Palaong mPomakau i mPue Yesu 13:46 - Tuntu i mPue ri Basa Taa

⁴⁶ Pei i Paulus sira dua i Barnabas taa kojo meka mangansono gombo nsira, to’onya, “Kami taa maya taa mampakarebaka tuntu i mPue Allah resi komi to Yahudi ruyu. Pei komi bo’omu mangaya, pasi manasa komi semo to mampobuuka komi taa masipato damangarata katuwu to singkasaenya. Wali see naka si’i-si’i kami dayau wo’u mampakarebaka tau to si’a to Yahudi.

Sura Magali Nuntu Ngkatuwu

⁴⁶ Powia nto Yahudi ewanceʼe, banya mampakaeka raya i mPaulu pai i Baranaba paikanya jakakomakoje-koje raya ntau seʼe mompau natoʼo, “Kamonconya kojo nuntu i mPue Ala da ndatuntuka komi riunya. Paikanya ua bareʼe ndipokono mantarima, komi mabotusimo ngkaliomi kakominya bareʼe sintinaja da marata katuwu anu monco pai bareʼe da reʼe kapusanya. Inceʼe puʼunya painaka kami mampalaika komi, seʼi-seʼi kami da njoʼu ri banca ntaninya.

Palaong mPomakau i mPue Yesu 13:46 Referans Kwoze

Palaong mPomakau i mPue Yesu 28:28

Wali yako etu i Paulus manganto’oka wo’u sira, to’onya, “A’i-a’i, to Yahudi bo’onya mampodongeka kareba mangkonong ewa wimba naika i mPue Allah mampalaes tau. Wali see naka aku mampaponsanika komi kareba etu room seja rapakarebaka resi tau to si’a to Yahudi. Tau etu mampodongeka kojo.”

Palaong mPomakau i mPue Yesu 26:20

Wali aku mampakarebaka samparia tau, manganto’o, ‘Pajea pei ndolika tango ngkomi resi i Pue Allah pei ika lengko ngkatuwu to masipato naika ntau to majeam.’ Etu semo gombongku mampakarebaka tau nja’u kota Damsyik ruyu, panewa nda’a Yerusalem, pasi ri sambawo propinsi Yudea, pasi aku mampakarebaka seja tau to si’a to Yahudi.

Matius 21:43

“Wali komi semo tau to mampobo’o Aku etu. See naka Aku manganto’oka komi, komi tamo nasale i mPue Allah damawali tau to Ia Makolenya. Pei bansa ntau to yusa to mangika palaong to masipato naika ntau to Makolenya i Pue Allah, sira semo to damangabolos komi.

Palaong mPomakau i mPue Yesu 3:26

Wali i Pue Allah mangampilis to PapolaongiNya, i Yesu, panewa mampokau Ia ma’i resi kita ruyu, damampakasanang kita. Wali ewa si’i nikaNya mampakasanang kita, Ia mangansawang kita samba’a pei samba’a see kita rani mangandolika tangonta yako ri palaong ngkita to maja’a.”

Roma 2:10

Pei tau to mangika lengko to matao, sira darabarong pasi dara’angga pasi damangarata karodo ndaya, mula yako resi to Yahudi rataka seja resi tau to si’a to Yahudi.

Roma 1:16

Wali aku taa mangepe mea mampakarebaka kareba matao mangkonong i Kerisitu, apa kareba matao etu semo karoso i mPue Allah. Apa i sema tau to mangaya kareba matao etu, karoso i mPue Allah mampalaes tau etu. Wali uyu-uyunya owo to Yahudi to rakenika kareba matao, pei si’i-si’i pasi tau to si’a to Yahudi sira rakenika seja kareba matao.

Palaong mPomakau i mPue Yesu 22:21

“Pei Ia manganto’oka wo’u aku, ‘Inta, apa Aku damampokau korom njo’u longko resi tau to si’a to Yahudi.’ Etu semo gombo i mPue Yesu resi aku.”

Palaong mPomakau i mPue Yesu 13:26

“Wali a’i-a’i to wiyaa i Abraham, pasi komi to si’a to Yahudi pei to mampalaika seja i Pue Allah saba manga’angga Ia, kita semo to napaponsanika i mPue Allah kareba si’i mangkonong ewa wimba kita rapalaes.

Yohanes 1:11

Pasi tempo Ia ma’i ri tana nu bansa to si Ia, tempo etu kaborosinya yunuNya ri tana etu taa mangantima Ia.

