Palaong mPomakau i mPue Yesu 2:24 - Tuntu i mPue ri Basa Taa

²⁴ Wali ojo karoonya komi mampopate yau i Yesu, i Pue Allah mampotuwu muni Ia yako ri kapateNya etu. I Pue Allah mangalapa Ia yako ri kuasa nu ngkapate apa kapate taa nakurang manganta’amaka Ia.

Sura Magali Nuntu Ngkatuwu

²⁴ Paikanya i Pue Ala mampatuwu muni Sira ungka ri oyo waʼa ntau mate. Sira naomo ngkapate paikanya i Pue Ala malapasaka Sira, maka lawi bareʼe da nakoto ngkuasa ngkapate da mangkuasai mpaliu Sira.

Palaong mPomakau i mPue Yesu 2:24 Referans Kwoze

1 Korintus 6:14

Wali yako ri kuasa i mPue Allah, Ia nangawangu muni i Pue Yesu yako ri kapateNya, pasi Ia damangawangu muni seja kita yako ri kapatenta.

1 Petrus 1:21

Pasi apa saba i Kerisitu, see naka komi mangaya seja i Pue Allah. Apa i Pue Allah semo to nangawangu muni Ia yako ri kapateNya pasi to nangawaika Ia kayawaNya. Wali see naka ojo i Pue Allah semo to nuaya ngkomi pasi to nusarumaka ngkomi. Pasi see naka masipato komi mangika lengko ngkatuwu to tare dosanya sewaju ewa i Pue Allah, Pa’a ngkomi to nusarumaka ngkomi, Ia tare dosaNya.

Kolose 2:12

Apa tempo komi rabaptis rapasimba'a resi i Kerisitu, tempo etu komi nato'o i mPue Allah rapongkeli sindara-ndara pei i Kerisitu. Pasi tempo etu komi nato'o seja i mPue Allah rawangu muni sindara-ndara pei Ia. Wali naka pei komi nato'o i mPue Allah ewa wetu apa komi mangaya kuasa i mPue Allah to mangawangu muni i Kerisitu yako ri kapateNya.

Palaong mPomakau i mPue Yesu 2:32

Wali i Yesu etu, Ia semo to nawangu muni i mPue Allah yako ri kapateNya, pasi kami samparia mawali matamanasa palaong etu.

Epesus 1:20

to Ia mangampake resi i Kerisitu tempo mangawangu muni Ia yako ri kapateNya, pasi tempo mampapotunda Ia ri aweNya ri sambali tondo ngkana ndate saruga.

Yohanes 10:18

Tare tau to maya mampopate yau Aku ane Aku taa mangabiaka, pei Aku buya rayangKu rapopate yau. Aku re’e kuasa mangabiaka tau mampopate yau Aku, pasi Aku re’e seja kuasa mangampotuwu muni korongKu, apa etu semo palaong to nato’oka mPa’angKu Aku mangika.”

2 Korintus 4:14

Apa kami mangansani i Pue Allah roomo mangawangu muni i Pue Yesu yako ri kapateNya, pasi Ia semo to damangawangu muni seja kita apa saba kita samba’a pei i Yesu. Pasi Ia damangkeni kami sindara-ndara pei komi damampotango Ia. Wali see naka kami sangkani magombo mangkonong pangaya mami etu.

Roma 8:11

Tempo owi i Pue Allah nangawangu muni i Yesu yako ri kapateNya. Ia mangika palaong etu yako ri kuasa i Nosa Mapasing, pasi i Nosa Mapasing etu semo to maroo ri raya ngkita. Wali nempo damate yau koro ngkita, i Pue Allah damangawangu muni seja kita yako ri kapatenta yako ri kuasa i Nosa Mapasing to maroo ri raya ngkita etu.

Roma 6:4

Wali tempo kita rabaptis mawali samba’a pei i Kerisitu ri raya ngkapateNya etu, tempo etu kita seja nato’o i mPue Allah rapongkeli sindara-ndara pei i Kerisitu. Wali ojo karoonya i Kerisitu rapongkeli yau Ia rawangu muni saba yako kuasa i mPue Allah to bae kojo. Wali see naka kita takurang mampolengkoka lengko ngkatuwu to bou.

