Palaong mPomakau i mPue Yesu 24:14 - Tuntu i mPue ri Basa Taa

¹⁴ Pei re’e sanjaya to aku mampongakung resi komi, Pa’a, etu semo aku mampue mampakabae i Pue Allah anu napakabae nu bue-bue mami. Tempo aku mampue mampakabae i Pue Allah etu, aku mampue singkonong pei Jaya to nato’o i Yesu. Jaya etu nato’oka ntau aliran. Pei aku tiroo seja kuaya samparia to ratulis ri raya mporenta i Musa pasi to natulis nto pantuntu tuntu i mPue Allah tempo owi.

Sura Magali Nuntu Ngkatuwu

¹⁴ Lawi kupangakuka ri suarami, yaku manyomba ri Pue Ala ntau piamo mami malulu ewa anu napaguru i Yesu anu napetisala ntau seʼe. Paikanya ntongo kuaya pura-pura anu ndaʼuki ri sura i Musa pai Sura waʼa nabi.

Palaong mPomakau i mPue Yesu 24:14 Referans Kwoze

Palaong mPomakau i mPue Yesu 9:2

panewa mamporapi sura kuasa yako resi ia. Sura etu danakenika tau to mampasilonga banua-banua to napampotunde nto Yahudi nja’u kota Damsyik. Ri raya sura etu kepala nto pampue manganto’oka sira mangansawang i Saulus damangansoko tau to mangalulu Jaya to nato’o i Yesu, see ane ia mangarata tau bara to langkai bara to we’a, ia damangansoko panewa tau etu darakeni ndeku Yerusalem.

Roma 3:21

Pei si’i-si’i i Pue Allah room mampaponsanika to lino jaya to nikaNya see kita maya rato’o tare dosanta. Jaya etu si’a kita mangalulu porenta. Jaya etu semo jaya to rato’o yami ri raya buku-buku mporenta i Musa pasi ri raya buku-buku nto pantuntu tuntu i mPue Allah tempo owi.

Palaong mPomakau i mPue Yesu 28:23

Wali yako etu kepala-kepala nto Yahudi etu sira mangampilis eonya dasimparata wo’u pei i Paulus. Wali ojo karatanya eonya to rapilis etu, boros kojo tau to siromu nja’u banua i mPaulus. Wali yako kaeonya rao rataka wengi rao i Paulus mampogomboka sira. Ia mampakanasaka sira mangkonong ewa wimba i Pue Allah mawali Makole nto lino. Pasi ia mangabasaka sira yako ri porenta i Musa pasi yako ri buku nto pantuntu tuntu i mPue Allah, panewa yako ri gombo to basanya etu ia mampaponsanika sira mangkonong i Yesu apa ia rani tau etu damangaya seja.

Palaong mPomakau i mPue Yesu 3:13

I Pue Allah semo to mangika palaong to etu. Ia semo Allah to napue nu bue-bue ngkita tempo owi, etumo i Abraham, i Ishak, pasi i Yakub, apa sira mampakabae Ia. Wali i Pue Allah mampakatao witi ngkai si’i see to lino damangabarong kuasa nto PapolaongiNya, i Yesu. Wali i Yesu to na’angga i mPue Allah etu, Ia semo to nuposora yau ngkomi resi pomarenta. Pasi Ia semo to nupobo’o ngkomi ri tango i mPilatus tempo i Pilatus etu rani mangalapa muni Ia.

Palaong mPomakau i mPue Yesu 26:22

Pei nempo ewa wetu pamporani nsira, i Pue Allah re’e mangansawang aku yako ri tempo etu rataka seo si’i. Wali see naka aku tiroo tuwu pei makore ri tango ngkomi sire. Pasi aku mangansaritaka samparia tau, to bose angganya pasi to taa bose angganya mangkonong anu to monso. Pasi anu to kuto’o si’i sewaju kojo pei to nato’o yami i Musa pasi to pantuntu tuntu i mPue Allah to yusa tempo owi.

Palaong mPomakau i mPue Yesu 24:5

“Wali ane ewa ri pampobuuka mami tau si’i tau to sangkani mangarotai sa’e. Ia mangika rotai ri oyo nto Yahudi ri sambawo lino. Pasi ia samba’a ketua ntau to mangaluluka aliran to rato’oka aliran nto Nasaret.

