Palaong mPomakau i mPue Yesu 2:4 - Tuntu i mPue ri Basa Taa

⁴ Wali tempo etu bae kojo karoso ndaya to nawaika i Nosa Mapasing sira samparia. Wali samparia sira to re’e ri raya banua etu mula magombo ri raya basa to yusa to taware igurunya. Wali basa to sira mangampake etu, ewa wimba i Nosa Mapasing mangawaika sira manganto’o, etu semo to sira manganto’o.

Sura Magali Nuntu Ngkatuwu

⁴ Tau seʼe pura-pura nakuasaimo Inosa mPue Ala, painaka natepuʼumo ntau seʼe mompau-mpau ri basa mpengaya-ngaya. Tau seʼe mompau malulu pombai Inosa ri tau seʼe kono pau anu da natoʼo.

Palaong mPomakau i mPue Yesu 2:4 Referans Kwoze

Markus 16:17

Wali tau to mangaya damangika palaong to damawali tondong resi sa’e mangkonong kuasa to Kuwaika sira. Palaong etu semo sira damangampake kuasangKu etu damangarubak measa yako resi tau. Pasi sira damagombo ri raya basa mpangaya-ngaya to taware iguru.

Palaong mPomakau i mPue Yesu 13:52

Pei anaguru i mPue Yesu to re’ewa ri kota Antiokhia etu sira tiroo ndende kojo rayanya pasi bae kojo karoso ndaya to nawaika i Nosa Mapasing sira.

Palaong mPomakau i mPue Yesu 4:31

Wali ojo karoonya sira makai-kai etu, kalengko-lengko banua nakasiromu nsira etu, pasi sira samparia bae kojo karoso ndaya to nawaika i Nosa Mapasing sira. Panewa sira mula mampakarebaka tuntu i mPue Allah, pasi tempo sira mampakarebaka etu sira taa kojo meka rayanya.

Epesus 5:18

Wali ne’e sampe kayangu manginu tule, apa palaong to etu ojo mampakaja’a katuwu ngkomi. Pei biaka i Nosa Mapasing mangawaika komi karoso ndaya to bae kojo.

1 Korintus 12:10

Panewa re’e wo’u tau to rawaika kuasa mangika palaong to taa rapobiasa. Pasi tau to yusa rawaika mawali to pantuntu tuntu i mPue Allah. Pasi re’e tau to rawaika kapande mampasisala tau to monso pu’u mangaluluka tuntu i mPue pei tau to taa. Panewa re’e wo’u tau to rawaika kapande magombo ri raya basa mpangaya-ngaya to taware igurunya. Pasi re’e seja tau to rawaika kapande mampaponsanika sa’e batuanginya gombo ntau to magombo ri raya basa to yusa etu.

Yohanes 14:26

Pei tempo to darata, Pa’angKu damampokau to Pansawang damangabolos Aku. To Pansawang etu, Ia semo i Nosa Mapasing. Wali Ia damangampotundeka komi samparia anu to bae batuanginya resi komi. Pasi Ia damampatiendoka komi mangkonong samparia gombo to room Aku manganto’oka komi.

Palaong mPomakau i mPue Yesu 19:6

Tempo sira rabaptis etu, i Paulus mamposaka palenya ri wawo nsira. Tempo etu semo tudu i Nosa Mapasing ri wawo nsira panewa sira magombo ri raya basa mpangaya-ngaya to taware iguru nsira pasi sira mamporata tuntu i mPue Allah.

Palaong mPomakau i mPue Yesu 10:46

Naka pei sira manasa tau etu mangarata seja i Nosa Mapasing apa mangandonge sira magombo ri raya basa mpangaya-ngaya mangabarong i Pue Allah. Wali yako etu i Petrus manganto’o,

Palaong mPomakau i mPue Yesu 9:17

Wali ojo karoonya i Pue mampogomboka ia, i Ananias ia yau ri banua to nato’oka i mPue ia etu. Tempo ia rata ri banua etu ia masua panewa ia mangkita i Saulus. Ia mamposaka palenya ri wawo i nSaulus, pei manganto’o, “Saulus, a’ingku, i Pue Yesu to nampokau aku ma’i resi korom. Ia semo to nukita ngkorom ri jaya tempo korom ma’i si’i. Wali Ia nampokau aku ma’i resi korom see korom damangkita muni rao. Pasi Ia nampokau aku ma’i see korom dabae kojo karoso ndaya to danawaika i Nosa Mapasing korom.”

