pa’a, etu semo aku mampue mampakabae i Pue Allah anu napakabae nu bue-bue mami. Tempo aku mampue mampakabae i Pue Allah etu, aku mampue singkonong pei Jaya to nato’o i Yesu. Jaya etu nato’oka ntau aliran. Pei aku tiroo seja kuaya samparia to ratulis ri raya mporenta i Musa pasi to natulis nto pantuntu tuntu i mPue Allah tempo owi.

Yohanes 5:46

Apa ane komi monso pu’u mangaya to natulis i Musa etu, ane ewa see komi damangaya seja Aku, apa i Musa nangantulis mangkonong Aku semo.

Palaong mPomakau i mPue Yesu 10:43

Wali samparia to pantuntu tuntu i mPue Allah tempo owi, sira magombo mangkonong i Yesu etu, sira manganto’o i sema tau to mangaya Ia sira tamo rakitanaka dosanya apa saba kuasa to si Ia.”

Lukas 24:44

Roo see Ia manganto’oka sira, “Komi mangkita monso pu’u Aku si’i roomo mambangu muni yako ri kapatengKu, wali si’i semo to Aku manganto’oka yami komi tempo Aku tiroowa re’e resi komi seore. Tempo etu Aku manganto’oka komi taa maya taa tibanang samparia to ratulis yami mangkonong Aku ri porenta i Musa pasi ri buku-buku to natulis nto pantuntu tuntu i mPue Allah tempo owi, pasi ri buku Masmur.”

Lukas 24:27

Wali roo see i Yesu mampotundeka sira dua. Ia mula ri buku to natulis i Musa pasi samparia buku to natulis nto pantuntu tuntu i mPue Allah tempo owi. Wali Ia mangampake samparia tuntu i mPue Allah to ratulis etu mangampakanasaka resi sira dua anu to ratulis mangkonong koroNya. Wali sira ndende rayanya mangandonge anu to napotundeka i Yesu sira etu.

Pangkita 15:3

Wali tau to makore ri wii ntasi etu, sira mamponyanyika nyanyi i Musa, to papolaong i mPue Allah, pasi nyanyi nu Ana Domba. Nyanyi etu manganto’o, “O Pue Allah anu Makuasa, palaong ngKomi maroso pasi mampakaipu raya ntau! O Makole to singkasaenya, palaong ngKomi monso pasi singkonong pei anu to Komi room manganto’o!

Roma 3:21

Pei si’i-si’i i Pue Allah room mampaponsanika to lino jaya to nikaNya see kita maya rato’o tare dosanta. Jaya etu si’a kita mangalulu porenta. Jaya etu semo jaya to rato’o yami ri raya buku-buku mporenta i Musa pasi ri raya buku-buku nto pantuntu tuntu i mPue Allah tempo owi.

Palaong mPomakau i mPue Yesu 28:23

Wali yako etu kepala-kepala nto Yahudi etu sira mangampilis eonya dasimparata wo’u pei i Paulus. Wali ojo karatanya eonya to rapilis etu, boros kojo tau to siromu nja’u banua i mPaulus. Wali yako kaeonya rao rataka wengi rao i Paulus mampogomboka sira. Ia mampakanasaka sira mangkonong ewa wimba i Pue Allah mawali Makole nto lino. Pasi ia mangabasaka sira yako ri porenta i Musa pasi yako ri buku nto pantuntu tuntu i mPue Allah, panewa yako ri gombo to basanya etu ia mampaponsanika sira mangkonong i Yesu apa ia rani tau etu damangaya seja.

Palaong mPomakau i mPue Yesu 26:17

Pasi Aku damampalaes korom tempo korom danapoja’a nu yunumu to Yahudi pasi tau to si’a to Yahudi. Pasi Aku damampokau korom dayau resi tau to si’a to Yahudi.

Palaong mPomakau i mPue Yesu 26:6

Wali aku rabotus si’i apa saba aku mansarumaka parajanji to naparajanjika i mPue Allah bue-bue ngkita tempo owi, etu semo Ia damangawangu tau yako ri kapatenya.

Yohanes 5:39

“Wali komi madota kojo maguru tuntu i mPue Allah, apa komi mampobuuka ane maguru tuntu i mPue Allah komi damangarata katuwu to singkasaenya. Wali tuntu i mPue Allah to nupoguru ngkomi etu, tuntu etu mampakanasa mangkonong Aku.