2 Timotius 1:3

Wali aku manganto’oka i Pue Allah tarima matao. Aku mampue mampakabae Ia ewa naika nu bue-buengku tempo owi. Pasi tempo aku mampue mampakabae Ia etu, rayangku tare seja mangepe sala ri tangoNya. Wali wuri eo, ponto ngkani aku makai-kai resi Ia aku taa mangkalingan korom pasi naka pei aku manganto’oka Ia tarima matao apa saba pangaya ngkorom semo.

Palaong mPomakau i mPue Yesu 26:27

Wali yako etu i Paulus mampotanaka resi i Makole, to’onya, “Makole Agripa anu ra’angga, wimba komi bara nuaya gombo nto pantuntu tuntu i mPue Allah tempo owi? Aku kunsani komi mangaya.”

Pangkita 19:10

Wali yako etu aku madungku yau ri tana ri tango mbiti mpomakau etu damampue mampakabae ia. Pei ia manganto’oka aku, “Ne’e mampue mampakabae aku, pampue resi i Pue Allah. Apa aku seja to papolaong i mPue sewaju ewa korom pasi ewa a’i-a’imu to mangangkongko seja anu to napotundeka i Yesu. Apa anu to napotundeka i Yesu, etu semo anu to nato’oka i Nosa Mapasing to pantuntu tuntu i mPue Allah tempo owi.

1 Petrus 1:11

Sira mangansani yami i Pue Allah damangansawang to lino apa Nosa i ngKerisitu re’e ri raya nto pantuntu tuntu i mPue Allah tempo owi etu, pasi Ia manganto’oka yami sira mangkonong kasesa to danarata i Makole parajanji i mPue Allah. Pasi Ia manganto’oka seja sira mangkonong kayawa to Ia damangarata ri temponya Ia roomo rasesai etu. Pei re’e anu to tawa manasa resi sira pasi sira rani kojo mangansani mangkonong to etu. Wali to naporani kojo nsira mangansani, etu semo bara tau to imba damangarata kasesa pasi kayawa etu, pasi bara mpia temponya napowali mpalaong etu.

Titus 3:10

Wali ane re’e yunu ngkorom to sangkani mangabanta sa’e, see naka tau to mangaya tamo masingkatao samba’a pei samba’a, seko ia see ia mandoo mangika palaong to ewa see. Ane taa naaya, seko wo’u sangkani. Ane taa wo’u naaya, panewa pakalongko yako resi ia.

Galatia 5:20

Sira mampue resi tau-tau, pasi mangampake do’a, maja’a nakita sa’e, matingka, timopo, maja’a rayanya, pasi mampobuuka koronya to bae-bae batuanginya pei sa’e. Sira masimpayu raya pei sa’e, pasi nasoumaka yau yununya to samba’a pangaya jamo mangaluluka yau tau to yusa pampobuukanya.

1 Korintus 11:19

apa ane to lino biasa kojo mawali ewa wetu. Pei nempo ewa see, tiroo bae batuanginya resi komi apa yako palaong to etu see naka daransani to imba komi to pampobuukanya singkonong pei i Pue Allah.

Palaong mPomakau i mPue Yesu 26:6

Wali aku rabotus si’i apa saba aku mansarumaka parajanji to naparajanjika i mPue Allah bue-bue ngkita tempo owi, etu semo Ia damangawangu tau yako ri kapatenya.

Palaong mPomakau i mPue Yesu 24:22

Wali ojo karoonya i Paulus manganto’o notonya etu, i Peliks manganto’oka samparia tau yau muni ruyu, apa ia mangansani kojo mangkonong Jaya to nato’o i Yesu. I Peliks manganto’oka tau etu, “Ane rata kepala ntentara, i Lisias, panewa aku damangabotus palaong si’i.”

Palaong mPomakau i mPue Yesu 22:14

“Roo see i Ananias manganto’o, ‘I Pue Allah anu napue nu bue ngkita, Ia room mangampilis korom damangansani pamporaniNya. Ia mangampilis korom damangkita i Yesu anu to singkonong pei i Pue Allah, pasi mangandonge looNya mampogomboka korom.

