Palaong mPomakau i mPue Yesu 20:21 - Tuntu i mPue ri Basa Taa

²¹ Tempo etu aku sangkani mampatiendoka komi to Yahudi pasi komi to si’a to Yahudi see komi mangandolika tangomu resi i Pue Allah pasi mangaya i Pue ngkita, i Yesu Kerisitu.

Sura Magali Nuntu Ngkatuwu

²¹ Madago ri waʼa nto Yahudi, bara ri waʼa anu banya to Yahudi, bareʼe bali-bali kupatiendo tau seʼe da naka majea ungka ri waʼa ncalaanya, da meaya ri Pue Ala pai da meaya ri Yesu.

Palaong mPomakau i mPue Yesu 20:21 Referans Kwoze

Palaong mPomakau i mPue Yesu 2:38

Wali i Petrus mangansono, ia manganto’o, “Ewa si’i danuika ngkomi. Pajea pasi rabaptis komi samba’a pei samba’a see sa’e mangansani komi mangayamo i Yesu Kerisitu. Ane komi mangika ewa see, dosa ngkomi daralapas, pasi komi seja damangarata sora yako resi Pue Allah, etu semo i Nosa Mapasing.

Palaong mPomakau i mPue Yesu 11:18

Wali ojo pangandonge nto Yahudi gombo i mPetrus etu, sira tamo mangewa ia. Sira paka mangabarong i Pue Allah, sira manganto’o, “Ane ewa see, tau to si’a to Yahudi sira nawaika seja i mPue Allah temponya mangandolika tangonya see sira damangarata seja katuwu to singkasaenya.” Etu semo to nato’o nsira.

Palaong mPomakau i mPue Yesu 20:24

Pei aku taa mampobuuka bae batuanginya katuwungku, apa to bae batuanginya resi aku mampakaroo palaong to nasarumakaka i mPue Yesu aku. Palaong etu semo mampakareba kareba matao mangkonong kanoto i mPue Allah. Wali see naka aku tiroo dayau ndeku Yerusalem.

Lukas 13:3

Taa kojo! Pei Aku manganto’oka komi, ane komi taa majea, komi samparia darapakaja’aka yau seja sewaju pei sira.

2 Korintus 7:10

Apa kamawo ndaya ntau to singkonong pei pamporani i mPue Allah, kamawo ndaya etu matao. Apa yako kamawo ndaya to etu see naka tau majea, wali see naka sira rapalaes. Wali tau taa soso rayanya mangkonong kamawo ndaya to etu. Pei yusa kamawo ndaya nto lino to taa mangaya. Apa kamawo ndaya ntau etu mampobuuka dosanya, kamawo ndaya etu ojo mangkeni kapate apa saba sira taa mangaya.

Roma 10:9

Apa ane kita mampatimonso, manganto’o, “I Yesu Ia semo Pue,” pasi ane raya ngkita mangaya kojo i Pue Allah room mangawangu muni i Yesu yako ri kapateNya, ane ewa see kita darapalaes.

Palaong mPomakau i mPue Yesu 26:18

Naka pei Aku damampokau korom dayau resi sira see korom damampotundeka sira mangkonong Aku. Apa ane sira mangandonge mangkonong Aku, panewa sira damangansani damangandolika tangonya resi Aku. Pasi ane ewa see sira damawali ewa tau to tempo ruyu tuwu ri raya mburi pei tempo si’i ralepa matanya see maya mangkita reme. Pasi sira daralapa yako ri ara ngkuasa i ngKepala Measa pei damangandolika tangonya resi i Pue Allah. Apa ane ewa see sira tamo danakitanaka i mPue Allah dosanya pasi sira damawali seja tau to Aku puenya apa saba sira mangaya Aku.’ Wali etu semo to nato’oka i mPue aku seore.

