Palaong mPomakau i mPue Yesu 2:9 - Tuntu i mPue ri Basa Taa

⁹ Kita yako ri tana Partia, Media, Elam, pasi re’e to yako Mesopotamia, Yudea, Kapadokia, Pontus, pasi Asia,

Sura Magali Nuntu Ngkatuwu

⁹ Kita seʼi to Paratia, to Media, to Elami; ungka ri Mesopotami, Yudea pai Kapadokia; ungka ri Pontu pai Asia,

Palaong mPomakau i mPue Yesu 2:9 Referans Kwoze

1 Petrus 1:1

Sura si’i yako resi aku, i Petrus. Aku samba’a pomakau i Yesu Kerisitu. Wali aku mangantulis sura si’i resi komi to napilis seja i mPue Allah. Komi mawali tau to rata nja’u lipu ntau to yusa, apa komi tiga’as pei maroo ri juku propinsi Pontus, Galatia, Kapadokia, Asia pasi Bitinia.

Pangkita 1:4

Wali i Yohanes manganto’o: Sura si’i yako resi aku, i Yohanes. Aku mangantulisika komi to mangaya to re’e ri pitu kota ri tana Asia. I Pue Allah Ia re’e tempo si’i pasi re’emo tempo owi pasi dare’e ri tempo to darata. Wali aku marapi resi i Pue Allah see Ia mampaponsanika komi kanotoNya pasi mangawaika komi karodo ndaya. Pasi ewa see seja aku marapi resi nosa to pitu to re’e ri tango nggadera i mPue Allah ndate saruga,

2 Timotius 1:15

Wali korom mangansani mangkonong tau ri propinsi Asia, sira samparia room mampiyaika yau aku. Pasi i Pigelus sira dua i Hermogenes mampiyaika seja aku.

Palaong mPomakau i mPue Yesu 18:2

Ojo karatanya nja’u kota etu ia mangarata samba’a to Yahudi to sanganya i Akwila. Ngkai etu rapoanaka ri tana Pontus, roo see ia maroo ri tana Italia. Wali i Akwila sira dua rongonya, i Priskila, sira owo rata ri Korintus yako nja’u tana Italia. Sabanya naka pei sira dua malimba yako nja’u Italia apa mampiyaika porenta i ngKlaudius, makole nto Roma. Makole etu roomo manganto’oka samparia to Yahudi piyai yako ri kota Roma ri tana Italia etu. Wali i Paulus mampago nja’u banua i Akwila pei Priskila etu.

Palaong mPomakau i mPue Yesu 16:6

Wali yako etu i Paulus sira togo rani yau mampakarebaka tuntu i mPue nja’u propinsi Asia, pei sira taa nawaika i Nosa Mapasing yau njo’u ria. Wali sira togo yau mangalinjak tana Prigia pasi Galatia.

Palaong mPomakau i mPue Yesu 19:10

Dua nto’u kasaenya ia mangika palaong to etu, wali see naka samparia tau ri propinsi Asia, bara to Yahudi bara tau to si’a to Yahudi, paka re’e mangandonge kareba mangkonong i Pue.

Palaong mPomakau i mPue Yesu 6:9

Pei re’e tau to mangabanta ia. Tau to mangabanta ia etu sira yako ri banua to napampotunde nto Yahudi to tempo ruyu sira watua pei tempo si’i tamo napowatua ntau. Tau etu yako ri kota Kirene pasi kota Aleksandria pasi yako ri propinsi Kilikia pasi Asia. Wali tau etu semo to mangabanta i Stepanus.

Pomulanya 24:10

Wali yako etu, to papolaong i Abraham mampakaroso damayoko. Wali yako kasugi i Abraham ia mangoko sampuyu mba’a binatang to bose to rato’oka unta. Unta etu darapake ri raya mpalinjanya. Pasi ia mamporomung malagi ngayanya anu to magaya to darakeni seja damawali sora. Roo see ia mayoko sindara-ndara pei yununya bara sawei mba’a mangampago tondo utara ri tana Mesopotamia. Sira dayau ri kota to nakaroo mbiyaa i Nahor, tukaka i Abraham.