Palaong mPomakau i mPue Yesu 7:55

Pei i Stepanus bae kojo karoso ndaya to nawaika i Nosa Mapasing ia, wali ia mangalo’aka nto’u yangi pei mangkita kayawa i mPue Allah. Pasi ia mangkita seja i Yesu makore ri tondo ngkana i mPue Allah.

Palaong mPomakau i mPue Yesu 1:5

Apa i Yohanes to Pombaptis mangabaptisika tau ue, pei ri rayanya sawei mbengi si’i i Pue Allah damangabaptisika komi i Nosa Mapasing, batuanginya Ia damampaporoo i Nosa Mapasing ri raya ngkomi.”

1 Korintus 13:8

Wali pamporayang tare kapuranya. Pei tau to re’e kapandenya mamporata tuntu i mPue, pasi tau to pande magombo ri raya basa-basa to taware igurunya, pasi tau to bae kanasanya, sora to rawaika sira etu samparia dapaya yau.

1 Korintus 13:1

Wali aku nempo magombo ri raya basa-basa nto lino pasi basa mpomakau i mPue Allah yako saruga, pei taa mamporayang sa’e, tare batuanginya. Apa ane ewa see, gombongku ojo ewa nggongi to kanjengu-njengu pasi ewa bolong to matino apa taa kojo re’e batuanginya.

Palaong mPomakau i mPue Yesu 13:9

Pei i Saulus, to rato’oka seja i Paulus ia bae kojo karoso ndaya to nawaika i Nosa Mapasing ia. Wali ia mangalo’aka yau resi i Elimas.

Palaong mPomakau i mPue Yesu 2:11

Wali sangga’a kita to Yahudi pasi re’e seja to si’a to Yahudi, pei to mangalulu kojo ada nto Yahudi. Re’e seja tau to yako ri pulo Kreta pasi re’e seja to yako ri tana Arab. Wali kita samparia mangandonge sira magombo mangampake basa ngkita. Sira magombo mangkonong palaong to magaya kojo pasi to taa rapobiasa to naika i mPue Allah.” Etu semo to nato’o ntau boros.

Lukas 12:12

Apa tempo komi damampogomboka tau to re’e kuasanya etu, tempo etu semo panewa i Nosa Mapasing damampaponsanika komi gombo to darato’o.”

1 Korintus 14:18

Wali aku manganto’oka i Pue Allah tarima matao apa aku semo to boro-boros pei komi samparia magombo ri raya basa-basa to yusa.

Roma 15:13

Wali aku makai-kai resi i Pue Allah anu mangawaika kita pansarumakanta. Aku mamporapika resi Ia see Ia damangawaika komi kasanang pasi karodo ndaya to bae kojo apa saba komi mangaya Ia. Pasi aku makai-kai see kanjo’u-njo’u tidugang wo’u pansarumaka ngkomi naika ngkuasa i Nosa Mapasing. Mangkonong Palaong to Nawaika i mPue Allah i Paulus

Palaong mPomakau i mPue Yesu 4:8

Wali i Petrus bae kojo karoso ndaya to nawaika i Nosa Mapasing ia, wali ia mampogomboka sira, to’onya, “Kepala-kepala pasi tau tu’a nto Yahudi!

Yohanes 20:22

Wali ojo karoonya Ia manganto’o gombo etu, Ia mantawuis kami pei manganto’o, “Tima i Nosa Mapasing.”

Lukas 4:1

Wali i Yesu bae karoso ndaya to nawaika i Nosa Mapasing Ia tempo Ia mawolili muni yako nja’u koro Yordan. Wali Ia nasale i Nosa Mapasing nto’u pada bone.

