2 Yohanes 1:8 - Tuntu i mPue ri Basa Taa

⁸ Wali jagai kojo naka ne’e mangaluluka yau to pantipu etu. Apa ane komi mangaluluka yau sira, tamo re'e batuanginya palaong mami resi komi seore. Pasi jagai kojo see kita damangarata samparia ntanapa to danawaika i mPue kita.

Sura Magali Nuntu Ngkatuwu

⁸ Inceʼe painaka da ndijaga neʼe boi tetaji nunjaa anu roomo kapareʼeka komi. Ndipompari-mpari da naka saromi nditarima pura-pura ungka ri Pue Ala.

2 Yohanes 1:8 Referans Kwoze

Ibrani 10:35

Wali tempo palaong etu nawali resi komi seore, tempo etu komi taa meka-meka raya ngkomi. Wali ne’e rataji yau karoso ndaya ngkomi etu apa yako karoso ndaya ngkomi etu komi mangarata ntanapa to bae.

Pangkita 3:11

Aku majoli dama’i, wali luluka kojo anu to nululuka ngkomi tempo si’i, apa ane komi damangaluluka, tare to maya mangoko yau dale to danurata ngkomi. Dale etu raporapaka ewa so’o mbo’o to meyawa to narata ntau to manang.

1 Korintus 3:14

Wali ane palaong ntau taa mosi yau, tau etu damangarata ntanapanya.

1 Korintus 3:8

Ane tau to mampomuya pasi tau to mangues, sira tare pasisalanya. Sira damangarata ntanapa singkonong pei palaong nsira samba’a pei samba’a.

Ibrani 12:15

Pakatao see tare pasi samba’a komi to mangandolika tangonya yako kanoto i mPue Allah. Pasi ne’e mangabiaka tau mangarotai komi. Apa tau to ewa wetu raporapaka ewa kale to tuwu mawali pinumuya to mapa’i. Apa yako tau samba’a etu, taa masae boros tau rapakasusa panewa damangika dosa.

Markus 13:9

“Wali ane ratamo tempo kasesa etu, pakatao kojo apa tempo etu komi darasoko pasi darakenika to pobotus. Pasi tempo etu komi darapedas nja’u raya banua-banua to napampotunde nto Yahudi. Pasi komi darakeni ri tango gubernur-gubernur pasi ri tango makole-makole apa saba komi mangaya Aku. Wali tempo komi rakeni ri tango nsira, tempo etu komi maya mawali matamanasa resi sira mangkonong Aku.

Galatia 3:4

Kamonsonya boros kojo kasesa to nurata ngkomi yako ri temponya komi mangaya. Pei nempo ewa see, pangaya ngkomi resi i Pue maroso kojo seore. Wali gete, kesaa batuanginya komi mampiyaika yau pangaya ngkomi etu?

Yohanes 4:36

Wali si’i semo temponya mamota! Wali Aku re’e mampokau komi yau resi tau to roomo mangandonge tuntu i mPue Allah. Tau to uyunya nayau mampotundeka sira tuntu i mPue Allah raporapaka ewa tau to mamuya, pei komi mampaponsanika wo’u sira mangkonong Aku see sira damangaya. Wali palaong etu raporapaka ewa komi yau mamota nja’u nawu to si’a komi nangika. Tau to yusa to mapalaong mangika nawu etu, pei komi semo to mangarata wua mpalaong nsira etu. Wali palaong to etu singkonong kojo pei panto’o ntau to manganto’o, ‘Tau samba’a to mamuya, pasi tau to yusa to mamota.’ Wali ane tau to mamota, sira mangkenika tau pue nawu pae to rapota etu, panewa sira rawaika ntanapanya. Pasi ewa see seja komi to mampakarebaka sa’e tuntu i mPue Allah, komi ewa mangkenika i Pue Allah tau etu, wali komi darawaika seja ntanapa. Pasi tau to rapakarebaka etu pei mangaya kareba etu, tau etu damangarata katuwu to singkasaenya. Wali tau to mamuya pasi tau to mamota paka ndende kojo raya nsira sindara-ndara.” Wali etu semo gombo i Yesu resi kami to anaguruNya.

Galatia 4:11

Wali moru kojo rayangku mampobuuka komi, apa ane komi mawali muni ewa watua nu ada etu, tare batuanginya samparia palaong to nikangku resi komi seore.

Lukas 21:8

Wali i Yesu mangansono, “Pakatao kojo see komi taa natipu ntau mangkonong temponya Aku dama’i muni ri lino. Apa dama’i boros tau to damampoanika Aku, sira damanganto’o samba’a pei samba’a, to’onya, ‘Aku semo i Makole parajanji i mPue Allah.’ Pasi sira damanganto’o, ‘Daratamo tempo ngkama’i i Makole parajanji i mPue Allah.’ Ewa wetu danato’o ntau, pei ne’e mangalulu tau etu.

Ibrani 10:32

Wali endo tempo ruyu, tempo komi owo mangantima kareba to monso to mangkeni reme. Tempo etu komi malagi ngkani mangarata kasesa pei komi ojo mangainsoka wali kasesa etu taa manganangi komi.

Pilipi 3:16

Pei tempo si’i anu kita mangangkongko pasi mangaluluka anu to roomo napakanasaka i mPue Allah kita. Pasi anu kita mawali samba’a pampobuukanta.

Markus 13:23

Wali padongeka kojo apa Aku roomo mampakanasaka yami komi samparia palaong to damawali ri tempo etu see komi taa daratipu mangkonong temponya Aku dama’i wo’u.”

Matius 24:4

Wali i Yesu mangansono, “Pakatao kojo see komi taa natipu ntau mangkonong temponya Aku dama’i muni ri lino.

1 Korintus 15:8

Pasi aku semo to purinya mangkita Ia. Pei aku si’a ewa pomakauNya to yusa etu. Aku maya raporapaka ewa ana kodi to tawa rata temponya pei kodi majoli rapoanaka. Apa aku kodi majoli mawali pomakau i mPue Yesu.

Lukas 19:19

“Wali tau puenya manganto’oka ia, ‘Aku damangokotaka korom damangkuasang lima kota.’