Palaong mPomakau i mPue Yesu 2:17 - Tuntu i mPue ri Basa Taa

¹⁷ Ia mangantulis gombo i mPue Allah, to’onya, ‘Ane rata ri kapuranya temponya to si’i Aku damangantudumaka NosangKu resi samparia to lino. Wali nganamu to langkai pasi to we’a sira damampakarebaka komi tuntungKu. Pasi ane to langkai to si komi to mangurawa sira damangkita pangkita to Aku mampapokitaka sira, pasi to tu’amo damampongipika mangkonong pangipi to daKuwaika sira.

Sura Magali Nuntu Ngkatuwu

¹⁷ Ndatoʼo i mPue Ala, ‘Ri tempo da kapusa lino, Yaku da mawai Inosa-Ku ri pura-pura tau. Waʼa anami anu tuama pai waʼa anami anu weʼa da mampetumbuka komi nuntu anu Kuparataka tau seʼe. Waʼa ngalitaumi da mangangkita waʼa anu da Kutujuka tau seʼe. Waʼa ntau tuʼami da mangipi da mampangipika anu da Kutoʼoka tau seʼe.

Palaong mPomakau i mPue Yesu 2:17 Referans Kwoze

Palaong mPomakau i mPue Yesu 10:45

Wali to Yahudi to mangaya i Yesu to mangalulu i Petrus yako nja’u kota Yope, sira ipu kojo rayanya apa i Pue Allah re’e mantudumakaka tau to si’a to Yahudi soraNya, etu semo i Nosa Mapasing.

Yohanes 7:39

Wali etu semo ligi to nato’o i Yesu. Ane ri ligi etu, ue to mangawai katuwu batuanginya i Nosa Mapasing to dama’i damaroo ri raya ntau to mangaya i Yesu. Pei tempo etu i Nosa Mapasing tawa rawaika resi tau apa i Yesu tawa tiokotaka muni nto’u saruga. Wali ane tempo Ia datiokotaka muni nto’u saruga etu, tempo etu Ia damangoko muni kayawaNya.

Ibrani 1:2

Pei ri tempo si’i, to mosumo kapuranya temponya to si’i, Ia mangampogomboka kita liu ri nganga nu AnaNya semo. AnaNya etu semo to Ia nangampake mampapowali lino tempo owi. Pasi AnaNya etu semo to i Pue Allah room mampakatantuka yami pasi roomo mangawaika samparia anu to re’e.

1 Korintus 12:28

Wali ewa wimba naika i mPue Allah mampasilonga saga ngkoro ngkita to lino, ewa see seja nikaNya mampasilonga kita to saga ngkoro i ngKerisitu. Apa ane kita to mangaya, re’e to uyunya napilis i mPue Allah mawali pomakau i mPue Yesu. Pasi to kadua, etu semo to pantuntu tuntu i mPue. To katogo, etu semo tau to mampotundeka sa’e tuntu i mPue. Roo see re’e wo’u tau to nawaika i mPue Allah kuasa mangika palaong to taa rapobiasa. Pasi re’e seja to rawaika kuasa mampakatao muni panyaki mpangaya-ngaya. Panewa re’e wo’u tau to palaonginya mangansawang sa’e, pasi tau to mawali penatua. Pasi re’e seja to rawaika kapande magombo ri raya basa to mpangaya-ngaya to taware igurunya. Wali ewa wetu naika i mPue Allah mampasilonga saga ngkoro i ngKerisitu.

Lukas 3:6

see samparia to lino damangkita ewa wimba danaika i mPue Allah mampalaes tau.’” (Yesaya 40:3-5) Wali etu semo gombo i Yesaya tempo owi mangkonong palaong i Yohanes.

Palaong mPomakau i mPue Yesu 21:9

I Pilipus etu ia opo mba’a ananya to paka ngana we’a. Pasi sira opo paka to pantuntu tuntu i mPue Allah.

2 Petrus 3:3

Wali uyu-uyunya aku rani mampaponsanika komi mangkonong anu to damawali ri temponya mosumo danakarata i mPue. Wali tempo etu re’e tau to bampokore damasuwu. Tau etu damangika lengko ngkatuwu to ojo mangaluluka yau pamporani ndaya nsira.