1 Petrus 1:12

Pei i Pue Allah nampakanasaka to pantuntu tuntuNya tempo owi etu mangkonong palaong to napakarebaka yami nsira etu. Ia manganto’oka sira palaong etu taa damawali ri tempo katuwu nsira. Palaong etu damawali ri tempo katuwu ngkita semo. Wali monso pu’u ewa wetu. Apa kareba to napakarebaka yami nsira etu monso pu’u mawalimo resi kami. Pasi ri tempo si’i komi nangandongemo seja kareba etu, apa naratamo tau resi komi mangkenika komi kareba matao etu. Pasi ri rayanya sira mampakarebaka resi komi kareba matao etu, sira nasawang i Nosa Mapasing to rapokau yako ndate saruga. Wali magaya kojo kareba mangkonong ewa wimba naika i mPue Allah mampalaes to lino. See naka sakowa pomakau i mPue Allah ndate saruga, sira ipu kojo rayanya mangangkita kanoto i mPue Allah resi to lino. Pasi sira rani kojo manasanya mangkonong kanotoNya to bae kojo etu.

1 Korintus 14:5

Wali aku masanang ane komi samparia nukurang magombo ri raya basa-basa to yusa to taware igurumu, pei to sanang-sanang ane komi mamporata tuntu i mPue Allah. Apa to pantuntu tuntu i mPue semo to bae-bae batuanginya pei tau to magombo ri basa-basa to yusa. Apa tau to magombo ri basa-basa to yusa etu taa mampakaroso raya ntau to mangaya ane ia taa mampakanasaka sira batuangi nu gombonya etu.

Palaong mPomakau i mPue Yesu 11:15

“Wali yako etu aku mamula mampogomboka sira, pei ojo pagombongku etu, tudumo i Nosa Mapasing resi sira, sewaju ewa kita mangarata Ia ri tempo uyunya seore.

Palaong mPomakau i mPue Yesu 6:5

Wali tempo tau boros mangandonge gombo mpomakau etu sira masanang kojo. Wali sira mangampilis pitu mba’a tau. Tau to ipilis etu samba’a sanganya i Stepanus. Ia tau to mangaya kojo i Pue Yesu pasi to bae kojo karoso ndaya to nawaika i Nosa Mapasing ia. Pasi kasimbalinya yako i Stepanus etu re’e ono wo’u tau to sanganya i Pilipus, i Prokorus, i Nikanor, i Timon, i Parmenas pasi i Nikolaus to yako ri kota Antiokhia. I Nikolaus etu ia si’a to Yahudi pei ia room masua agama nto Yahudi.

Palaong mPomakau i mPue Yesu 6:3

Wali a’i-a’i, pilis pitu mba’a tau to yako ri oyo ngkomi. Tau pitu etu tau to lengkonya tare to maya napakasala nsa’e, pasi to bae kojo karoso ndaya to nawaika i Nosa Mapasing sira, pasi to re’e kapandenya. Panewa tau pitu etu kami damangawaika damampasilonga palaong to etu.

Palaong mPomakau i mPue Yesu 1:8

Pei tempo i Nosa Mapasing darata resi komi, tempo etu komi darawaika karoso. Pasi komi damawali matamanasangKu damangangkeni kareba yako resi Aku. Komi damangangkeni kareba etu resi tau to ri kota Yerusalem pasi tau to ri propinsi Yudea pasi Samaria, pasi rataka ri suogi lino.”

Lukas 1:15

apa ia dabae kojo batuanginya ri pangkita i mPue Allah. Wali ia taa maya manginu tule anggur bara anu to yusa to kayangu tau manginu. Pasi ana etu ane tiroowa re’e ri raya ngkompo nu indonya ia dabae kojo yami karoso ndaya to danawaika i Nosa Mapasing ia.

Epesus 6:18

Wali tempo komi mangampake anu to nawaika i mPue Allah kita etu, ne’e mandoo makai-kai marapi sawang resi i Pue Allah. Pasi samparia pokai-kai ngkomi pasi pamporapika ngkomi etu, ika singkonong pei anu to nato’oka i Nosa Mapasing ri raya ngkomi. Wali ne’e ewa tau bayore pei pakayoaka mampokai-kaika samparia tau to i Pue Allah Puenya.

