Palaong mPomakau i mPue Yesu 12:20 - Tuntu i mPue ri Basa Taa

²⁰ Wali tempo i Herodes maroo-roo la’u Kaisarea, ia mawali maja’a kojo rayanya resi tau nja’u kota Tirus pasi Sidon. Wali see naka tau yako ri kota dua etu sira yau sindara-ndara damampotango ia. Naka pei sira rani mampotango ia apa mangaliwu jaya see ia masingkatao muni pei sira. Sira rani kojo masingkatao muni apa tau ri tana nsira biasa mangarata pangkoninya yako ri tana to naporentang i Herodes. Wali sira yau ruyu mangamomis to papolaong to mampasilonga banua i Herodes, sanga ntau etu i Blastus. I Blastus etu mampasimbalika sira, panewa sira maya mampotango i Herodes. Wali i Herodes manganto’o ia damagombo resi sira.

Sura Magali Nuntu Ngkatuwu

²⁰ Maʼai kojo kajaʼa ndaya i Herode ri waʼa nto Tiru pai to Sidoni. Inceʼe painaka njoʼu tau seʼe sangkani-ngkani mampomberataka i Herode. Riu-riunya nakanarasi ntau seʼe i Balasitu anu mantadulakoni banua i Herode, da naka siʼa sambira pai tau seʼe. Nepa njoʼu sangkani-ngkani tau seʼe mampomberataka i Herode merapi da naka simadago muni, maka tau seʼe podo mancarumaka pangkoni ungka ri tana i Herode.

Palaong mPomakau i mPue Yesu 12:20 Referans Kwoze

Lukas 16:8

“Wali yako etu tau sugi mangandonge mangkonong palaong to naika nto papolaonginya resi tau to kainda etu. Tempo ia mangandonge, ia mampobuuka, ‘Kamonsonya ngkai etu mangantipu aku, pei gete, ia pande kojo mangampake kasugingku ri tempo si’i damampasilonga katuwu to si ia ri tempo to darata.’ Ewa wetu napobuuka ntau sugi.” Etu semo rapa to nato’o i Yesu. Roo see Ia manganto’o wo’u, “Wali tau to taa mangaya i Pue Allah, sira ojo mampobuuka katuwunya ri lino si’i, ewa naika nto papolaong to mantipu tau puenya etu. Wali tau to taa mangaya etu, sira semo to pande-pande mangampake kasugi nu lino sakowa tau to mangaya i Pue Allah to rato’oka ana nu reme.

Pomulanya 10:19

Wali tana to nakaroos nsira etu mula yako kota Sidon rata ri kota Gerar to mosu ri kota Gasa ri tondo selatan. Pasi rata ri kota Sodom, kota Gomora, kota Adma pasi kota Seboim to mosu ri kota Lasa ri tondo mata nu eo. Etu semo ungkanya tana nakaroo nsira. Wali bae kojo tana to nakaroos nsira.

Pomulanya 10:15

Wali ane ana i Ham to rasangaka i Kana’an etu, ia seja re’e wiyaanya. Ananya to tu’anginya, etu semo i Sidon, panewa re’e seja i Het.

Palaong mPomakau i mPue Yesu 12:21

Wali yako etu ratamo eonya to roomo napakatantuka i Herodes sira damampotango ia. Ri eo etu i Herodes mamposunsuka bajunya to magaya kojo to tondong kuasanya. Panewa ia matunda ri gadera to tondong kuasanya seja. Roo see ia mampogomboka tau boros etu.

Palaong mPomakau i mPue Yesu 21:3

Ri raya mpalayag mami etu, kami mangkita pulo Siprus ri tondo ngkii mami pei kami taa mandoo nja’u ria, kami ojo polas mampago nja’u propinsi Siria. Nja’u propinsi Siria etu kami mansomponaka ri palabuan nja’u kota Tirus apa ngaya-ngaya to re’e ri bangka daratauraka ri palabuan etu.

Palaong mPomakau i mPue Yesu 21:7

Wali yako ri kota Tirus etu kami malayag wo’u sampe rata nja’u kota Ptolemais. Nja’u ria kami mana’u yako ri bangka panewa simparata pei pua’i mami anu to samba’a pangaya. Wali kami mampogomboka sira panewa yore nja’u ria sambengi.