Palaong mPomakau i mPue Yesu 18:24 - Tuntu i mPue ri Basa Taa

²⁴ Wali ri tempo etu seja re’e samba’a to Yahudi to yako kota Aleksandria to rata nja’u kota Epesus. Ngkai etu sanganya i Apolos. Ia pande kojo magombo pasi ia mangansani kojo anu to ratulis ri raya ntuntu i mPue.

Sura Magali Nuntu Ngkatuwu

²⁴ Ungka lairia ratamo ri Epesu sambaʼa to Yahudi anu ndapoana ri Alesanderia i Apolo toʼonya. Siʼa loʼe mompau pai maincani bangani Ncura Magali,

Palaong mPomakau i mPue Yesu 18:24 Referans Kwoze

Titus 3:13

Pasi mangkonong i Apolos sira dua to pobotus, i Senas, to damayoko yako resi komi, sawang kojo sira see gana to danapake tempo ri raya mpalinjanya.

1 Korintus 4:6

Wali a’i-a’i, samparia anu to aku room manganto’o etu kono seja kami dua i Apolos. Wali aku mangampake kami dua ewa tondong resi komi see yako tondong etu komi maya mawali manasa batuanginya gombo to ratulis to manganto’o, “Ne’e raliunaka anu to ratulis.” Apa ane komi manasa mangkonong to ratulis, etu semo ri raya ntuntu i mPue, ane ewa see komi tare to damangei pasi damanganto’o, “Aku mangalulu tau to si’i pei korom ojo mangalulu tau to etu.”

1 Korintus 16:12

Wali re’e wo’u to aku rani manganto’o mangkonong a’i ngkita to samba’a pangaya, i Apolos. Wali aku mamporapika kojo resi ia see ia dayau mayunu resi komi sindara-ndara pei pua’i ngkita to yusa. Pei ia bo’onya yau ri tempo si’i. Pei tempo ia yoa, tempo etu ia dayau resi komi.

1 Korintus 1:12

Batuanginya ewa si’i. Apa re’e singga’a tau to manganto’o, “Aku mangalulu i Paulus.” Pasi singga’a wo’u manganto’o, “Aku mangalulu i Apolos.” Panewa re’e wo’u to manganto’o, “Aku mangalulu i Kerisitu.”

Palaong mPomakau i mPue Yesu 6:9

Pei re’e tau to mangabanta ia. Tau to mangabanta ia etu sira yako ri banua to napampotunde nto Yahudi to tempo ruyu sira watua pei tempo si’i tamo napowatua ntau. Tau etu yako ri kota Kirene pasi kota Aleksandria pasi yako ri propinsi Kilikia pasi Asia. Wali tau etu semo to mangabanta i Stepanus.

Kolose 3:16

Wali saka kojo samparia gombo to nato'o i ngKerisitu ri raya ngkomi. Gombo etu bae kojo batuanginya raporapaka ewa kasugi. Wali pake gombo i ngKerisitu etu damasipotunde pei masipaposiaka yako kasamparianya kapande to nawaika i mPue Allah komi. Pasi ponyanyika nyanyi ewa gombo to ratulis ri raya buku Masmur. Pasi matao seja mamponyanyika nyanyi to mangabarong i Pue Allah pasi nyanyi to yusa mangkonong Ia. Wali ponyanyika nyanyi etu resi i Pue batuanginya manganto'oka Ia tarima matao apa kabuya ndaya ngkomi.

2 Korintus 10:10

Apa re’e tau to manganto’o, “Sura i mPaulus, gombonya maroso pasi re’e kuasanya, pei ane ia re’e ri oyo ngkita ia si’a ewa wetu. Apa ia mayu’u rayanya pasi gombonya tare batuanginya.” Ewa wetu nato’o ntau mangkonong aku.

Palaong mPomakau i mPue Yesu 27:6

Wali nja’u Mira etu, kami mana’u yako ri bangka panewa kepala ntentara mangarata wo’u samba’a bangka yako nja’u kota Aleksandria, bangka etu dayau njo’u tana Italia. Wali see naka ia manganto’oka kami mapone wo’u ri bangka to etu. Roo see kami malayag wo’u.

Palaong mPomakau i mPue Yesu 7:22

Wali samparia kapande nto Mesir rapotundeka seja i Musa, wali samparia gombonya pasi lengkonya bae kojo batuanginya.

Lukas 24:19

Wali i Yesu mampotanaka, “Palaong kesaa?” Wali sira dua mangansono, sira manganto’o, “Mangkonong palaong to nawali resi i Yesu to Nasaret. Ia samba’a to pantuntu tuntu i mPue Allah. Pasi ri pangkita i mPue Allah pasi ri pangkita ntau boros, samparia to Ia manganto’o pasi to Ia mangika mampakanasaka tau Ia bae kojo kuasaNya.

Matius 13:52

Panewa i Yesu manganto’o, “Aku roomo mampotundeka komi mangkonong i Pue Allah mawali Makole nto lino. Wali komi mawali guru to maya raporapaka ewa tau pue banua. Tau pue banua etu dua ngaya kasuginya ri raya ngkondanya. Wali kasuginya etu re’e to bou pasi re’e seja to masaem to ia maya mangoko pei mangampake. Komi raporapaka ewa wetu apa komi mangansani mampotundeka tau porenta i mPue Allah anu to masae pasi komi mangansani seja mampotundeka sira gombo to si Aku anu to bou wo’u.”

Posuwunya 4:10

Pei i Musa manganto'oka i Pue Yawe, "O Pue! Ne'e mampokau aku apa aku taa pande magombo. Yako ri tempo Komi tawa mampogomboka aku, aku taa yami pande. Pasi rataka tempo si'i aku taa seja pande, apa gombongku malaa pasi taa maripo kojo pampobuukangku.” Etu semo gombo i Musa mangika wo’u anto.

Palaong mPomakau i mPue Yesu 18:28

Apa ia maroso kojo naika mangabanta gombo nto Yahudi, pasi manganangi sira ri tango ntau boros. Ia mangabanta sira mangabasaka sira tuntu i mPue Allah panewa yako ri tuntu i mPue to nabasa etu, ia mampakanasaka sira i Yesu Ia semo i Kerisitu, Makole parajanji i mPue Allah.

Palaong mPomakau i mPue Yesu 18:19

Wali ri raya mpalayag etu, sira liu mandoo ri kota Epesus. Nja’u ria i Paulus yau njo’u banua to napampotunde nto Yahudi. Ia magombo-gombo resi to Yahudi to siromu nja’u ria mampakanasaka sira mangkonong pampobuuka to si ia. Pasi sira manganto’oka seja ia pampobuuka to si sira. Sira mamporapika resi ia see ia damaroo-roo masae sangkodi ri lipu nsira, pei ia taa rani. Pei tempo ia mampiyaika sira ia manganto’o, “Ane i Pue Allah damangawaika, tempo yusa aku dama’i muni resi komi.” Wali yako etu i Paulus mapone wo’u ri bangka pei malayag wo’u dapolas njo’u propinsi Siria. Pei i Priskila sira dua i Akwila taa yau. Sira dua maroo ri kota Epesus etu.

Palaong mPomakau i mPue Yesu 19:1

Wali tempo i Apolos nja’uwa nja’u kota Korintus etu, i Paulus ia re’emo ri raya mpalinjanya. Ia mangalulu jaya to longko yako ri wii ntasi to liu ri propinsi Galatia pasi Prigia, panewa rata wo’u nja’u kota Epesus. Wali nja’u ria ia mangarata bara sawei mba’a anaguru i mPue Yesu.