Palaong mPomakau i mPue Yesu 15:32 - Tuntu i mPue ri Basa Taa

³² Wali i Yudas sira dua i Silas, sira seja tau to pantuntu tuntu i mPue Allah, wali sira dua masae magombo nja’u ria mampaposiaka pasi mampakaroso raya nu pua’inya to samba’a pangaya pei sira etu.

Sura Magali Nuntu Ngkatuwu

³² I Yudasi pai i Silasi setu seʼe waʼa nabi, masae pompasimbaju ntau seʼe pai waʼa anggota dompu ri Antiokia, mampakaroso pai mampakakoje raya ntau seʼe.

Palaong mPomakau i mPue Yesu 15:32 Referans Kwoze

Palaong mPomakau i mPue Yesu 11:23

Ojo karata i Barnabas nja’u Antiokhia, ia masanang kojo mangkita kanoto i mPue Allah resi tau etu. Ia mampakaroso raya nsira pasi manganto’oka sira, “Nempo kesaa to mawali resi komi, ne’e rapandooka yau mangaluluka i Pue.”

Palaong mPomakau i mPue Yesu 14:22

Wali samparia lipu to kaliu nsira dua etu, sira mampakaroso raya ntau to anaguru i mPue Yesu. Pasi sira manganto’oka tau etu, “Ne’e kojo pandooka mangalulu i Pue pei pakaroso pangaya ngkomi. Kita damangarata boros kasesa ri tempo si’i. Taa maya kita taa datarata kasesa etu, apa ojo karoonya kita mangarata kasesa panewa kita maya mangarata anu to matao to rawaika resi tau to Makolenya i Pue Allah.” Ewa see gombo nsira dua.

Palaong mPomakau i mPue Yesu 13:1

Wali nja’u kota Antiokhia, re’e seja tau to mangaya i Pue Yesu to siromu nja’u ria. Ri oyo ntau etu re’e bara sawei mba’a to pantuntu tuntu i mPue Allah pasi re’e wo’u sawei mba’a tau to mampotunde tau to mangaya etu. Tau etu sanga nsira i Barnabas, i Simeon to rato’oka seja i Niger, i Lukius to yako kota Kirene, i Menahem to yunu masingkatao pei i gubernur Herodes, pasi re’e seja i Saulus.

1 Petrus 5:12

Wali i Silas semo to mangansawang aku mangantulis sura to taa marade si’i. Ia seja a’i ngkita to samba’a pangaya pasi ane ri pangkita nu matangku ia maya rasarumaka. Wali naka pei aku mangantulisika komi sura si’i apa aku rani mampakaroso raya ngkomi. Pasi aku rani manganto’oka komi, sura si’i mangkonong kanoto i mPue Allah. KanotoNya etu monso pu’u. Wali pakaroso pangaya ngkomi ri kanotoNya etu.

1 Petrus 5:10

Pei kasesa to nurata ngkomi etu taa damasae. Panewa roo see i Pue Allah semo damampasilonga komi pasi Ia damampakainti, mampakaroso pasi mampakarodo seja komi. Wali Ia damangika ewa wetu apa samparia anu to manoto i Pue Allah semo pu’unya. Pasi Ia semo to roomo mampokio kita damangarata seja santila yako kayawaNya to singkasaenya. Wali matantu kita damangarata keyawa etu apa kita samba’a pei i Kerisitu Yesu.

1 Petrus 5:1

Wali re’e paposia to aku rani manganto’oka penatua ngkomi to mangaya. Apa aku seja samba’a penatua ntau to mangaya. Pasi aku samba’a matamanasa to nangkita kasesa i ngKerisitu seore. Pasi ane ratamo temponya kayawa i ngKerisitu darapapokitaka resi to lino, tempo etu aku damangarata seja santila yako kayawaNya etu.

2 Timotius 4:2

Etu semo, pakarebaka tuntu i mPue Allah. Pasi pakaroso rayamu pasi pakayoa see bara matao temponya bara taa matao temponya, korom nukurang mansaka mampakarebaka tau tuntu i mPue. Pakakonoka tau to taa kono pangayanya, seko tau to maja’a lengkonya, pasi paposiaka tau see sira mangaluluka i Pue. Pasi tempo korom mangika palaong to etu ne’e mosa mampakabae sabaramu pasi mampotundeka tau.

1 Timotius 2:1

Wali uyu-uyunya aku mamporapika kojo see tau to mangaya makai-kai resi i Pue Allah mampokaika samparia tau. Tempo makai-kai etu, matao ane mamporapi anu to raparluu, mamporapika see i Pue Allah mangansawang sa’e, pasi manganto’oka Ia tarima matao.

