Palaong mPomakau i mPue Yesu 15:22 - Tuntu i mPue ri Basa Taa

²² Wali ojo karoonya i Yakobus magombo etu, pomakau i mPue Yesu pasi ketua-ketua ntau to mangaya sindara-ndara pei samparia tau to mangaya to siromu nda’a ria, sira magombo-gombo panewa manganto’o, “Anu kita mangampilis tau yako ri oyo ngkita pei pokau sira damangalulu i Paulus sira dua i Barnabas yau ri kota Antiokhia.” Wali sira mangampilis i Silas sira dua i Yudas to rato’oka Barsabas. Tau dua etu sira tau to na’angga nu pua’inya to samba’a pangaya.

Sura Magali Nuntu Ngkatuwu

²² Kabotu gombo waʼa ncuro pai waʼa nto pombawanaka sangkani pai anggota dompu, da mampilisi bara tesangkuja tau da mampoyunuki i Paulu pai i Baranaba da njoʼu ri Antiokia. Napilisi ntau seʼe i Silasi, pai i Yudasi anu karua ntoʼonya i Barasaba. Tau radua setu teimba tau anu ndatubunaka ri raya dompu ri Yerusale.

Palaong mPomakau i mPue Yesu 15:22 Referans Kwoze

Palaong mPomakau i mPue Yesu 15:40

Pei i Paulus mangampilis i Silas damangalulu ia. Wali sira dua mayoko, pei tempo sira tawa mayoko etu, pua’inya to samba’a pangaya to nja’u ria, sira mampokaika sira dua mamporapika resi i Pue Allah see Ia mangajagang sira dua yako ri kanotoNya.

1 Petrus 5:12

Wali i Silas semo to mangansawang aku mangantulis sura to taa marade si’i. Ia seja a’i ngkita to samba’a pangaya pasi ane ri pangkita nu matangku ia maya rasarumaka. Wali naka pei aku mangantulisika komi sura si’i apa aku rani mampakaroso raya ngkomi. Pasi aku rani manganto’oka komi, sura si’i mangkonong kanoto i mPue Allah. KanotoNya etu monso pu’u. Wali pakaroso pangaya ngkomi ri kanotoNya etu.

2 Tesalonika 1:1

Sura si’i yako resi aku, i Paulus, pasi yako i Silas pasi i Timotius. Sura si’i kami mangantulisika komi to mangaya i Pue Yesu to siromu nja’u kota Tesalonika. Komi seja samba’a pei i Pue Allah, Pa’a ngkita pasi i Pue Yesu Kerisitu.

1 Tesalonika 1:1

Sura si’i yako resi aku, i Paulus, pasi yako i Silas pasi i Timotius. Sura si’i kami mangantulisika komi to mangaya i Pue Yesu to siromu nja’u kota Tesalonika. Komi seja samba’a pei i Pue Allah, Pa’a pasi i Pue Yesu Kerisitu. Wali kami makai-kai see i Pue Allah, Pa’a ngkita pasi i Pue Yesu Kerisitu, damampaponsanika komi kanotoNya pasi damangawaika komi karodo ndaya.

Palaong mPomakau i mPue Yesu 18:5

Wali yako etu ratamo i Silas sira dua i Timotius, ma’i yako ri Makedonia. Tempo sira dua rata etu, i Paulus tamo mangika palaong to yusa kasimbalinya yako mampakarebaka tau tuntu i mPue Allah. Ia manganto’oka to Yahudi mangkonong i Yesu, Ia semo i Kerisitu, Makole parajanji i mPue Allah.

Palaong mPomakau i mPue Yesu 15:32

Wali i Yudas sira dua i Silas, sira seja tau to pantuntu tuntu i mPue Allah, wali sira dua masae magombo nja’u ria mampaposiaka pasi mampakaroso raya nu pua’inya to samba’a pangaya pei sira etu.

Palaong mPomakau i mPue Yesu 1:23

Wali ojo karoonya i Petrus magombo, tau to siromu nja’u ria sira mangampilis dua mba’a tau to langkai. Tau dua etu samba’a sanganya i Yusup to rato’oka i Barsabas, pasi rato’oka seja i Yustus. Pasi sanga nu yununya i Matias.

Palaong mPomakau i mPue Yesu 17:14

Wali tempo etu, i Paulus mansaka napokau mpua’inya to samba’a pangaya etu yau lo’u wii ntasi. Pei i Silas sira dua i Timotius ojo maroo ri kota Berea.

Palaong mPomakau i mPue Yesu 17:10

Wali yako etu, ojo kawurinya rao, i Paulus sira dua i Silas napokau mpua’inya to samba’a pangaya etu yau njo’u kota Berea. Ojo karata nsira dua nja’u Berea etu, sira dua masua ri raya banua to napampotunde nto Yahudi.

Palaong mPomakau i mPue Yesu 17:4

Wali tau to mangandonge gombo i mPaulus etu, boros kojo to mangaya gombo i mPaulus mangkonong i Pue Yesu etu pasi mangaluluka i Paulus sira dua i Silas. Re’e sangga’a to Yahudi, pasi boros kojo to Yunani to mampalaika i Pue Allah saba manga’angga Ia, pasi boros seja tau we’a to bose angganya to mangaya pasi mangalulu etu.

Palaong mPomakau i mPue Yesu 16:29

Wali ojo pangandonge ngkai etu gombo i mPaulus, ia mampokio mamporapi suyu resi yununya, panewa ia maripo masua ri raya ntarungku. Pasi tongo ngkarongkonya ia madungku yau ri wawo ntana ri tango mbiti i mPaulus sira dua i Silas saba manga’angga sira.

