Palaong mPomakau i mPue Yesu 1:13 - Tuntu i mPue ri Basa Taa

¹³ Wali tempo sira rata muni nja’u Yerusalem, sira mangampago banua to nakaroos nsira ri rayanya mangampeas sora to naparajanjika i mPue Allah, singkonong ewa to nato’oka i Yesu sira etu. Nja’u banua etu re’e wo’u songi to kadua ntampenya wali sira mapone ndate ria pasi siromu ndate ria semo. Sanga nsira to siromu etu i Petrus, i Yohanes, i Yakobus, i Andreas, i Pilipus, i Tomas, i Bartolomeus, i Matius, pasi re’e wo’u i Yakobus, ana i Alpeus, i Simon to mangangewa to Roma to mangamporentang to Yahudi, pasi i Yudas, ana i Yakobus.

Sura Magali Nuntu Ngkatuwu

¹³ Ri Yerusale njoʼumo tau seʼe ri banua ngkalinggona ntau seʼe, mepone ri lincu anu ri wawonya. Waʼa ncuro setu inceʼemo i Peturu, i Yohane, i Yakobu, pai i Andaria; i Pilipu pai i Toma, i Batolomeu pai i Matiu, i Yakobu ana i Alipiu, i Simo Pomakoje pai i Yudasi ana i Yakobu;

Palaong mPomakau i mPue Yesu 1:13 Referans Kwoze

Lukas 22:12

Wali tau pue banua etu damansuduka komi samba’a songi to bae. Songi etu ndate juya kadua ntampenya pasi ndatemo samparia anu to kita damampake. Wali ndate ria semo komi damampasigena pangkoni.”

Markus 14:15

Wali tau pue banua etu damansuduka komi samba’a songi to bae. Songi etu ndate juya kadua ntampenya pasi ndatemo samparia anu to kita damampake. Wali ndate ria semo komi damampasigena pangkoni.”

Markus 2:14

Roo see Ia polas, pei ri raya mpalinjaNya etu Ia mangkita samba’a tau matunda mapalaong ri banua biasa napangabayar ntau asele. Sanga ngkai etu i Lewi. Ia ana i Alpeus. Wali i Yesu mangansale ia, to’oNya, “Yau lulu Aku damawali anagurungKu.” Wali i Lewi makore pei mayoko mangalulu i Yesu.

Yakobus 1:1

Sura si’i yako resi aku, i Yakobus. Aku to papolaong i mPue Allah pasi i mPue Yesu Kerisitu. Wali aku mangantulis sura si’i resi wiyaa i Israel to sampuyu pei dua suku to tiga’as yau njo’u sambawo lino. Wali aku taa mangkalingan komi.

Palaong mPomakau i mPue Yesu 12:17

Yako etu i Petrus mangokotaka palenya, batuanginya see tau boros etu damaroti, panewa ia mangansaritaka sira mangkonong ewa wimba naika i mPue mangkeni muni ia yako ri raya ntarungku. Pasi ia seja manganto’oka sira, “Paponsanika seja i Yakobus pasi pua’i ngkita to yusa mangkonong palaong to mawali si’i.” Wali ojo karoonya ia mampogomboka sira etu, ia mayoko dayau wo’u njo’u lipu to yusa.

Palaong mPomakau i mPue Yesu 2:38

Wali i Petrus mangansono, ia manganto’o, “Ewa si’i danuika ngkomi. Pajea pasi rabaptis komi samba’a pei samba’a see sa’e mangansani komi mangayamo i Yesu Kerisitu. Ane komi mangika ewa see, dosa ngkomi daralapas, pasi komi seja damangarata sora yako resi Pue Allah, etu semo i Nosa Mapasing.

I Yudas 1:1

Sura si’i yako resi aku, i Yudas. Aku semo to papolaong i Yesu Kerisitu pasi tua’i i Yakobus. Wali aku mangantulis sura si’i resi komi to napokio seja mPue Allah, to naporayang i mPue Allah, Pa’a, pasi to nararamaka i Yesu Kerisitu.

Galatia 2:9

Wali yako etu penatua to rato’oka tinja to mampakaroso tau to mangaya, etu semo i Yakobus sira togo i Petrus pasi i Yohanes, sira manasanya aku monso pu’u nawaika i mPue Allah sora yako ri kanotoNya. Etu semo palaong to bae kojo batuanginya etu. Wali see naka sira mangaranga pale mami dua i Barnabas mangika tondong kami samba’a palaong pei sira. Sira manganto’o, “Kami singkonong komi yau resi tau to si’a to Yahudi pasi kami yau resi to Yahudi.”

Galatia 1:19

Pei tempo etu aku taa simparata pei pomakau i mPue Yesu to yusa kasimbalinya yako i Petrus sira dua i Yakobus, tua’i i mPue Yesu. Wali si’a sira to nampotundeka aku mangkonong kareba matao, i Pue Allah semo.

