Palaong mPomakau i mPue Yesu 20:32 - Tuntu i mPue ri Basa Taa

³² Wali a’i-a’i, si’i-si’i aku makai-kai mansarumakaka komi resi i Pue Allah see Ia semo damangangkampang. Pasi aku mampokaika komi see komi damangkongko kojo kareba mangkonong kanoto i mPue Allah. Apa Ia nakurang mampakaroso raya ngkomi pasi mangawaika komi tila to room napakatantuka i mPue samparia tau to Ia puenya.

Sura Magali Nuntu Ngkatuwu

³² Seʼi-seʼi komi kupepombaika ri Pue Ala da naka Sira da mangkariani komi, painaka maroso pekekenimi ri nuntu towe i mPue Ala. I Pue Ala makuasa da mangkariani komi pai da mawaika komi waʼa mpopadonco-A anu lawi tokamo tila waʼa ntau-A.

Palaong mPomakau i mPue Yesu 20:32 Referans Kwoze

Kolose 1:12

Pasi kami mamporapika resi i Pue Allah, Pa’a ngkita, see komi damanganto'oka Ia tarima matao apa Ia mangika see komi masipato mangarata seja anu to Ia damangawaika tau to maroo ri raya ngkareme, etu semo samparia tau to Ia Puenya.

Kolose 3:24

Apa komi mangansani i Pue Allah semo damangawaika komi ntanapa, wali komi damangarata seja anu to Ia roomo mamparajanjika tauNya. Apa kamonsonya i Pue Kerisitu semo Pue ngkomi, wali komi mangika palaong to si Ia.

Epesus 1:14

Pasi i Nosa Mapasing maroo ri raya ngkita samparia to mangaya. I Nosa Mapasing etu nawaika ruyu i mPue Allah kita damawali tondong to mampakanasaka resi kita matantu kojo kita damangarata seja samparia to yusa to naparajanjika i mPue Allah tau to Ia Puenya. Wali i Nosa Mapasing damampakatantuka kita mangkonong anu to danawaika i mPue Allah kita etu rataka ri temponya kita, to naoli i mPue Allah mawali Ia Puenya, daralapa yako ri lino si’i. Wali samparia palaong to naika i mPue Allah etu Ia mangika see kita mangabarong kayawaNya.

Palaong mPomakau i mPue Yesu 26:18

Naka pei Aku damampokau korom dayau resi sira see korom damampotundeka sira mangkonong Aku. Apa ane sira mangandonge mangkonong Aku, panewa sira damangansani damangandolika tangonya resi Aku. Pasi ane ewa see sira damawali ewa tau to tempo ruyu tuwu ri raya mburi pei tempo si’i ralepa matanya see maya mangkita reme. Pasi sira daralapa yako ri ara ngkuasa i ngKepala Measa pei damangandolika tangonya resi i Pue Allah. Apa ane ewa see sira tamo danakitanaka i mPue Allah dosanya pasi sira damawali seja tau to Aku puenya apa saba sira mangaya Aku.’ Wali etu semo to nato’oka i mPue aku seore.

Ibrani 9:15

Wali tempo to lino tiroowa ri ara mporenta to uyunya, tempo etu sira re’e mangika dosa. See naka i Kerisitu mate mangansompo dosa etu see to lino maya ralapa yako ri huku nu dosa etu. Wali Ia semo to mampasilonga kita resi i Pue Allah. Pasi Ia mangabanang parajanji to bou see i sema tau to napokio i mPue Allah mawali tauNya, tau etu damangarata rasi to singkasaenya to naparajanjika i mPue Allah.

Epesus 1:18

Ewa wetu pokai-kaingku see i Pue Allah damampakanasaka ri raya ngkomi see komi nukurang mangansani anu to nasarumaka ngkita kita damangarata apa saba Ia room mampokio kita. Pasi aku mamporapika see komi mangansani tila to danarata ntau to i Pue Allah Puenya, tilanya etu bae kojo kayawanya.

Kolose 2:7

Wali i Kerisitu raporapaka ewa tana to mampakainti kaju apa la'u kalenya. Pasi Ia raporapaka seja ewa pondasi to mampakaroso banua. Wali matao seja komi mawali ewa kaju to mainti pasi banua to maroso etu apa komi samba'a pei i Kerisitu. Pasi pakaroso pangaya ngkomi singkonong ewa to roomo rapotundeka komi, apa ane ewa see bae kojo kandende ndaya ngkomi manganto'oka i Pue Allah tarima matao.

Ibrani 13:9

Wali ne’e mangalulu yau anu to yusa to mpangaya-ngaya to napotunde ntau, naka ne’e darakeni yau yako ri jaya to monso. Rapanya tau etu mampotundeka komi mangkonong mangkoni pangkoni to roomo rapampueka resi i Pue Allah. Ne’e mangalulu gombo ntau etu apa si’a pangkoni etu to mampakaroso raya ngkita, kanoto i mPue Allah semo to mampakaroso rayanta. Wali nempo mangkoni pangkoni etu, tare batuanginya apa si’a to etu to mangansawang kita.

