Palaong mPomakau i mPue Yesu 11:28 - Tuntu i mPue ri Basa Taa

²⁸ Samba’a sira sanganya i Agabus. I Agabus etu makore panewa yako kuasa i Nosa Mapasing ia manganto’o yami mangkonong oro to mapari kojo to damawali ri sambawo lino. (Palaong etu nawali tempo i Klaudius mawali makole ri tana Roma.)

Sura Magali Nuntu Ngkatuwu

²⁸ Ri oyo ntau seʼe reʼe sambaʼa anu mampotoʼo i Agabu. Ua popanini Inosa mPue Ala mompau siʼa natoʼo kono kareʼe oro bangke ri sambawo lino. (Pai inceʼe lawi mewali kojo ri tempo mpoparenta i Datu Kalaudiu.)

Palaong mPomakau i mPue Yesu 11:28 Referans Kwoze

Palaong mPomakau i mPue Yesu 21:10

Wali kami maroo-roo nja’u ria bara sawei mbengi. Ri rayanya kami maroo-roo etu re’e samba’a tau rata yako nda’a propinsi Yudea, tau etu seja to pantuntu tuntu i mPue Allah, sanganya i Agabus.

Palaong mPomakau i mPue Yesu 18:2

Ojo karatanya nja’u kota etu ia mangarata samba’a to Yahudi to sanganya i Akwila. Ngkai etu rapoanaka ri tana Pontus, roo see ia maroo ri tana Italia. Wali i Akwila sira dua rongonya, i Priskila, sira owo rata ri Korintus yako nja’u tana Italia. Sabanya naka pei sira dua malimba yako nja’u Italia apa mampiyaika porenta i ngKlaudius, makole nto Roma. Makole etu roomo manganto’oka samparia to Yahudi piyai yako ri kota Roma ri tana Italia etu. Wali i Paulus mampago nja’u banua i Akwila pei Priskila etu.

Lukas 3:1

Wali tempo etu i Kaisar Tiberius maporenta nja’u Roma. Wali ojo kagananya sampuyu pei lima nto’u kasaenya ia maporenta, tempo etu i Pontius Pilatus semo gubernur ri propinsi Yudea. Pasi tempo etu i Herodes semo makole nja’u propinsi Galilea pasi a’inya, i Pilipus, ia makole nja’u lipu to rato’oka Iturea pasi Trakhonitis. Panewa re’e seja i Lisanias to makole nja’u Abilene.

Lukas 2:1

Wali ri tempo kare’e i Yohanes etu, tempo etu re’e porenta yako resi i Kaisar Agustus, makole nto Roma. Ia manganto’o samparia tau ri lino to re’e ri ara ngkuasanya daratulis sanganya see nansani patanya kaborosinya tau etu.

Pomulanya 41:38

Wali i Makole manganto’oka to papolaonginya mangkonong i Yusup, ia manganto’o, “Gete, manasa kojo Nosa i mPue Allah re’e maroo ri raya ngkai si’i. Wali kita taa damangarata wo’u tau ewa i Yusup to masipato mampansaruka aku mampasilonga palaong etu.”

Matius 24:14

Pasi kareba matao si’i mangkonong ewa wimba i Pue Allah damawali Makole nto lino darapakarebaka njo’u sambawo lino see tau samparia bansa maya mangansani. Wali ojo karoonya tau samparia bansa mangandonge kareba matao etu panewa darata kapuranya temponya to si’i.”

Matius 24:7

Apa tiroowa re’e palaong to damawali. Wali re’e tau to samba’a bansa damasimusu pei tau yako ri bansa to yusa. Pasi re’e seja tau to samba’a makole damasimusu pei tau to samba’a makole to yusa. “Pasi re’e wo’u palaong to damawali ri tempo etu, etu semo lengko tana pasi oro pasi panyaki to mapari kojo, wali samparia palaong to etu damawali ri malagi lipu ri lino si’i.