Palaong mPomakau i mPue Yesu 15:28 - Tuntu i mPue ri Basa Taa

²⁸ Wali re’e to roomo napakanasaka i Nosa Mapasing resi kami mangkonong komi, pasi kami seja singkonong. Ia taa rani kami mampakasaaka komi mangalulu porenta i Musa kasimbalinya yako porenta-porenta to bae kojo batuanginya resi samparia tau to Yahudi.

Sura Magali Nuntu Ngkatuwu

²⁸ Inosa mPue Ala masintuwunakamo – pai kami woʼu sintuwu – da naka komi neʼe ndawaika waʼa ngkinoyo anu manee ungka ri waʼa ngkinoyo anu moyowe ewaseʼi:

Palaong mPomakau i mPue Yesu 15:28 Referans Kwoze

Yohanes 16:13

Pei ane ratamo to Pansawang, etu semo i Nosa to mampaponsanika anu to monso, Ia semo to damampaponsanika komi mangkonong samparia anu to monso. Pasi anu to Ia damampaponsanika resi komi etu, si’a Ia pu’unya. Ia ojo mamporata gombo to Ia room mangandonge yako resi i Pue Allah. Pasi Ia damampaponsanika resi komi mangkonong palaong to damawali ri tempo to darata.

Matius 11:30

Apa anu to Aku mampotundeka komi etu taa masuli ralulu. Pasi palaong to Aku mangawaika komi, palaong etu raporapaka ewa kalemba to taa mabeu.”

Pangkita 2:24

Pei re’e seja komi nja’u Tiatira to taa mangaluluka anu to napotunde i Isebel etu, pasi taa seja maguru anu to rato’oka anu to taa rakita, to napotunde i ngKepala Measa. Wali ane komi, Aku taa damanganto’oka komi paposia to mampakabeu wo’u.

1 Petrus 1:12

Pei i Pue Allah nampakanasaka to pantuntu tuntuNya tempo owi etu mangkonong palaong to napakarebaka yami nsira etu. Ia manganto’oka sira palaong etu taa damawali ri tempo katuwu nsira. Palaong etu damawali ri tempo katuwu ngkita semo. Wali monso pu’u ewa wetu. Apa kareba to napakarebaka yami nsira etu monso pu’u mawalimo resi kami. Pasi ri tempo si’i komi nangandongemo seja kareba etu, apa naratamo tau resi komi mangkenika komi kareba matao etu. Pasi ri rayanya sira mampakarebaka resi komi kareba matao etu, sira nasawang i Nosa Mapasing to rapokau yako ndate saruga. Wali magaya kojo kareba mangkonong ewa wimba naika i mPue Allah mampalaes to lino. See naka sakowa pomakau i mPue Allah ndate saruga, sira ipu kojo rayanya mangangkita kanoto i mPue Allah resi to lino. Pasi sira rani kojo manasanya mangkonong kanotoNya to bae kojo etu.

1 Korintus 14:37

Re’e komi to manganto’o, “Aku to pantuntu tuntu i mPue Allah.” Pasi re’e to manganto’o, “Aku bae karoso ndaya to nawaika i Nosa Mapasing aku.” Wali ane tau to etu taa maya taa mampongakung monso pu’u porenta i mPue anu to kutulisika komi si’i.

1 Korintus 7:40

Pei ane ewa pampobuuka to si aku to sana-sanang ane ia tamo marongo. Wali anu to kuto’o etu bara yako pampobuuka to si aku, bara yako i Nosa mPue Allah seja apa Ia re’e resi aku.

Palaong mPomakau i mPue Yesu 15:19

Wali i Yakobus manganto’o wo’u, to’onya, “Ane ewa pampobuuka to si aku, ne’e kita mampakasusa tau to si’a to Yahudi to roomo mangandolika tangonya resi i Pue Allah.

Palaong mPomakau i mPue Yesu 15:8

Wali i Pue Allah mangansani raya ntau, wali Ia mangansani monso pu’u tau to si’a to Yahudi etu mangaya. See naka Ia mangawaika sira i Nosa Mapasing sewaju ewa nikaNya resi kita. Wali ewa wetu inikaNya mampakanasaka resi kita Ia room mangantima tau to si’a to Yahudi etu.

Palaong mPomakau i mPue Yesu 5:32

Wali kami mawali matamanasa to mampakarebaka palaong to etu pasi i Nosa Mapasing seja matamanasa. I Nosa Mapasing etu nawaika i mPue Allah samparia tau to mampalaika songkaNya.”

1 Tesalonika 4:8

Wali see naka i sema-sema tau to bo’onya mampodongeka gombo si’i, tau etu si’a mangampobo’o gombo nto lino. Ia mampobo’o gombo i mPue Allah to roomo mangawaika seja kita i Nosa Mapasing to yako resi Ia.

1 Korintus 7:25

Wali ane mangkonong ngana we’a to tawa re’e nepenya to langkai, aku tare porenta yako resi i Pue Allah. Ojo pampobuuka to si aku semo to dakuto’oka komi. Pei gombongku masipato rasarumaka apa yako ri pamporayang i mPue Ia mangansawang aku magombo.

Palaong mPomakau i mPue Yesu 15:25

Wali see naka kami samba’a pampobuuka mangampilis dua mba’a yunu mami pei mampokau sira yau resi komi, etu semo i Yudas sira dua i Silas. Tau dua etu damampakanasaka seja komi anu to kutulisika komi si’i. Tempo sira yau resi komi sira damangalulu i Paulus sira dua i Barnabas anu to kuporayang kojo. I Paulus sira dua etu, si’a katuwu nsira ri lino si’i to bae kojo batuanginya resi sira, see naka sira taa meka mangika palaong i mPue Yesu Kerisitu.

Matius 23:4

Sira mampakasaaka tau mangalulu porenta-porenta to naika nsira semo pei anu to etu masuli raluluka. Porenta etu maya raporapaka ewa kalemba to mabeu kojo naepe ntau mangkoyo. Pei sira bo’onya mangansawang tau mangalulu porenta to etu nempo ojo sangkodi.

Palaong mPomakau i mPue Yesu 16:4

Wali yako etu i Paulus sira togo i Silas pasi Timotius, sira mayoko yako kota Listra pei malinja wo’u rata ri kota-kota to nja’u tana etu. Ponto kota nakarata nsira togo etu, sira mamporata resi tau ri kota etu gombo mpomakau i mPue Yesu pasi ketua-ketua ntau to mangaya ri Yerusalem to natulis nsira seore resi tau Antiokhia. Naka pei sira mamporata gombo etu see tau ri kota-kota etu damangaluluka seja porenta-porenta to nato’o nsira.