Palaong mPomakau i mPue Yesu 13:11 - Tuntu i mPue ri Basa Taa

¹¹ Wali si’i-si’i i Pue damangahuku korom. Wali korom darapakabuta yau, pasi korom tamo damangkita pasiwa kareme nu eo sampe rata temponya to napilis i mPue.” Wali ojo karoonya i Paulus magombo etu, i Elimas ia mansaka mangepe anu to ewa limu mopu to meta kojo mangabombong matanya. Wali see naka ia mula mangararo-raro mpangkewaka mangaliwu tau to damangangkentar ia.

Sura Magali Nuntu Ngkatuwu

¹¹ Seʼi-seʼi peole, i Pue Ala da mahuku siko! Siko da ndapakabuta matamu bareʼemo da nukita ogu ndeme bara tesangkuja ndeme kasaenya.” Liu-liu naepe i Elimasi ewa reʼe gawu maeta anu mangkaʼuwi matanya, painaka melinja moama-amamo siʼa mampepali tau anu da manini siʼa.

Palaong mPomakau i mPue Yesu 13:11 Referans Kwoze

Posuwunya 9:3

ane ewa see Aku damangawaika soba panyaki to malao to mapari kojo. Wali panyaki etu dakono ri binatang ngkomi songonya to re'e ri pada, ewa jarang, keledai, unta, sapi, bembe pasi domba.

Ibrani 10:31

Wali bae kojo kameka ndaya ntau to mangarata huku yako resi i Allah to tuwu.

2 Petrus 2:17

Wali tau to mampotunde anu to taa monso etu, sira ewa mata nue to otim. Pasi sira ewa limu to roomo natawuis yau nu ngoyu. Apa gombo nsira tabaro kojo pei kamonsonya tare batuanginya. Wali gombo nsira etu mangakal tau to owo roo maga’a yako resi yununya to mangika lengko ngkatuwu to sala. Apa sira manganto’oka tau to owo room mampoga’aka yununya etu, manganto’o, “Taa mawei nempo mangaluluka yau pamporani ngkoro to maja’a pasi mangika palaong to masipato rapokea.” Pasi sira manganto’o, “Ane komi mangalulu jaya mami, nempo tamo mampalaika i Pue Allah, taa mawei.” Wali ewa wetu nato’o nsira. Pei kamonsonya tau to manganto’o gombo to etu sira semo to ewa watua. Apa sira nakuasang nu lengko to mampakaja’aka sira. Wali nempo bara kesaa to mangkuasang tau, etu semo to mampowatua ia. Wali lipu to mawuri kiji roomo napasigenaka i mPue Allah sira, pasi sira damaroo ri lipu to mawuri kiji etu rataka ri singkasaenya.

Yohanes 9:39

Wali i Yesu manganto’o, “Naka pei Aku ma’i ri lino si’i, ma’i resi tau to taa mangansani i Pue Allah, to raporapaka ewa tau to buta. Wali Aku damampakanasaka tau etu anu to monso mangkonong i Pue Allah see sira maya mawali ewa tau to rapakatao matanya. Pasi Aku ma’i seja resi tau to ojo mampoanika sira mangansani i Pue Allah, damampakanasaka tau etu kamonsonya sira taa kojo mangansani Ia see naka sira ewa tau to buta. Wali tau to taa rani mangansani anu to monso mangkonong i Pue Allah, tau etu masipato rahuku.”

Roma 11:25

Wali a’i-a’i to samba’a pangaya, aku rani komi mangansani anu to tawa nansani ntau to owo room napaponsanika i mPue Allah aku. Naka pei aku rani komi mangansani see komi taa damangei mampobuuka komi semo to pande-pande pei tau to yusa. Wali anu to tawa nansani ntau etu, etu semo mangkonong to Israel. Wali etu semo, re’e sangga’a to Israel mako’o wo’onya tempo si’i, pei taa singkasaenya. Ojo kagananya tau to si’a to Yahudi to mangandolika tangonya resi i Pue, panewa to Israel tamo muni mako’o wo’onya.

Palaong mPomakau i mPue Yesu 9:17

Wali ojo karoonya i Pue mampogomboka ia, i Ananias ia yau ri banua to nato’oka i mPue ia etu. Tempo ia rata ri banua etu ia masua panewa ia mangkita i Saulus. Ia mamposaka palenya ri wawo i nSaulus, pei manganto’o, “Saulus, a’ingku, i Pue Yesu to nampokau aku ma’i resi korom. Ia semo to nukita ngkorom ri jaya tempo korom ma’i si’i. Wali Ia nampokau aku ma’i resi korom see korom damangkita muni rao. Pasi Ia nampokau aku ma’i see korom dabae kojo karoso ndaya to danawaika i Nosa Mapasing korom.”

Pomulanya 19:11

Roo see tau dua etu mampakabuta yau samparia tau to ri sambali mbombo etu, to mangurawa pasi to bose tu’am, see naka sira mandasaimo nepenya sakandaro mangaliwu wombo.