Palaong mPomakau i mPue Yesu 13:39 - Tuntu i mPue ri Basa Taa

³⁹ Ane porenta i Musa, taa maya mangalapas kita yako samparia dosa ngkita, pei ane i Yesu Ia maya. I sema tau to mangaya i Yesu, tau etu ralapas yako samparia dosanya.

Sura Magali Nuntu Ngkatuwu

³⁹ sangaya-ngaya ndiincani, kaʼisemanya tau anu meaya ri Sira, ndasorepaka ungka ri waʼa ncalaa anu bareʼe ndakoto mampalisi mampoliu waʼa ncongka mPue Ala anu naparata i Musa.

Palaong mPomakau i mPue Yesu 13:39 Referans Kwoze

Galatia 2:16

Pei si’i-si’i kita tansani si’a yako tau mangalulu porenta i Musa naka pei ia nato’o i mPue Allah tare dosanya. Yako pangayanya resi i Yesu Kerisitu naka pei tau nato’o i mPue Allah tare dosanya. Wali kita mangansani etu, see naka ewa see seja to naika ngkita. Kita roomo mangaya i Kerisitu Yesu see yako pangayanta resi i Kerisitu Yesu etu kita maya nato’o i mPue Allah tare dosanta. Si’a yako kita mangalulu porenta i Musa, apa tare pasi samba’a tau to danato’o i mPue Allah tare dosanya ane ojo mangalulu porenta i Musa.

Roma 10:4

Pei taa mawali tau rato’o tare dosanya ane yako mangalulu porenta i Musa. Apa yako to naika i ngKerisitu see naka tamore batuanginya mangalulu porenta etu. Wali si’i-si’i samparia tau to mangaya i Kerisitu maya rato’o tare dosanya.

Roma 8:3

Wali ane ojo yako porenta i Musa, taa kojo tilapa kita yako ri kuasa nu dosa apa pampobuuka ngkita to masae taa nakurang mangaluluka porenta etu. Pei ane i Pue Allah, Ia nakurang mangalapa kita yako ri kuasa nu dosa. Ia mampokau Ana to si Ia ma’i ri lino si’i mawali to lino. Pasi tempo Ia ma’i etu, koro to si Ia sewajuja ewa koro ngkita to madosa. Wali roo see, Ana i mPue Allah rapopate yau mangansompo dosa nto lino. Wali ewa wetu naika i mPue Allah manganangi kuasa nu dosa pasi mangalapa kita to madosa yako ri kuasa nu dosa etu. Wali palaong to taa maya naika mporenta i Musa, palaong etu i Pue Allah semo nangika.

Ibrani 7:19

Apa ane porenta i Musa, taa nakurang mampasilonga bara kesaa. Wali porenta etu rabolosika anu to matao wo’u to kita maya mansarumaka, see kita maya mosu resi i Pue Allah.

Roma 10:10

Apa raya ngkita mangaya i Pue Yesu, see naka kita nato’o i mPue Allah tare dosanta. Pasi nganga ngkita mampatimonso pangayanta etu, see naka kita rapalaes.

Roma 8:1

Wali si’i-si’i tau to samba’a pei i Kerisitu Yesu, to tamo mangaluluka pamporani ndayanya to maja’a, pei jamo mangaluluka pamporani i Nosa Mapasing, tau to etu taa tuwu ewa tau to rahuku.

Roma 4:15

Wali apa saba tau taa nakurang mangaluluka porenta etu see naka sira mangarata huku i mPue Allah, apa sira monso pu’u sala. Ane tare porenta tare tau to sala, pei re’e porenta see naka samparia tau paka sala.

Roma 3:19

Wali etu semo to ratulis ri raya ntuntu i mPue Allah to rato’oka porentaNya. Pasi kita tansani anu to ratulis etu ratulisika kita to Yahudi to ri ara mporenta etu. Naka pei re’e porenta etu see kita manasanta samparia tau paka madosa. Wali kamonsonya tare pasi samba’a tau to maya manganto’o, “Aku tare dosangku.” Samparia to lino paka damampongakung sira masipato danahuku i mPue Allah.

Roma 5:20

Wali naka pei i Pue Allah mangawaika to lino porentaNya see sira damawali manasanya sira tau madosa, apa sira sangkani mangewa porenta etu. Wali kanjo’u-njo’u tiduga-dugang tau mangika dosa. Pei nempo wimba kabaenya dosa ntau, ojo tiduga-dugang kanoto i mPue Allah. Wali kanoto i mPue Allah semo to bae kojo pei dosa ntau.

Roma 5:9

Wali matantu yako raa i ngKerisitu tempo Ia mangkapateka kita etu see naka kita rato’o tare dosanta. Wali ane ewa see matantu wo’u i Kerisitu damampalaes kita see kita tamo danahuku i mPue Allah.

Yohanes 1:17

Apa bae batuanginya porenta i mPue Allah to naporataka i Musa bue-bue ngkita tempo owi. Pei nempo bae batuanginya porenta etu, bae wo’u batuanginya kanoto i mPue Allah to napaponsanika i Yesu Kerisitu kita ri tempo si’i. Pasi bae wo’u batuanginya samparia anu to to’oNya mangkonong i Pue Allah, pasi samparia to to’oNya etu paka monso pu’u.