Pomulanya 14:1

Wali tempo i Abram maroo mosu ri kota Hebron etu, tempo etu re’e makole-makole ntau to yusa to mamula masimusu. Wali tempo etu tau to sanganya i Bera, ia makole ri kota Sodom. Pasi re’e opo yununya to mawali makole ri kota-kota to yusa. Etu semo i Birsya to makole ri kota Gomora, i Syinab, makole ri kota Adma, i Syemeber, makole ri kota Seboim, pasi re’e wo’u samba’a tau to makole ri kota Bela, to rato’oka seja kota Soar. Wali makole to lima mba’a etu paka mangkeni joa nsira yau siromu nja’u lemba nSidim, etu semo tana to ri awe nTasi Mate. Nja’u ria sira mampakaroso damangamusu bali nsira. Naka pei makole to lima mba’a etu siromu damamusu apa ri rayanya sampuyu pei dua nto’u sira lima re’e ri ara mporenta i ngKedorlaomer, makole ri tana Elam. Pei ri to’u to kasampuyu togo sira mosam, wali see naka sira mula mangewa ia. Wali sira mangampeas mangamusu ia ri lemba nSidim etu. Wali i Makole Kedorlaomer mampasiromunaka yunu to si ia, etu semo i Amrapel, makole ri tana Babilonia, pasi i Ariokh, makole ri tana Elasar, pasi i Tideal, makole ri tana Goy. Wali makole to opo mba’a etu pasi joa nsira, sira yau mangampago damangamusu makole to lima etu. Pei ri raya mpalinja nsira yau ri lemba nSidim, sira mangamusu pei manganangi to Repa nja’u Asyterot-Karnaim. Yako etu sira mangamusu pei manganangi to Susi nja’u Ham, panewa to Emi nja’u Syawe-Kiryataim. Roo see sira mangamusu wo’u to Hori to maroo nja’u tongku Edom, rataka nja’u kota El-Paran, to mosu ri pada bone. Wali sira manganangi seja to Hori etu. Panewa yako etu sira mawolili muni ri tondo utara, panewa rataka nja’u kota En-Mispat, to rasangaka wo’u kota Kades, sira mangamusu wo’u samparia to Amalek, pasi to Amori seja, to maroo nja’u Haseson-Tamar. Wali sira manganangi seja samparia tau to etu. Wali ojo karoonya i Makole Kedorlaomer sira opo pasi joa nsira manganangi samparia tau to etu, yako etu, sira polas wo’u njo’u lemba nSidim. Nja’u ria nja’u yami i Makole Bera pasi yununya mangampeas sira. Wali ojo karata makole to opo etu pasi joanya, sira mula masimusu. Wali opo makole pasi joanya masimusu pei lima makole pasi joa nsira.

Pangkita 1:11

pei manganto’o, “Aku semo Alpa pasi Omega, batuanginya Aku semo to pamulanya pasi to kapuranya. Wali oko buku pei tulis mangkonong palaong to danukita. Panewa buku etu danupokatuka resi tau to mangaya Aku ri pitu kota nja’u tana Asia. Wali kota to pitu etu semo kota Epesus, Smirna, Pergamas, Tiatira, Sardis, Piladelpia pasi Laodikia.”

2 Korintus 1:8

Wali a’i-a’i, ane mangkonong kasesa to narata mami etu, kami rani mangansaritaka komi see komi mangansani. Wali kasesa to narata mami nja’u propinsi Asia, kasesa etu maya raporapaka ewa kalemba to mabeu kojo to taa nakoto mami mangkoyo. Taa gana karoso mami, apa mapari kojo kasesa etu. Wali see naka kami mangepe kami bara damate yau,

1 Korintus 16:19

Wali samparia tau to mangaya i Pue to siromu nja’u lipu-lipu ri propinsi Asia manganto’oka aku, “To’oka to Korintus kami taa mangkalingan sira.” Pasi i Akwila sira dua i Priskila sindara-ndara pei tau to mangaya to siromu nja’u banua nsira dua manganto’o seja, “To’oka to Korintus kami taa kojo mangkalingan sira apa samba’a seja pei i Pue.”

Roma 16:5

Pasi aku taa seja mangkalingan samparia tau to mangaya to siromu nja’u banua nsira dua. Pasi re’e wo’u sawei mba’a tau to aku taa mangkalingan. Wali porata gombongku etu resi sira. Wali tau to etu, samba’a i Epenetus to kuporayang. Ia semo to uyunya mangaya i Kerisitu nja’u Asia.

