Palaong mPomakau i mPue Yesu 11:26 - Tuntu i mPue ri Basa Taa

²⁶ Ojo pangaratanya i Saulus etu, ia mangansale yau njo’u Antiokhia. Wali sira dua yau panewa rata nja’u Antiokhia etu. Yako etu santo’u kasaenya sira dua maroo-roo nja’u ria. Ri rayanya santo’u etu sira sangkani siromu sindara-ndara pei tau to mangaya i Yesu pasi boros tau to sira dua mampotundeka. Wali nja’u Antiokhia semo anaguru i mPue Yesu uyunya rato’oka tau Kristen.

Sura Magali Nuntu Ngkatuwu

²⁶ Santaʼu muntu karoo-roo ntau seʼe ri dompu njairia maria tau anu napaguru ntau seʼe. Ri Antiokia seʼimo pontepuʼunya tau anu meaya ri Yesu ndatoʼo, to Kerisitu.

Palaong mPomakau i mPue Yesu 11:26 Referans Kwoze

1 Petrus 4:16

Pei ane komi mangarata kasesa saba komi tau Kristen, ne’e mea. Ojo barong i Pue Allah apa saba komi tau Kristen apa bae kojo batuanginya resi komi.

Palaong mPomakau i mPue Yesu 26:28

Wali i Makole Agripa mangansono gombo i mPaulus etu, to’onya, “Yako ri gombo ngkorom etu, wole aku mawali tau Kristen.”

1 Yohanes 2:27

Pei komi roomo mangarata i Nosa Mapasing yako resi i Kerisitu, pasi i Nosa Mapasing etu re'e maroo ri raya ngkomi. See naka nempo tare tau to yusa to mampotundeka komi, pei komi mangansani anu to monso. Apa i Nosa Mapasing semo to mampotundeka samparia resi kita. Pasi anu to Ia mampotundeka kita etu paka monso samparia, si'a wuti. Wali see naka matao kita mangalulu samparia anu to napotundeka etu taa manto’o gomboNya to manganto’oka kita maroo masingkatao pei i Kerisitu.

1 Petrus 4:14

Wali ane komi nato’o maja’a ntau apa saba komi mangaya i Kerisitu, komi tiroo mangarata rasi. Naka pei komi mangarata rasi apa Nosa to pu’u ngkayawa, etu semo Nosa i mPue Allah, Ia maroo-roo siwaka pei komi. Wali nempo sa’e manto’o maja’a i Kerisitu, pei komi mangabarong Ia.

Epesus 3:15

Pasi aku seja manganto’oka Ia Pa’a. Naka pei aku manganto’oka Ia Pa’a, apa kita samparia, nempo to ndate saruga pasi to re’ewa ri sambawo lino, kita samparia samba’a Pa’a.

1 Korintus 14:23

Wali rapanya komi samparia to mangaya ri lipu ngkomi, ane komi siromu pasi samparia komi paka magombo ri raya basa-basa to yusa, ane ewa see kesaa damawali ane rata tau to yusa? Ane rata tau to tawa mangansani mangkonong sora i Nosa Mapasing etu, bara rata tau to tawa mangaya, pei mangandonge gombo ngkomi to mpangaya-ngaya etu, wimba to danato’o ntau to rata etu? Sira damanganto’oka komi paka nawando yau.

1 Korintus 12:12

Wali kita to mangaya i Kerisitu maya raporapaka ewa koro ntau. Apa ane samba’a tau samba’aja koronya, pei koronya etu saganya malagi. Pei nempo malagi saganya etu, ojo samba’aja koro. Pasi ewa see seja koro i ngKerisitu.

1 Korintus 11:18

Wali to uyunya aku rani manganto’o re’e tau to mampakarebaka resi aku mangkonong komi. Kareba etu manganto’o komi to mangaya ane siromu biasa wungka yusa pampobuuka ngkomi. Pasi aku mampobuuka kareba etu re’e to monso,

1 Korintus 4:17

Wali etu sabanya naka pei aku mangampokau i Timotius yau resi komi. I Timotius etu aku mangepe ewa ana ngkorongku anu kuporayang kojo apa ia mangaya seja i Pue sewaju pei aku. Pasi ia maya rasarumaka mangika palaong i mPue. Wali tempo ia darata resi komi ia damampatiendoka komi mangkonong ewa wimba lengko ngkatuwu to aku mangika mangalulu i Kerisitu Yesu. Apa lengko ngkatuwu to etu singkonong pei anu to kupotundeka samparia tau to mangaya nja’u ponto-ponto lipu.