Epesus 5:5

Apa komi nunsanimo re’e tau to taa damangarata anu to matao to rawaika resi tau to i Kerisitu pasi i Pue Allah Makolenya. Tau to taa damangarata anu to matao etu semo tau to sangkani mangika palaong to maja’a resi tau to si’a rongonya, tau to sangkani mampobuuka pasi mampolengkoka anu to makarika, pasi tau to bamporomung. Bamporomung etu sewaju pei mampue tau-tau.

Palaong mPomakau i mPue Yesu 20:24

Pei aku taa mampobuuka bae batuanginya katuwungku, apa to bae batuanginya resi aku mampakaroo palaong to nasarumakaka i mPue Yesu aku. Palaong etu semo mampakareba kareba matao mangkonong kanoto i mPue Allah. Wali see naka aku tiroo dayau ndeku Yerusalem.

I Yudas 1:20

Pei a’i-a’i anu kuporayang, pakaroso raya ngkomi. Ewa naika ntau mangawangu banua ri wawo mpondasi to maroso, ewa see seja naika ngkita mampakaroso rayanta apa pondasi ngkita semo pangaya ngkita resi i Yesu Kerisitu. Wali pangaya ngkita etu singkonong kojo pei i Pue Allah. Pasi a’i-a’i, anu kita makai-kai resi i Pue Allah mangaluluka ewa wimba nato’oka i Nosa Mapasing kita.

1 Korintus 6:11

Wali seore re’e sangga’a komi to ewa wetu lengko ngkomi. Pei raya ngkomi room napakayongo i mPue Allah yako ri dosa. Pasi Ia room mangika komi mawali Ia Puenya pasi Ia room manganto’o tare dosa ngkomi. Naka pei Ia mangika palaong etu apa saba palaong to roomo naika i mPue Yesu Kerisitu pasi to roomo naika i Nosa Mapasing resi komi.

Palaong mPomakau i mPue Yesu 14:23

Wali yako etu sira dua mangampilis bara sawei mba’a tau ri ponto-ponto lipu naka re’e tau to mangaya. Tau etu napilis nsira dua damawali ketua ntau to mangaya to siromu ri lipu-lipu etu. Wali roo etu sira dua mampokai-kaika ketua-ketua etu tongonya mangorop. Sira mangansarumakaka tau etu resi i Pue Allah see Ia damangararamaka sira, apa Ia semo to naaya nsira.

Ibrani 10:14

Wali naka pei Ia matunda ri tondo ngkana i mPue Allah apa palaongiNya room. Apa yako pampue i ngKerisitu to samba’aja etu, Ia roomo mampasilonga tau to mawali i Pue Allah Puenya rataka ri singkasaenya.

Ibrani 2:11

Wali i Yesu mangika see tau mawali i Pue Allah Puenya. Wali Ia to mangika palaong etu pasi kita to inikaNya mawali i Pue Allah Puenya etu, kita paka samba’aja Pa’anta. Wali see naka Ia taa mea manganto’oka kita pua’iNya.

Palaong mPomakau i mPue Yesu 14:26

Wali ojo karata nsira la’u kota Atalia etu sira dua mapone ri bangka panewa malayag mawolili muni njo’u kota Antiokhia to ri propinsi Siria apa yako nja’u ria pangampokau ntau sira dua seore. Tempo pangampokau etu, re’e tau to mampokaika sira dua mansarumakaka sira resi i Pue Allah see Ia damangajagang sira yako ri kanotoNya tempo sira mangika palaong to danaika nsira etu. Wali palaong to etu sira roomo mangika see naka sira mawolili muni.

Yohanes 17:17

Wali Pa’angKu, pake tuntuMu mangampotundeka sira apa tuntuMu etu, etu semo anu to monso. Wali ane sira rapotundeka anu to monso etu, sira damawali tau to rani mampolaika songka ngKomi.

Epesus 4:16

Apa kita to mangaya rato’oka saga ngkoro i ngKerisitu. Wali ane rapanya koro ngkita to lino, samparia saganya napasingkenta nu yotus pasi ua see saga etu mawali mangika palaonginya samba’a pei samba’a. Pasi yako ri wo’onya semo see naka koro etu maya tuwu pasi maroso. Wali ewa see seja kita. Apa kita roomo rapasimba’a mawali koro i ngKerisitu, pasi Ia semo wo’o ngkita to mangawaika katuwu pasi karoso. Wali ane kita to saga ngkoroNya samparia paka mangika palaong ngkita samba’a pei samba’a, pasi ane kita sangkani singkenta, ane ewa see kita maya mangarata karoso yako ri Wo’onta. See naka kanjo’u-njo’u tiduga-dugang kaboros ntau to rato’oka koro i ngKerisitu. Pasi kanjo’u-njo’u tiduga-dugang kita masiporayang.

