Palaong mPomakau i mPue Yesu 20:7 - Tuntu i mPue ri Basa Taa

^7-8 Wali tempo etu rata wuri Minggu kami siromu mangkoni sindara-ndara mangendo kapate i mPue Yesu. Tempo etu i Paulus mampogomboka kami. Ia masae kojo magombo rata ntongo wuri, apa eo rao ia dameyoko wo’u. Wali tempo kami siromu etu, kami re’e ri juya to katogo ntampenya pasi boros lampu to mampakareme ndate ria.

Sura Magali Nuntu Ngkatuwu

⁷ Ri wengi bangke reme eo minggu kami tepasambaka, molimbu mangkoni sangkani-ngkani ewa tau sangkompo. Mompasimbaju i Paulu pai waʼa ntau setu maka bangke reme siʼa da malaimo. Rantani ntongo wengi motuntu mpaliu siʼa.

Palaong mPomakau i mPue Yesu 20:7 Referans Kwoze

1 Korintus 16:2

Wali ponto-ponto eo Minggu aku rani komi samba’a pei samba’a mamporomung yami doi. Tau to bae doi to narata nsira, masipato mamporomung doi bae sangkodi, pei tau to taa bae doi narata nsira masipato mamporomung doi nempo taa bae kojo. Wali ewa see raika see ane tempo aku rata resi komi, kita tamo parluu mamporomung wo’u doi apa re’e yami raporomung.

Palaong mPomakau i mPue Yesu 2:42

Wali tau to mangaya i Pue Yesu etu sira samparia paka madota kojo mangampodongeka anu to napotundeka mpomakau i mPue Yesu, pasi sira sangkani masingkatao siromu sindara-ndara. Sira seja mandudu ngkani mangkoni sindara-ndara mangangendo kapate i Yesu pasi sira seja siromu makai-kai.

Yohanes 20:19

Wali ojo kawurinya rao eo Minggu etu, kami to anaguru i Yesu re’e sindara-ndara ri raya banua. Pasi kami roomo mampakainti ba’a mbombo banua etu apa kami meka resi kepala-kepala nto Yahudi. Pei nempo mainti ba’a mbombo etu, pei kodi majoli re’e i Yesu makore ri oyo mami. Ia manganto’o, “Pakarodo rayamu!”

Yohanes 20:1

Wali yako etu, ojo kamosueonya ri eo Minggu, i Maria to yako kampu Magadan yau ri dayo i Yesu. Tempo etu tiroowa mawuri. Ojo karatanya nja’u ria ia mangkita watu ba’a nu dayo etu roomo rawewoka yau yako ri wombonya.

Pangkita 1:10

Wali tempo aku nja’u nja’u pulo Patmos etu, ratamo eo to napilis i mPue. Tempo etu i Nosa Mapasing mangawaika aku pangkita. Ri raya mpangkitangku etu aku mangandonge loo to maroso kojo to ewa loo ntarompet. Loo etu magombo yako ri payungku,

Palaong mPomakau i mPue Yesu 20:11

Wali roo etu i Paulus mapone muni wo’u ndate juya etu pei mangampesu-mpesutimo roti panewa mangkoni sindara-ndara pei sira. Pei roo see ia magombo-gombo wo’u rataka eo, panewa ia mayoko.

Palaong mPomakau i mPue Yesu 28:23

Wali yako etu kepala-kepala nto Yahudi etu sira mangampilis eonya dasimparata wo’u pei i Paulus. Wali ojo karatanya eonya to rapilis etu, boros kojo tau to siromu nja’u banua i mPaulus. Wali yako kaeonya rao rataka wengi rao i Paulus mampogomboka sira. Ia mampakanasaka sira mangkonong ewa wimba i Pue Allah mawali Makole nto lino. Pasi ia mangabasaka sira yako ri porenta i Musa pasi yako ri buku nto pantuntu tuntu i mPue Allah, panewa yako ri gombo to basanya etu ia mampaponsanika sira mangkonong i Yesu apa ia rani tau etu damangaya seja.

Palaong mPomakau i mPue Yesu 20:9

Wali tempo i Paulus magombo etu, re’e samba’a tau to mangurawa to sanganya Eutikhus, ia matunda-tunda ri jendela to katogo ntampenya etu. Wali ngkai etu mawali yore kojo matanya mampeas i Paulus magombo masae kojo. Wali ia yore denat kojo see naka ia masou yako ndate jendela ri juya katogo ntampenya etu tudu la’u tana. Yako etu re’e tau to yau mangokotaka ia pei ia matem.

