Palaong mPomakau i mPue Yesu 16:14 - Tuntu i mPue ri Basa Taa

¹⁴ Tau we’a to mangandonge gombo mami etu, samba’a sanganya i Lidia. I Lidia etu ia yako ri kota Tiatira, pasi ia tau to mampobalu kain to makamumu to masuli olinya. I Lidia etu ia tau to si’a to Yahudi pei ia mampue mampakabae i Pue Allah. Wali i Pue mangalokasika ia pampobuukanya see ia mampodongeka kojo gombo to nato’o i mPaulus.

Sura Magali Nuntu Ngkatuwu

¹⁴ Ri oyo waʼa mbeʼa setu, reʼe sambaʼa weʼa topobalu-balu anu biasa mampobalu ayapa makodara i Lidia toʼonya, siʼa to Tiatira. Siʼa mampotowe i Pue Ala, i Pue malengkosi rayanya da mantarima anu napaguru i mPaulu ri siʼa.

Palaong mPomakau i mPue Yesu 16:14 Referans Kwoze

Lukas 24:45

Wali yako etu i Yesu mangaloka pampobuuka nsira see naka sira nakoto mangansani batuanginya tuntu i mPue Allah.

Pangkita 3:20

Lo’aka aku. Aku makore ri tango nu wombo pei mangadedek wombo etu pasi mampokio. Wali ane re’e tau to mangandonge loongKu, pei mangalokasika wombo, Aku damasua resi tau etu pei mangkoni sindara-ndara pei ia pasi ia damangkoni sindara-ndara pei Aku.

Roma 9:16

Wali ane i Pue Allah rani mangampilis tau, si’a yako pamporani ntau etu bara yako palaong ntau etu naka pei i Pue Allah mangampilis ia. Ojo yako pamporayang i mPue Allah semo.

Pilipi 2:13

Wali pakadota mangika palaong to etu, apa i Pue Allah semo to mapalaong ri raya ngkita naka kita rani mangika palaong to mampakasanang Ia, pasi naka kita takoto mangika palaong to etu.

Palaong mPomakau i mPue Yesu 11:21

Wali kuasa i mPue re’e resi tau to mampakarebaka kareba matao etu, wali boros kojo tau to mangaya pasi mangandolika tangonya resi i Pue.

Pangkita 3:7

Wali yako etu i Pue manganto’oka wo’u aku, “Tulisika seja pomakau ntau to mangaya Aku to siromu nja’u kota Piladelpia. To’oka ia: Si’i gombo yako resi Ia to mapasing pasi to monso, to re’e kuasa seja ewa kuasa i Makole Daud tempo owi. Kuasa etu raporapaka ewa kunsi. Wali ane Ia mangaloka wombo, tare tau to maya mangaba’a, pasi ane Ia mangaba’a, tare to maya mangaloka. Batuanginya tare tau to maya mangewa Ia.

Palaong mPomakau i mPue Yesu 18:7

Wali ojo karoonya i Paulus magombo etu ia masuwu muni yako ri banua to napampotunde nto Yahudi pei yau maroo ri banua to ri awenya. Banua etu puenya tau to si’a to Yahudi pei ia mampue mampakabae i Pue Allah. Tau etu sanganya i Titius Yustus.

Pangkita 1:11

pei manganto’o, “Aku semo Alpa pasi Omega, batuanginya Aku semo to pamulanya pasi to kapuranya. Wali oko buku pei tulis mangkonong palaong to danukita. Panewa buku etu danupokatuka resi tau to mangaya Aku ri pitu kota nja’u tana Asia. Wali kota to pitu etu semo kota Epesus, Smirna, Pergamas, Tiatira, Sardis, Piladelpia pasi Laodikia.”

Palaong mPomakau i mPue Yesu 10:2

I Kornelius etu ia tau to singkonong pei i Pue Allah, pasi ia mampalaika i Pue Allah saba manga’angga Ia. Pasi ewa see seja samparia tau to maroo ri banuanya. Ia boros mangansawang to Yahudi to masiasi, pasi ia sangkani makai-kai resi i Pue Allah.

Palaong mPomakau i mPue Yesu 8:27

Wali yako etu i Pilipus mampakaroso pei yau mampago jaya to room nato’oka mpomakau i mPue Allah ia. Rata nja’u jaya etu ia mangkita samba’a tau to Etiopia liu ri jaya etu dayau muni njo’u lipunya. Ngkai etu tau to bae angganya to mampasilonga samparia kasugi makole nto Etiopia. Makole etu makole to we’a to sanganya i Kandake. Wali tau Etiopia to nakita mPilipus ri jaya etu ia owo room mampue resi i Pue Allah nda’a Yerusalem apa ia mampakabae i Pue Allah.

Yohanes 12:20

Wali tempo etu re’e seja tau to si’a to Yahudi ri oyo ntau to yau ndeku Yerusalem damampue mampakabae i Pue Allah ri tempo Roa Paskah.

Palaong mPomakau i mPue Yesu 13:43

Wali yako etu sira samparia masuwu yako ri banua etu. Tempo sira masuwu, boros to Yahudi pasi tau to yusa to mangalulu kojo agama nto Yahudi, sira mangalulu i Paulus sira dua i Barnabas. Wali i Paulus sira dua magombo wo’u mampakaroso raya ntau boros etu naka ne’e sira mandoo mansarumaka kanoto i mPue Allah.

Palaong mPomakau i mPue Yesu 13:50

Pei kepala-kepala nto Yahudi, sira mangarotai raya ntau we’a to bose angganya to mampalaika seja i Pue Allah saba manga’angga Ia. Pasi sira mangarotai seja raya ntau to tu’anginya ri kota etu see naka samparia tau to etu mangansesai i Paulus sira dua i Barnabas. Wali ewa wetu inikanya damangarubak muni tau dua etu yako ri lipu etu.

Palaong mPomakau i mPue Yesu 16:40

Wali ojo pasuwu muni i mPaulus sira dua i Silas yako ri raya ntarungku, sira yau ruyu ri banua i Lidia. Nja’u ria sira siromu sindara-ndara pei pua’inya to samba’a pangaya. Sira dua mampakaroso raya ntau etu, roo see sira dua mayoko yako ri kota etu.