Palaong mPomakau i mPue Yesu 14:22 - Tuntu i mPue ri Basa Taa

²² Wali samparia lipu to kaliu nsira dua etu, sira mampakaroso raya ntau to anaguru i mPue Yesu. Pasi sira manganto’oka tau etu, “Ne’e kojo pandooka mangalulu i Pue pei pakaroso pangaya ngkomi. Kita damangarata boros kasesa ri tempo si’i. Taa maya kita taa datarata kasesa etu, apa ojo karoonya kita mangarata kasesa panewa kita maya mangarata anu to matao to rawaika resi tau to Makolenya i Pue Allah.” Ewa see gombo nsira dua.

Sura Magali Nuntu Ngkatuwu

²² Mebia tau seʼe ri kota-kota setu mantotoraka waʼa ntau anu meaya ri Yesu, napakaroso peaya ndaya ntau seʼe, natoʼo, “Lawi maria kapari pai pejeani anu da taepe riunya, nepa da rata karodondaya ri Lino Dawoʼu mPue Ala.” Ewaseʼemo pampaguru waʼa neuro setu waʼa anaguru i Yesu ri waʼa ngkota setu.

Palaong mPomakau i mPue Yesu 14:22 Referans Kwoze

1 Petrus 5:10

Pei kasesa to nurata ngkomi etu taa damasae. Panewa roo see i Pue Allah semo damampasilonga komi pasi Ia damampakainti, mampakaroso pasi mampakarodo seja komi. Wali Ia damangika ewa wetu apa samparia anu to manoto i Pue Allah semo pu’unya. Pasi Ia semo to roomo mampokio kita damangarata seja santila yako kayawaNya to singkasaenya. Wali matantu kita damangarata keyawa etu apa kita samba’a pei i Kerisitu Yesu.

2 Timotius 3:12

Wali kamonsonya samparia tau to samba’a pei i Kerisitu Yesu, to rani mangika lengko ngkatuwu to singkonong pei i Pue Allah, tau etu darasesai.

Yohanes 16:33

Naka pei Aku manganto’oka komi mangkonong samparia to etu see komi damangarata karodo ndaya apa saba komi samba’a pei Aku. Ane ri lino si’i, komi danapakasusa ntau to mangewa i Pue Allah, pei pakasanang raya ngkomi, apa Aku roomo manganangi i Kepala nto pantipu to mangkuasang tau to mampakasusa komi etu. Wali see naka komi maya seja manganangi joa i ngKepala nto pantipu etu.”

Roma 8:17

Pasi ane kita anaNya, kita seja damangarata tila to danawaika i mPue Allah anaNya. Wali kita damangarata tila etu sindara-ndara pei i Kerisitu. Apa ane kita mangarata kasesa ri lino si’i to ewa kasesa to narata i ngKerisitu, ane ewa see kita damangarata seja kayawa sewaju pei Ia.

Pangkita 2:10

Wali komi darasesai, pei ne’e meka mampobuuka kasesa to danurata ngkomi etu. Padongeka gombo si’i. I Kepala Measa damangantarungku singga’a komi see komi daraparesa. Pasi komi darasesai sampuyu mbengi kasaenya. Wali pakaroso raya ngkomi mangalulu Aku nempo rapopate yau apa saba komi mangalulu etu. Apa ane komi mangika ewa see, Aku damangawaika komi katuwu to raporapaka ewa so’o mbo’o to meyawa.

Kolose 1:23

Ewa wetu damawali resi komi ane komi tare pandoonya mangaya i Pue see raya ngkomi mawali maroso pasi rodo. Pasi ne'e bata-bata raya ngkomi mansarumaka anu to nato'o ngkareba matao to nudonge ngkomi seore. Masipato komi mansarumaka kareba matao, apa kareba matao etu, etu semo kareba matao to roomo rapakarebaka resi samparia tau ri sambawo lino. Pasi naka pei aku mawali to papolaong see damampakarebaka kareba matao etu. Wali masipato kojo komi mansarumaka kareba etu.

