Palaong mPomakau i mPue Yesu 2:47 - Tuntu i mPue ri Basa Taa

⁴⁷ Pasi sira tare pandoonya mangabarong i Pue. Wali tau boros samparia masanang kojo resi tau to mangaya i Pue Yesu etu pasi ponto eo i Pue mangadugang wo’u kaborosinya tau to rapalaes.

Sura Magali Nuntu Ngkatuwu

⁴⁷ tau seʼe maunde-unde i Pue Ala pai napokono ntau pura-pura. Sandeme-sandeme imba ntau seʼe kako teranga-rangani maka i Pue Ala mampepombaika ri tau seʼe waʼa ntau anu ntongo ndasorepaka.

Palaong mPomakau i mPue Yesu 2:47 Referans Kwoze

Palaong mPomakau i mPue Yesu 16:5

Wali tau to mangaya i Pue Yesu to siromu nja’u kota-kota etu sira rapakaroso pangayanya pasi ponto eo sira to mangaya etu tiduga-dugang wo’u kaborosinya.

1 Korintus 1:18

Kita mampakarebaka resi sa’e pei manganto’oka sa’e i Kerisitu rapaku ri kaju pasape mangkapateka kita. Wali tempo tau mangandonge kareba etu, tau to taa mangaya, to re’emo ri jaya yau lo’u apu naraka, sira manganto’o, “Gete! Gombo ntau bea etu!” Pei ane kita to mangaya, to rapalaes yako ri apu naraka, kita manganto’o, “Kareba etu semo kuasa i mPue Allah.”

Palaong mPomakau i mPue Yesu 2:41

Wali tempo i Petrus magombo etu boros tau to mangaya anu to nato’o pasi sira rabaptis. Wali ri eo etu kaborosinya tau to mangaya i Yesu radugangika wo’u bara togo nsowu tau.

Palaong mPomakau i mPue Yesu 2:39

Apa i Pue Allah, Pue ngkita, roomo mamparajanjika damangawaika i Nosa Mapasing etu resi samparia tau to Ia damampokio. ParajanjiNya etu Ia mangika resi komi pasi resi wiyaamu, pasi samparia tau to maroo nja’u longko.”

Roma 14:18

Wali tempo kita mangika palaong i ngKerisitu, tempo etu ne’e kita mangalulu pamporani ngkita. To tao-tao kita mampobuuka to bae batuanginya, etu semo kita masingkatao pei yununta. Apa tau to mangika palaong to etu, tau etu mampakasanang i Pue Allah pasi to lino manga’angga seja ia.

Palaong mPomakau i mPue Yesu 11:24

I Barnabas etu, ia tau to matao pasi bae kojo karoso ndaya to nawaika i Nosa Mapasing ia. Pasi ia maroso pangayanya resi i Pue. Wali boros wo’u tau to nja’u ria mangalulu i Pue.

Palaong mPomakau i mPue Yesu 13:48

Wali ojo pangandonge ntau to si’a to Yahudi gombo i mPaulus dua i Barnabas etu, sira ndende kojo rayanya pasi sira mangabarong tuntu i mPue. Wali tau etu i sema-sema sira to masanang mampobuuka mangarata katuwu to singkasaenya, tau etu mangaya i Pue Yesu.

Roma 9:27

Pasi re’e wo’u to nato’o i Yesaya tempo owi mangkonong to Israel. Tempo etu ia maroso loonya manganto’o, “Wiyaa nto Israel boros kojo, ewa bone ri wii ntasi kaborosinya. Pei nempo ewa wetu kaborosinya, ojo santila kodi sira to darapalaes.

Roma 8:30

Wali tau to napansongkaka yami i mPue Allah etu, tau etu Ia mampokio. Pasi tau to napokio etu Ia manganto’o tare dosanya. Pasi tau to Ia manganto’o tare dosanya etu Ia mangokotaka damangarata kayawaNya.

Lukas 2:52

Wali i Yesu kanjo’u-njo’u tiduga-dugang kapandeNya pasi kabaeNya. I Pue Allah masanang kojo resi Ia pasi yunuNya to lino masanang seja resi Ia.

