Palaong mPomakau i mPue Yesu 13:45 - Tuntu i mPue ri Basa Taa

⁴⁵ Pei tempo kepala-kepala nto Yahudi mangkita tau boros etu mangampago i Paulus sira dua Barnabas, sira timopo kojo rayanya wali sira mangabanta gombo to nato’o i mPaulus pasi manto’o maja’a ia.

Sura Magali Nuntu Ngkatuwu

⁴⁵ Pangkita nto Yahudi waʼa ntau sondo, maʼai kojo kanyau ndayanya. Napetikodi ntau seʼe i Paulu pai nasapu ntau seʼe pura-pura anu natoʼo.

Palaong mPomakau i mPue Yesu 13:45 Referans Kwoze

I Yudas 1:10

Pei ane tau to rata ri oyo ngkita etu, sira manganto’o maja’a samparia anu to taa nansani nsira. Sira maya raporapaka ewa binatang, apa binatang taa pande kojo mampobuuka, pei re’e to nansani yami nsira. Wali ewa see seja tau etu. Re’e anu to nansani yami nsira, pasi anu to nansani yami nsira etu semo to mampakaja’a sira.

Palaong mPomakau i mPue Yesu 18:6

Pei to Yahudi etu sira mangewa pasi manto’o maja’a ia, wali i Paulus mantantamaka awu ntana to re’e ri pakenya mangika tondong ia taa kojo singkonong pei sira. Ia manganto’oka sira, “Ane komi mangarata huku si’a salangku, sala ngkomi semo. Wali yako tempo si’i aku dayau damampakarebaka kareba matao resi tau to si’a to Yahudi.”

1 Tesalonika 2:16

Kamonsonya kami rani mampakarebaka resi tau to si’a to Yahudi kareba matao to maya mampalaes sira. Pei to Yahudi etu sangkani mangaliwu jaya damangaba’a palaong mami etu. Wali kanjo’u-njo’u kapari-pari dosa to naika nto Yahudi etu, see naka i Pue Allah mangepe ganam. Ia tamo re’e sabaraNya. Wali kapura-puranya sira ojo mangarata huku apa i Pue Allah maja’a nakita dosa. Wali etu semo mangkonong to Yahudi to mangewa kareba matao.

Palaong mPomakau i mPue Yesu 19:9

Pei sangga’a tau etu sira mako’o wo’onya, bo’onya mangaya anu to nato’o i mPaulus etu. Tau etu ri tango ntau boros manganto’o maja’a Jaya to nato’o i Yesu. Wali i Paulus mampiyaika sira pasi mangkeni yau seja anaguru i mPue Yesu. Wali sira yau siromu ri banua i nTiranus. Banua etu banua to bae kojo to napake ntau ane siromu magombo resi tau boros. Wali ponto eo i Paulus mampotunde tau to siromu nja’u ria.

Palaong mPomakau i mPue Yesu 5:17

Wali yako etu, kepala nto pampue to bae angganya pasi joanya, etu semo to Yahudi to aliran Saduki, sira timopo kojo rayanya mangkita tau boros mangalulu pomakau i mPue Yesu etu.

1 Petrus 4:4

Wali tempo si’i yunu ngkomi to tempo ruyu etu, sira ipu rayanya apa komi tamo rani sindara-ndara pei sira mangika wo’u palaong to mapari kojo kaja’anya. Wali see naka sira manganto’o maja’a komi.

1 Korintus 3:3

Komi tiroowa mangalulu pamporani ndaya ngkomi to maja’a. Apa komi timopo pasi matingka samba’a pei samba’a, wali yako ri palaong to etu manasa komi tiroo mangalulu pamporani ndaya ngkomi to maja’a. Komi ojo mampolengkoka lengko nto lino to tawa mangansani i Pue.

Palaong mPomakau i mPue Yesu 17:5

Pei to Yahudi to taa mangaya i Pue Yesu, sira timopo rayanya pasi kaloo mangkita boros kojo tau to mangaluluka tau dua etu. Wali to Yahudi to etu sira mampokio bara sawei mba’a tau to maja’a lengkonya panewa sindara-ndara pei tau maja’a etu sira mampasiromunaka tau boros kojo pei mangika rotai to bae ri kota etu. Yako etu sira mangampago banua i Yason apa ia semo to mampalinggona i Paulus sira dua i Silas. Sira rani mangansoko tau dua etu panewa mangkenika tau boros.

Matius 27:18

I Pilatus mampotanaka ewa wetu apa ia mangansani naka pei kepala-kepala nto pampue mangkeni i Yesu resi ia apa sira ojo timopo rayanya mangkita boros tau tamo mangalulu sira, jamo mangalulu i Yesu semo.

