Palaong mPomakau i mPue Yesu 1:8 - Tuntu i mPue ri Basa Taa

⁸ Pei tempo i Nosa Mapasing darata resi komi, tempo etu komi darawaika karoso. Pasi komi damawali matamanasangKu damangangkeni kareba yako resi Aku. Komi damangangkeni kareba etu resi tau to ri kota Yerusalem pasi tau to ri propinsi Yudea pasi Samaria, pasi rataka ri suogi lino.”

Sura Magali Nuntu Ngkatuwu

⁸ Paikanya komi da marata kuasa, ane Inosa mPue Ala rata ri komi. Pai komi da mewali waʼa sabi-Ku ri Yerusale, ri samalele Yudea, ri Samaria, pai rata ri tando lino.”

Palaong mPomakau i mPue Yesu 1:8 Referans Kwoze

Matius 28:19

Wali apa saba kuasangKu etu, see naka Aku manganto’oka komi inta resi samparia tau ri sambawo lino pei pakarebaka resi sira kareba matao see sira damawali seja anagurungKu. Panewa baptis sira mangika tondong see nansani nsa’e sira i Pue Allah Pa’a puenya, pasi Ana i mPue Allah puenya, pasi i Nosa Mapasing seja puenya.

Markus 16:15

Roo see i Yesu manganto’oka wo’u sira, “Inta resi samparia tau ri sambawo lino pei pakarebaka resi sira kareba matao.

Roma 15:19

Pasi yako ri kuasa i Nosa Mapasing see naka aku mangika palaong to taa rapobiasa. Palaong etu mawali tondong resi sira pasi mampakaipu raya nsira see naka sira mangaya. Wali yako ri kota Yerusalem rataka nja’u Ilirikum, ri ponto-ponto lipu ntau aku room mampakarebaka kareba matao mangkonong i Kerisitu.

Palaong mPomakau i mPue Yesu 5:32

Wali kami mawali matamanasa to mampakarebaka palaong to etu pasi i Nosa Mapasing seja matamanasa. I Nosa Mapasing etu nawaika i mPue Allah samparia tau to mampalaika songkaNya.”

Palaong mPomakau i mPue Yesu 4:33

Wali bae kojo kuasa mpomakau i mPue Yesu tempo sira mampakarebaka tau, manganto’o, “I Pue Yesu Ia mambangu muni yako ri kapateNya.” Pasi tau to mangaya etu bae kojo kanoto i mPue Allah to re’e resi sira.

Palaong mPomakau i mPue Yesu 6:8

Wali ri tempo etu i Stepanus nasawang kojo i mPue Allah pasi ia nawaika i mPue Allah kuasa. Wali boros palaong to inikanya ri oyo ntau boros etu to mampakaipu raya nsira pasi to mawali tondong resi sira.

Roma 10:18

Pei aku mampotanaka, “Wimba, to Yahudi bara taa mangandonge kareba matao? Nadonge kojo! Apa re’e to ratulis ri raya ntuntu i mPue Allah to manganto’o, “Loo ntau to mampakarebaka kareba matao nadonge ntau ri sambawo lino. Pasi gombo nsira natikareba rataka ri suogi lino.” (Masmur 19:4) Etu semo to ratulis, wali manasa sira re’emo mangandonge kareba matao.

Yohanes 15:27

Pasi komi seja damampakanasaka tau mangkonong Aku, apa komi matamanasa to re’e siwaka pei Aku yako ri pamulanya Aku mangika palaongingKu ri lino si’i.”

Lukas 10:19

Wali pobuuka si’i: Aku roomo mangawaika komi kuasa see nempo mangalombu ule pasi lipa mpondo, komi taa darapakaja’a. Pasi Aku roomo mangawaika komi kuasa damanganangi samparia kuasa ngKepala Measa, bali ngkita. Wali tare bara kesaa to damampakaja’a komi.

Palaong mPomakau i mPue Yesu 1:5

Apa i Yohanes to Pombaptis mangabaptisika tau ue, pei ri rayanya sawei mbengi si’i i Pue Allah damangabaptisika komi i Nosa Mapasing, batuanginya Ia damampaporoo i Nosa Mapasing ri raya ngkomi.”