Palaong mPomakau i mPue Yesu 7:51

Wali i Stepanus manganto’oka wo’u kepala-kepala etu, to’onya, “Gete komi mako’o wo’omu! Komi taa kojo rani mampalaika bara mampodongeka kareba yako resi i Pue Allah. Komi sangkani mangewa i Nosa Mapasing ewa naika bue-bue ngkita tempo owi.

Lukas 24:47

Pasi re’e seja gombo to ratulis to manganto’o saba yako kuasa i ngKerisitu, see naka tau damampakarebaka resi sa’e manganto’oka sira, ‘Pojea see dosa ngkomi tamo danakitanaka i mPue Allah.’ Wali kareba etu darapakarebaka ri kota Yerusalem ruyu panewa yako etu kareba etu darapakarebaka resi samparia bansa nto lino.

Pilipi 1:14

Pasi si’a ojo palaong to etu to mawali. Apa boros pua’i ngkita to rire to samba’a seja pei i Pue, sira tidugang karoso ndaya nsira apa mangansani aku ratarungku. Wali see naka tempo si’i sira maroso rayanya mampakarebaka tuntu i mPue Allah pasi tare kameka ndayanya.

Palaong mPomakau i mPue Yesu 13:14

Pei i Paulus pasi yununya to yusa sira polas seja yako ri Perga rata nja’u kota Antiokhia ri propinsi Pisidia. Wali ojo karatanya Eo Rapandoo sira yau matunda ri raya banua to napampotunde nto Yahudi.

Palaong mPomakau i mPue Yesu 13:5

Wali ojo karata nsira dua nja’u pulo Siprus, ri kota Salamis, sira mampakarebaka tuntu i mPue Allah resi tau nja’u banua-banua to napampotunde nto Yahudi. Tempo sira mampakarebaka tuntu i mPue etu, ngkai to sanganya i Yohanes Markus mangansawang sira.

Palaong mPomakau i mPue Yesu 4:13

Wali kepala-kepala nto pampue pasi yunu nsira etu sira ipu rayanya mangkita i Petrus sira dua i Yohanes sira dua taa kojo meka mampotango sira. Naka pei ipu raya nsira mangkita apa sira nansani tau dua etu ojo tau biasa, taa malangan sekolanya. Panewa sira mangendo tau dua etu re’e mangalulu i Yesu seore.

Matius 10:6

Pei inta resi tau to raporapaka ewa domba-domba to pusa, etu semo resi to Israel.

Ibrani 11:34

Panewa re’e wo’u sira to naposaka nsa’e lo’u raya nu apu to mawea kojo, pei kaa nu apu etu taa mangkoni sira. Pasi re’e to taa nanangi ntau to rani mangantaroto sira. Re’e seja to mayu’u pei rawaika karoso, pasi re’e to mawali maroso kojo mamusu see naka sira manganangi tentara to ma’i yako tana to yusa.

Matius 21:41

Wali sira mangansono pampotanaka i Yesu etu, sira manganto’o, “Mapari kojo danaika damampakaja’aka yau tau to maja’a etu. Panewa roo see ia damangawaika wo’u tau to yusa damampasilonga nawunya etu. Wali tau to i waikanya mampasilonga nawu etu, etu semo tau to singkonong mangawaika ia tilanya ane ratamo temponya matasamo wua nu anggur. Wali tau to etu semo damangkampang wo’u nawu etu.”

Matius 25:46

“Wali yako etu, tau to re’e ri sambalingKu tondo ngkii etu, sira damayoko. Sira dayau damangarata huku to singkasaenya. Pei tau to singkonong pei Aku sira dayau damangarata katuwu to singkasaenya.” Wali samparia etu, etu semo gombo i Yesu mangansono pampotanaka mami to anaguruNya mangkonong temponya Ia dama’i wo’u.

Palaong mPomakau i mPue Yesu 9:20

Pasi ia mansaka yau ri banua-banua to napampotunde nto Yahudi, panewa ia mampakarebaka tau nja’u ria mangkonong i Yesu, Ia semo ana i mPue Allah.

Palaong mPomakau i mPue Yesu 19:9

Pei sangga’a tau etu sira mako’o wo’onya, bo’onya mangaya anu to nato’o i mPaulus etu. Tau etu ri tango ntau boros manganto’o maja’a Jaya to nato’o i Yesu. Wali i Paulus mampiyaika sira pasi mangkeni yau seja anaguru i mPue Yesu. Wali sira yau siromu ri banua i nTiranus. Banua etu banua to bae kojo to napake ntau ane siromu magombo resi tau boros. Wali ponto eo i Paulus mampotunde tau to siromu nja’u ria.