Palaong mPomakau i mPue Yesu 26:11 - Tuntu i mPue ri Basa Taa

¹¹ Pasi mandudu ngkani aku mangansesai sira nja’u samparia banua-banua to napampotunde nto Yahudi. Aku rani mampakasaaka sira manto’o maja’a i Yesu. Pasi nempo nja’u kota ntau to yusa aku yau seja mangansesai sira apa mapoi kojo rayangku resi sira.”

Sura Magali Nuntu Ngkatuwu

¹¹ Maria ngkani yaku majeani waʼa ntau seʼe ri waʼa banua mpekakai, tau seʼe kuriso da naka mampesapuka peaya ndayanya. Makodi kojo rayaku ri waʼa ntau seʼe, painaka malai yaku maduduki tau seʼe ri kota ntaninya.”

Palaong mPomakau i mPue Yesu 26:11 Referans Kwoze

Palaong mPomakau i mPue Yesu 22:19

“Wali aku manganto’o, ‘Pue, sira damangaya kojo, apa sira mangansani kojo lengkongku tempo seore. Sira mangansani ewa wimba nikangku masua ri rayanya samparia banua to napampotunde nto Yahudi pei mangantarungku pasi mangantidas tau to mangaya Komi.

Palaong mPomakau i mPue Yesu 13:45

Pei tempo kepala-kepala nto Yahudi mangkita tau boros etu mangampago i Paulus sira dua Barnabas, sira timopo kojo rayanya wali sira mangabanta gombo to nato’o i mPaulus pasi manto’o maja’a ia.

Matius 10:17

Pei jagai kojo tau, apa re’e tau to mangewa anu to nupakarebaka ngkomi, see naka sira damamposora komi resi kepala-kepala nu agama. Pasi sira damangansamparika komi kayoro nja’u banua-banua to napampotunde nsira.

Palaong mPomakau i mPue Yesu 22:5

Wali kepala nto pampue pasi samparia to pobotus nto Yahudi sira semo matamanasa mangkonong palaongingku etu. Apa sira semo to nangawaika aku sura kuasa see aku maya yau resi ja’i ngkita to Yahudi nja’u kota Damsyik. Wali tempo aku yau seore njo’u kota Damsyik etu, aku mansongka damangansoko tau to mangalulu i Yesu nja’u ria. Aku damampungu sira pasi mangkeni ma’i ri Yerusalem si’i darahuku.

Palaong mPomakau i mPue Yesu 9:1

Wali ri tempo etu seja i Saulus tamo re’e pandoonya mangarai pasi rani mampopate yau anaguru i mPue. Ia yau mampotango kepala nto pampue to bae angganya,

2 Petrus 2:16

Pei i Bileam naseko ngkeledai! Kamonsonya keledai etu ojo keledai to biasa. Pei yako kuasa i mPue Allah, see naka keledai etu magombo ewa tau pei manganseko i Bileam apa saba palaong to maja’a to inikanya. Wali see naka i Bileam mandoo yau mangika palaong to ewa palaong ntau to bea etu. Pei nempo ewa wetu, tau to mampotundeka anu to taa monso, sira tiroowa mangalulu lengko i Bileam to ruyu etu.

Yakobus 2:7

Pasi tau sugi seja to manganto’o maja’a sanga i Yesu Kerisitu to masipato ra’angga pasi to nululu ngkomi.

Palaong mPomakau i mPue Yesu 18:6

Pei to Yahudi etu sira mangewa pasi manto’o maja’a ia, wali i Paulus mantantamaka awu ntana to re’e ri pakenya mangika tondong ia taa kojo singkonong pei sira. Ia manganto’oka sira, “Ane komi mangarata huku si’a salangku, sala ngkomi semo. Wali yako tempo si’i aku dayau damampakarebaka kareba matao resi tau to si’a to Yahudi.”

Lukas 21:12

Wali yako etu i Yesu manganto’oka wo’u anaguruNya, to’oNya, “Ewa wetu palaong to damawali, pei tempo tawa mawali palaong to etu, komi danasoko pasi danasesai ntau. Komi darabotus nja’u banua-banua to napampotunde nto Yahudi pasi komi daratarungku. Pasi komi darakeni ri tango makole-makole pasi ri tango gubernur-gubernur apa saba komi mangaya Aku.

Lukas 15:17

“Wali yako etu ia masilonga muni pampobuukanya wali ia mampobuuka, ‘Gete, samparia to papolaong mpa’angku mayabi kojo pangkoni nsira, pei aku damate moro!

Lukas 6:11

Wali ojo pangkita nto Yahudi to aliran Parisi pasi tau to mampoguru porenta i Musa palaong to mawali etu, sira maja’a kojo rayanya. Wali sira magombo-gombo mangkonong i Yesu bara kesaa to danaika nsira resi Ia.

Markus 13:9

“Wali ane ratamo tempo kasesa etu, pakatao kojo apa tempo etu komi darasoko pasi darakenika to pobotus. Pasi tempo etu komi darapedas nja’u raya banua-banua to napampotunde nto Yahudi. Pasi komi darakeni ri tango gubernur-gubernur pasi ri tango makole-makole apa saba komi mangaya Aku. Wali tempo komi rakeni ri tango nsira, tempo etu komi maya mawali matamanasa resi sira mangkonong Aku.

Markus 3:28

Wali yako etu i Yesu mampatiendoka sira mangkonong dosa, Ia manganto’o, “Aku manganto’oka komi, monso pu’u samparia dosa to naika nto lino maya nalapas i mPue Allah. Pasi samparia gombo nsira to manto’o maja’a sa’e bara manto’o maja’a i Pue Allah, dosa etu maya seja nalapas i mPue Allah.