Lukas 24:47

Pasi re’e seja gombo to ratulis to manganto’o saba yako kuasa i ngKerisitu, see naka tau damampakarebaka resi sa’e manganto’oka sira, ‘Pojea see dosa ngkomi tamo danakitanaka i mPue Allah.’ Wali kareba etu darapakarebaka ri kota Yerusalem ruyu panewa yako etu kareba etu darapakarebaka resi samparia bansa nto lino.

Palaong mPomakau i mPue Yesu 26:20

Wali aku mampakarebaka samparia tau, manganto’o, ‘Pajea pei ndolika tango ngkomi resi i Pue Allah pei ika lengko ngkatuwu to masipato naika ntau to majeam.’ Etu semo gombongku mampakarebaka tau nja’u kota Damsyik ruyu, panewa nda’a Yerusalem, pasi ri sambawo propinsi Yudea, pasi aku mampakarebaka seja tau to si’a to Yahudi.

1 Yohanes 5:1

Wali bara sema tau to mangaya i Yesu Ia semo Kerisitu, Makole Parajanji i mPue Allah, tau etu roomo mawali ana i mPue Allah. Wali ane tau to roomo mawali ana i mPue Allah, tau etu mamporayang i Pue Allah, Pa'a. Pasi ane ia mamporayang i Pue Allah, matantu ia damamporayang seja yununya to ngana i mPue Allah.

Pilemon 1:5

Naka pei aku manganto’oka Ia tarima matao apa aku re’e mangandonge to nato’o ntau mangkonong pamporayang pasi pangaya ngkorom resi i Pue Yesu pasi resi samparia tau to Ia Puenya.

Epesus 1:15

Wali see naka aku tare pandoonya manganto’oka i Pue Allah tarima matao apa saba komi. Yako ri tempo aku mangandonge kareba mangkonong pangaya ngkomi resi i Pue Yesu pasi mangkonong pamporayang ngkomi resi tau to i Pue Allah Puenya, aku taa mangkalingan mampokaika komi.

Galatia 2:20

Wali aku raporapaka ewa matemo, see naka si’amo aku to tuwu si’i, i Kerisitu semo to tuwu ri rayangku. Pasi ri raya ngkatuwungku ri lino si’i aku mangika lengko ngkatuwu to singkonong pei pangayangku resi Ana i mPue Allah. Apa Ia mamporayang aku pasi nangkapateka aku.

Roma 5:1

Wali si’i-si’i kita nato’o i mPue Allah tare dosanta apa saba pangayanta. See naka kita masingkatao pei i Pue Allah apa saba to naika i Yesu Kerisitu, Pue ngkita.

Roma 4:24

Gombo etu ratulis mangkonong kita seja. Apa i Pue Allah damanganto’o kita seja tare dosanta apa saba kita mangaya Ia to mangawangu muni i Yesu, Pue ngkita yako ri kapateNya.

Roma 1:16

Wali aku taa mangepe mea mampakarebaka kareba matao mangkonong i Kerisitu, apa kareba matao etu semo karoso i mPue Allah. Apa i sema tau to mangaya kareba matao etu, karoso i mPue Allah mampalaes tau etu. Wali uyu-uyunya owo to Yahudi to rakenika kareba matao, pei si’i-si’i pasi tau to si’a to Yahudi sira rakenika seja kareba matao.

Palaong mPomakau i mPue Yesu 17:30

Tempo ruyu, tempo to lino tawa mangansani pamporani i mPue Allah, tempo etu i Pue Allah ojo mangansabaraka sala to naika ntau etu. Pei ri tempo si’i Ia mamporentang samparia tau ri sambawo lino, to’oNya, ‘Pajeamo!’

Markus 6:12

Wali ojo karoonya i Yesu mampogomboka anaguruNya etu, sira yau njo’u lipu-lipu to yusa. Pasi ri raya mpalinja nsira etu sira mampakarebaka resi tau, sira manganto’o, “Pajea.”

Matius 4:17

Wali yako tempo etu, i Yesu mula mampakarebaka tau, Ia manganto’o, “Pojeamo, apa daratamo temponya i Pue Allah damawali Makole ri lino.”