Yohanes 1:45

Pasi i Pilipus etu yau mangaliwu samba’a yununya to sanganya i Natanael panewa ojo pangaratanya, ia manganto’oka i Natanael etu, “Kami re’e mangarata Makole parajanji i mPue Allah, tau to napaponsanika yami i Musa tempo ia mangantulis porentanya, pasi to napaponsanika yami seja nto pantuntu tuntu i mPue Allah tempo sira mangantulis tuntuNya etu. Wali tau to napaponsanika nsira etu, etu semo i Yesu to Nasaret, ana i Yusup.” Etu semo to nato’oka i mPilipus i Natanael.

Yohanes 1:17

Apa bae batuanginya porenta i mPue Allah to naporataka i Musa bue-bue ngkita tempo owi. Pei nempo bae batuanginya porenta etu, bae wo’u batuanginya kanoto i mPue Allah to napaponsanika i Yesu Kerisitu kita ri tempo si’i. Pasi bae wo’u batuanginya samparia anu to to’oNya mangkonong i Pue Allah, pasi samparia to to’oNya etu paka monso pu’u.

Lukas 24:46

Ia manganto’oka sira, “Si’i semo to ratulis, to’onya I Kerisitu, Makole parajanji i mPue Allah, Ia taa maya taa mangarata kasesa pasi mambangu muni yako ri kapateNya ri rayanya togo eo.

Pangkita 20:12

Panewa aku mangkita seja tau mate to tawa rawangu muni, sira rawangu muni seja. Tasi re’e mampaposuwu muni lemba ntau mate to re’e ri rayanya. Pasi Kapate pasi Lipu nTau Mate mampaposuwu muni seja tau to mate to re’e resi sira. Panewa Kapate pasi Lipu nTau Mate etu, sira rapanasoka yau seja lo’u rano nu apu. Rano nu apu etu semo kapate to kadua. Wali yako etu tau to mate to owo rawangu muni, to tu’am pasi to mangurawa, sira samparia mampotango gadera Makole. Panewa re’e buku-buku to raloka. Buku-buku to raloka etu nja’u ratulis mangkonong palaong to naika ntau etu. Wali sira rabotus singkonong pei palaong to naika nsira to nja’u ratulis nja’u raya buku etu. Panewa re’e wo’u samba’a buku to raloka, buku etu semo buku ngkatuwu.

Pangkita 11:18

Tempo Komi mawali Makole, tau to si’a to Yahudi, sira maja’a kojo rayanya resi Komi. Pei ratamo temponya Komi mangahuku sira apa maja’a rayaMu resi sira. Ratamo temponya Komi mangabotus tau to matem, pasi mampakaja’a sira to mampakaja’a lino. Pasi ratamo seja temponya Komi mangawai ntanapa resi to papolaongiMu, pasi resi to pantuntu tuntuMu, pasi resi tau to Komi Puenya, pasi resi sira to manga’angga Komi. Tau to damayunuwa pasi tau to bosemo, samparia danuwaika ngKomi ntanapanya.”

2 Timotius 3:11

Korom mangansani seja ewa wimba aku nasesai ntau pasi mangarata soba, pasi mangkonong samparia to mawali resi aku seore tempo nja’u kota Antiokia, Ikonium pasi Listra. Mapari kojo naika ntau mangansesai aku nja’u kota-kota etu, pei i Pue Allah mampalaes aku yako samparia kasesa to etu.

Matius 26:24

Aku, Wiyaa nto Lino, Aku damate ewa to roomo rapakanasa yami ri raya ntuntu i mPue Allah. Pei tau to damamposora yau Aku, ia damasesa kojo. Wali to tao-tao ane ia taa ipoanaka.”

Lukas 16:28

Apa dalima mba’awa tua’ingku. Wali to’oka ia mampatiendoka sira mangkonong anu to monso see sira taa dama’i seja ri tampa to masesa si’i.’

Palaong mPomakau i mPue Yesu 13:29

Wali sira mangika resi i Yesu samparia to natulis yami nto pantuntu tuntu i mPue Allah tempo owi mangkonong palaong to damawali resi Ia, panewa roo see re’e wo’u tau to mantauraka lembaNya yako ri kaju pasape panewa mampoduli ri raya mbayau mbatu.

1 Korintus 15:3

Apa aku namporata resi komi kareba to aku room mangantima pasi to bae kojo batuanginya. Etu semo i Kerisitu mate apa saba dosa ngkita, singkonong ewa to ratulis yami ri raya ntuntu i mPue Allah.

1 Korintus 15:4

Roo see Ia rapongkeli panewa roo see ri eo to katogo Ia rawangu muni yako ri kapateNya singkonong ewa to ratulis yami ri raya ntuntu i mPue Allah.