Ibrani 13:20

Pasi aku mampokaika komi seja. Aku makai-kai resi i Pue Allah to roomo mangawangu muni i Yesu, Pue ngkita, apa saba raaNya tempo Ia mate. Raa etu tondong parajanji to singkasaenya to naika i mPue Allah. Wali i Yesu mawalimo to Pangkampang to bae anggaNya pasi kita to mangaya raporapaka ewa domba to ikampangiNya. Wali aku makai-kai resi i Pue Allah, pu’u ngkarodo ndaya,

1 Tesalonika 1:10

Pasi komi mangandolika tangomu yako ri tau-tau etu damangampea nakama’i nu Ana i mPue Allah yako ndate saruga. Etu semo i Yesu to nawangu muni i mPue Allah yako ri kapateNya, pasi to mampalaes kita yako ri huku i mPue Allah. Huku etu danarata nto lino apa saba i Pue Allah maja’a rayaNya mangkita dosanya. Pei kita to mangaya taa mangarata huku etu.

Roma 10:9

Apa ane kita mampatimonso, manganto’o, “I Yesu Ia semo Pue,” pasi ane raya ngkita mangaya kojo i Pue Allah room mangawangu muni i Yesu yako ri kapateNya, ane ewa see kita darapalaes.

Roma 4:24

Gombo etu ratulis mangkonong kita seja. Apa i Pue Allah damanganto’o kita seja tare dosanta apa saba kita mangaya Ia to mangawangu muni i Yesu, Pue ngkita yako ri kapateNya.

Palaong mPomakau i mPue Yesu 17:31

Naka pei Ia manganto’o ewa wetu apa Ia room mampakatantu temponya darapangabotus to lino. Pasi re’e samba’a tau, i Yesu semo, to napilis i mPue Allah mangabotus to lino etu, wali Ia damangabotus to lino singkonong pei anu to masipato raika. Wali i Pue Allah room mampakanasaka resi samparia kita to lino monso pu’u Ia damangika palaong etu. Wali anu to inikaNya mampakanasaka kita, etu semo Ia mangawangu muni i Yesu etu yako ri kapateNya.”

Palaong mPomakau i mPue Yesu 13:30

Pei i Pue Allah mangawangu muni Ia yako ri kapateNya,

Palaong mPomakau i mPue Yesu 3:15

Panewa komi mampopate yau i Yesu anu pu’u ngkatuwu. Pei karoonya komi mampopate yau Ia i Pue Allah mangawangu muni Ia yako ri kapateNya. Pasi kami semo matamanasa palaong to etu.

Galatia 1:1

Sura si’i yako resi aku, i Paulus. Aku semo pomakau i Yesu Kerisitu. Si’a to lino to mampokau aku pasi to mangawaika aku kuasa. To mampokau aku pasi to mangawaika aku kuasa, etu semo i Yesu Kerisitu pasi i Pue Allah, Pa’a, to nangawangu muni i Yesu yako ri kapateNya.

Palaong mPomakau i mPue Yesu 3:26

Wali i Pue Allah mangampilis to PapolaongiNya, i Yesu, panewa mampokau Ia ma’i resi kita ruyu, damampakasanang kita. Wali ewa si’i nikaNya mampakasanang kita, Ia mangansawang kita samba’a pei samba’a see kita rani mangandolika tangonta yako ri palaong ngkita to maja’a.”

1 Korintus 15:15

Pei si’a ojo etu, apa ane i Kerisitu taa rawangu muni, batuanginya kami mawuti tempo kami manganto’oka tau mangkonong i Pue Allah. Apa kami room manganto’oka tau i Pue Allah re’e mangawangu muni i Kerisitu yako ri kapateNya. Pei ane monso pu’u tau mate taa rawangu muni, ane ewa see i Pue Allah taa seja mangawangu muni i Kerisitu.

Palaong mPomakau i mPue Yesu 13:37

Pei i Yesu, to nawangu muni i mPue Allah etu, Ia taa naboo yau lembaNya.

Palaong mPomakau i mPue Yesu 4:10

ane ewa see, padongeka gombongku si’i. Aku mampaponsanika komi pasi samparia to Israel, ngkai si’i rapakatao pasi ia marosomo makore ri tango ngkomi seo si’i apa saba kuasa to yako i Yesu Kerisitu to Nasaret. I Yesu etu, Ia semo to komi mangampaku ri kaju pasape seore, pei i Pue Allah roomo mangawangu muni Ia yako ri kapateNya.