Lukas 24:35

Wali ojo panto’o nsira gombo etu, panewa tau dua etu mampakanasaka wo’u resi tau to siromu etu mangkonong palaong to nawali ri jaya. Pasi sira dua manganto’oka mangkonong ewa wimba sira mangansani i Yesu semo tempo Ia mangampesutika sira roti.

1 Korintus 15:10

Pei apa saba kanoto i mPue Allah, see naka aku mawali pomakau i mPue Yesu ri tempo si’i. Pasi kanoto i mPue Allah resi aku etu bae kojo batuanginya. Apa yako etu aku semo to roso-roso palaongingku pei samparia pomakau i mPue. Pei palaongingku etu si’a yako karoso ndaya to si aku naka pei mawali. Yako kanoto i mPue to re’e resi aku.

1 Korintus 10:16

Wali tempo kita manginu anu to re’e ri sangkir mangendo raa i ngKerisitu tempo Ia mate ri kaju pasape, tempo etu kita manganto’oka i Pue Allah tarima matao. Roo see kita manginu sindara-ndara. Wali palaong etu mawali tondong kita samparia mangarata kasanang apa kita room nolika i ngKerisitu raanya. Pasi tempo kita mangampesu-mpesu roti pei mangkoni sindara-ndara mangendo koro i ngKerisitu anu mate ri kaju pasape, palaong etu mawali tondong kita samparia rapasimba’a resi koro to si Ia etu.

Palaong mPomakau i mPue Yesu 20:31

Wali see naka jagai kojo. Pasi ne’e mangkalingan samparia patiendongku. Apa togo nto’u kasaenya wuri eo aku tare pandoonya mampatiendoka komi samba’a pei samba’a. Tempo etu boros ngkani aku tumangi apa mamporayang kojo komi, pei nempo ewa see aku taa mandoo mampatiendoka komi.

Palaong mPomakau i mPue Yesu 2:46

Wali ponto eo sira siromu mampue mampakabae i Pue Allah ri banuaNya. Pasi sira seja masanang kojo pasi buya raya nsira mangkoni sindara-ndara ri banua nsira samba’a pei samba’a, mangendo kapate i mPue Yesu.

Yohanes 20:26

Wali yako etu, ojo kagananya wayu mbengi, kami to anaguru i Yesu nja’u wo’u ri raya banua etu, pasi tempo etu nja’u seja i Tomas. Wali ba’a mbombonya roomo rapakainti, pei nempo mainti ba’a mbombo etu, pei kodi majoli re’e i Yesu makore ri oyo mami. Ia manganto’o, “Pakarodo rayamu!”

Lukas 22:19

Wali yako etu Ia mangoko roti pei manganto’oka i Pue Allah, “Tarima matao.” Roo see Ia mangampesu-mpesutimo roti etu panewa Ia mangantilaka anaguruNya. Ia manganto’o, “Oko pei koni, apa si’i korongKu anu to Kuwaika komi. Konimo see taa nukalingan ngkomi Aku.”

2 Timotius 4:2

Etu semo, pakarebaka tuntu i mPue Allah. Pasi pakaroso rayamu pasi pakayoa see bara matao temponya bara taa matao temponya, korom nukurang mansaka mampakarebaka tau tuntu i mPue. Pakakonoka tau to taa kono pangayanya, seko tau to maja’a lengkonya, pasi paposiaka tau see sira mangaluluka i Pue. Pasi tempo korom mangika palaong to etu ne’e mosa mampakabae sabaramu pasi mampotundeka tau.

Markus 16:9

Wali ojo kaeonya rao eo Minggu, i Yesu mambangu muni yako ri kapateNya. Yako etu Ia mampapokitaka tau Ia. Uyu-uyunya Ia rata resi i Maria to yako ri kampu Magadan. I Maria to etu ia seore naposuak measa pei i Yesu nangarubak measa yako resi ia. Pitu measa to narubak i Yesu yako resi ia etu.

Palaong mPomakau i mPue Yesu 16:10

Wali ojo karoonya i Paulus mangkita pangkitanya etu, ia mangansaritaka resi kami. Wali manasa resi kami i Pue Allah mampokau kami yau njo’u Makedonia damampakarebaka tau nja’u ria kareba matao, see naka kami mansaka mampakaroso dayau njo’u Makedonia etu.

Palaong mPomakau i mPue Yesu 20:5

Sira pitu etu matiruyu mangampea kami nja’u kota Troas.