Palaong mPomakau i mPue Yesu 19:9

Pei sangga’a tau etu sira mako’o wo’onya, bo’onya mangaya anu to nato’o i mPaulus etu. Tau etu ri tango ntau boros manganto’o maja’a Jaya to nato’o i Yesu. Wali i Paulus mampiyaika sira pasi mangkeni yau seja anaguru i mPue Yesu. Wali sira yau siromu ri banua i nTiranus. Banua etu banua to bae kojo to napake ntau ane siromu magombo resi tau boros. Wali ponto eo i Paulus mampotunde tau to siromu nja’u ria.

Palaong mPomakau i mPue Yesu 13:15

Tempo etu re’e tau to mangabasaka tau boros yako ri buku porenta i Musa pasi yako ri buku-buku to natulis nto pantuntu tuntu i mPue Allah to yusa. Ojo karoonya tau mangabasa buku etu kepala-kepala nto Yahudi to mampasilonga banua etu magombo. Sira mampokau tau yau manganto’oka i Paulus pasi yununya, “A’i-a’i, ane re’e to komi rani mampotundeka mampakaroso raya ntau boros si’i, wali temponya rawaika magombo si’i-si’i.”

Palaong mPomakau i mPue Yesu 10:43

Wali samparia to pantuntu tuntu i mPue Allah tempo owi, sira magombo mangkonong i Yesu etu, sira manganto’o i sema tau to mangaya Ia sira tamo rakitanaka dosanya apa saba kuasa to si Ia.”

Palaong mPomakau i mPue Yesu 7:32

manganto’o, ‘Aku semo i Allah. Pasi bue-bue ngkorom tempo owi, i Abraham pasi i Ishak pasi i Yakub, sira samparia paka mampue mampakabae Aku.’ Wali ojo pandonge i Musa gombo i mPue Allah etu, ia rongko-rongko pasi ia tamo rani mangalo’aka junju to mawea etu apa meka rayanya.

Palaong mPomakau i mPue Yesu 5:30

I Pue Allah to napue nu bue-bue ngkita tempo owi, Ia semo to nangawangu muni i Yesu to mate nupaku ngkomi ri kaju pasape seore.

Yohanes 1:45

Pasi i Pilipus etu yau mangaliwu samba’a yununya to sanganya i Natanael panewa ojo pangaratanya, ia manganto’oka i Natanael etu, “Kami re’e mangarata Makole parajanji i mPue Allah, tau to napaponsanika yami i Musa tempo ia mangantulis porentanya, pasi to napaponsanika yami seja nto pantuntu tuntu i mPue Allah tempo sira mangantulis tuntuNya etu. Wali tau to napaponsanika nsira etu, etu semo i Yesu to Nasaret, ana i Yusup.” Etu semo to nato’oka i mPilipus i Natanael.

Lukas 24:44

Roo see Ia manganto’oka sira, “Komi mangkita monso pu’u Aku si’i roomo mambangu muni yako ri kapatengKu, wali si’i semo to Aku manganto’oka yami komi tempo Aku tiroowa re’e resi komi seore. Tempo etu Aku manganto’oka komi taa maya taa tibanang samparia to ratulis yami mangkonong Aku ri porenta i Musa pasi ri buku-buku to natulis nto pantuntu tuntu i mPue Allah tempo owi, pasi ri buku Masmur.”

Lukas 24:27

Wali roo see i Yesu mampotundeka sira dua. Ia mula ri buku to natulis i Musa pasi samparia buku to natulis nto pantuntu tuntu i mPue Allah tempo owi. Wali Ia mangampake samparia tuntu i mPue Allah to ratulis etu mangampakanasaka resi sira dua anu to ratulis mangkonong koroNya. Wali sira ndende rayanya mangandonge anu to napotundeka i Yesu sira etu.

Lukas 16:29

“Pei i Abraham mangansono, ‘Sira re’e buku to natulis i Musa pasi to pantuntu tuntu i mPue Allah tempo owi. To tao-tao sira mangalulu to ratulis etu.’

Lukas 16:16

“Wali ri katawanya i Yohanes to Pombaptis, anu to rapakarebaka etu semo porenta i Musa pasi tuntu i mPue Allah to naporata nto pantuntu tuntuNya tempo owi. Pei ojo karata i Yohanes etu, anu to rapakarebaka etu semo kareba matao mangkonong ewa wimba i Pue Allah mawali Makole nto lino. Pasi boros tau to mangandonge kareba matao etu, sira bae rayanya rani mawali tau to i Pue Allah Makolenya. Pamporani nsira etu raporapaka ewa pamporani ntau to mampakaja’aka yau ba’a mbombo banua apa rani kojo masua. Wali bae kojo raya ntau rani mawali tau to i Pue Allah Makolenya.

