Palaong mPomakau i mPue Yesu 12:6 - Tuntu i mPue ri Basa Taa

⁶ Wali re’e samburi ri katawanya i Petrus rakeni darahuku, ia yore yau maturu ri oyo ntentara dua mba’a pasi ia rapunguka rante dua mbiyaa. Pasi re’e seja tentara to mangajagai wombo ntarungku etu. Songka i Herodes ri wuri etu ane eo rao i Petrus darakeni ri tango ntau boros.

Sura Magali Nuntu Ngkatuwu

⁶ Ri wengi anu ri kabangke ndemenya i Peturu da ndapapombesuaramo pai i Herode pai tau sondo, yoremo i Peturu seʼi metaka-taka rante ndapunguka palenya pai witinya, ri raya ntarunggu naparitongoti ncurodado radua anu majagai siʼa. Ri wombo ntarunggu njau woʼu surodado anu mojaga.

Palaong mPomakau i mPue Yesu 12:6 Referans Kwoze

Palaong mPomakau i mPue Yesu 21:33

Roo see kepala ntentara to sansowu etu yau mangansoko i Paulus panewa manganto’oka joanya mangampunguka i Paulus rante dua mbiyaa. Panewa roo see ia mampotanaka resi tau boros, to’onya, “I sema tau si’i pasi kesaa salanya?”

Ibrani 13:6

Wali apa saba i Pue Allah taa mampiyaika kita, see naka kita maya maroso rayanta pasi see naka kita maya manganto’o, “I Pue semo to mangansawang aku, see naka aku taa meka rayangku mampobuuka palaong to danaika nto lino resi aku.” (Masmur 118:6)

2 Timotius 1:16

Pei i Onesiporus taa mampiyaika aku. Wali aku mamporapika resi Pue see Ia mampaponsanika samparia tau to maroo ri raya banua i Onesiporus etu pamporayangiNya. Apa ia mandudu ngkani mampakaroso rayangku, pasi tempo aku ratarungku ia taa mea ma’i mayunu resi aku.

Epesus 6:20

Apa aku pomakau i ngKerisitu to mangawakil Ia mangkeni kareba matao etu. Pasi saba aku mangika palaong to etu, see naka aku ratarungku si’i-si’i. Wali pokai-kaika aku see aku taa meka rayangku mampakareba kareba matao etu, ewa to masipato aku mangika.

Palaong mPomakau i mPue Yesu 28:20

Wali see naka aku mamporapika dasimparata pei komi damampogomboka komi. Apa naka pei aku rapunguka rante si’i apa saba aku mansarumaka seja Makole parajanji i mPue Allah sewaju ewa to Yahudi samparia.”

Palaong mPomakau i mPue Yesu 5:23

“Tempo kami rata kami mangkita mainti kojo ba’a mbombo ntarungku etu, pasi nja’uwa tau to mangajagang. Pei tempo kami mangua wombo ntarungku etu, tamo nja’u tau nja’u rayanya.”

Matius 28:4

Wali tentara to mangajagai dayo, sira sakanjonjo panewa tamua apa meka kojo raya nsira.

Pomulanya 22:14

Yako etu i Abraham mangansangaka tongku tampa pangikanya pampue etu “I Yawe-yireh,” batuanginya “I Pue Yawe Mangawai.” Wali see naka rataka ri temponya aku mangantulis sarita si’i tau tiroo manganto’o, “Ri tongku i mPue Yawe semo Ia damangawai anu to parluu ngkita.”

Palaong mPomakau i mPue Yesu 12:5

Wali i Petrus rata’amaka nja’u tarungku etu. Pei tau to mangaya i Pue Yesu to nja’u kota etu sira tare pandoonya makai-kai resi i Pue Allah mampokaika i Petrus.