Palaong mPomakau i mPue Yesu 12:5 - Tuntu i mPue ri Basa Taa

⁵ Wali i Petrus rata’amaka nja’u tarungku etu. Pei tau to mangaya i Pue Yesu to nja’u kota etu sira tare pandoonya makai-kai resi i Pue Allah mampokaika i Petrus.

Sura Magali Nuntu Ngkatuwu

⁵ Mewali i Peturu njau ri raya ntarunggu; paikanya waʼa anggota dompu bareʼe naowe-owe mampekakaika i Peturu ri Pue.

Palaong mPomakau i mPue Yesu 12:5 Referans Kwoze

1 Korintus 12:26

Wali ane samba’a saga ngkoro mangarata kasesa, samparia saga ngkoro etu paka mangepe seja kasesa etu. Pasi ane samba’a saga ngkoro rabarong, samparia saga ngkoro etu paka masanang seja.

Yakobus 5:16

Wali see naka pongakung dosa ngkomi samba’a pei samba’a, pasi masipokaika see komi maya rapakatao muni ane komi masaki. Apa pokai-kai ntau to lengkonya singkonong pei i Pue Allah, pokai-kai etu bae kojo kuasanya pasi bae seja batuanginya.

1 Tesalonika 5:17

Pasi ne’e mandoo makai-kai resi i Pue Allah.

2 Korintus 1:11

Ia damampalaes kami apa komi mangansawang seja mangampokai-kaika kami. Wali yako pokai-kai ntau boros, see naka i Pue Allah damampaponsanika kami kanotoNya pasi damangansawang kami ri tempo to darata. Wali yako palaong to danaika i mPue Allah resi kami etu, see naka boros tau to damanganto’oka Ia tarima matao.

Matius 18:19

“Wali ewa si’i seja dakuika mampakanasaka resi komi iPue Allah dasingkonong resi komi ane komi samba’a pampobuuka ngkomi. Wali rapanya re’e nempo ojo dua mba’aja komi to makai-kai resi Pa’angKu ndate saruga, pasi komi samba’a pampobuukamu mangkonong anu to nuporapi ngkomi resi i Pue Allah etu, ane ewa see Ia damangabanang pokai-kai ngkomi etu.

Ibrani 13:3

Pasi ne’e seja kalingan yunu ngkomi to ratarungku. Porayang sira ewa nuporani sa’e mamporayang komi ane ratarungku seja sindara-ndara pei sira. Pasi ne’e mangkalingan tau to nasesai nsa’e, apa komi re’e seja koro to maya nasesai nsa’e.

Palaong mPomakau i mPue Yesu 12:12

Wali ojo karoonya i Petrus mampobuuka ewa wetu, ia mangampago banua i Maria. I Maria etu ia indo i Yohanes to rato’oka seja i Markus. Wali nja’u banua i Maria etu, boros tau to siromu makai-kai.

Lukas 18:1

Wali yako etu i Yesu manganto’oka wo’u anaguruNya rapa apa Ia rani mampotundeka sira ne’e mosa makai-kai nempo pokai-kai etu tawa mansaka rasono.

Palaong mPomakau i mPue Yesu 12:4

Wali i Petrus nasoko ntau panewa ia raposaka ri raya ntarungku. Tempo ia ri raya ntarungku etu i Herodes mampokauka tentara sampuyu pei ono mba’a masibolos mangajagai ia. Tentara etu opo opo sangkani mangajagai. Wali pampobuuka i Herodes ojo karoonya Roa Paskah i Petrus darakeni ri tango ntau boros darabotus pasi rahuku.

Palaong mPomakau i mPue Yesu 12:6

Wali re’e samburi ri katawanya i Petrus rakeni darahuku, ia yore yau maturu ri oyo ntentara dua mba’a pasi ia rapunguka rante dua mbiyaa. Pasi re’e seja tentara to mangajagai wombo ntarungku etu. Songka i Herodes ri wuri etu ane eo rao i Petrus darakeni ri tango ntau boros.