Lukas 1:70

Wali palaong si’i semo to nato’o yami i mPue Allah tempo owi. Ia manganto’oka gombo etu mangampake nganga nto pantuntu tuntuNya, tau to Ia puenya semo.

Matius 22:40

Wali porenta to dua etu, to etu semo to bae kojo batuanginya apa samparia porenta i Musa, pasi samparia gombo to nato’o nto pantuntu tuntu i mPue Allah tempo owi, samparia to etu paka porenta to dua etu pu’unya.”

Matius 10:32

“Wali i sema-sema tau to mampongakung ri tango ntau boros, manganto’o, ‘Aku mangalulu i Kerisitu,’ tau etu daKupongakung seja ri tango mPa’angKu ndate saruga, manganto’o, ‘Tau etu monso pu’u mangalulu Aku.’

Matius 7:12

.Wali saba komi rani sa’e damangika matao resi komi, see naka masipato komi damangika seja matao resi sira. Apa etu semo batuanginya samparia to ratulis nja’u raya tuntu i mPue Allah, nempo ri porenta i Musa pasi samparia anu to napotundeka nto pantuntu tuntu i mPue Allah tempo owi.”

Posuwunya 3:15

Wali roo see i Pue Allah manganto'oka wo'u i Musa, “To'oka tau Israel, 'I Pue Yawe, Allah to napakabae nu bue-bue ngkomi tempo owi, etu semo i Abraham, i Ishak, pasi i Yakub, Ia semo to nampokau aku ma'i resi komi.’ Ewa wetu to danato’oka ngkorom sira. Wali Aku i Pue Yawe. Etu semo sangangKu rataka ri singkasaenya. Pasi etu semo sangangKu to danato'oka ntau pasi samparia wiyaanya rataka ri singkasaenya.

Palaong mPomakau i mPue Yesu 19:23

Wali bara tempo etu semo mawalimo rotai to bae kojo nja’u kota Epesus. Tau marotai apa saba anu to napotunde ntau mangkonong Jaya to nato’o i mPue.

Palaong mPomakau i mPue Yesu 15:5

Pei tempo etu re’e sangga’a tau to mangaya etu to aliran Parisi. Wali sira makore pei manganto’o, “Tau to si’a to Yahudi etu, nempo mangaya pei tiroo taa maya taa sira rasui pasi rapotundeka see mangalulu kojo porenta i Musa.”

Palaong mPomakau i mPue Yesu 25:8

Wali ojo karoonya sira magombo etu, i Paulus magombo seja manganto’o notonya, ia manganto’o, “Aku tare kojo salangku. Apa aku tare mangewa porenta nto Yahudi, pasi tare mampakarikasika banua i mPue Allah pasi taa seja re’e manto’o maja’a makole nto Roma.” Etu semo gombo i mPaulus manganto’o notonya.

Palaong mPomakau i mPue Yesu 26:4

“Wali samparia to Yahudi manasanya mangkonong lengko ngkatuwungku yako ri tempo aku damangurawa. Sira mangansani kojo ewa wimba lengkongku yako ri kare’engku ri lipu to si aku pasi nda’a Yerusalem seja.

Palaong mPomakau i mPue Yesu 28:22

Pei si’i-si’i korom naratamo rire, wali kami rani mangandonge gombo ngkorom mampakanasaka kami mangkonong pangayamu. Apa kami mangansani tau samparia lipu paka mangewa yunumu to mangalulu seja aliran to nululu ngkorom etu.”

Roma 1:9

I Pue Allah semo to mangawaika aku palaong, etu semo mampakarebaka tau kareba matao mangkonong AnaNya, pasi aku masanang kojo mangika palaong to etu. Wali i Pue Allah mangansani monso pu’u gombongku tempo aku manganto’oka komi aku tare mangkalingan mampokaika komi. Wali ponto ngkani aku makai-kai resi i Pue Allah aku mamporapika kojo resi Ia see tuwu-tuwuja Ia damangawaika aku jaya dayau resi komi ane Ia rani aku yau. Apa aku masaemo kupamporani yau resi komi.