Palaong mPomakau i mPue Yesu 2:39 - Tuntu i mPue ri Basa Taa

³⁹ Apa i Pue Allah, Pue ngkita, roomo mamparajanjika damangawaika i Nosa Mapasing etu resi samparia tau to Ia damampokio. ParajanjiNya etu Ia mangika resi komi pasi resi wiyaamu, pasi samparia tau to maroo nja’u longko.”

Sura Magali Nuntu Ngkatuwu

³⁹ Maka janji i mPue Ala da tilami pai waʼa mulimi pai tila waʼa ntau anu lawa – inceʼemo pura-pura tau anu ndapeboo mPue Ala pueta da maʼi ri Sira.”

Palaong mPomakau i mPue Yesu 2:39 Referans Kwoze

Roma 8:30

Wali tau to napansongkaka yami i mPue Allah etu, tau etu Ia mampokio. Pasi tau to napokio etu Ia manganto’o tare dosanya. Pasi tau to Ia manganto’o tare dosanya etu Ia mangokotaka damangarata kayawaNya.

Epesus 4:4

Apa kita to mangaya raporapaka ewa samba’a koro, pasi i Nosa Mapasing anu to re’e ri raya ngkita, Ia seja samba’aja. Pasi ewa see seja pansarumaka to narata ngkita tempo napokio i mPue Allah. Apa kita to rapokio, samba’aja seja pansarumaka ngkita etu.

Palaong mPomakau i mPue Yesu 15:8

Wali i Pue Allah mangansani raya ntau, wali Ia mangansani monso pu’u tau to si’a to Yahudi etu mangaya. See naka Ia mangawaika sira i Nosa Mapasing sewaju ewa nikaNya resi kita. Wali ewa wetu inikaNya mampakanasaka resi kita Ia room mangantima tau to si’a to Yahudi etu.

1 Petrus 5:10

Pei kasesa to nurata ngkomi etu taa damasae. Panewa roo see i Pue Allah semo damampasilonga komi pasi Ia damampakainti, mampakaroso pasi mampakarodo seja komi. Wali Ia damangika ewa wetu apa samparia anu to manoto i Pue Allah semo pu’unya. Pasi Ia semo to roomo mampokio kita damangarata seja santila yako kayawaNya to singkasaenya. Wali matantu kita damangarata keyawa etu apa kita samba’a pei i Kerisitu Yesu.

Pangkita 19:9

Wali pomakau i mPue Allah manganto’oka aku, “Tulis gombo si’i. Masanang raya ntau to radinsi tempo roa pampaporongo Ana nu Domba.” Pasi pomakau etu manganto’o wo’u, “Gombo si’i monso yako resi i Pue Allah.”

2 Petrus 1:3

Wali i Pue Allah bae kojo kuasaNya apa Ia semo i Allah. Wali yako kuasaNya etu Ia roomo mangawaika resi kita samparia to danapake ngkita ri raya ngkatuwunta. Pasi Ia room mangawaika resi kita samparia to danapake ngkita see kita takoto mangika lengko ngkatuwu to mampakasanang Ia. Wali maka pei i Pue Allah mangawaika kita samparia etu? Ia mangawaika samparia to etu apa kita masinsani pei Ia to roomo mampokio kita. Pasi naka pei Ia nampokio kita see kita damangarata seja santila yako ri kayawaNya pasi ri kataoNya.

Ibrani 9:15

Wali tempo to lino tiroowa ri ara mporenta to uyunya, tempo etu sira re’e mangika dosa. See naka i Kerisitu mate mangansompo dosa etu see to lino maya ralapa yako ri huku nu dosa etu. Wali Ia semo to mampasilonga kita resi i Pue Allah. Pasi Ia mangabanang parajanji to bou see i sema tau to napokio i mPue Allah mawali tauNya, tau etu damangarata rasi to singkasaenya to naparajanjika i mPue Allah.

Pangkita 17:14

Wali sira damangamusu Ana nu domba, pei Ana nu Domba pasi joaNya damanganangi sira. Ia manganangi sira apa Ia semo Pue to mangkuasang samparia pue pasi Ia semo Makole to mangkuasang samparia makole. Pasi joa to sindara-ndara pei Ana nu Domba tempo manganangi baliNya etu, etu semo tau to Ia semo mampokio pasi to ipilisiNya, pasi to tare pandoonya mangalulu Ia.”

2 Petrus 1:10

Wali a’i-a’ingku, ne’e ewa wetu. I Pue Allah roomo mampokio komi pasi mangampilis komi. Wali see naka pakakoro mangika lengko to aku roomo manganto’o etu apa etu semo to masipato naika ntau to roomo napokio pasi napilis i mPue Allah. Wali ika lengko to ewa wetu apa ane ewa see komi taa damampiyaika yau pangaya ngkomi.

2 Timotius 1:9

Apa Ia semo to room mangampalaes kita. Pasi Ia room mampokio kita mawali tau to Ia Puenya, to mangika palaongiNya. Si’a yako palaong ngkita to matao naka pei Ia mangampalaes pasi mampokio kita. Naka pei Ia mangika palaong etu apa saba kanotoNya pasi apa singkonong pei songka to si Ia. Apa yako tempo owi, tempo lino si’i tawa rapapowali, i Pue Allah mansongka damampaponsanika kita kanotoNya apa saba kita samba’a pei i Kerisitu Yesu.

