Biblia Todo Logo
Bib sou entènèt

- Piblisite -




Palaong mPomakau i mPue Yesu 2:40 - Tuntu i mPue ri Basa Taa

40 Wali yako etu boros wo’u gombo to nato’o i mPetrus mampakanasaka sira mangkonong songka i mPue Allah pasi mampatiendoka sira. Ia manganto’o, “Pajea see komi taa damangarata seja huku to danarata ntau to maja’a to tuwu ri tempo si’i.”

Gade chapit la Kopi

Sura Magali Nuntu Ngkatuwu

40 Ewanceʼe pontotoraka i mPeturu ri tau seʼe. Pai maria ngayapa totorakanya anu maʼiowaka tau seʼe da naka melapasaka ungka banca anu majaʼa seʼi anu da ndahuku i mPue Ala.

Gade chapit la Kopi




Palaong mPomakau i mPue Yesu 2:40
34 Referans Kwoze  

see tare lengko ngkomi to maya nato’o nsa’e sala pasi to masipato raseko. Apa kita ngana i mPue Allah, see naka masipato kita mangika lengko to matao nempo maroo ri oyo ntau to maneo pasi to baraewa to tuwu ri tempo si’i. Apa kita raporapaka ewa batu’e to mareme kojo to mangansindo lino si’i.


Pakatao kojo lengko ngkorom pasi pakatao seja anu to nupotunde ngkorom. Lulu kojo anu to aku manganto’o si’i, apa ane korom mangalulu kojo korom damangararamaka katuwu ngkorom ngkalio pasi mangararamaka seja katuwu ntau to mampodongeka korom.


Wali aku samba’a pampobuuka pei i Pue, see naka aku mampatiendoka pasi mampaposiaka komi manganto’o ne’emo mangika lengko ngkatuwu to naika ntau to taa mangansani i Pue Allah. Apa pampobuuka ntau etu tare batuanginya.


Wali ewa wetu pamporani i mPue, see naka Ia manganto’o wo’u, “Piyai yako ri oyo ntau to taa mangaya pasi poga’aka sira. Pasi ne’e mangika lengko to maja’a ewa naika nsira. Panewa Aku damasanang damangantima komi.” (Yesaya 52:11)


Wali i Yesu mampogomboka tau boros etu Ia manganto’o, “Gete komi to tuwu ri tempo si’i! Komi taa kojo mangaya. Pasi komi pusa, taa mangalulu jaya to monso. Pei nempo masaemo Aku maroo resi komi pei komi bara tiroowa taa mangaya. Wali masusa rayangKu mampobuuka komi taa kojo mangaya Aku!” Wali yako etu i Yesu manganto’oka ngkai to masaki ananya, to’oNya, “Kenika Aku ana etu.”


Wali sangkani wo’u aku mampaposiaka tau to rani rasui mangalulu ada nu agama nto Yahudi. Ane tau etu mansarumaka etu semo jaya see danato’o i mPue Allah tare dosanya, sira taa maya taa mangalulu seja samparia porenta i Musa to yusa.


Wali yako etu kepala-kepala nto Yahudi etu sira mangampilis eonya dasimparata wo’u pei i Paulus. Wali ojo karatanya eonya to rapilis etu, boros kojo tau to siromu nja’u banua i mPaulus. Wali yako kaeonya rao rataka wengi rao i Paulus mampogomboka sira. Ia mampakanasaka sira mangkonong ewa wimba i Pue Allah mawali Makole nto lino. Pasi ia mangabasaka sira yako ri porenta i Musa pasi yako ri buku nto pantuntu tuntu i mPue Allah, panewa yako ri gombo to basanya etu ia mampaponsanika sira mangkonong i Yesu apa ia rani tau etu damangaya seja.


“Wali Aku manganto’oka komi, komi ewa ule to mampeyaa mampiyaika apu nja’u pada pei ia taa nakurang. Apa ewa see seja komi. Komi taa kojo damangampiyaika huku ngkomi la’u apu naraka!


Wali i Silas semo to mangansawang aku mangantulis sura to taa marade si’i. Ia seja a’i ngkita to samba’a pangaya pasi ane ri pangkita nu matangku ia maya rasarumaka. Wali naka pei aku mangantulisika komi sura si’i apa aku rani mampakaroso raya ngkomi. Pasi aku rani manganto’oka komi, sura si’i mangkonong kanoto i mPue Allah. KanotoNya etu monso pu’u. Wali pakaroso pangaya ngkomi ri kanotoNya etu.