Palaong mPomakau i mPue Yesu 20:18

Wali ketua etu mangampago ia panewa ojo paratanya, i Paulus manganto’oka sira, to’onya, “A’i-a’i, komi mangansani ewa wimba lengkongku tempo aku maroo-roo ri oyo ngkomi yako ri karatangku ri propinsi Asia seore.

Palaong mPomakau i mPue Yesu 20:16

Ewa pampobuuka i mPaulus ia taa rani liu mandoo nja’u kota Epesus apa ia mampobuuka ane mandoo nja’u ria ojo pura yau temponya ri propinsi Asia. Naka pei ia taa rani ewa see apa ia mangansongka dayau ndeku Yerusalem see ane bara maya ia nda’a nda’a ria ri katawanya temponya Roa Pentakosta.

Palaong mPomakau i mPue Yesu 19:31

Pasi re’e bara sawei mba’a to Asia to bae angganya sira masingkatao pei i Paulus. Tau etu mampotuu resi i Paulus mamporapika resi ia ne’e kojo masua ri raya banua to bae etu. Wali ia taa yau.

Palaong mPomakau i mPue Yesu 19:27

Wali aku meka rayangku ane tau bara mangaluluka yau gombonya etu sira tamo danaporani mangoli tondong banua i Artemis to kita mangika etu. Sira damanto’o maja’a palaong ngkita si’i pasi damanganto’o seja tare batuanginya banua to nakayako ntau mampue resi pue to we’a Artemis to bae angganya etu. Pasi ane ewa see, sakowa pue Artemis to napue ntau juku ri propinsi Asia pasi juku ri lino, ia danapobuuka ntau tare batuanginya.”

Palaong mPomakau i mPue Yesu 7:2

Panewa i Stepanus manganto’o, “A’i-a’i pasi pa’a-pa’a, padongeka gombongku. Tempo owi, tempo bue ngkita, i Abraham, re’ewa ri tana Mesopotamia, re’e katawanya ia maroo ri kota Haran, tempo etu i Pue Allah anu bae kojo kayawaNya pasi kuasaNya rata resi ia.

Pomulanya 10:22

Ana i nSem etu, etu semo i Elam, i Asyur, i Arpakhsad, i Lud, pasi i Aram.

Palaong mPomakau i mPue Yesu 2:8

Kesaa mawali naka pei kita mangandonge sira magombo ri raya basa ngkita samba’a pei samba’a?

Palaong mPomakau i mPue Yesu 20:4

Pasi re’e pitu tau to mangalulu ia. Tau etu sanganya samba’a i Sopater, ana i Pirus to yako kota Berea. Pasi re’e seja i Aristarkhus sira dua i Sekundus to yako kota Tesalonika. Pasi re’e seja i Gayus to yako kota Derbe, pasi i Timotius, panewa re’e seja i Tikhikus sira dua i Tropimus to paka yako propinsi Asia.

Palaong mPomakau i mPue Yesu 21:27

Wali yako etu, ojo kamosunya kagananya pitu mbengi etu, re’e bara sawei mba’a to Yahudi to yako propinsi Asia, sira re’e mangkita i Paulus nja’u banua i mPue Allah. Wali sira mangarotai raya ntau boros pei mangansoko i Paulus.

Palaong mPomakau i mPue Yesu 24:18

Tongo-tongonya aku mangkeni pampuengku etu, tau si’i mangarata aku ri raya banua i mPue Allah. Tempo sira mangarata aku etu aku room mampakayongongika korongku mangalulu ada mami. Pasi tempo etu tare tau boros sindara pei aku pasi taa seja re’e tau to marotai.

Palaong mPomakau i mPue Yesu 27:2

Wali kami mapone ri bangka to yako ri kota Adramitium. Bangka etu tamo masae damalayag wo’u njo’u pelabuan-pelabuan to ri wii ntasi ri propinsi Asia. Wali ojo karoonya kami mapone ri bangka etu, kami malayag. Tempo kami malayag etu, re’e seja samba’a tau sanganya i Aristarkhus mangalulu kami. Ngkai etu yako ri kota Tesalonika ri propinsi Makedonia.