2 Timotius 1:8

Wali ne’e mea mampakarebaka tau mangkonong Pue ngkita. Pasi ne’e seja mampokea aku to re’e ratarungku apa saba mangika palaongiNya. Kasimbalinya yako etu, pakaroso apa korom damangarata seja kasesa sindara-ndara pei aku apa saba korom mangangkeni kareba matao mangkonong Pue. Pasi tempo korom mangarata kasesa etu sarumaka karoso to nawaika i mPue Allah korom.

Palaong mPomakau i mPue Yesu 18:23

Rata la’u ria ia maroo-roo masae sangkodi panewa mayoko wo’u yau njo’u propinsi Galatia pasi Prigia. Ia mangalinjak propinsi etu pasi ponto lipu ntau to nakarata nja’u ria ia mampakaroso raya nu anaguru i mPue Yesu.

Matius 10:38

Pasi i sema tau to bo’onya ewa mampopate yau pamporani ndaya to si ia pei mangalulu Aku, tau etu taa seja masipato mawali Aku puenya. Wali tempo tau mampopate yau pamporani ndaya to si ia, to etu maya raporapaka ewa mamposa’a kaju pasape to darapake damampopate yau ia.

Pangkita 7:14

Wali aku mangansono, manganto’oka ia, “Taa kunsani, Pa’a. Komi semo to mangansani.” Panewa ketua etu manganto’oka aku, “Tau si’i semo to masuwu yako ri kasesa to mapari kojo. Sira roomo mangantatap bajunya ri raa nu Ana Domba wali bajunya etu mawali buya.

2 Petrus 1:11

Pasi ane komi mangika lengko to ewa wetu, bae kojo ntanapa to danawaika i mPue Allah komi tempo i Yesu Kerisitu, Pue ngkita pasi to Pansompo ngkita damawali Makole rataka ri singkasaenya.

Palaong mPomakau i mPue Yesu 9:16

Wali Aku damampaponsanika ia kasesa to danarata apa saba ia mangalulu Aku.”

1 Korintus 1:8

Pasi Ia damampakaroso raya ngkomi rataka ri kapuranya temponya to si’i. I Nosa Mapasing damampakaroso raya ngkomi see komi tare to maya rapakasala ane ratamo temponya i Yesu Kerisitu, Pue ngkita, dama’i wo’u.

Palaong mPomakau i mPue Yesu 15:41

Wali yako etu i Paulus sira dua i Silas yau mangalinjak propinsi Siria pasi Kilikia. Sira dua mampakaroso raya ntau to mangaya i Pue Yesu to siromu ri lipu-lipu to nja’u ria.

Palaong mPomakau i mPue Yesu 15:32

Wali i Yudas sira dua i Silas, sira seja tau to pantuntu tuntu i mPue Allah, wali sira dua masae magombo nja’u ria mampaposiaka pasi mampakaroso raya nu pua’inya to samba’a pangaya pei sira etu.

Lukas 24:26

Apa sira mampakanasaka mangkonong i Kerisitu, Makole parajanji i mPue Allah, Ia taa maya taa mangarata kasesa to nusaritaka resi Aku etu panewa roo see Ia damangarata kayawaNya.”

Matius 16:24

Wali yako etu i Yesu sira dua i Petrus mawolili muni resi kami panewa i Yesu manganto’oka samparia kami, Ia manganto’o, “I sema tau to rani mangaluluka Aku, tau etu taa maya taa mamposaka yau pamporani ndaya to si ia. Wali ia nempo darapopate yau saba mangalulu Aku, ia tiroowa mangaluluka Aku.

Palaong mPomakau i mPue Yesu 11:23

Ojo karata i Barnabas nja’u Antiokhia, ia masanang kojo mangkita kanoto i mPue Allah resi tau etu. Ia mampakaroso raya nsira pasi manganto’oka sira, “Nempo kesaa to mawali resi komi, ne’e rapandooka yau mangaluluka i Pue.”