1 Korintus 12:10

Panewa re’e wo’u tau to rawaika kuasa mangika palaong to taa rapobiasa. Pasi tau to yusa rawaika mawali to pantuntu tuntu i mPue Allah. Pasi re’e tau to rawaika kapande mampasisala tau to monso pu’u mangaluluka tuntu i mPue pei tau to taa. Panewa re’e wo’u tau to rawaika kapande magombo ri raya basa mpangaya-ngaya to taware igurunya. Pasi re’e seja tau to rawaika kapande mampaponsanika sa’e batuanginya gombo ntau to magombo ri raya basa to yusa etu.

Roma 5:5

Wali pansarumaka etu taa mangantipu kita. Apa samparia to kita mansarumaka etu paka damawali kojo. Apa i Pue Allah room mangawaika kita i Nosa Mapasing, pasi i Nosa Mapasing etu mampaponsanika ri raya ngkita ewa wimba kabaenya pamporayang i mPue Allah resi kita.

Yohanes 17:2

Apa Komi roomo mangawaika Aku kuasa damangkuasang samparia to lino, see Aku maya mangawaika katuwu to singkasaenya resi samparia sira to Komi mansarumakaka resi Aku.

Pomulanya 49:1

Wali ojo karoonya i Yakub mampogomboka i Yusup sira togo sana, ia mampokau tau yau mangalo’a samparia ananya. Wali tau etu yau mangalo’a sira. Ojo karata nsira nja’u songi mpa’anya etu, ia manganto’oka sira, to’onya, “Mai, siromu ri awengku si’i. Aku, i Yakub, to rato’oka seja i Israel, aku semo pa’a ngkomi, wali padongeka gombongku si’i. Apa aku rani mampaponsanika komi mangkonong palaong to damawali resi komi ri tempo to darata.” Etu semo to nato’oka i Yakub samparia ngananya etu.

Yakobus 5:3

Pasi weyawa pasi pera to re’e resi komi roomo kataisi yau apa komi ojo mangkalisoka pei taa rani mangampake damangansawang sa’e. Wali ri tempo to darata, komi damampobuuka weyawa pasi pera to nakataisi yau etu panewa komi dasoso kojo raya ngkomi apa saba komi taa mangansawang sa’e. Wali soso ndaya to danurata ngkomi etu maya raporapaka ewa apu to mangkoni yau koro ngkomi, apa mapari kojo soso ndaya etu. Apa tempo si’i semo temponya mosumo danakarata i mPue. Pei gete, nempo ewa wetu komi tiroo kanjo’u-njo’u kaboro-boros kasugi to nukalisoka yau ngkomi!

Pomulanya 6:12

Wali i Pue Allah mangalo’a to lino, Ia mangkita monso-monso pu’u maja’a kojomo apa samparia to lino mangangika lengko ngkatuwu to maja’a.

Palaong mPomakau i mPue Yesu 11:28

Samba’a sira sanganya i Agabus. I Agabus etu makore panewa yako kuasa i Nosa Mapasing ia manganto’o yami mangkonong oro to mapari kojo to damawali ri sambawo lino. (Palaong etu nawali tempo i Klaudius mawali makole ri tana Roma.)

Palaong mPomakau i mPue Yesu 2:16

Pei palaong to mawali si’i, etu semo to natulis yami nto pantuntu tuntu i mPue Allah tempo owi, i Yoel.

Palaong mPomakau i mPue Yesu 2:18

Pasi to papolaongingKu seja ri tempo etu bara to langkai bara to we’a, sira seja daKutudumakaka NosangKu, wali sira seja damampakarebaka tuntungKu.

Palaong mPomakau i mPue Yesu 2:33

“Wali i Yesu tiokotaka damatunda ri tampa to bae angganya ri tondo ngkana i mPue Allah. Pasi i Pue Allah, Pa’aNya mangawaika Ia i Nosa Mapasing to room raparajanjika tempo owi. Wali i Yesu mantudumaka seja i Nosa Mapasing resi kami, wali palaong to nukita ngkomi pasi to nudonge ngkomi si’i batuanginya i Nosa Mapasing to natudumaka i Yesu etu naratamo resi kami.

Palaong mPomakau i mPue Yesu 11:27

Wali ri tempo etu seja re’e bara sawei mba’a to pantuntu tuntu i mPue Allah yako nda’a Yerusalem rata ri Antiokhia.