Palaong mPomakau i mPue Yesu 20:31 - Tuntu i mPue ri Basa Taa

³¹ Wali see naka jagai kojo. Pasi ne’e mangkalingan samparia patiendongku. Apa togo nto’u kasaenya wuri eo aku tare pandoonya mampatiendoka komi samba’a pei samba’a. Tempo etu boros ngkani aku tumangi apa mamporayang kojo komi, pei nempo ewa see aku taa mandoo mampatiendoka komi.

Sura Magali Nuntu Ngkatuwu

³¹ Inceʼe puʼunya painaka ndipojaga-jagamo! Neʼe ndikalingani tatogo ntaʼu kasaenya, ri poperepe ue mata ri wengi pai ri reme, bereʼe peʼontoku mampaguru komi pura-pura.

Palaong mPomakau i mPue Yesu 20:31 Referans Kwoze

Palaong mPomakau i mPue Yesu 20:19

Tempo etu aku taa bae-bae rayangku pasi tempo etu aku tongo ngkatumangingku mangika palaong i mPue. Ewa wetu inikangku nempo mangarata soba apa saba songka nto Yahudi to rani mampakaja’a aku.

Palaong mPomakau i mPue Yesu 19:10

Dua nto’u kasaenya ia mangika palaong to etu, wali see naka samparia tau ri propinsi Asia, bara to Yahudi bara tau to si’a to Yahudi, paka re’e mangandonge kareba mangkonong i Pue.

Palaong mPomakau i mPue Yesu 19:8

Wali yako etu i Paulus togo mbuya kasaenya ia mandudu ngkani yau njo’u banua to napampotunde nto Yahudi. Ia taa meka magombo-gombo resi tau to siromu nja’u ria mampakanasaka sira mangkonong tempo i Pue Allah mawali Makole nto lino see tuwu-tuwuja sira damangaya seja.

Ibrani 13:17

Wali polaika penatua ngkomi pasi luluka songka nsira. Apa sira semo to mangararamaka katuwu ngkomi pasi sira semo to damamposonoka pampotanaka i mPue Allah mangkonong palaong nsira etu. Wali polaika sira see sira maya mangika palaong nsira ri kandende ndayanya. Apa ane komi taa mampolaika sira, sira damawo kojo rayanya mangika palaong nsira. Pasi apa saba komi taa mampolaika sira, see naka sira tamo bae karoso ndaya nsira mangansawang komi.

Kolose 1:28

Wali kami mampakarebaka resi samparia tau mangkonong i Kerisitu. Kami mampatiendoka sira pasi mampotundeka sira yako kasamparianya kapande to nawaika i mPue kami. Naka pei kami mangika ewa wetu see mampasilonga samparia tau etu to samba'a pei i Kerisitu Yesu.

2 Timotius 4:5

Pei ane korom, Timotius, jagai kojo koromu ngkalio pasi insoka mangarata kasesa. Ika seja palaong to naika ntau to mampakarebaka kareba matao. Pasi pasilonga samparia palaong to nawaika i mPue korom.

Lukas 21:36

Wali ne’e ewa tau bayore. Kasimbalinya yako etu, jagai kojo ne’e lenga mangampeas kama’ingKu. Pei pakai-kai resi i Pue Allah see gana karoso ngkomi damampiyaika samparia kasesa to damawali etu. Pasi pakai-kai see komi taa damea tempo mampotango Aku, Wiyaa nto Lino.”

Matius 13:25

Pei roo see, tempo tau yore ri raya mburi, ma’i bali nto panawu etu. Balinya etu mangansawu wua nu lee ri oyo mpae to nasawu nto panawu etu. Roo see balinya etu miyai muni yako nja’u ria.

Pangkita 16:15

Wali si’i gombo i mPue, Ia manganto’o, “Padongeka! Aku dama’i ewa to palima, wali komi taa damangansani tempo Aku dama’i etu. Wali masanang kojo tau to taa bayore pasi to mangajagang pakenya see ia taa dalambe pasi damea ri tango ntau boros.”

2 Tesalonika 3:8

Pasi samparia pangkoni to nawaika ntau kami, tare to taa naoli mami. Pei wuri eo kami mandasai mapalaong see taa damampakabeu komi.

1 Tesalonika 5:14

Pasi a’i-a’i, re’e wo’u to kami mamporapika kojo resi komi. Etu semo, patiendoka tau to bo’onya mapalaong, pakaroso raya ntau to meka-meka rayanya, sawang tau to mayu’u pangayanya, pasi pakabae sabara resi tau samparia.

1 Korintus 4:14

Wali a’i-a’i naka pei aku mangantulisika komi gombo to si’i si’a damampakamea komi. Naka pei aku magombo ewa si’i mangampatiendoka komi apa aku mangepe komi ewa nganangku to kuporayang.

Palaong mPomakau i mPue Yesu 24:17

“Wali aku bara sawei nto’u taa rata ri Yerusalem, pei roo see aku nayau muni ri Yerusalem mangangkenika yunungku to Yahudi sora to nawaika nsa’e sira pasi aku mangkeni seja pampue dakupampueka resi i Pue Allah.

Palaong mPomakau i mPue Yesu 20:11

Wali roo etu i Paulus mapone muni wo’u ndate juya etu pei mangampesu-mpesutimo roti panewa mangkoni sindara-ndara pei sira. Pei roo see ia magombo-gombo wo’u rataka eo, panewa ia mayoko.

Palaong mPomakau i mPue Yesu 20:7

Wali tempo etu rata wuri Minggu kami siromu mangkoni sindara-ndara mangendo kapate i mPue Yesu. Tempo etu i Paulus mampogomboka kami. Ia masae kojo magombo rata ntongo wuri, apa eo rao ia dameyoko wo’u. Wali tempo kami siromu etu, kami re’e ri juya to katogo ntampenya pasi boros lampu to mampakareme ndate ria.

Matius 3:7

Wali tempo etu re’e seja boros to Yahudi to yau seja mampago danabaptis i Yohanes. Ri oyo ntau etu malagi to aliran Parisi pasi malagi seja to aliran Saduki. Pei tempo i Yohanes mangkita sira ma’i, ia manganseko sira, to’onya, “Gete, komi ewa ule to mampeyaa mampiyaika apu nja’u pada! Wimba, komi bara mampobuuka ane ma’i darabaptis, ane ewa see komi maya mampiyaika huku to danaporata i mPue Allah? Gete, taa mawali ewa wetu, apa ane ojo gombo ngkomi to manoto, nempo roomo rabaptis pei komi tiroo damangarata huku nu dosa ngkomi.

Pilipi 3:18

Wali lulu lengko ntau etu semo apa boros tau to yusa to lengko ngkatuwunya si’a ewa wetu. Wali seore aku mandudu ngkani mampatiendoka komi mangkonong tau to ewa wetu. Pasi si’i-si’i aku tongo ngkatumangingku mampatiendoka wo’u komi manganto’o tau etu semo bali ngkareba mangkonong kapate i ngKerisitu ri kaju pasape.

2 Tesalonika 2:5

Wali komi bara tawa mangkalingan gombo mami seore to mampakanasaka komi mangkonong palaong to damawali etu.