Matius 24:14

Pasi kareba matao si’i mangkonong ewa wimba i Pue Allah damawali Makole nto lino darapakarebaka njo’u sambawo lino see tau samparia bansa maya mangansani. Wali ojo karoonya tau samparia bansa mangandonge kareba matao etu panewa darata kapuranya temponya to si’i.”

Palaong mPomakau i mPue Yesu 2:32

Wali i Yesu etu, Ia semo to nawangu muni i mPue Allah yako ri kapateNya, pasi kami samparia mawali matamanasa palaong etu.

Palaong mPomakau i mPue Yesu 22:15

Wali korom damawali matamanasaNya to damampakarebaka samparia tau anu to nukita pasi to nudonge ngkorom.

Palaong mPomakau i mPue Yesu 13:31

panewa yako etu i Yesu malagi mbengi mampapokitaka koroNya resi tau to mangalulu Ia yako ri Galilea rataka ri Yerusalem. Wali tempo si’i tau to nangkita Ia etu, sira mawali matamanasa mangkonong Ia resi kita to Israel.

Lukas 1:35

Wali pomakau etu mangansono, ia manganto’o, “I Nosa Mapasing yako resi i Pue Allah darata resi korom, pasi kuasa i mPue Allah damangika see damawali. Ia darata resi korom, pei kuasa i mPue Allah to bae kojo anggaNya damangantorung korom. Wali see naka Ana to danupoanaka ngkorom etu darato’oka mapasing pasi see naka Ia darato’oka seja Ana i mPue Allah.

Palaong mPomakau i mPue Yesu 3:15

Panewa komi mampopate yau i Yesu anu pu’u ngkatuwu. Pei karoonya komi mampopate yau Ia i Pue Allah mangawangu muni Ia yako ri kapateNya. Pasi kami semo matamanasa palaong to etu.

Kolose 1:23

Ewa wetu damawali resi komi ane komi tare pandoonya mangaya i Pue see raya ngkomi mawali maroso pasi rodo. Pasi ne'e bata-bata raya ngkomi mansarumaka anu to nato'o ngkareba matao to nudonge ngkomi seore. Masipato komi mansarumaka kareba matao, apa kareba matao etu, etu semo kareba matao to roomo rapakarebaka resi samparia tau ri sambawo lino. Pasi naka pei aku mawali to papolaong see damampakarebaka kareba matao etu. Wali masipato kojo komi mansarumaka kareba etu.

Palaong mPomakau i mPue Yesu 1:22

Etumo yako ri tempo i Yohanes mangabaptis tau, rataka ri tempo i Yesu tiokotaka yako ri oyo ngkita. Wali tau to darapilis etu, ia damawali seja matamanasa sindara-ndara pei kita mangkonong i Yesu Ia tuwu muni yako ri kapateNya.”

Palaong mPomakau i mPue Yesu 8:1

Wali i Saulus to mangajagang pake ntau to mampopate yau i Stepanus etu, ia singkonong seja i Stepanus rapopate yau. Wali ojo pampopate yau i Stepanus etu, ma’i tau to mampalaika kojo i Pue Allah saba manga’angga Ia. Sira mangoko lemba i nStepanus panewa mampongkeli yau. Sira mangantangis kojo ia apa mawo kojo rayanya. Pasi ri eo etu semo tau to taa mangaya sira mula mangansesai kojo tau to mangaya ri Yerusalem. Wali see naka tau to mangaya etu samparia tiga’as yau, jamo patanya pomakau i mPue Yesu to re’ewa ri kota etu. Wali sira to tiga’as yau etu sira yau njo’u lipu-lipu ri sambawo propinsi Yudea pasi Samaria.

Lukas 24:29

Pei tau dua etu mamporapika kojo resi Ia, sira manganto’o, “Pandoomo resi kami apa damawengimo rao, wali tamo masae mawurimo.” Wali see naka i Yesu yau seja damandoo nja’u banua danakaroo nsira dua.