Palaong mPomakau i mPue Yesu 17:23 - Tuntu i mPue ri Basa Taa

²³ Apa tempo aku malinja-linja ri kota ngkomi si’i aku re’e mangkita boros anu to nupue ngkomi. Pasi aku mangarata seja palampa to nja’u ratulis, ‘RESI PUE TO TAA RANSANI.’ Wali Pue to nupue ngkomi pasi to taa nunsani ngkomi etu, Pue etu semo to kupakarebaka resi komi.

Sura Magali Nuntu Ngkatuwu

²³ Maka ri pelinja-linjaku ri raya ngkota seʼi, kukitamo waʼa lampaʼani mpanyombami ri lamoa, pai kukita woʼu sambaka kareʼe mpanyomba anu njau ukinya mantoʼo, ‘Tila mPue Ala Anu Bareʼe Ndaincani!’ Mewali komi mampanyomba mPue Ala anu bareʼe ndiincani toʼonya, pai inceʼemo anu maʼi kupetumbuka komi seʼi.

Palaong mPomakau i mPue Yesu 17:23 Referans Kwoze

Yohanes 17:3

Wali batuanginya katuwu to singkasaenya, batuanginya etu semo tau maya mangansani Komi. Apa Komi semo i Pue Allah to monso pasi to samba’aja. Pasi katuwu to singkasaenya etu, batuanginya seja sira maya mangansani i sema kamonsonya Aku. Apa Aku semo i Yesu Kerisitu, to nupokau ngKomi.

Yohanes 17:25

“O Pa’a, Komi to sangkani mangika ewa wimba to masipato raika, Aku manganto’o resi Komi mangkonong to lino to taa mangaya, sira taa mangansani i sema kamonsonya Komi. Pei nempo ewa see, Aku mangansani Komi. Pasi anagurungKu seja mangansanika Komi semo to nampokau Aku.

1 Korintus 1:21

Apa i Pue Allah pande kojo pasi ane ewa songka to si Ia to lino taa damangansani Ia ane mangampake kapande to si sira. Ane songka i mPue Allah, to lino darapalaes ane sira mangaya anu to bea ane ewa pandonge ntau, etu semo kareba matao to kami mampakarebaka.

Roma 1:28

Wali apa saba tau taa rani mampatimonso i Pue Allah ri raya pampobuuka nsira, see naka i Pue Allah jamo mangabiaka yau pampobuuka nsira etu mawali maja’a. Wali yako ri pampobuuka to maja’a etu see naka sira mampolengkoka lengko to taa masipato naika ntau.

Palaong mPomakau i mPue Yesu 17:30

Tempo ruyu, tempo to lino tawa mangansani pamporani i mPue Allah, tempo etu i Pue Allah ojo mangansabaraka sala to naika ntau etu. Pei ri tempo si’i Ia mamporentang samparia tau ri sambawo lino, to’oNya, ‘Pajeamo!’

1 Yohanes 5:20

Pasi kita tansani seja Ana i mPue Allah nama'imo. Pasi Ia roomo mampakanasaka kita see naka kita maya mangansani i Pue Allah to monso. Wali kita roomo mawali samba'a resi i Pue Allah to monso etu apa kita samba'a pei AnaNya, i Yesu Kerisitu. Ia semo i Allah to monso pasi Ia semo pu'u ngkatuwu to singkasaenya. Wali see naka masipato kita tuwu masingkatao pei Ia.

1 Timotius 1:17

I Pue Allah Ia Makole to singkasaenya, pasi Ia taa damate, pasi taa rakita. Ojo Ia semo i Pue Allah, pu’u ngkapande. Wali anu kita manga’angga pasi mangabarong Ia rataka ri singkasaenya. Amin.

2 Tesalonika 2:4

Wali tau to baraewa etu ia damangewa samparia to napue ntau pasi to nato’oka ntau Allah. Pasi ia damangokotaka koronya pei manganto’o, “Aku semo to bae-bae anggangku pei samparia to napue ntau.” Pasi ia damasua pei matunda ri raya banua i mPue Allah pasi damanganto’o, “Aku semo i Pue Allah.”

Epesus 2:12

Pei pobuuka katuwu ngkomi tempo etu. Ane tempo etu komi tawa samba’a pei i Kerisitu. Komi tempo etu ewa tau to rata ri lipu nsa’e pasi tare tila ngkomi ri parajanji anu to naparajanjika i mPue Allah to Israel, apa komi si’a to Israel. Wali tempo etu katuwu ngkomi ri lino si’i tare kesaa to masipato rasarumaka pasi komi taa mangansani i Pue Allah.

1 Korintus 8:5

Kamonsonya re’e to nato’oka ntau “allah”. Boros kojo to ndate yangi pasi to ri wawo lino to nato’oka ntau “allah” pasi “pue”.

Yohanes 8:54

Wali i Yesu manganto’o, “Ane Aku manga’angga korongKu, tare batuanginya. Pei Pa’angKu, Ia semo to manga’angga Aku. Komi mampoanika Ia Allahmu,

Matius 15:9

Wali tau to ewa wetu tare batuanginya mampue resi Aku, apa ane sira mampoguruka tau, sira ojo mampoanika mampoguru tuntu i mPue Allah, pei kamonsonya anu to napoguru nsira etu ojo ada nto lino.’ (Yesaya 29:13; Mrk 7:6-7) Wali etu semo to nato’o i Yesaya mangkonong komi.” Wali ewa wetu nato’o i Yesu mampakanasaka tau etu ojo gombo nsira to manoto. Apa sira mampakasala kami to anaguru i Yesu, pei kamonsonya si’a porenta i mPue Allah to naliunaka mami etu, ada nto lino semo.