Palaong mPomakau i mPue Yesu 15:13

Wali ojo karoonya sira dua magombo, i Yakobus manganto’o, “A’i-a’i, padongeka gombongku si’i.

Palaong mPomakau i mPue Yesu 4:19

Pei i Petrus dua i Yohanes mangansono, sira manganto’o, “Wimba, ane ewa pampobuuka ngkomi, to imba to singkonong pei i Pue Allah kami mangika, bara mampalaika komi, bara mampalaika i Pue Allah?

Palaong mPomakau i mPue Yesu 4:13

Wali kepala-kepala nto pampue pasi yunu nsira etu sira ipu rayanya mangkita i Petrus sira dua i Yohanes sira dua taa kojo meka mampotango sira. Naka pei ipu raya nsira mangkita apa sira nansani tau dua etu ojo tau biasa, taa malangan sekolanya. Panewa sira mangendo tau dua etu re’e mangalulu i Yesu seore.

Palaong mPomakau i mPue Yesu 2:14

Wali i Petrus sira sampuyu pei dua paka pomakau i mPue Yesu sira makore, panewa i Petrus mula mampogomboka tau boros. Ia maroso loonya manganto’o, “A’i-a’ingku to Yahudi pasi komi samparia to maroo ri kota Yerusalem si’i, padongeka kojo gombongku to mampakanasa batuanginya palaong to mawali si’i.

Yohanes 21:2

Re’e seore pitu mba’a kami to anaguru i Yesu sindara-ndara nja’u towo ndano etu. Tau pitu etu, etu semo i Simon Petrus, i Tomas to rato’oka seja Tau Api, i Natanael to yako ri kota Kana nja’u propinsi Galilea, ana i nSebedeus to dua mba’a, pasi dua wo’u anaguru i Yesu.

Yohanes 18:17

Panewa tau we’a to mangajagang wombo mpampa etu, ia mampotanaka resi i Petrus, to’onya, “Bara si’anya korom samba’a anaguru ntau to rasoko etu?” Pei i Petrus manganto’o, “Si’a.”

Yohanes 11:16

Wali i Tomas, to rato’oka seja “Tau Api” apa saba ia re’e apinya, i Tomas etu ia tiroo mampobuuka tau nja’u ria to rani mangantasoka i Yesu watu damampopate Ia. Wali ia manganto’oka kami to yununya to anaguru i Yesu seja, to’onya, “Anu kita mangalulu Ia see kita damate seja sindara-ndara pei Ia.” Wali kami yau.

Markus 14:33

Roo see Ia yau, pei tempo Ia yau etu Ia mangansale i Petrus sira togo i Yakobus pasi i Yohanes yau mangalulu Ia. Roo see i Yesu mawali mawo pasi masusa kojo seja rayaNya.

Markus 9:2

Wali yako etu, ojo kagananya ono mbengi, i Yesu mangansale i Petrus, i Yakobus, pasi i Yohanes. Panewa i Yesu mangkeni sira togo nto’u tongku to malangan. Wali rata ndate rapa ntongku etu, ojo sira opo to ndate ria. Wali tempo etu i Yesu mambali ta’aNya ri tango nu anaguruNya to togo etu.

Markus 5:37

Panewa roo see sira dua polas, pei i Yesu taa mangabiaka tau to yusa mangalulu sira kasimbalinya yako i Petrus, pasi i Yakobus sira dua tua’inya, Yohanes.

Matius 9:9

Wali yako etu i Yesu pasi anaguruNya polas yako ri kota etu, sira malinja mbiti. Ri raya mpalinjaNya, i Yesu mangkita aku, i Matius , matunda mapalaong ri banua biasa napangabayar ntau asele, apa tempo etu aku to pantagi asele semo. Wali Yesu mangansale aku, to’oNya, “Yau lulu Aku damawali anagurungKu.” Wali aku mansaka makore pei mayoko mangalulu i Yesu.

2 Yohanes 1:1

Sura si'i yako resi aku, tau tu'a ntau to mangaya. Wali aku mangantulis sura si'i resi Indo to napilis i mPue Allah, pasi resi nganamu. Aku mamporayang kojo komi samparia. Pei si'a ojo aku to mamporayang komi, samparia tau to manasamo mangkonong anu to monso paka mamporayang seja komi.

1 Korintus 15:7

Wali ojo karoonya i Yesu nakita ntau boros etu, Ia nakita wo’u i Yakobus panewa nakita wo’u mpomakauNya samparia.

Yohanes 14:22

Wali yako etu i Yudas, to si’a i Yudas Iskariot, ia manganto’o, “Pue, maka pei Komi damampakanasaka kami mangkonong koroMu, pei taa damampakanasaka to lino to boros?”