Galatia 3:22

Pei porenta taa maya mangawaika kita katuwu. Apa porenta to ri raya ntuntu i mPue Allah, porenta etu semo to mampakanasa samparia to lino paka ri ara ngkuasa nu dosa. Wali naka pei i Pue Allah mangawaika tau porentaNya see manasa kojo resi kita ojo samba’a jaya daralapa yako ri kuasa nu dosa. Etu semo mangantima sora to Ia roomo mamparajanjika resi tau to mangaya i Yesu Kerisitu. Wali ojo tau to mangaya semo to mangarata parajanji etu.

Galatia 2:16

Pei si’i-si’i kita tansani si’a yako tau mangalulu porenta i Musa naka pei ia nato’o i mPue Allah tare dosanya. Yako pangayanya resi i Yesu Kerisitu naka pei tau nato’o i mPue Allah tare dosanya. Wali kita mangansani etu, see naka ewa see seja to naika ngkita. Kita roomo mangaya i Kerisitu Yesu see yako pangayanta resi i Kerisitu Yesu etu kita maya nato’o i mPue Allah tare dosanta. Si’a yako kita mangalulu porenta i Musa, apa tare pasi samba’a tau to danato’o i mPue Allah tare dosanya ane ojo mangalulu porenta i Musa.

1 Korintus 1:22

Wali to Yahudi, sira taa rani mangaya ane sira taa mangkita palaong to taa rapobiasa to mawali tondong resi sira. Pasi to Yunani, sira taa rani mangaya ane si’a gombo ntau to pande.

Roma 2:4

I Pue Allah Ia manoto kojo, pasi Ia bae sabaranya apa Ia taa mansaka mangahuku komi. Pei ne’e komi mampobuuka, “Nempo kami taa majea taa mawei.” Ne’e mampobuuka ewa wetu apa naka pei i Pue Allah manoto pasi bae sabaraNya resi komi apa Ia mangawaika komi tempo see komi damajea.

Roma 1:14

Wali aku mangepe kainda resi samparia tau see naka aku mampakarebaka kareba matao resi samparia tau nempo tau to Yunani pasi to si’a to Yunani, nempo tau to malangan sekolanya, pasi to tare sekolanya.

Palaong mPomakau i mPue Yesu 28:23

Wali yako etu kepala-kepala nto Yahudi etu sira mangampilis eonya dasimparata wo’u pei i Paulus. Wali ojo karatanya eonya to rapilis etu, boros kojo tau to siromu nja’u banua i mPaulus. Wali yako kaeonya rao rataka wengi rao i Paulus mampogomboka sira. Ia mampakanasaka sira mangkonong ewa wimba i Pue Allah mawali Makole nto lino. Pasi ia mangabasaka sira yako ri porenta i Musa pasi yako ri buku nto pantuntu tuntu i mPue Allah, panewa yako ri gombo to basanya etu ia mampaponsanika sira mangkonong i Yesu apa ia rani tau etu damangaya seja.

Palaong mPomakau i mPue Yesu 16:31

Wali sira dua mangansono, sira manganto’o, “Aya i Pue Yesu Kerisitu. Apa ane korom damangaya Ia, korom darapalaes, pasi ewa see seja samparia tau to maroo ri banuamu.”

Palaong mPomakau i mPue Yesu 10:43

Wali samparia to pantuntu tuntu i mPue Allah tempo owi, sira magombo mangkonong i Yesu etu, sira manganto’o i sema tau to mangaya Ia sira tamo rakitanaka dosanya apa saba kuasa to si Ia.”

Palaong mPomakau i mPue Yesu 8:25

Wali yako etu, ojo karoonya i Petrus sira dua i Yohanes mampotundeka pasi mampakarebaka tau nja’u ria tuntu i mPue, roo see sira mawolili muni ndeku Yerusalem. Ri raya mpalinja nsira dayau muni ri Yerusalem etu sira liu mandoo ri boros kampu nto Samaria mampakarebaka kareba matao mangkonong i Yesu.