Ibrani 10:11

Wali to pampue nu agama nto Yahudi, ponto-ponto eo sira samparia makore mangangika palaong nsira. Pasi ponto-ponto eo sira mampampueka pampue to sewaju-waju, pei pampue to etu taa nakoto mampalasi yau dosa ntau.

Ibrani 10:4

Apa si’a yako ri raa nu nsapi to pongka pasi raa nu bembe to pongka naka pei dosa ntau rapalasi yau.

Roma 5:1

Wali si’i-si’i kita nato’o i mPue Allah tare dosanta apa saba pangayanta. See naka kita masingkatao pei i Pue Allah apa saba to naika i Yesu Kerisitu, Pue ngkita.

Roma 4:24

Gombo etu ratulis mangkonong kita seja. Apa i Pue Allah damanganto’o kita seja tare dosanta apa saba kita mangaya Ia to mangawangu muni i Yesu, Pue ngkita yako ri kapateNya.

Palaong mPomakau i mPue Yesu 10:43

Wali samparia to pantuntu tuntu i mPue Allah tempo owi, sira magombo mangkonong i Yesu etu, sira manganto’o i sema tau to mangaya Ia sira tamo rakitanaka dosanya apa saba kuasa to si Ia.”

Galatia 5:3

Wali sangkani wo’u aku mampaposiaka tau to rani rasui mangalulu ada nu agama nto Yahudi. Ane tau etu mansarumaka etu semo jaya see danato’o i mPue Allah tare dosanya, sira taa maya taa mangalulu seja samparia porenta i Musa to yusa.

Galatia 3:8

Pasi tau to si’a to Yahudi, sira seja maya rato’oka wiyaa i Abraham. Apa ri raya ntuntu i mPue Allah re’e to ratulis yami to mampakanasaka kita pasiwa tau to si’a to Yahudi, ane mangaya, ia danato’o seja i mPue Allah tare dosanya. Apa i Pue Allah mampakarebaka yami i Abraham kareba matao, Ia manganto’o, “Yako korom Aku damampakasanang samparia bansa nto lino.” (Pomulanya 12:3) Etu semo to nato’oka i mPue Allah i Abraham.

Galatia 2:19

Pei aku taa mangika ewa wetu, apa si’i-si’i aku mangansani naka pei aku nato’oka i mPue Allah tare dosangku, si’a saba aku mangalulu porenta i Musa, apa aku taa kojo kukurang mangalulu porenta etu. See naka aku mangandolika tangongku yako ri porenta etu see aku maya mangalulu kojo pamporani i mPue Allah. Wali saba yako pangayangku resi i Kerisitu, see naka aku raporapaka ewa rapaku ri kaju pasape sindara-ndara pei Ia.

1 Korintus 6:11

Wali seore re’e sangga’a komi to ewa wetu lengko ngkomi. Pei raya ngkomi room napakayongo i mPue Allah yako ri dosa. Pasi Ia room mangika komi mawali Ia Puenya pasi Ia room manganto’o tare dosa ngkomi. Naka pei Ia mangika palaong etu apa saba palaong to roomo naika i mPue Yesu Kerisitu pasi to roomo naika i Nosa Mapasing resi komi.

Roma 9:31

Pei ane to Israel, sira re’e mangaliwu jaya mapalaong see danato’o i mPue Allah tare dosanya. Wali sira mampobuuka ane sangkani mangalulu porenta i Musa, etu semo jaya. Pei taa monso, wali sira taa mangarata jaya etu.

Yohanes 5:24

“Aku manganto’oka komi, monso pu’u i sema tau to mampodongeka gombongKu pasi mangaya Ia to nampokau Aku, tau etu re’e katuwu to singkasaenya, wali ia tamo darahuku. Apa ia tamo re’e ri jaya to mangarata kapate pei ia re’emo ri jaya to mangarata katuwu.

Lukas 18:14

“Wali Aku manganto’oka komi tempo sira dua mawolili muni njo’u banuanya, to pantagi asele semo to nato’o i mPue Allah tare dosanya. Si’a to Parisi. Apa tau to mampakabae angganya, tau etu darapakakodi, pei tau to mampakakodi angganya, tau etu darapakabae.”

Lukas 10:28

Wali i Yesu manganto’oka ngkai etu, “Monso pu’u pasonomu. Wali palengkoka porenta to etu panewa korom damangarata katuwu.”

Lukas 10:25

Wali yako etu re’e samba’a tau to pande kojo mangkonong porenta i Musa, ia rani mangakal i Yesu see Ia manganto’o gombo to sala. Wali see naka ngkai etu makore pei mampotanaka resi i Yesu, ia manganto’o, “Pa’a Guru, bara kesaa to dakuika see aku damangarata katuwu to singkasaenya?”

Roma 3:20

Wali tare pasi samba’a tau to danato’o i mPue Allah tare dosanya apa saba mangalulu porentaNya, apa tare tau to nakoto mangalulu samparia porenta etu. Naka pei kita rawaika porenta etu see mampakanasaka resi kita mangkonong dosanta.