Palaong mPomakau i mPue Yesu 14:3

Pei i Paulus sira dua i Barnabas masae sira dua maroo-roo nja’u kota etu. Sira taa meka rayanya mampakarebaka kareba mangkonong i Pue. Pasi i Pue mampaponsanika tau nja’u ria monso pu’u anu to napakarebaka nsira dua mangkonong kanoto i mPue, apa Ia mangawaika sira dua kuasa mangika palaong to taa rapobiasa to mawali tondong resi tau pasi to mampakaipu raya ntau.

Yohanes 15:3

Wali komi roomo rapakayongo apa saba komi mangaya gombo to Aku room manganto’oka komi.

I Yudas 1:1

Sura si’i yako resi aku, i Yudas. Aku semo to papolaong i Yesu Kerisitu pasi tua’i i Yakobus. Wali aku mangantulis sura si’i resi komi to napokio seja mPue Allah, to naporayang i mPue Allah, Pa’a, pasi to nararamaka i Yesu Kerisitu.

1 Korintus 1:2

Wali kami dua mangantulis sura si’i resi komi to nja’u kota Korintus to mangaya i Pue pasi to i Pue Allah Puenya. Wali komi napilis seja i mPue Allah mawali tauNya apa saba palaong to naika i ngKerisitu Yesu. Ia mangampilis komi sindara-ndara pei samparia tau to makai-kai resi Pue ngkita i Yesu Kerisitu ri sambawo lino. Ia semo Pue nsira pasi Pue ngkita.

Palaong mPomakau i mPue Yesu 15:40

Pei i Paulus mangampilis i Silas damangalulu ia. Wali sira dua mayoko, pei tempo sira tawa mayoko etu, pua’inya to samba’a pangaya to nja’u ria, sira mampokaika sira dua mamporapika resi i Pue Allah see Ia mangajagang sira dua yako ri kanotoNya.

Palaong mPomakau i mPue Yesu 9:31

Wali yako etu tau to mangaya ri sambawo propinsi Yudea pasi Galilea pasi Samaria, sira masanang karoos nsira apa tamo re’e to mampakasusa sira. Wali sira ojo tidugang karoso ndayanya pasi tidugang seja kaborosinya apa i Nosa Mapasing mampakaroso raya nsira. Pasi ri raya ngkatuwu nsira, sira mampalaika kojo i Pue saba manga’angga Ia.

Pomulanya 50:24

Wali ri katawanya i Yusup mate yau, ia mampogomboka tukakanya pasi tu’ainya, ia manganto’o, “Tamo masae aku dapura nosangku. Pei i Pue Allah taa damampiyaika komi. Ia damangararamaka komi pasi ri tempo to darata Ia damangkeni muni komi sambiyaa yako ri tana si’i darata nja’u tana Kana’an. Tana Kana’an etu, etu semo to iparajanjikaNya tempo owi resi bue toko ngkita, i Abraham, pasi resi bue ngkita, i Ishak, pasi resi pa’a ngkita, i Yakub. Wali tempo Ia mamparajanjika damangawaika sira tana Kana’an etu, maroso kojo inikaNya mamparajanjika.” Etu semo to nato’oka i Yusup resi tukakanya pasi tua’inya.

Markus 10:17

Wali ojo karoonya i Yesu mampogomboka ngana mayunu etu, Ia polas yako nja’u ria. Pei tempo Ia polas etu re’e samba’a tau maripo mampago Ia. Rata resi i Yesu ia mambokotu ri tangoNya manga’angga Ia. Pasi ia manganto’oka i Yesu, “Pa’a Guru, Komi to matao, bara kesaa palaong to dakuika see aku damangarata katuwu to singkasaenya?”

Palaong mPomakau i mPue Yesu 11:23

Ojo karata i Barnabas nja’u Antiokhia, ia masanang kojo mangkita kanoto i mPue Allah resi tau etu. Ia mampakaroso raya nsira pasi manganto’oka sira, “Nempo kesaa to mawali resi komi, ne’e rapandooka yau mangaluluka i Pue.”

Roma 8:17

Pasi ane kita anaNya, kita seja damangarata tila to danawaika i mPue Allah anaNya. Wali kita damangarata tila etu sindara-ndara pei i Kerisitu. Apa ane kita mangarata kasesa ri lino si’i to ewa kasesa to narata i ngKerisitu, ane ewa see kita damangarata seja kayawa sewaju pei Ia.

1 Korintus 6:9

Wali wimba, komi bara room nukalingan yau anu to rapotundeka resi komi seore? Etu semo, tau to sangkani mangika lengko to taa singkonong pei i Pue Allah, tau etu taa damangarata anu to matao to rawaika resi tau to Makolenya i Pue Allah. Wali ne’e mangantipu koromu. Apa tau to magoyal, tau to mampue tau-tau, tau to masala, pasi tau langkai to mampolengkoka lengko nto we’a, pasi tau to marongo paka to langkai bara paka to we’a,

1 Korintus 6:10

tau to malima, tau to bamporomung, tau to banginu, tau to mampoja’a sa’e, pasi tau to manipu, samparia tau to ewa wetu taa damangarata anu to matao to rawaika resi tau to Makolenya i Pue Allah.