Palaong mPomakau i mPue Yesu 23:12 - Tuntu i mPue ri Basa Taa

¹² Wali ojo kaeonya rao re’e to Yahudi to mansongka. Sira mangika parajanji, sira manganto’o, “Kita tawa damangkoni bara damanginu wo’u ane tawa mampopate yau i Paulus. Ane kita taa mangika ewa see, biakamo i Pue Allah damantanaa yau kita.”

Sura Magali Nuntu Ngkatuwu

¹² Bangke reme mowuro-wuro mpodago mogombomo to Yahudi mampareʼe pompasanjuyu nepa motandokoro tau seʼe natoʼo bareʼe da mangkoni bara manginu tau seʼe ane bareʼepa napepate i Paulu.

Palaong mPomakau i mPue Yesu 23:12 Referans Kwoze

Palaong mPomakau i mPue Yesu 23:30

Wali yako etu re’e tau to mampakarebaka aku mangkonong tau to mansongka damampopate yau ia. Wali see naka aku mansaka mampokatu yau ia resi komi, Pa’a, see komi semo damangabotus ia. Pasi aku manganto’oka tau to mampakasala ia etu yau damampotango Pa’a Gubernur pei manganto’oka komi mangkonong sala ntau si’i to nakitanaka nsira. Wali ungkanyamo ruyu sura si’i.” Wali etu semo gombo to natulis ngkepala ntentara resi gubernur.

Palaong mPomakau i mPue Yesu 23:21

Pei ne’e mampodongeka sira, Pa’a, apa sira yabi opo mpuyu mba’a to damasaya mangampea mamangku liu ri jaya panewa sira damangansoko pei mampopate yau ia. Sira roomo mangika parajanji sira tawa damangkoni pasi tawa damanginu wo’u ane sira tawa mampopate yau ia. Sira room mampasilonga songkanya, sira jamo mampeas parajanji ngkomi.”

Palaong mPomakau i mPue Yesu 23:14

Wali yako etu sira yau resi kepala-kepala nto pampue pasi tau tu’a nto Yahudi pei manganto’o, “Kami re’e mangika parajanji damampopate yau i Paulus pasi tempo kami mangika parajanji etu, kami manganto’o, ‘I Pue Allah damantanaa yau kita ane kita mangkoni ri katawanya mampopate yau ia.’

Palaong mPomakau i mPue Yesu 25:3

Pasi sira mamporapika kojo resi i Pestus see ia bara buya rayanya damampokau tau yau damangoko i Paulus pei mangkeni ma’i ri Yerusalem. Ewa wetu pamporani ndaya nsira apa sira re’e mansongka damampopate yau i Paulus tempo ia re’e ri jaya.

Matius 26:4

Wali naka pei sira siromu nja’u ria mansongka damangansoko i Yesu panewa damampopate yau. Wali sira manganto’o, “Wimba dataika see tau boros taa mangansani?

Galatia 3:13

Pei tare pasi samba’a kita to takurang mangalulu samparia to nato’o mporenta i Musa etu, see naka kita samparia natanaa i mPue Allah. Pei kita tilapamo yako ri tanaa etu apa i Kerisitu mangabolos kita. Ia mangarata tanaa etu singkonong ewa to ratulis ri raya ntuntu i mPue Allah to manganto’o, “I sema-sema tau to rapaku ri kaju pasape, batuanginya tau etu natanaa i mPue Allah.” (Ulang 21:23) Wali tempo i Yesu rapaku ri kaju pasape, tempo etu Ia kono tanaa etu.

1 Korintus 16:22

Wali i sema-sema to taa mamporayang i Pue Yesu Kerisitu, biakamo i Pue Allah mantanaa yau ia. O Pue, ma’imo!

Matius 27:25

Wali tau boros etu sira samparia mangansono, sira manganto’o, “Biakamo. Kami pasi ngana mami semo mampongakung salanya ane Ia rapopatemo.”

Matius 26:74

Wali i Petrus mamposapuka kojo wo’u, ia manganto’o, “Biakamo i Pue Allah mangahuku aku ane taa monso gombongku. Aku sumpa pei kunsani ngkai to to’o ngkomi etu!” Pei ojo karoonya ia manganto’o gombo etu, manu mansaka matotoro’omo.

Pomulanya 37:18

Pei tempo ia dalongkowa, tukakanya mangkitamo ia. Wali re’e katawanya ia rata resi sira, tukakanya etu magombo mangika songka damampopate yau ia.

Palaong mPomakau i mPue Yesu 9:23

Wali malagi mbengi yako etu panewa re’e to Yahudi etu to siromu mangansongka damampopate yau i Saulus.

Palaong mPomakau i mPue Yesu 9:24

Wali sira wuri-eo mangajagai samparia wombo ngkota etu mangampea damampopate yau i Saulus ane ia liu nja’u ria. Pei i Saulus rapaponsanika mangkonong songka nsira etu.

Palaong mPomakau i mPue Yesu 23:13

Sira to mansongka ewa wetu yabi opo mpuyu mba’a kaborosinya.

2 Korintus 11:26

Wali boros kojo palinjangku, pasi ri raya mpalinjangku etu aku malagi ngkani mangarata palaong to mampakameka raya ntau. Ewamo mangawote ue mowo, mangarata tau maja’a to mangoko yau ngaya-ngaya nsa’e, mangarata kaja’a ndaya nu yunungku to Yahudi, pasi mangarata seja kaja’a ndaya ntau to si’a to Yahudi. Pasi boros seja anu to mampakameka aku to iratangku ri kota-kota, pasi nja’u pada bone, pasi ri wawo ntasi. Pasi re’e seja tau to mawuti to mampoanika pua’i ngkita to samba’a pangaya, sira seja rani mampakaja’a aku.

1 Tesalonika 2:16

Kamonsonya kami rani mampakarebaka resi tau to si’a to Yahudi kareba matao to maya mampalaes sira. Pei to Yahudi etu sangkani mangaliwu jaya damangaba’a palaong mami etu. Wali kanjo’u-njo’u kapari-pari dosa to naika nto Yahudi etu, see naka i Pue Allah mangepe ganam. Ia tamo re’e sabaraNya. Wali kapura-puranya sira ojo mangarata huku apa i Pue Allah maja’a nakita dosa. Wali etu semo mangkonong to Yahudi to mangewa kareba matao.