Epesus 3:19

Pamporayang i ngKerisitu etu kamonsonya taa nakoto nto lino mampobuuka ewa wimba kabaenya. Pei nempo ewa see aku tiroo mamporapika resi i Pue Allah see Ia damangansawang see komi mangansani pamporayangiNya etu. I Pue Allah masilonga kojo, pasi ane komi mangansani pamporayang i ngKerisitu, ane ewa see samparia kasilonga i mPue Allah etu paka re’e seja ri raya ngkomi. Wali etu semo pokai-kaingku mampokai-kaika komi.

Palaong mPomakau i mPue Yesu 11:24

I Barnabas etu, ia tau to matao pasi bae kojo karoso ndaya to nawaika i Nosa Mapasing ia. Pasi ia maroso pangayanya resi i Pue. Wali boros wo’u tau to nja’u ria mangalulu i Pue.

Palaong mPomakau i mPue Yesu 6:8

Wali ri tempo etu i Stepanus nasawang kojo i mPue Allah pasi ia nawaika i mPue Allah kuasa. Wali boros palaong to inikanya ri oyo ntau boros etu to mampakaipu raya nsira pasi to mawali tondong resi sira.

Lukas 21:15

Apa tempo komi damampogomboka tau to re’e kuasanya etu, tempo etu semo panewa Aku damampakanasaka komi gombo to danuto’o pasi Aku damangawaika komi kapande. Wali see naka tempo komi magombo etu bali ngkomi taa maya mangewa bara mangabanta gombo ngkomi.

Lukas 1:67

Wali i Sakharia, pa’a nu ana etu, ia bae karoso ndaya to nawaika i Nosa Mapasing ia. See naka ia mamporata gombo to yako resi i Pue Allah.

Lukas 1:41

Wali ojo pangandonge i Elisabet gombo i Maria etu, ana kodi to ri raya ngkomponya maroso naika mawole-wole. Panewa i Elisabet bae karoso ndaya to nawaika i Nosa Mapasing ia.

Matius 10:19

Pei tempo sira mamposora komi etu, ne’e moru-moru raya ngkomi mangampobuuka yami bara gombo kesaa to danusonoka ngkomi pasi ewa wimba danuika ngkomi manganto’o gombo etu. Apa tempo komi damampogomboka tau to re’e kuasanya etu, tempo etu semo panewa komi darapaponsanika gombo to darato’o.

2 Petrus 1:21

Apa gombo to nato’o nto pantuntu tuntu i mPue Allah tempo owi etu, si’a yako ri pamporani nsira naka pei rato’o. Pei tau etu i Pue Allah Puenya pasi sira nawaika i Nosa Mapasing pampobuuka, see naka sira mamporata gombo i mPue Allah etu. Wali see naka masipato kojo kita mangangkongko anu to nato’o nsira.

Palaong mPomakau i mPue Yesu 2:3

Pasi tempo etu re’e seja anu to ewa kaa nu apu tudu pasi mandoo ri wawo mbo’o ntau etu samba’a pei samba’a.

Palaong mPomakau i mPue Yesu 8:17

Wali i Petrus dua Yohanes mamposaka palenya ri wawo nto Samaria to mangaya etu panewa to Samaria etu sira seja mangarata i Nosa Mapasing.

Palaong mPomakau i mPue Yesu 10:47

“Tau to si’a to Yahudi si’i re’e mangarata seja i Nosa Mapasing sewaju ewa kita to Yahudi. Wali ane ewa see tare tau to maya manganto’oka sira ne’e rabaptis.”

Palaong mPomakau i mPue Yesu 15:8

Wali i Pue Allah mangansani raya ntau, wali Ia mangansani monso pu’u tau to si’a to Yahudi etu mangaya. See naka Ia mangawaika sira i Nosa Mapasing sewaju ewa nikaNya resi kita. Wali ewa wetu inikaNya mampakanasaka resi kita Ia room mangantima tau to si’a to Yahudi etu.