2 Tesalonika 3:12

Wali yako kuasa to nawaika i Yesu Kerisitu, Pue ngkita, resi kami, see naka kami mampaposiaka pasi mampatiendoka tau etu. Kami manganto’oka sira ewa si’i, “Ne’e mangarotai raya nsa’e pei pakadota mangika palaong to si komi see danurata pangkoni to danukoni ngkomi.” Wali etu semo paposia mami resi tau etu.

1 Tesalonika 5:20

Pasi ne’e seja mangkaengas gombo nto pantuntu tuntu i mPue Allah.

1 Tesalonika 5:14

Pasi a’i-a’i, re’e wo’u to kami mamporapika kojo resi komi. Etu semo, patiendoka tau to bo’onya mapalaong, pakaroso raya ntau to meka-meka rayanya, sawang tau to mayu’u pangayanya, pasi pakabae sabara resi tau samparia.

1 Tesalonika 4:1

Wali a’i-a’i, re’e wo’u to kami rani manganto’oka komi. Tempo kami re’e resi komi seore, tempo etu kami mampotundeka komi mangkonong lengko ngkatuwu to mampakasanang raya i mPue Allah. Pasi komi re’e mangika lengko ngkatuwu to ewa wetu. Wali kami mamporapika pasi mampaposiaka komi apa saba to naika i mPue Yesu see komi kanjo’u-njo’u tiduga-dugang mangika lengko to ewa wetu.

1 Tesalonika 3:2

pei mampokau a’i ngkita, i Timotius, dayau resi komi. I Timotius etu, ia samba’a to papolaong i mPue Allah pasi ia mangansawang kami mampakarebaka kareba matao. Wali kami mampokau ia yau resi komi damampakaroso raya ngkomi pasi mampakaroso seja pangaya ngkomi.

1 Tesalonika 2:11

Pasi komi mangansani, ewa wimba naika mpa’a resi ananya, ewa wetu seja naika mami resi komi. Kami mampaposiaka komi pasi mampakaroso raya ngkomi pasi mamporapika kojo resi komi

Epesus 3:5

Songka etu tawa rapaponsanika resi tau to tempo owi. Pei si’i-si’i pomakau i Yesu pasi to pantuntu tuntu i mPue Allah to i Pue Allah Puenya sira room napaponsanika i Nosa Mapasing songka etu.

1 Korintus 14:32

Wali naka pei to pantuntu tuntu i mPue Allah etu maya masibolos magombo apa siraja semo to mampasilonga sora to si sira etu samba’a pei samba’a. Tare to mampakasaaka sira magombo, wali sira nakoto mangampeas ane yununya magombo.

1 Korintus 14:29

Pasi ane to pantuntu tuntu i mPue, biakamo dua bara togo sira to magombo. Pasi tempo sira magombo etu, yununya to tao-tao mampodongeka kojo pei mangabotus gombonya etu bara monso pu’u yako resi i Nosa Mapasing bara si’a.

1 Korintus 14:3

Pei to pantuntu tuntu i mPue Allah mampogomboka yununya semo. Wali gombonya etu mampakaroso pasi mampaposiaka pasi mampakalindo raya nu yununya etu.

1 Korintus 1:8

Pasi Ia damampakaroso raya ngkomi rataka ri kapuranya temponya to si’i. I Nosa Mapasing damampakaroso raya ngkomi see komi tare to maya rapakasala ane ratamo temponya i Yesu Kerisitu, Pue ngkita, dama’i wo’u.

Roma 12:8

Pasi ane tau to nawaika i mPue mampakaroso raya nsa’e, to tao-tao ia mampakaroso raya nsa’e. Pasi tau to rawaika mangansora sa’e, to tao-tao ia mangansora sa’e yako ri kabuya ndayanya. Pasi ane tau to nawaika i mPue Allah mawali ketua ntau to mangaya to tao-tao ia madota kojo mangika palaong to etu. Pasi ane tau to rawaika mangampolindo tau to ri raya ngkasusa, to tao-tao ia mangika palaong to etu ri kasanang ndayanya.

Roma 12:6

Wali ane saga ngkoro ntau, wungka yusa palaonginya, wali ewa see seja kita. Kita samba’a pei samba’a nawaika i mPue Allah sora yako ri kanotoNya, pei sora to Ia mangawaika kita etu taa sewaju. Wali anu kita mangampake sora to nawaika i mPue Allah kita etu. Ane tau to rawaika kapande mamporata gombo i mPue Allah, to tao-tao ia mangika palaong to etu singkonong pei aya-ndaya to re’e resi ia.

