Palaong mPomakau i mPue Yesu 15:18 - Tuntu i mPue ri Basa Taa

¹⁸ Wali etu semo gombo i mPue to Ia nanganto’o yami tempo owi mampakanasa mangkonong palaong to mawali ri tempo si’i.” (Amos 9:11,12)

Sura Magali Nuntu Ngkatuwu

¹⁸ anu roomo ndapapaincanika ungka ipiamo.”

Palaong mPomakau i mPue Yesu 15:18 Referans Kwoze

Epesus 3:9

Pasi i Pue Allah mangawaika aku mampakanasaka samparia tau ewa wimba naika i mPue Allah see mawali songkaNya to rawuni tempo ruyu. Apa i Pue Allah, to mangampake i Yesu Kerisitu mampapowali samparia anu to re’e, Ia semo to mangawuni songkaNya etu tempo owi.

Epesus 1:4

Wali samparia rasi to roomo nawaika i mPue Allah kita etu, singkonong kojo pei pamporani to si Ia yako ri tempo Ia tawa nangampapowali lino si’i. Wali pobuuka to roomo naika i mPue Allah. Re’e katawanya Ia mampapowali lino, tempo etu Ia room mangampilis kita see damawali samba’a pei i Kerisitu. Wali see naka kita rapilis seja mawali tau to i Pue Allah Puenya, pasi Ia manganto’o kita tare salanta. Ia mangamporayang kita, see naka Ia re’e yami songkaNya damangampilis kita damawali anaNya. Wali Ia mangabanangimo songkaNya etu. Wali kita nawalimo anaNya apa saba yako palaong to naika i Yesu Kerisitu. Etu semo pamporani i mPue Allah to mampakasanang kojo Ia.

1 Petrus 1:20

Wali ri tempo owi, tempo lino si’i tawa rapapowali, tempo etu i Pue Allah room yami mangampilis i Kerisitu damangalapa kita. Pei tempo etu i Kerisitu tawa ma’i ri lino. Pei mosumo rata kapuranya temponya to si’i, wali tempo si’i semo Ia rapapokitaka resi to lino see Ia maya mangansawang kita.

Epesus 1:11

Wali samparia palaong to mawali, paka yako songka i mPue Allah naka pei mawali, mangalulu ewa wimba pamporani to si Ia. Pasi yako songka i mPue Allah to Ia mangansongka yami mangkonong kita, see naka Ia mangampilis kita mawali tau to Ia puenya apa saba kita samba’a pei i Kerisitu.

Palaong mPomakau i mPue Yesu 17:26

Wali i Pue Allah nampapowali samba’a tau panewa yako tau samba’a etu Ia nangika samparia to lino panewa mampokauka sira yau damaroo ri sambawo lino. Pasi Ia mampakatantuka yami kita temponya katuwu ngkita pasi ungka nu lipu nakaroos ngkita.

2 Tesalonika 2:13

Pei a’i-a’i anu naporayang i mPue, masipato kami sangkani manganto’oka i Pue Allah tarima matao apa saba komi. Apa yako ri pamulanya i Pue Allah mangampilis yami komi darapalaes yako ri huku to danarata ntau ri tempo etu. Pasi kareba matao to kami mampakarebaka resi komi seore, etu semo jaya to napake i mPue Allah mampokio komi. Roo see, apa saba komi mangaya anu to monso, i Pue Allah mampalaes komi mangampake kuasa i Nosa Mapasing to mangawali komi see komi mawali i Pue Allah Puenya. Naka pei i Pue Allah mangika samparia palaong to etu apa Ia rani komi mangarata seja kayawa to re’e resi i Yesu Kerisitu, Pue ngkita. Wali masipato kojo kita manganto’oka Ia tarima matao.

Matius 13:35

Wali palaong to etu mangabanang gomboNya to naporata yami nto pantuntu tuntu imPue Allah tempo owi. GomboNya etu manganto’o, “Aku damagombo damamporapaka, pasi Aku damampakarebaka mangkonong anu to rawuni yako ri temponya pangampapowali lino.” (Masmur 78:2) Etu semo to nato’o nto pantuntu tuntuNya tempo owi.

Pangkita 17:8

Wali binatang to nukita etu, ia tuwu tempo ruyu pei si’i-si’i ia tamo tuwu. Pei ia damasuwumo yako la’u wayau to taa ransani ungka ngkayombunya panewa yako etu ia darapakaja’aka. Wali to lino to tare sanganya ratulis nja’u raya buku ngkatuwu to yako ri tempo lino rapapowali, sira daipu rayanya mangkita binatang etu. Naka pei ipu raya nsira mangkita, apa ia tuwu tempo ruyu, pasi roo see ia tamo tuwu, panewa roo see ia damasuwu muni. See naka tau ipu rayanya.

Pangkita 13:8

Wali samparia to lino damampue resi binatang to maja’a etu, kasimbalinya yako tau to sanganya room ratulis ri raya buku ngkatuwu. Buku ngkatuwu etu buku nu Ana Domba to rasimbale yau yako ri tempo i Pue Allah mampapowali lino. Wali tau to sanganya ratulis nja’u raya buku etu, sira taa mampue resi binatang.

Matius 25:34

“Yako etu Aku, i Makole, damanganto’oka tau to re’e ri sambalingKu tondo ngkana, Aku damanganto’o, ‘Maimo. Komi semo tau to Makolemu i Pue Allah. Wali mai apa danawaika mPa’angKu rasi. Apa rasi to rawaika resi komi etu, rasi etu rapasigenaka yami komi yako ri temponya lino si’i rapapowali, pasi maya raporapaka ewa panta to nawaika mpa’a resi ananya.