Pasi komi mangansani, ewa wimba naika mpa’a resi ananya, ewa wetu seja naika mami resi komi. Kami mampaposiaka komi pasi mampakaroso raya ngkomi pasi mamporapika kojo resi komi


Wali see naka kami mawali pomakau i ngKerisitu to mamporata resi komi paposia i mPue Allah. Wali paposia i ngKerisitu to iporata mami etu, etu semo kami mamporapika resi komi, waika i Pue Allah mangawali raya ngkomi see maya masingkatao pei Ia.


Pei aku taa mampobuuka bae batuanginya katuwungku, apa to bae batuanginya resi aku mampakaroo palaong to nasarumakaka i mPue Yesu aku. Palaong etu semo mampakareba kareba matao mangkonong kanoto i mPue Allah. Wali see naka aku tiroo dayau ndeku Yerusalem.


Wali ne’e ewa tau bayore. Kasimbalinya yako etu, jagai kojo ne’e lenga mangampeas kama’ingKu. Pei pakai-kai resi i Pue Allah see gana karoso ngkomi damampiyaika samparia kasesa to damawali etu. Pasi pakai-kai see komi taa damea tempo mampotango Aku, Wiyaa nto Lino.”


Wali tempo si’i re’e tau to tuwu to room mampiyaika yau i Pue Allah pei mangaluluka wo’u pue to yusa. Tau etu madosa kojo. Wali komi ne’e mea mangaluluka Aku ri tango ntau madosa etu. Apa tempo to darata, Aku, Wiyaa nto Lino, dama’i muni ri lino si’i sindara-ndara pei pomakau to i Pue Allah puenya. Tempo etu kuasa pasi kayawangKu sewaju pei kuasa pasi kayawa mPa’angKu. Wali i sema tau to mea mangaluluka Aku pasi gombongKu ri tango ntau to madosa tempo si’i, Aku damea seja mangampongakung tau etu Aku puenya tempo Aku dama’i etu.”


Tempo etu aku sangkani mampatiendoka komi to Yahudi pasi komi to si’a to Yahudi see komi mangandolika tangomu resi i Pue Allah pasi mangaya i Pue ngkita, i Yesu Kerisitu.


Pasi boros wo’u palaong to naika i Yesu. Wali ane rapanya samparia palaong to etu paka natulis ntau, ane ewa see taa soa lino si’i darapamposaka buku to ratulis etu apa malagi pu’u.


Wali roo etu i Paulus mapone muni wo’u ndate juya etu pei mangampesu-mpesutimo roti panewa mangkoni sindara-ndara pei sira. Pei roo see ia magombo-gombo wo’u rataka eo, panewa ia mayoko.


Wali tempo i Paulus magombo etu, re’e samba’a tau to mangurawa to sanganya Eutikhus, ia matunda-tunda ri jendela to katogo ntampenya etu. Wali ngkai etu mawali yore kojo matanya mampeas i Paulus magombo masae kojo. Wali ia yore denat kojo see naka ia masou yako ndate jendela ri juya katogo ntampenya etu tudu la’u tana. Yako etu re’e tau to yau mangokotaka ia pei ia matem.


Rata nja’u Makedonia etu, ia malinja-linja mayunu-yunu resi tau to maroo nja’u ria. Ia boros gombonya mampakaroso raya nsira. Wali yako etu ia polas wo’u rata nja’u tana Yunani.


Wali i Yudas sira dua i Silas, sira seja tau to pantuntu tuntu i mPue Allah, wali sira dua masae magombo nja’u ria mampaposiaka pasi mampakaroso raya nu pua’inya to samba’a pangaya pei sira etu.


Pasi i Yesu mangawaika kami porenta, to’oNya, ‘Pakarebaka resi tau kareba matao, pasi to’oka tau monso pu’u Aku semo to napilis i mPue Allah damangabotus to lino samparia, to tuwuwa pasi to matem.’ Etu semo porenta to nawaika i Yesu kami.


Gete, komi sewaju kaja’anya pei ule to kayangu ngisinya apa komi sangkani mampoja’a tau! Komi taa kojo nukoto manganto’o gombo to matao. Apa raya ngkomi maja’a, pasi ewa wimba raya ntau, etu semo mawali pu’u nu gombo to masuwu yako ri nganganya.


Apa dalima mba’awa tua’ingku. Wali to’oka ia mampatiendoka sira mangkonong anu to monso see sira taa dama’i seja ri tampa to masesa si’i.’


Wali ewa wetu seja naika ntau to sanganya i Yusup. Ia mampobalu yau seja tananya, panewa doi oli ntana etu ia mangkeni seja ri tango mbiti mpomakau i mPue Yesu. I Yusup etu ia semo to Yahudi to yako ri wiyaa i Lewi pasi ia yako ri pulo Siprus. Ia seja nasangaka mpomakau etu i Barnabas. Barnabas batuanginya, “tau to mampakaroso raya nsa’e.”


Swiv nou:

Piblisite


Piblisite