Yohanes 15:20

Wali Aku roomo manganto’oka komi, si’a to papolaong to bae-bae angganya pei tau puenya. Tau puenya semo to bae-bae angganya. Wali pobuuka kojo gombongKu etu, apa ane tau room mangansesai Aku to Pue ngkomi to bae-bae anggangKu pei komi, ane ewa see taa manto’o tau etu damangansesai seja komi to anagurungKu. Pasi ane tau to mampalaika gombongKu, tau etu damampalaika seja gombo ngkomi.

Pangkita 1:9

Wali aku semo i Yohanes, a’i ngkomi to samba’a pangaya. Komi rasesai apa saba mangalulu i Yesu, pasi aku seja rasesai sewaju pei komi. Pei ri raya ngkasesa etu kita samparia re’e sabara to nawaika i Yesu kita, pasi kita mangampeas temponya Ia damawali Makole ri lino. Wali aku raposaka ri pulo Patmos apa maja’a raya ntau tempo aku mampakarebaka tuntu i mPue resi tau pasi manganto’oka sira kareba matao mangkonong i Yesu.

I Yudas 1:3

Wali a’i-a’i to kuporayang, aku re’e mansongka mangantulisika komi sura mangkonong samparia to nawaika i mPue Allah kita tempo Ia mampalaes kita. Wali tongo-tongonya aku mansongka damangantulis sura to ewa wetu, aku mangepe taa maya taa mangantulisika komi sura to mangawaika komi paposia. Etu semo see komi mampoewaka anu to kita mangaya to nasarumakaka i mPue Allah kita to Ia Puenya. Ia sangkanija mangawaika kita pangaya etu see kita mangajagai rataka ri singkasaenya.

1 Tesalonika 3:13

Pasi kami mamporapika resi Ia see Ia mampakaroso raya ngkomi, see komi mampakalongko yako ri dosa pasi tare lengko to maya rapakasala ri tango i mPue Allah, Pa’a ngkita, ane ratamo temponya danakama’i i Yesu Kerisitu, Pue ngkita, sindara-ndara pei samparia tau to Ia Puenya.

Palaong mPomakau i mPue Yesu 13:43

Wali yako etu sira samparia masuwu yako ri banua etu. Tempo sira masuwu, boros to Yahudi pasi tau to yusa to mangalulu kojo agama nto Yahudi, sira mangalulu i Paulus sira dua i Barnabas. Wali i Paulus sira dua magombo wo’u mampakaroso raya ntau boros etu naka ne’e sira mandoo mansarumaka kanoto i mPue Allah.

Palaong mPomakau i mPue Yesu 6:7

Wali yako etu tuntu i mPue Allah natikareba-reba wo’u resi tau to yusa. Wali kanjo’u-njo’u kaboro-boros tau ri Yerusalem to mangaya i Yesu. Pasi boros kojo to pampue to mangaya seja kareba matao mangkonong i Yesu.

Markus 10:30

Wali samparia tau etu ane mampiyaika kasuginya to etu, ri raya ngkatuwunya to tempo si’i sira damangarata satu ngkani kaborosinya to sira mampiyaika etu. Wali sira damangarata satu ngkani kaborosinya banuanya, tukakanya pasi tua’inya, indonya, ananya pasi nawunya tempo sira re’ewa ri lino si’i. Pasi tau to mangalulu Aku etu, sira danasesai ntau. Pei ri tempo to dama’iwa sira damangarata katuwu to singkasaenya.

Markus 9:47

Pasi ane mata ngkomi mangalo’aka anu to taa matao ralo’aka, ane ewa see pakadota kojo mampandooka mangalo’aka anu to maja’a etu. Kadota etu raporapaka ewa tau to mangansu’i yau sambali matanya etu see napandooka mangalo’aka anu to taa matao ralo’aka etu. Apa to tao-tao jamo sambali matanya pei mangarata anu to matao to rawaika resi tau to i Pue Allah Makolenya sakowa ia dua mbaliawa matanya pei ane rataji yau lo’u apu naraka. Apa ane masua ri apu naraka, nempo dua mbaliawa matanya masiasi kojo ia.

