Palaong mPomakau i mPue Yesu 16:1 - Tuntu i mPue ri Basa Taa

¹ Wali yako ri propinsi Siria pasi Kilikia i Paulus sira dua i Silas polas wo’u yau njo’u kota Derbe pasi Listra. Nja’u kota Listra etu re’e samba’a anaguru i mPue Yesu, sanganya i Timotius. Ngkai etu indonya to Yahudi to mangaya i Pue Yesu, pei pa’anya to Yunani, si’a to Yahudi.

Sura Magali Nuntu Ngkatuwu

¹ Napaliu i mPaulu pelinjanya rata ri Deribe nepa njoʼu ri Lisitera, njairia njau sambaʼa anaguru i Yesu i Timotiu toʼonya. Inenya to Yahudi anu meayamo ri Yesu; paikanya papanya to Garika.

Palaong mPomakau i mPue Yesu 16:1 Referans Kwoze

2 Timotius 1:5

Apa aku mangendo korom monso pu’u mangaya i Pue. Pangaya etu to uyunya re’e resi buemu to we’a, i Lois, pasi resi indomu, i Eunike, apa sira dua semo to uyunya mangaya i Kerisitu panewa roo see korom mangaya seja. Wali si’i-si’i kuaya kojo pangaya to re’e resi korom sewaju pei pangaya nsira dua.

2 Timotius 1:2

Wali aku mangantulis sura si’i resi korom, i Timotius. Aku mangepe korom ewa ana ngkorongku, pasi aku mamporayang kojo korom. Wali aku makai-kai kojo see i Pue Allah, Pa’a ngkita, pasi i Kerisitu Yesu, Pue ngkita, damampaponsanika korom kanotoNya pasi pamporayangiNya pasi mangawaika korom karodo ndaya.

1 Timotius 1:2

Wali aku mangantulis sura si’i resi korom, i Timotius. Aku mangepe korom ewa ana ngkorongku apa korom mangaya seja i Pue Allah sewaju pei aku. Wali aku makai-kai see i Pue Allah, Pa’a ngkita, pasi i Kerisitu Yesu, Pue ngkita, damampaponsanika korom kanotoNya pasi pamporayangiNya pasi mangawaika korom karodo ndaya.

1 Tesalonika 3:2

pei mampokau a’i ngkita, i Timotius, dayau resi komi. I Timotius etu, ia samba’a to papolaong i mPue Allah pasi ia mangansawang kami mampakarebaka kareba matao. Wali kami mampokau ia yau resi komi damampakaroso raya ngkomi pasi mampakaroso seja pangaya ngkomi.

1 Korintus 4:17

Wali etu sabanya naka pei aku mangampokau i Timotius yau resi komi. I Timotius etu aku mangepe ewa ana ngkorongku anu kuporayang kojo apa ia mangaya seja i Pue sewaju pei aku. Pasi ia maya rasarumaka mangika palaong i mPue. Wali tempo ia darata resi komi ia damampatiendoka komi mangkonong ewa wimba lengko ngkatuwu to aku mangika mangalulu i Kerisitu Yesu. Apa lengko ngkatuwu to etu singkonong pei anu to kupotundeka samparia tau to mangaya nja’u ponto-ponto lipu.

Palaong mPomakau i mPue Yesu 18:5

Wali yako etu ratamo i Silas sira dua i Timotius, ma’i yako ri Makedonia. Tempo sira dua rata etu, i Paulus tamo mangika palaong to yusa kasimbalinya yako mampakarebaka tau tuntu i mPue Allah. Ia manganto’oka to Yahudi mangkonong i Yesu, Ia semo i Kerisitu, Makole parajanji i mPue Allah.

Palaong mPomakau i mPue Yesu 17:14

Wali tempo etu, i Paulus mansaka napokau mpua’inya to samba’a pangaya etu yau lo’u wii ntasi. Pei i Silas sira dua i Timotius ojo maroo ri kota Berea.

2 Tesalonika 1:1

Sura si’i yako resi aku, i Paulus, pasi yako i Silas pasi i Timotius. Sura si’i kami mangantulisika komi to mangaya i Pue Yesu to siromu nja’u kota Tesalonika. Komi seja samba’a pei i Pue Allah, Pa’a ngkita pasi i Pue Yesu Kerisitu.

Kolose 1:1

Sura si'i yako resi aku, i Paulus. Aku pomakau i ngKerisitu Yesu apa etu semo pamporani i mPue Allah resi aku. Pasi sura si'i yako resi i Timotius, a'i ngkita to samba'a pangaya.

Pilipi 2:19

Wali aku mansarumaka i Pue Yesu tamo masae damangawai jaya see aku maya mangampokau i Timotius dayau resi komi. Apa ane ewa see, ojo karoonya ia mayunu resi komi, ia maya mawolili muni mangangkenika aku kareba mangkonong komi. Pasi kareba etu seja damampakaroso rayangku.

Roma 16:21

Wali i Timotius, to mapalaong sindara-ndara pei aku, ia taa mangkalingan komi. Pasi ewa see seja i Lukius, i Yason pasi i Sosipater. Sira togo paka pua’ingku to Yahudi.

Palaong mPomakau i mPue Yesu 14:6

Pei sira dua re’e mangandonge songka ntau etu, wali sira dua miyai yako ri kota Ikonium etu, yau wo’u ri propinsi Likaonia. Nja’u ria sira yau ri kota Listra pasi Derbe pasi ri lipu-lipu to ri awenya.

Ibrani 13:23

Pasi aku rani mampaponsanika komi mangkonong a’i ngkita to samba’a pangaya, i Timotius. Ia roomo ralapa muni yako ri raya ntarungku si’i-si’i. Wali ane ia taa masae pei ratamo rire, aku dayau sindara-ndara pei ia damayunu resi komi.

