Palaong mPomakau i mPue Yesu 17:1 - Tuntu i mPue ri Basa Taa

¹ Wali tempo i Paulus sira dua i Silas mayoko yako ri kota Pilipi etu, sira malinja liu ri kota Ampipolis pasi Apolonia, rata nja’u kota Tesalonika. Nja’u ria re’e banua to napampotunde nto Yahudi.

Sura Magali Nuntu Ngkatuwu

¹ Malaimo i Paulu pai i Silasi moliu ri Ampipoli pai Apolonia nepa jela ri Tesalonika. Njairia njau banua mpekakai nto Yahudi.

Palaong mPomakau i mPue Yesu 17:1 Referans Kwoze

Pilipi 4:16

Sakowa tempo aku nja’u nja’u kota Tesalonika seore komi si’a ojo sangkani mampokatu pansawang resi aku tempo aku taa gana to kupake.

1 Tesalonika 1:1

Sura si’i yako resi aku, i Paulus, pasi yako i Silas pasi i Timotius. Sura si’i kami mangantulisika komi to mangaya i Pue Yesu to siromu nja’u kota Tesalonika. Komi seja samba’a pei i Pue Allah, Pa’a pasi i Pue Yesu Kerisitu. Wali kami makai-kai see i Pue Allah, Pa’a ngkita pasi i Pue Yesu Kerisitu, damampaponsanika komi kanotoNya pasi damangawaika komi karodo ndaya.

2 Tesalonika 1:1

Sura si’i yako resi aku, i Paulus, pasi yako i Silas pasi i Timotius. Sura si’i kami mangantulisika komi to mangaya i Pue Yesu to siromu nja’u kota Tesalonika. Komi seja samba’a pei i Pue Allah, Pa’a ngkita pasi i Pue Yesu Kerisitu.

Palaong mPomakau i mPue Yesu 20:4

Pasi re’e pitu tau to mangalulu ia. Tau etu sanganya samba’a i Sopater, ana i Pirus to yako kota Berea. Pasi re’e seja i Aristarkhus sira dua i Sekundus to yako kota Tesalonika. Pasi re’e seja i Gayus to yako kota Derbe, pasi i Timotius, panewa re’e seja i Tikhikus sira dua i Tropimus to paka yako propinsi Asia.

2 Timotius 4:10

apa i Demas room mampiyaika yau aku saba ia mamporayang katuwunya ri lino si’i. Wali ia nayaumo njo’u kota Tesalonika. Pasi i Kreskes ia nayaumo njo’u propinsi Galatia pasi i Titus nayaumo njo’u Dalmatia.

Palaong mPomakau i mPue Yesu 27:2

Wali kami mapone ri bangka to yako ri kota Adramitium. Bangka etu tamo masae damalayag wo’u njo’u pelabuan-pelabuan to ri wii ntasi ri propinsi Asia. Wali ojo karoonya kami mapone ri bangka etu, kami malayag. Tempo kami malayag etu, re’e seja samba’a tau sanganya i Aristarkhus mangalulu kami. Ngkai etu yako ri kota Tesalonika ri propinsi Makedonia.

Palaong mPomakau i mPue Yesu 17:13

Pei yako etu to Yahudi to nja’u Tesalonika to kaloo seore mangkita tau boros mangalulu i Paulus pasi yununya, sira mangandonge kareba to manganto’o i Paulus re’e seja mampakarebaka tuntu i mPue resi tau nja’u kota Berea. Wali sira mangampago kota Berea. Ojo karata nsira, sira mangarotai pasi mampakasusa raya ntau boros nja’u ria.

Palaong mPomakau i mPue Yesu 17:11

Wali to Yahudi to nja’u nja’u kota etu sira semo to sana-sanang mampodongeka tuntu i mPue pei tau ri Tesalonika. Tempo i Paulus mampotundeka sira tuntu i mPue Allah, sira masanang kojo mampodongeka, pasi ponto eo sira mamparesa tuntu i mPue etu mampakanasa bara monso pu’u anu to nato’oka i mPaulus sira etu, bara taa.

Palaong mPomakau i mPue Yesu 16:13

Wali ri rayanya kami maroo-roo nja’u kota etu, ojo karatanya Eo Rapandoo, kami yau ri sambali mbombo ngkota, yau mampago nja’u towo nue. Naka pei kami mampago nja’u ria apa kami mampondayaka nja’u ria semo tampa to napago nto Yahudi yau damakai-kai resi i Pue Allah. Wali ojo karata mami nja’u ria, kami matunda panewa mamula mampogomboka tau we’a to siromu nja’u ria.

Palaong mPomakau i mPue Yesu 15:21

Wali etu semo porenta-porenta i Musa to matao sira mangaluluka naka ne’e sira mampakasusa raya nu yunu ngkita to Yahudi. Apa yako tempo owi porenta-porenta to etu ponto Eo Rapandoo rabasa nja’u raya banua-banua to napampotunde nto Yahudi pasi rapakarebaka resi tau nja’u ponto kota.”

Palaong mPomakau i mPue Yesu 14:1

Wali ojo karata i mPaulus sira dua i Barnabas nja’u kota Ikonium, sira masua sindara-ndara ri raya banua to napampotunde nto Yahudi, panewa sira mampakarebaka tau to siromu nja’u ria kareba matao. Tempo sira magombo etu sira mampakanasa kojo kareba matao wali see naka boros kojo tau to mangaya i Pue Yesu. Tau to mangaya etu re’e to Yahudi pasi re’e seja to si’a to Yahudi.

Palaong mPomakau i mPue Yesu 17:10

Wali yako etu, ojo kawurinya rao, i Paulus sira dua i Silas napokau mpua’inya to samba’a pangaya etu yau njo’u kota Berea. Ojo karata nsira dua nja’u Berea etu, sira dua masua ri raya banua to napampotunde nto Yahudi.

1 Tesalonika 2:2

Apa komi mangansani seja mangkonong palaong to mawali resi kami nja’u kota Pilipi ri tempo kami tawa rata resi komi. Tempo etu kami nasesai pasi narunes ntau Pilipi etu. Pei nempo ewa wetu, i Pue Allah mampakaroso raya mami see kami taa meka yau damampakarebaka resi komi kareba matao to yako resi Ia. Wali see naka nempo boros tau ri kota Tesalonika etu to mangewa seja, pei kami tiroo maroso raya mami mampakarebaka resi komi kareba matao.