Palaong mPomakau i mPue Yesu 14:27

Wali ojo kadongka nsira nja’u Antiokhia, sira mana’u yako ri bangka panewa roo see sira yau mampasiromunaka tau to mangaya to nja’u nja’u ria. Panewa sira dua mangansaritaka tau etu mangkonong samparia to naika i mPue Allah ri raya mpalinja nsira. Pasi sira dua mangansaritaka seja tau Antiokhia etu mangkonong ewa wimba naika i mPue Allah seore mampaponsanika seja tau to si’a to Yahudi see tau to si’a to Yahudi etu mangaya seja i Pue Yesu.

Matius 28:19

Wali apa saba kuasangKu etu, see naka Aku manganto’oka komi inta resi samparia tau ri sambawo lino pei pakarebaka resi sira kareba matao see sira damawali seja anagurungKu. Panewa baptis sira mangika tondong see nansani nsa’e sira i Pue Allah Pa’a puenya, pasi Ana i mPue Allah puenya, pasi i Nosa Mapasing seja puenya.

Pangkita 3:18

Wali see naka Aku manganto’oka komi oli weyawa yako resi Aku to roomo rapoapu pasi mayongo. Oli weyawa etu see komi dasugi. Pasi oli seja pake to buya danuposunsuka ngkomi see tamo lambe pasi taa mea nakita nsa’e. Pasi oli seja pakuli see maya darapokulirika matamu see komi maya mangkita muni rao.

Palaong mPomakau i mPue Yesu 14:23

Wali yako etu sira dua mangampilis bara sawei mba’a tau ri ponto-ponto lipu naka re’e tau to mangaya. Tau etu napilis nsira dua damawali ketua ntau to mangaya to siromu ri lipu-lipu etu. Wali roo etu sira dua mampokai-kaika ketua-ketua etu tongonya mangorop. Sira mangansarumakaka tau etu resi i Pue Allah see Ia damangararamaka sira, apa Ia semo to naaya nsira.

Palaong mPomakau i mPue Yesu 11:27

Wali ri tempo etu seja re’e bara sawei mba’a to pantuntu tuntu i mPue Allah yako nda’a Yerusalem rata ri Antiokhia.

Palaong mPomakau i mPue Yesu 11:22

Wali kareba mangkonong palaong to mawali ri kota Antiokhia etu natikarebamo resi tau to mangaya i Yesu to siromu nda’a Yerusalem. Wali sira mampokau i Barnabas yau ri Antiokhia.

Palaong mPomakau i mPue Yesu 11:20

Pei ri oyo nsira re’e sawei mba’a tau to yako pulo Siprus pasi kota Kirene. Tau etu rata nja’u Antiokhia panewa nja’u ria sira mampakarebaka seja tau to si’a to Yahudi kareba matao, sira manganto’o, “I Yesu Ia semo i Pue.” Etu semo to nato’o nsira.

Palaong mPomakau i mPue Yesu 6:5

Wali tempo tau boros mangandonge gombo mpomakau etu sira masanang kojo. Wali sira mangampilis pitu mba’a tau. Tau to ipilis etu samba’a sanganya i Stepanus. Ia tau to mangaya kojo i Pue Yesu pasi to bae kojo karoso ndaya to nawaika i Nosa Mapasing ia. Pasi kasimbalinya yako i Stepanus etu re’e ono wo’u tau to sanganya i Pilipus, i Prokorus, i Nikanor, i Timon, i Parmenas pasi i Nikolaus to yako ri kota Antiokhia. I Nikolaus etu ia si’a to Yahudi pei ia room masua agama nto Yahudi.

Yohanes 2:2

pasi nja’u seja i Yesu pasi kami to anaguruNya apa kami radinsi seja yau mantako.

Palaong mPomakau i mPue Yesu 1:15

Wali re’e seore, tempo sira siromu mangampea sora yako resi i Pue Allah etu, re’e siromu tau satu pei dua mpuyu mba’a to paka samba’a pangayanya. Tempo sira siromu etu, i Petrus makore ri oyonya pei magombo, ia manganto’o,

Palaong mPomakau i mPue Yesu 6:1

Wali yako etu kanjo’u-njo’u tiduga-dugang wo’u kaborosinya to Yahudi to mangaya i Yesu. Tau etu sira singga’a basanya basa Yunani panewa singga’a basanya basa Ibrani. Wali ri tempo etu to Yahudi to basanya basa Yunani sira mangkambumbuka yununya to basanya basa Ibrani. Sira masusa rayanya apa doi pasi pangkoni to biasa ratilaka samparia tau to balu, tau balu to basanya basa Yunani etu sira taa mangarata.

Palaong mPomakau i mPue Yesu 9:19

Roo see ia mangkoni panewa karoonya ia mangkoni ia maroso muni. Wali yako etu i Saulus bara sawei mbengi kasaenya maroo-roo sindara-ndara pei anaguru i mPue Yesu nja’u Damsyik.