1 Timotius 1:18

Wali i Timotius, anangku, si’i paposia to kusarumakaka resi korom. Paposia si’i singkonong pei gombo to rato’o yami mangkonong pamporani i mPue Allah resi korom. Wali ne’e mangkalingan gombo etu, apa gombo etu maya mampakaroso rayamu see korom damampoewaka anu to matao.

1 Tesalonika 1:1

Sura si’i yako resi aku, i Paulus, pasi yako i Silas pasi i Timotius. Sura si’i kami mangantulisika komi to mangaya i Pue Yesu to siromu nja’u kota Tesalonika. Komi seja samba’a pei i Pue Allah, Pa’a pasi i Pue Yesu Kerisitu. Wali kami makai-kai see i Pue Allah, Pa’a ngkita pasi i Pue Yesu Kerisitu, damampaponsanika komi kanotoNya pasi damangawaika komi karodo ndaya.

Pilipi 1:1

Sura si’i yako resi kami dua, i Paulus pasi i Timotius. Kami to papolaong i Yesu Kerisitu. Wali kami mangantulis sura si’i resi komi to nja’u kota Pilipi. Kami mangantulisika komi to i Pue Allah Puenya apa samba’a pei i Kerisitu Yesu. Pasi kami mangantulisika seja komi to penatua-penatua pasi diaken-diaken ntau to mangaya nja’u ria.

Palaong mPomakau i mPue Yesu 19:22

Wali i Paulus mampokau dua mba’a tau to mansawang ia, etu semo i Timotius sira dua i Erastus. Ia manganto’o, “Inta komi dua njo’u Makedonia.” Wali sira dua yau pei i Paulus tawa yau, ia maroo-roo wo’u sangkodi ri propinsi Asia.

2 Timotius 3:11

Korom mangansani seja ewa wimba aku nasesai ntau pasi mangarata soba, pasi mangkonong samparia to mawali resi aku seore tempo nja’u kota Antiokia, Ikonium pasi Listra. Mapari kojo naika ntau mangansesai aku nja’u kota-kota etu, pei i Pue Allah mampalaes aku yako samparia kasesa to etu.

1 Tesalonika 3:6

Wali i Timotius yau resi komi seore pei si’i-si’i ia rata muni resi kami pasi ia mangkenika kami kareba to matao mangkonong pangaya ngkomi pasi pamporayang ngkomi. Pasi ia manganto’o komi sangkani masanang mampobuuka kami pasi mawongko seja raya ngkomi rani mangkita kami, sewaju ewa kami rani mangkita komi.

2 Korintus 1:19

Wali naka pei kami tare mangawutis komi apa saba kami mangalulu lengko i Yesu Kerisitu, Ana i mPue Allah, to roomo napakarebaka mami togo i Silas pei i Timotius resi komi. I Yesu Kerisitu Ia masipato rasarumaka apa Ia taa seja mangika parajanji to Ia taa damangabanang. Samparia gombo to si Ia paka monso pasi Ia sangkani mangika ewa wimba to Ia roomo manganto’o.

2 Korintus 1:1

Sura si’i yako resi aku, i Paulus. Aku samba’a pomakau i Yesu Kerisitu apa etu semo pamporani i mPue Allah resi aku. Pasi sura si’i yako resi i Timotius, a’i ngkita to samba’a pangaya. Wali kami dua mangantulis sura si’i resi komi to i Pue Allah Puenya to siromu nja’u kota Korintus. Pasi kami mangantulisika seja samparia tau to i Pue Allah Puenya ri juku propinsi Akhaya.

1 Korintus 7:14

Apa ane taa maga’a, to langkai to taa mangaya etu bara damangaya seja i Pue apa saba rongonya etu mangaya. Pasi ewa see seja to we’a to taa mangaya bara damangaya seja apa saba rongonya etu mangaya. Pasi ane tau samboko etu taa maga’a, ana nsira napobuuka i mPue Allah ewa ana ntau to Ia Puenya. Pei ane sira maga’a, ana nsira etu napobuuka i mPue Allah ewa ana ntau to taa mangaya.

Palaong mPomakau i mPue Yesu 14:21

Rata ri Derbe etu i Paulus sira dua i Barnabas mampakarebaka kareba matao resi tau ri kota etu, panewa boros tau to mawali anaguru i mPue Yesu. Yako etu sira dua mawolili muni ri kota Listra pasi ri kota Ikonium pasi ri kota Antiokhia to ri propinsi Pisidia.

Palaong mPomakau i mPue Yesu 14:1

Wali ojo karata i mPaulus sira dua i Barnabas nja’u kota Ikonium, sira masua sindara-ndara ri raya banua to napampotunde nto Yahudi, panewa sira mampakarebaka tau to siromu nja’u ria kareba matao. Tempo sira magombo etu sira mampakanasa kojo kareba matao wali see naka boros kojo tau to mangaya i Pue Yesu. Tau to mangaya etu re’e to Yahudi pasi re’e seja to si’a to Yahudi.

1 Korintus 16:10

Wali i Timotius re’e songka dayau resi komi. Wali ane ratamo ia aku rani komi mangika matao resi ia see ia taa mampomoruka komi. Apa ia seja mangika palaong i mPue sewaju pei aku.

Pilemon 1:1

Sura si’i yako resi aku, i Paulus. Aku ratarungku apa saba mampakarebaka tau mangkonong i Kerisitu Yesu. Pasi sura si’i yako resi i Timotius, a’i ngkita anu samba’a pangaya. Wali kami mangantulis sura si’i resi korom, i Pilemon. Korom mangika seja palaong to kami mangika pasi kami mamporayang kojo korom.