Palaong mPomakau i mPue Yesu 13:6 - Tuntu i mPue ri Basa Taa

⁶ Wali sira togo mangalinjak juku pulo etu sampe rata nja’u kota Papos. Nja’u kota etu sira mangarata samba’a to Yahudi to sanganya i Baryesus. Pei ane ri basa Yunani sanganya i Elimas. Ngkai etu tau kapake pasi ia mawuti, ia manganto’o, “Aku to pantuntu tuntu i mPue Allah.”

Sura Magali Nuntu Ngkatuwu

⁶ Nalinjaki ntau seʼe juku-juku togongi setu jela-jela ri Papo. Njairia tau seʼe momberata pai to Yahudi i Bari Yesu toʼonya, siʼa sambaʼa to powalia pai natoʼo woʼu siʼa sambaʼa nabi.

Palaong mPomakau i mPue Yesu 13:6 Referans Kwoze

Matius 7:15

.“Wali jagai kojo, apa re’e to pantuntu tuntu to taa monso. Sira mampoanika tau to matao to raporapaka ewa domba. Pei kamonsonya sira ewa asu maila to maja’a kiranya.

1 Yohanes 4:1

Pei ngana-ngana to kuporayang, ne'e mansaka mangaya samparia tau to manganto'o, "Aku magombo yako ri kuasa i Nosa Mapasing." Pei paresa ruyu gombo ntau etu see manasa bara monso pu'u yako resi i Pue Allah. Ika ewa wetu apa boros to pantuntu tuntu to taa monso to masuwu ri sambawo lino si'i.

2 Korintus 11:13

Wali tau to etu kamonsonya si’a pomakau i ngKerisitu. Sira pomakau to taa monso pasi palaong to naika nsira ojo mangantipu tau. Pasi sira mangawuni lengko to si sira pei mampotumbu lengko mpomakau i ngKerisitu.

Markus 10:46

Wali yako etu, ri raya mpalinja i Yesu pasi anaguruNya yau ri Yerusalem, sira liu ri kota Yerikho. Tempo sira polas yako ri kota etu, boros kojo tau to mangalulu sira. Wali tempo etu re’e samba’a tau buta maroo-roo matunda ri wii njaya. Ngkai etu sanganya i Bartimeus to ana i nTimeus. Wali ia maroo-roo ri wii njaya mangampea mamporapi doi resi tau to liu apa ia buta.

Matius 24:24

Apa ri tempo etu boros tau to damangawutis tau, sira manganto’o, ‘Aku semo i Kerisitu, Makole parajanji i mPue Allah.’ Pasi re’e seja to manganto’o, ‘Aku semo to pantuntu tuntu i mPue Allah.’ Tau etu sira damangika palaong to taa rapobiasa to mawali tondong resi tau, pasi palaong to mampakaipu raya ntau. Sira mangika palaong to etu apa sira mampobuuka bara maya mangantipu yau tau, nempo tau to natipu etu tau to roomo napilis i mPue Allah.

Matius 16:17

Wali i Yesu manganto’o, “Masanang korom, i Petrus, ana i Yunus. Apa si’a to lino to mampaponsanika korom mangkonong Aku, Pa’angKu to ndate saruga, Ia semo to mampaponsanika korom.

Pangkita 19:20

Pei taa mawali apa binatang to maja’a etu rasoko sindara-ndara pei to pantuntu tuntu to taa monso. To pantuntu tuntu etu mangampake kuasa yako binatang etu tempo seore mangika palaong to taa rapobiasa. Ia mangantipu tau to re’e tondong binatang to maja’a pasi to mampue tau-tau binatang etu. Wali see naka binatang to maja’a pasi to pantuntu tuntu to taa monso etu sira dua rasoko panewa rataji yau lo’u raya ndano nu apu to la’u sedawa to mawea la’u ria.

2 Timotius 3:8

Wali tau to mampotundeka anu to taa monso etu, tau etu tamo matao pampobuuka nsira. Pasi pangaya nsira taa monso wali sira napobo’o i mPue Allah. Sira mangewa anu to monso ewa naika i Yanes sira dua i Yambres mangewa i Musa tempo owi.

Palaong mPomakau i mPue Yesu 13:8

Pei i Elimas to kapake etu ia mangewa kojo i Barnabas dua i Saulus. Ia rani mangansilempor i gubernur etu naka ne’e damangaya i Yesu.

Palaong mPomakau i mPue Yesu 13:13

Wali yako etu i Paulus pasi yununya malayag wo’u yako ri kota Papos rata nja’u kota Perga ri propinsi Pampilia. Nja’u ria i Yohanes Markus mampiyaika sira pei yau muni ndeku Yerusalem.