Yohanes 20:9

Apa ri katawanya sira mangkita palaong to etu sira tawa manasanya tuntu i mPue Allah to manganto’o i Yesu taa maya taa mambangu muni yako ri kapateNya.

Pangkita 1:18

Aku semo to tuwu. Tempo ruyu Aku mate pei tempo si’i Aku tuwu singkasaenya. Wali Aku semo mangkuasang kapate ntau pasi mangkuasang lipu ntau mate.”

1 Korintus 15:12

Wali kami room mampakarebaka resi komi manganto’o i Kerisitu rawangu muni yako ri kapateNya. Wali ane ewa see maka pei re’e komi to manganto’o tare tau to rawangu muni yako ri kapatenya?

Roma 14:9

Wali naka pei i Kerisitu mate pasi tuwu muni see Ia maya mawali Pue ntau samparia, nempo to matem pasi to tuwuwa.

Roma 8:34

Wali i sema to damanganto’o kita masipato rahuku? Bara i Kerisitu? Si’a, apa Ia room mangkapateka kita. Pasi Ia si’a ojo mate yau, Ia seja rawangu muni yako ri kapateNya. Pasi si’i-si’i Ia re’e ri awe i mPue Allah tondo ngkana, ri tampa to bae angganya, pasi Ia mamponsaruka kita.

Yohanes 12:39

Pasi i Yesaya mamporata wo’u gombo i mPue Allah to manganto’o, “Aku roomo mampakabuta mata nsira naka ne’e sira mangkita, pasi Aku roomo mangaba’a pampobuuka nsira naka ne’e sira mangansani. Aku mangika ewa wetu naka ne’e sira mangandolika tango nsira resi Aku see Aku damampakatao sira.” (Yesaya 6:10) Etu semo gombo i mPue Allah to naparata i Yesaya. Wali gombo etu mampakanasa yami mangkonong tau to mangkita palaong to taa rapobiasa to naika i Yesu, pei sira tiroo taa mangaya Ia.

Ibrani 2:14

Wali tau to nato’oka i Yesu “ngana” etu, tau etu ojo to lino semo, koro nsira ojo raa pasi wombo. Wali see naka i Yesu mawali seja to lino, see yako kapateNya Ia mampakaja’aka yau kuasa i Maja’a anu to mangkuasang kapate.

Matius 27:63

Tempo sira rata resi ia, sira manganto’o, “Pa’a, kami tiroowa kuendo gombo nto pantipu etu tempo Ia tuwuwa. Tempo etu Ia manganto’o, ‘Aku damate pei ri rayanya togo eo Aku damambangu muni yako ri kapatengKu.’

Yohanes 10:35

Wali kita mangansani tuntu i mPue Allah monso kojo pasi taa maya rawali batuanginya. Wali ane to lino to biasa to mamporata tuntuNya etu pei nato’o mPue Allah ‘pue,’

Palaong mPomakau i mPue Yesu 1:16

“A’i-a’i, gombo i mPue Allah to ratulis ri raya ntuntuNya, gombo etu taa maya taa tibanang. Wali gombo etu nato’o i Nosa Mapasing tempo owi mangampake nganga i Makole Daud. Ia manganto’o yami mangkonong i Yudas to mawali matanjaya ntau to mangansoko i Yesu seore.

Palaong mPomakau i mPue Yesu 5:30

I Pue Allah to napue nu bue-bue ngkita tempo owi, Ia semo to nangawangu muni i Yesu to mate nupaku ngkomi ri kaju pasape seore.

1 Korintus 15:4

Roo see Ia rapongkeli panewa roo see ri eo to katogo Ia rawangu muni yako ri kapateNya singkonong ewa to ratulis yami ri raya ntuntu i mPue Allah.

1 Korintus 15:20

Pei monso pu’u i Kerisitu rawangu muni yako ri kapateNya. Ia raporapaka ewa so’o mpae to uyunya rapota apa Ia semo to uyunya rawangu muni see tamo damate wo’u. Wali see naka samparia tau to mangaya Ia to namate yau, to raporapaka ewa tau to yore, tau etu darawangu muni seja sewaju pei Ia.