Yakobus 4:5

Wali wimba, komi bara re’e mampobuuka tare batuanginya anu to nato’o i mPue Allah mangkonong palaong to etu? Kamonsonya raya ngkita boros kojo pamporani to maja’a see naka mawali kaloo.

Galatia 5:21

Sira kaloo, pasi mampopate sa’e, pasi manginu see mawali kayangu, pasi mangika roa-roa to mawali palaong to masipato rapokea, pasi mangika samparia palaong to ewa wetu. Wali aku manganto’o wo’u patiendo to aku roomo manganto’oka komi seore. Etu semo, tau to sangkani mangika palaong to ewa wetu, tau etu taa damangarata anu to matao to rawaika resi tau to Makolenya i Pue Allah.

Roma 1:29

Wali mpangaya-ngaya lengko to madosa to naika nsira yako ri pampobuukanya etu. Etu semo sira magoyal, sira mangika palaong to maja’a, sira bamporomung, pasi rani mampakaja’a sa’e. Sira kaloo pasi timopo, pasi sira rani mampopate sa’e. Sira batingka, pasi manipu, pasi sangkani mampobuuka anu to maja’a mangkonong sa’e. Sira bawiwi

Matius 23:13

Wali yako etu i Yesu manganto’o wo’u, to’oNya, “Ojo kasesa danurata ngkomi to mampoguru porenta i Musa pasi komi to aliran Parisi. Komi ojo gombomu to manoto! Apa komi mangaba’a jaya see tau taa maya mawali tau to Makolenya i Pue Allah. Komi taa rani mawali tau to Ia Makolenya, pasi komi mangamparas sa’e to rani mawali tauNya.

Pomulanya 37:11

Wali tukakanya ojo tidugang wo’u katimopo ndayanya resi ia. Pei pa’anya tare pandoonya mampobuu-buuka mangkonong pangipi i Yusup etu bara kesaa kamonsonya batuanginya.

Palaong mPomakau i mPue Yesu 13:50

Pei kepala-kepala nto Yahudi, sira mangarotai raya ntau we’a to bose angganya to mampalaika seja i Pue Allah saba manga’angga Ia. Pasi sira mangarotai seja raya ntau to tu’anginya ri kota etu see naka samparia tau to etu mangansesai i Paulus sira dua i Barnabas. Wali ewa wetu inikanya damangarubak muni tau dua etu yako ri lipu etu.

Palaong mPomakau i mPue Yesu 14:2

Pei to Yahudi to bo’onya mangaya, sira mangarotai raya ntau to si’a to Yahudi see sira maja’a rayanya resi tau to mangaya i Yesu etu.

Palaong mPomakau i mPue Yesu 14:4

Pei tau nja’u kota etu sira mawali yau dua ntila. Re’e sangga’a to mangaluluka to Yahudi, pasi re’e sangga’a mampasimbalika pomakau i mPue Yesu.

Palaong mPomakau i mPue Yesu 14:5

Wali yako etu tau to si’a to Yahudi pasi to Yahudi seja sindara-ndara pei tau tu’a nsira mangansongka damangansesai i Paulus sira dua i Barnabas pasi mangantasoka sira dua watu.

Palaong mPomakau i mPue Yesu 14:19

Wali yako etu ratamo to Yahudi to yako ri kota Antiokhia pasi kota Ikonium, sira rata nja’u kota Listra etu. Tau rata etu mampogomboka tau Listra manganto’o maja’a i Paulus sira dua i Barnabas panewa tau Listra etu mampasimbalika yau tau to rata etu. Wali sira mangantasoka i Paulus watu panewa mangaditi yau ia ri sambali ngkota. Sira mampondayaka ia matem.

2 Korintus 11:26

Wali boros kojo palinjangku, pasi ri raya mpalinjangku etu aku malagi ngkani mangarata palaong to mampakameka raya ntau. Ewamo mangawote ue mowo, mangarata tau maja’a to mangoko yau ngaya-ngaya nsa’e, mangarata kaja’a ndaya nu yunungku to Yahudi, pasi mangarata seja kaja’a ndaya ntau to si’a to Yahudi. Pasi boros seja anu to mampakameka aku to iratangku ri kota-kota, pasi nja’u pada bone, pasi ri wawo ntasi. Pasi re’e seja tau to mawuti to mampoanika pua’i ngkita to samba’a pangaya, sira seja rani mampakaja’a aku.

2 Timotius 3:11

Korom mangansani seja ewa wimba aku nasesai ntau pasi mangarata soba, pasi mangkonong samparia to mawali resi aku seore tempo nja’u kota Antiokia, Ikonium pasi Listra. Mapari kojo naika ntau mangansesai aku nja’u kota-kota etu, pei i Pue Allah mampalaes aku yako samparia kasesa to etu.