Palaong mPomakau i mPue Yesu 4:21

Wali ojo karoonya sira dua magombo, kepala-kepala etu mangarai wo’u sira panewa mangalapa muni sira. Kepala-kepala etu taa mangarata jaya mangahuku sira dua apa tau boros samparia paka mangabarong i Pue Allah saba mangkita palaong to taa rapobiasa to nika ntau dua etu.

Palaong mPomakau i mPue Yesu 4:33

Wali bae kojo kuasa mpomakau i mPue Yesu tempo sira mampakarebaka tau, manganto’o, “I Pue Yesu Ia mambangu muni yako ri kapateNya.” Pasi tau to mangaya etu bae kojo kanoto i mPue Allah to re’e resi sira.

Lukas 19:48

Pei sira taa mangarata jaya apa to Yahudi to boros mampodongeka kojo samparia gombo to Ia manganto’o.

Palaong mPomakau i mPue Yesu 4:4

Pei tau to roomo mangandonge anu to napotundeka nsira dua ri katawanya sira ratarungku etu, boros to mangaya i Yesu. Wali tau to mangaya tidugang wo’u kaborosinya kira-kira lima nsowu owo to langkai.

Palaong mPomakau i mPue Yesu 6:1

Wali yako etu kanjo’u-njo’u tiduga-dugang wo’u kaborosinya to Yahudi to mangaya i Yesu. Tau etu sira singga’a basanya basa Yunani panewa singga’a basanya basa Ibrani. Wali ri tempo etu to Yahudi to basanya basa Yunani sira mangkambumbuka yununya to basanya basa Ibrani. Sira masusa rayanya apa doi pasi pangkoni to biasa ratilaka samparia tau to balu, tau balu to basanya basa Yunani etu sira taa mangarata.

Palaong mPomakau i mPue Yesu 6:7

Wali yako etu tuntu i mPue Allah natikareba-reba wo’u resi tau to yusa. Wali kanjo’u-njo’u kaboro-boros tau ri Yerusalem to mangaya i Yesu. Pasi boros kojo to pampue to mangaya seja kareba matao mangkonong i Yesu.

Palaong mPomakau i mPue Yesu 9:31

Wali yako etu tau to mangaya ri sambawo propinsi Yudea pasi Galilea pasi Samaria, sira masanang karoos nsira apa tamo re’e to mampakasusa sira. Wali sira ojo tidugang karoso ndayanya pasi tidugang seja kaborosinya apa i Nosa Mapasing mampakaroso raya nsira. Pasi ri raya ngkatuwu nsira, sira mampalaika kojo i Pue saba manga’angga Ia.

Palaong mPomakau i mPue Yesu 9:35

Wali samparia tau to re’e ri kota Lida pasi kota Saron sira mangkita i Eneas matao muni, panewa sira mangandolika tangonya resi i Pue.

Palaong mPomakau i mPue Yesu 11:21

Wali kuasa i mPue re’e resi tau to mampakarebaka kareba matao etu, wali boros kojo tau to mangaya pasi mangandolika tangonya resi i Pue.

Palaong mPomakau i mPue Yesu 14:1

Wali ojo karata i mPaulus sira dua i Barnabas nja’u kota Ikonium, sira masua sindara-ndara ri raya banua to napampotunde nto Yahudi, panewa sira mampakarebaka tau to siromu nja’u ria kareba matao. Tempo sira magombo etu sira mampakanasa kojo kareba matao wali see naka boros kojo tau to mangaya i Pue Yesu. Tau to mangaya etu re’e to Yahudi pasi re’e seja to si’a to Yahudi.

Palaong mPomakau i mPue Yesu 14:21

Rata ri Derbe etu i Paulus sira dua i Barnabas mampakarebaka kareba matao resi tau ri kota etu, panewa boros tau to mawali anaguru i mPue Yesu. Yako etu sira dua mawolili muni ri kota Listra pasi ri kota Ikonium pasi ri kota Antiokhia to ri propinsi Pisidia.

Palaong mPomakau i mPue Yesu 17:12

Wali boros to Yahudi etu to mangaya i Pue Yesu. Pasi ane to Yunani ewa see seja. Boros tau we’a nsira to bose angganya to mangaya pasi boros seja to langkai.