Epesus 1:18

Ewa wetu pokai-kaingku see i Pue Allah damampakanasaka ri raya ngkomi see komi nukurang mangansani anu to nasarumaka ngkita kita damangarata apa saba Ia room mampokio kita. Pasi aku mamporapika see komi mangansani tila to danarata ntau to i Pue Allah Puenya, tilanya etu bae kojo kayawanya.

Roma 11:29

Apa ane i Pue Allah room mangansora tau pasi room mangampilis tau mawali Ia Puenya, Ia taa mangawali pampobuukaNya mangkonong palaong etu.

Ibrani 3:1

Wali a’i-a’i to i Pue Allah Puenya pasi to napokio seja i mPue Allah damasua saruga, pobuuka kojo i Kerisitu Yesu. Ia semo to kita samparia mampatimonso Ia napokau i mPue Allah pasi Ia to pampue to bae anggaNya.

1 Korintus 7:14

Apa ane taa maga’a, to langkai to taa mangaya etu bara damangaya seja i Pue apa saba rongonya etu mangaya. Pasi ewa see seja to we’a to taa mangaya bara damangaya seja apa saba rongonya etu mangaya. Pasi ane tau samboko etu taa maga’a, ana nsira napobuuka i mPue Allah ewa ana ntau to Ia Puenya. Pei ane sira maga’a, ana nsira etu napobuuka i mPue Allah ewa ana ntau to taa mangaya.

2 Tesalonika 1:11

Wali see naka kami sangkani mampokai-kaika komi. Kami mamporapika resi i Pue Allah ngkita see Ia damangansawang komi see komi maya mangika lengko ngkatuwu to masipato naika ntau to mangarata angga to Ia mangawaika komi tempo Ia mampokio komi. Pasi kami makai-kai resi Ia see yako ri kuasaNya Ia damangansawang see damawali samparia songka ngkomi to matao, pasi samparia palaong to nuika ngkomi apa saba pangayamu.

Roma 9:24

Wali kita semo to damangarata kayawaNya etu, apa Ia roomo mampokio kita. Pei Ia si’a ojo mampokio tau yako ri oyo nto Yahudi, Ia mampokio seja tau to yako ri oyo ntau to si’a to Yahudi.

Roma 9:4

Wali ane mangkonong to Israel etu, sira semo to napilis i mPue Allah tempo owi damawali anaNya. Pasi boros wo’u to nawaika i mPue Allah to Israel. Ia re’e maroo resi sira pasi mampaporaoka sira kayawaNya. Ia mangawaika sira parajanjiNya pasi porentaNya. Pasi Ia mangawaika seja sira ada to nalulu nsira mampue mampakabae Ia. Pasi re’e wo’u parajanji matao to nawaika i mPue Allah sira mangkonong ewa wimba sira darapalaes.

Palaong mPomakau i mPue Yesu 15:14

I Simon ia room mangansaritaka kita ewa wimba naika i mPue Allah uyunya mampaponsanika tau to si’a to Yahudi pamporayangiNya see dare’e seja tau yako ri oyo nsira to damawali Ia puenya.

Palaong mPomakau i mPue Yesu 15:3

Wali tau to mangaya to siromu ri Antiokhia etu, sira mampokau tau to room rapilis etu. Wali i Paulus pasi yunu-yununya mayoko dayau ndeku Yerusalem. Ri raya mpalinjanya etu sira liu mandoo ri propinsi Penisia pasi Samaria. Tempo sira nja’u nja’u ria, sira mampakarebaka resi yunu nsira to samba’a pangaya mangkonong tau to si’a to Yahudi re’e seja to mangaya i Pue Yesu. Wali samparia tau to mangaya ri Penisia pasi Samaria etu paka masanang kojo mangandonge kareba etu.

Palaong mPomakau i mPue Yesu 14:27

Wali ojo kadongka nsira nja’u Antiokhia, sira mana’u yako ri bangka panewa roo see sira yau mampasiromunaka tau to mangaya to nja’u nja’u ria. Panewa sira dua mangansaritaka tau etu mangkonong samparia to naika i mPue Allah ri raya mpalinja nsira. Pasi sira dua mangansaritaka seja tau Antiokhia etu mangkonong ewa wimba naika i mPue Allah seore mampaponsanika seja tau to si’a to Yahudi see tau to si’a to Yahudi etu mangaya seja i Pue Yesu.

Palaong mPomakau i mPue Yesu 10:45

Wali to Yahudi to mangaya i Yesu to mangalulu i Petrus yako nja’u kota Yope, sira ipu kojo rayanya apa i Pue Allah re’e mantudumakaka tau to si’a to Yahudi soraNya, etu semo i Nosa Mapasing.

Epesus 2:12

Pei pobuuka katuwu ngkomi tempo etu. Ane tempo etu komi tawa samba’a pei i Kerisitu. Komi tempo etu ewa tau to rata ri lipu nsa’e pasi tare tila ngkomi ri parajanji anu to naparajanjika i mPue Allah to Israel, apa komi si’a to Israel. Wali tempo etu katuwu ngkomi ri lino si’i tare kesaa to masipato rasarumaka pasi komi taa mangansani i Pue Allah.