Yohanes 3:5

Wali i Yesu mangansono, Ia manganto’o, “Si’a pangampoana to etu to Aku manganto’o. Pei Aku manganto’oka korom, monso pu’u tare tau to maya mawali tau to i Pue Allah Makolenya ane ia taa rapoanaka yako ue pasi yako i Nosa Mapasing.

Matius 19:24

Pasi Aku manganto’oka wo’u komi, to gampa-gampa binatang to rato’oka unta masua ri raya mpoko njau sakowa tau sugi mawali tau to Makolenya i Pue Allah.”

Yohanes 15:18

Wali i Yesu manganto’oka wo’u kami to anaguruNya, “Ne’e ipu raya ngkomi ane maja’a nakita nto lino to taa mangaya Aku. Pasi ne’e mangkalingan, Aku semo to uyunya maja’a nakita nsira.

Palaong mPomakau i mPue Yesu 11:26

Ojo pangaratanya i Saulus etu, ia mangansale yau njo’u Antiokhia. Wali sira dua yau panewa rata nja’u Antiokhia etu. Yako etu santo’u kasaenya sira dua maroo-roo nja’u ria. Ri rayanya santo’u etu sira sangkani siromu sindara-ndara pei tau to mangaya i Yesu pasi boros tau to sira dua mampotundeka. Wali nja’u Antiokhia semo anaguru i mPue Yesu uyunya rato’oka tau Kristen.

Palaong mPomakau i mPue Yesu 11:29

Wali ojo pangandonge nu anaguru i mPue Yesu kareba etu sira mangansongka damangansawang pua’inya to samba’a pangaya to maroo ri propinsi Yudea. Wali sira mangawaika doi samba’a pei samba’a imba pata mparata nsira.

Palaong mPomakau i mPue Yesu 14:20

Pei tempo etu anaguru i mPue Yesu to re’e ri Listra etu, sira yau makore tiku i Paulus. Wali tempo etu i Paulus naendo muni panewa mambangu pei yau muni njo’u raya ngkota. Yako etu ojo kaeonya rao i Paulus sira dua i Barnabas polas wo’u njo’u kota Derbe.

Palaong mPomakau i mPue Yesu 14:28

Wali yako etu i Paulus sira dua i Barnabas masae sangkodi maroo-roo sindara-ndara pei anaguru i mPue Yesu nja’u kota Antiokhia etu.

Pilipi 1:29

Wali ane mangkonong kasesa, seore komi re’e mangkita aku mangarata kasesa apa saba mampasimbalika kareba matao. Pasi komi roomo mangandonge kareba to manganto’o tiroowa ewa wetu resi aku. Pasi tempo si’i komi seja mandasai mampasimbalika kareba matao sewaju ewa aku. Apa kita nawaika i mPue Allah sora apa saba i Kerisitu. Etu semo Ia mangawaika kita mangaya i Kerisitu. Pei si’a ojo etu soraNya. Apa Ia mangawaika seja kita mangarata kasesa apa saba kita mangaya i Kerisitu etu.

1 Petrus 2:21

Wali masipato komi mansabaraka kasesa apa etu semo palaong to nawaika i mPue Allah kita tempo Ia mampokio kita mawali Ia Puenya. Apa sakowa i Kerisitu mangarata seja kasesa seore mangkasesaka kita. Wali Ia mawali tondong to masipato kita mangalulu.

1 Petrus 5:9

Wali ewa ia! Pasi pakaroso pangaya ngkomi tempo rasesai, apa komi mangansani si’a ojo komi to mangarata kasesa. Pasi samparia pua’i ngkita to mangaya ri sambawo lino, sira seja mangarata kasesa to sewaju pei to nurata ngkomi.