Palaong mPomakau i mPue Yesu 9:38

Wali yako etu anaguru i Yesu to nja’u kota Yope etu sira mampokau dua mba’a tau to langkai yau resi i Petrus, apa sira re’e mangandonge i Petrus nja’u nja’u kota Lida. Kota Lida etu taa longko yako ri Yope. Wali tau dua to napokau etu sira yau panewa sira dua mangarata i Petrus nja’u kota Lida. Wali tau dua etu mamporapika resi i Petrus see ia majoli yau njo’u kota Yope.

Palaong mPomakau i mPue Yesu 11:29

Wali ojo pangandonge nu anaguru i mPue Yesu kareba etu sira mangansongka damangansawang pua’inya to samba’a pangaya to maroo ri propinsi Yudea. Wali sira mangawaika doi samba’a pei samba’a imba pata mparata nsira.

Palaong mPomakau i mPue Yesu 14:20

Pei tempo etu anaguru i mPue Yesu to re’e ri Listra etu, sira yau makore tiku i Paulus. Wali tempo etu i Paulus naendo muni panewa mambangu pei yau muni njo’u raya ngkota. Yako etu ojo kaeonya rao i Paulus sira dua i Barnabas polas wo’u njo’u kota Derbe.

Palaong mPomakau i mPue Yesu 14:22

Wali samparia lipu to kaliu nsira dua etu, sira mampakaroso raya ntau to anaguru i mPue Yesu. Pasi sira manganto’oka tau etu, “Ne’e kojo pandooka mangalulu i Pue pei pakaroso pangaya ngkomi. Kita damangarata boros kasesa ri tempo si’i. Taa maya kita taa datarata kasesa etu, apa ojo karoonya kita mangarata kasesa panewa kita maya mangarata anu to matao to rawaika resi tau to Makolenya i Pue Allah.” Ewa see gombo nsira dua.

Palaong mPomakau i mPue Yesu 14:28

Wali yako etu i Paulus sira dua i Barnabas masae sangkodi maroo-roo sindara-ndara pei anaguru i mPue Yesu nja’u kota Antiokhia etu.

Palaong mPomakau i mPue Yesu 18:27

Wali yako etu i Apolos rani yau njo’u propinsi Akhaya. Wali see naka pua’inya to samba’a pangaya sira mampakaroso raya i Apolos pasi sira mangantulisika anaguru i mPue Yesu ri Akhaya sura see ane ratamo i Apolos nja’u ria sira damasanang mangantima ia. Wali i Apolos mayoko mangampago propinsi Akhaya etu. Tempo ia rata nja’u ria, ia mangansawang kojo tau to mangaya i Pue Yesu yako ri kanoto i mPue Allah.

Palaong mPomakau i mPue Yesu 19:9

Pei sangga’a tau etu sira mako’o wo’onya, bo’onya mangaya anu to nato’o i mPaulus etu. Tau etu ri tango ntau boros manganto’o maja’a Jaya to nato’o i Yesu. Wali i Paulus mampiyaika sira pasi mangkeni yau seja anaguru i mPue Yesu. Wali sira yau siromu ri banua i nTiranus. Banua etu banua to bae kojo to napake ntau ane siromu magombo resi tau boros. Wali ponto eo i Paulus mampotunde tau to siromu nja’u ria.

Palaong mPomakau i mPue Yesu 20:1

Wali ojo pandoonya rotai nja’u kota Epesus, i Paulus mampasiromunaka anaguru i mPue Yesu. Ia magombo mampakaroso raya nsira panewa roo see ia masimang dayau njo’u propinsi Makedonia.

Palaong mPomakau i mPue Yesu 20:30

Pasi yako ri oyo ngkomi semo re’e bara sawei mba’a tau to damampotundeka komi anu to taa monso. Tau etu damangamomis anaguru i mPue Yesu sampe anaguru etu damangalulu yau songka nsira.

Palaong mPomakau i mPue Yesu 21:4

Wali tempo kami mandoo nja’u ria, kami yau mangalo’a anaguru i mPue Yesu to maroo nja’u ria, panewa kami maroo-roo resi sira pitu mbengi kasaenya. Tempo kami maroo resi tau etu, i Nosa Mapasing manganto’oka sira mangkonong anu to maja’a to damawali resi i Paulus nda’a Yerusalem. Wali sira mampatiendoka i Paulus, to’onya, “To tao-tao ne’e polas ndeku Yerusalem.”

Yakobus 2:7

Pasi tau sugi seja to manganto’o maja’a sanga i Yesu Kerisitu to masipato ra’angga pasi to nululu ngkomi.