Palaong mPomakau i mPue Yesu 1:3 - Tuntu i mPue ri Basa Taa

³ Wali ojo pampopate yau Ia, opo mpuyu mbengi kasaenya Ia malagi ngkani mampapokitaka anaguruNya koroNya pasi mampaponsanika sira mangkonong ewa wimba i Pue Allah mawali Makole nto lino. Wali manasa kojo Ia tuwu muni.

Sura Magali Nuntu Ngkatuwu

³ Ungka ri pembangu-A ungka ri oyo ntau mate, ri raya anu aopo mpuyu ndeme, sira mariangkani mepapamara ri kayosa-yosanya kojo ri waʼa ncuro setu, mampatongawa sira monco-monco kojo tuwu. Nakita ntau seʼe sira, pai sira mompau pai tau seʼe mangkono ewambeʼi Pue Ala da moparenta ewa Mokole.

Palaong mPomakau i mPue Yesu 1:3 Referans Kwoze

Palaong mPomakau i mPue Yesu 13:31

panewa yako etu i Yesu malagi mbengi mampapokitaka koroNya resi tau to mangalulu Ia yako ri Galilea rataka ri Yerusalem. Wali tempo si’i tau to nangkita Ia etu, sira mawali matamanasa mangkonong Ia resi kita to Israel.

Yohanes 20:26

Wali yako etu, ojo kagananya wayu mbengi, kami to anaguru i Yesu nja’u wo’u ri raya banua etu, pasi tempo etu nja’u seja i Tomas. Wali ba’a mbombonya roomo rapakainti, pei nempo mainti ba’a mbombo etu, pei kodi majoli re’e i Yesu makore ri oyo mami. Ia manganto’o, “Pakarodo rayamu!”

1 Yohanes 1:1

Wali kami mangantulis sura si'i mangkonong tau to rato'oka Tuntu to tuwu. Ia yako singkasaenya katuwuNya, wali tempo pamulanya lino si'i Ia re'emo. Pei tempo seore Ia ma’i maroo ri lino si’i, pasi kami semo to mangandonge gombo to to'oNya, pasi kami mangkita Ia pei mawali matamanasa mpalaongiNya, pasi pale mami mampotaka Ia.

Yohanes 21:14

Wali etu semo katogo ngkaninya i Yesu simparata pei kami to anaguruNya tempo Ia roomo mambangu muni yako ri kapateNya.

Yohanes 21:1

Wali yako etu i Yesu mampapokitaka wo’u kami to anaguruNya Ia tempo kami nja’u towo ndano Tiberias. Ewa si’i palaong to mawali tempo etu.

Matius 28:9

Tongo mpariponya mangampago kami etu, kodi majoli i Yesu ma’i mangantomu sira pei mangantabea sira. Wali sira dua yau mampago Ia pei mambokotu ri tangoNya. Sira mangangkongko witiNya apa manga’angga Ia. Pasi sira mampue mampakabae Ia.

Palaong mPomakau i mPue Yesu 28:31

Pasi ia taa meka mampakarebaka tau nja’u ria mangkonong ewa wimba i Pue Allah mawali Makole nto lino pasi ia taa seja meka mampotundeka sira mangkonong i Pue Yesu Kerisitu, Makole parajanji i mPue Allah. Pasi tempo ia mangika palaong etu tare tau to manganto’oka ia ne’e mangika. Tau ojo mangabiaka palaong to ia mangika etu.

1 Tesalonika 2:12

see komi damangika lengko ngkatuwu to singkonong pei i Pue Allah. Apa Ia roomo mampokio komi damawali seja tau to Ia Makolenya pasi to mangarata seja kayawaNya.

Kolose 1:13

Apa Ia roomo mampalaes kita yako ri kuasa ngkawuri pasi mangkeni kita ri ara ngkuasa nu AnaNya to naporayang kojo. Wali AnaNya semo mawali Makole ngkita.

Roma 14:17

Apa tempo i Pue Allah mawali Makole ngkita, tempo etu si’a porenta mangkonong pangkoni pasi mangkonong anu to rainu to bae batuanginya. To bae batuanginya etu semo kita nato’o i mPue Allah tare dosanta, pasi kita masingkatao pei sa’e, pasi kita bae kandende ndaya to nawaika i Nosa Mapasing kita.

Matius 21:43

“Wali komi semo tau to mampobo’o Aku etu. See naka Aku manganto’oka komi, komi tamo nasale i mPue Allah damawali tau to Ia Makolenya. Pei bansa ntau to yusa to mangika palaong to masipato naika ntau to Makolenya i Pue Allah, sira semo to damangabolos komi.

Matius 4:2

Wali ndate ria opo mpuyu mbengi kasaenya ponto wuri ponto eo i Yesu mangorop, wali see naka Ia moro kojo kompoNya.

Matius 3:2

Ia manganto’oka sira, “Pojeamo, apa mosumo temponya i Pue Allah damawali Makole ri lino.

Markus 16:19

Wali ojo karoonya i Yesu mampogomboka anaguruNya, Ia tiokotaka nto’u saruga. Panewa Ia matunda ri awe i mPue Allah ri sambaliNya tondo ngkana, tampa to bae angganya.

Palaong mPomakau i mPue Yesu 8:12

Pei i Pilipus mampakarebaka resi sira kareba matao mangkonong ewa wimba i Pue Allah mawali Makole nto lino pasi mangkonong i Yesu Kerisitu. Wali tempo ia mampakarebaka resi sira etu pasi to langkai pasi to we’a sira paka mangaya pei rabaptis.

Palaong mPomakau i mPue Yesu 19:8

Wali yako etu i Paulus togo mbuya kasaenya ia mandudu ngkani yau njo’u banua to napampotunde nto Yahudi. Ia taa meka magombo-gombo resi tau to siromu nja’u ria mampakanasaka sira mangkonong tempo i Pue Allah mawali Makole nto lino see tuwu-tuwuja sira damangaya seja.

Palaong mPomakau i mPue Yesu 28:23

Wali yako etu kepala-kepala nto Yahudi etu sira mangampilis eonya dasimparata wo’u pei i Paulus. Wali ojo karatanya eonya to rapilis etu, boros kojo tau to siromu nja’u banua i mPaulus. Wali yako kaeonya rao rataka wengi rao i Paulus mampogomboka sira. Ia mampakanasaka sira mangkonong ewa wimba i Pue Allah mawali Makole nto lino. Pasi ia mangabasaka sira yako ri porenta i Musa pasi yako ri buku nto pantuntu tuntu i mPue Allah, panewa yako ri gombo to basanya etu ia mampaponsanika sira mangkonong i Yesu apa ia rani tau etu damangaya seja.