Palaong mPomakau i mPue Yesu 16:25

Yako etu, bara ntongo wuri, i Paulus sira dua i Silas sira tongonya makai-kai pasi manyanyi nyanyi to mangabarong i Pue Allah. Pasi samparia tau to ri raya ntarungku etu mampodongeka sira dua.

Palaong mPomakau i mPue Yesu 16:19

Pei ojo pangkita ntau pue ntau we’a etu tamo re’e measa resi ia, sira mangansani tamo re’e jaya mangarata doi apa ia tamo nakoto manganto’o yami palaong to damawali resi tau. Wali sira mangansoko i Paulus sira dua i Silas. Sira mangaditi yau tau dua etu njo’u pasar damampotango to pobotus.

Palaong mPomakau i mPue Yesu 15:25

Wali see naka kami samba’a pampobuuka mangampilis dua mba’a yunu mami pei mampokau sira yau resi komi, etu semo i Yudas sira dua i Silas. Tau dua etu damampakanasaka seja komi anu to kutulisika komi si’i. Tempo sira yau resi komi sira damangalulu i Paulus sira dua i Barnabas anu to kuporayang kojo. I Paulus sira dua etu, si’a katuwu nsira ri lino si’i to bae kojo batuanginya resi sira, see naka sira taa meka mangika palaong i mPue Yesu Kerisitu.

Palaong mPomakau i mPue Yesu 15:23

Wali tau dua etu damangkenika tau ri Antiokhia sura ane roomo ratulis. Wali sura to natulis i Yakobus pasi yununya etu manganto’o, “Kami mantabea komi to a’i-a’i mami to samba’a pangaya. Wali sura si’i yako resi kami to pomakau i mPue Yesu pasi to ketua-ketua ntau to mangaya ri Yerusalem sire. Kami mangantulisika komi to si’a to Yahudi to maroo ri kota Antiokhia pasi ri propinsi Siria pasi Kilikia.

Palaong mPomakau i mPue Yesu 11:22

Wali kareba mangkonong palaong to mawali ri kota Antiokhia etu natikarebamo resi tau to mangaya i Yesu to siromu nda’a Yerusalem. Wali sira mampokau i Barnabas yau ri Antiokhia.

Palaong mPomakau i mPue Yesu 8:14

Wali yako etu pomakau i mPue Yesu to re’e ri Yerusalem sira mangandonge kareba mangkonong to Samaria. Re’e tau manganto’oka sira, “To Samaria sira seja mampodongeka tuntu i mPue Allah.” Wali ojo pandonge mpomakau i mPue Yesu kareba etu sira mampokau i Petrus sira dua i Yohanes yau resi to Samaria etu.

Palaong mPomakau i mPue Yesu 11:19

Wali ri tempo i Stepanus napopate yau ntau seore, tempo etu tau to mangaya i Yesu ri kota Yerusalem sira mangarata seja kasesa, see naka boros sira to tiga’as. Tau mangaya etu miyai njo’u tana Penisia sangga’a, njo’u pulo Siprus sangga’a, pasi sangga’a njo’u kota Antiokhia. Wali imba nakanjo’u nsira etu, sira mampakarebaka tau kareba matao, pei ojo to Yahudi semo to sira mampakarebaka etu.

Palaong mPomakau i mPue Yesu 11:20

Pei ri oyo nsira re’e sawei mba’a tau to yako pulo Siprus pasi kota Kirene. Tau etu rata nja’u Antiokhia panewa nja’u ria sira mampakarebaka seja tau to si’a to Yahudi kareba matao, sira manganto’o, “I Yesu Ia semo i Pue.” Etu semo to nato’o nsira.

Palaong mPomakau i mPue Yesu 11:27

Wali ri tempo etu seja re’e bara sawei mba’a to pantuntu tuntu i mPue Allah yako nda’a Yerusalem rata ri Antiokhia.

Palaong mPomakau i mPue Yesu 15:3

Wali tau to mangaya to siromu ri Antiokhia etu, sira mampokau tau to room rapilis etu. Wali i Paulus pasi yunu-yununya mayoko dayau ndeku Yerusalem. Ri raya mpalinjanya etu sira liu mandoo ri propinsi Penisia pasi Samaria. Tempo sira nja’u nja’u ria, sira mampakarebaka resi yunu nsira to samba’a pangaya mangkonong tau to si’a to Yahudi re’e seja to mangaya i Pue Yesu. Wali samparia tau to mangaya ri Penisia pasi Samaria etu paka masanang kojo mangandonge kareba etu.

Palaong mPomakau i mPue Yesu 15:30

Wali ojo pangantulis nsira sura etu, sira mangawaika i Yudas sira dua i Silas panewa mangabiaka sira dua yau. Wali sira dua mayoko mangalulu i Paulus sira dua i Barnabas yau lo’u kota Antiokhia. Rata la’u ria, sira mampasiromunaka tau to mangaya panewa sira mangawaika tau etu sura.

2 Korintus 1:19

Wali naka pei kami tare mangawutis komi apa saba kami mangalulu lengko i Yesu Kerisitu, Ana i mPue Allah, to roomo napakarebaka mami togo i Silas pei i Timotius resi komi. I Yesu Kerisitu Ia masipato rasarumaka apa Ia taa seja mangika parajanji to Ia taa damangabanang. Samparia gombo to si Ia paka monso pasi Ia sangkani mangika ewa wimba to Ia roomo manganto’o.