Palaong mPomakau i mPue Yesu 20:2

Rata nja’u Makedonia etu, ia malinja-linja mayunu-yunu resi tau to maroo nja’u ria. Ia boros gombonya mampakaroso raya nsira. Wali yako etu ia polas wo’u rata nja’u tana Yunani.

Palaong mPomakau i mPue Yesu 18:23

Rata la’u ria ia maroo-roo masae sangkodi panewa mayoko wo’u yau njo’u propinsi Galatia pasi Prigia. Ia mangalinjak propinsi etu pasi ponto lipu ntau to nakarata nja’u ria ia mampakaroso raya nu anaguru i mPue Yesu.

Palaong mPomakau i mPue Yesu 15:41

Wali yako etu i Paulus sira dua i Silas yau mangalinjak propinsi Siria pasi Kilikia. Sira dua mampakaroso raya ntau to mangaya i Pue Yesu to siromu ri lipu-lipu to nja’u ria.

Palaong mPomakau i mPue Yesu 15:22

Wali ojo karoonya i Yakobus magombo etu, pomakau i mPue Yesu pasi ketua-ketua ntau to mangaya sindara-ndara pei samparia tau to mangaya to siromu nda’a ria, sira magombo-gombo panewa manganto’o, “Anu kita mangampilis tau yako ri oyo ngkita pei pokau sira damangalulu i Paulus sira dua i Barnabas yau ri kota Antiokhia.” Wali sira mangampilis i Silas sira dua i Yudas to rato’oka Barsabas. Tau dua etu sira tau to na’angga nu pua’inya to samba’a pangaya.

Palaong mPomakau i mPue Yesu 15:1

Wali re’e seore rata bara sawei mba’a tau yako nda’a propinsi Yudea, rata ri kota Antiokhia. Tau etu mamula mampotundeka tau to mangaya i Yesu nja’u ria, sira manganto’o, “Ane komi taa rasui ruyu, mangalulu porenta i Musa, komi taa darapalaes.”

Palaong mPomakau i mPue Yesu 11:27

Wali ri tempo etu seja re’e bara sawei mba’a to pantuntu tuntu i mPue Allah yako nda’a Yerusalem rata ri Antiokhia.

Palaong mPomakau i mPue Yesu 2:40

Wali yako etu boros wo’u gombo to nato’o i mPetrus mampakanasaka sira mangkonong songka i mPue Allah pasi mampatiendoka sira. Ia manganto’o, “Pajea see komi taa damangarata seja huku to danarata ntau to maja’a to tuwu ri tempo si’i.”

Lukas 11:49

Wali see naka monso pu’u to nato’o i mPue Allah yako ri kapandeNya tempo owi. Ia manganto’o, ‘Aku damampokau to pantuntu tuntungKu pasi pomakaungKu yau resi sira. Wali to pantuntu tuntu pasi pomakau etu sangga’a danapopate yau nsira pasi sangga’a danasesai nsira.’ Ewa wetu semo to nato’o i mPue Allah.

Matius 23:34

“Wali apa saba komi maja’a kojo, see naka Aku mangampokau tau yau resi komi. Tau etu to pantuntu tuntu i mPue Allah, pasi tau to bae kapande to nawaika i mPue Allah sira, pasi re’e seja tau to mampotundeka sa’e porenta i mPue Allah. Pei komi taa mampodongeka tau etu. Kasimbalinya yako etu re’e sira to danupopate yau ngkomi pasi re’e to danupaku yau ngkomi ri kaju pasape. Pasi re’e seja to danutidas ngkomi nja’u banua-banua to napampatunde ngkomi. Panewa re’e wo’u sira to danurubak ngkomi yako ri kota to samba’a rata nja’u kota-kota to yusa.

Palaong mPomakau i mPue Yesu 15:3

Wali tau to mangaya to siromu ri Antiokhia etu, sira mampokau tau to room rapilis etu. Wali i Paulus pasi yunu-yununya mayoko dayau ndeku Yerusalem. Ri raya mpalinjanya etu sira liu mandoo ri propinsi Penisia pasi Samaria. Tempo sira nja’u nja’u ria, sira mampakarebaka resi yunu nsira to samba’a pangaya mangkonong tau to si’a to Yahudi re’e seja to mangaya i Pue Yesu. Wali samparia tau to mangaya ri Penisia pasi Samaria etu paka masanang kojo mangandonge kareba etu.

Palaong mPomakau i mPue Yesu 15:31

Wali tau etu mangabasa sura etu. Sira ndende kojo rayanya mangampobuuka paposia to ratulis etu.