Palaong mPomakau i mPue Yesu 3:19

Wali a’i-a’i, pajea pasi ndolika tangomu resi i Pue Allah see Ia maya mangalapa dosa ngkomi.

Palaong mPomakau i mPue Yesu 2:40

Wali yako etu boros wo’u gombo to nato’o i mPetrus mampakanasaka sira mangkonong songka i mPue Allah pasi mampatiendoka sira. Ia manganto’o, “Pajea see komi taa damangarata seja huku to danarata ntau to maja’a to tuwu ri tempo si’i.”

Yohanes 20:31

Pei palaong to re’e ratulis, naka pei ratulis see komi maya mangaya i Yesu Ia Ana i mPue Allah, pasi Ia semo i Kerisitu, Makole parajanji i mPue Allah. Panewa yako pangayamu etu, see naka komi maya mangarata katuwu apa saba komi Ia puenya.

Yohanes 3:36

Wali i sema tau to mangaya AnaNya etu, tau etu re’e katuwu to singkasaenya. Pei i sema tau to taa mangaya AnaNya etu, tau etu taa damangarata katuwu to etu. Kasimbalinya yako etu, tau etu danahuku i mPue Allah rataka ri singkasaenya.” Wali etu semo gombo i Yohanes resi anagurunya.

Lukas 15:10

Wali Aku manganto’oka komi, ewa see seja kandende ndaya mpomakau i mPue Allah ndate saruga tempo re’e samba’a tau madosa to majea.”

Lukas 15:7

Wali Aku manganto’oka komi, ewa see seja to mawali ndate saruga. Apa ane re’e samba’a tau to madosa to majea, bae kojo kandende ndaya nto saruga. To sana-sanang sira mampobuuka tau to samba’a to majea etu sakowa mampobuuka tau to sio mpuyu pei sio to taa majea. Naka pei tau etu taa majea apa mampobuuka tare dosanya.”

Lukas 13:5

Taa seja! Pei Aku manganto’oka komi, ane komi taa majea, komi samparia darapakaja’aka yau seja sewaju pei sira.”

Matius 3:2

Ia manganto’oka sira, “Pojeamo, apa mosumo temponya i Pue Allah damawali Makole ri lino.

Kolose 2:5

Wali tuwu-tuwuja komi damampodongeka gombongku etu, apa aku nempo longko yako resi komi, pei rayangku re'e sindara-ndara pei komi si'i-si'i. Pasi aku ndende rayangku mampobuuka komi masintuwu pasi komi mainti pangaya ngkomi resi i Kerisitu.

Palaong mPomakau i mPue Yesu 24:24

Wali yako etu, ojo kagananya sawei mbengi, ma’i wo’u i Gubernur Peliks sindara-ndara pei rongonya, i Drusila. I Drusila etu to Yahudi. Wali ojo karata nsira dua, i Peliks mampokau tau yau damangkeni i Paulus damampotango sira apa ia rani mangandonge gombo i mPaulus mangkonong pangayanya resi i Kerisitu Yesu. Wali ojo karata i mPaulus ri tango nsira dua, ia mampogomboka sira mangkonong palaong etu.

Palaong mPomakau i mPue Yesu 19:17

Wali palaong etu natikareba resi samparia tau to maroo ri kota Epesus, to Yahudi pasi to si’a to Yahudi. Tempo sira mangandonge kareba etu sira paka meka kojo rayanya, pasi sira manga’angga kojo kuasa i mPue Yesu.

Lukas 16:28

Apa dalima mba’awa tua’ingku. Wali to’oka ia mampatiendoka sira mangkonong anu to monso see sira taa dama’i seja ri tampa to masesa si’i.’

Palaong mPomakau i mPue Yesu 20:23

kasimbalinya yako to room napaponsanika yami i Nosa Mapasing aku. Apa ponto-ponto kota to kukarata Ia mampatiendoka aku mangkonong palaong to damawali resi aku nda’a Yerusalem, Ia manganto’o, ‘Korom daratarungku pasi darasesai.’ Etu semo to to’oNya resi aku.