2 Timotius 1:2 - Tuntu i mPue ri Basa Taa

² Wali aku mangantulis sura si’i resi korom, i Timotius. Aku mangepe korom ewa ana ngkorongku, pasi aku mamporayang kojo korom. Wali aku makai-kai kojo see i Pue Allah, Pa’a ngkita, pasi i Kerisitu Yesu, Pue ngkita, damampaponsanika korom kanotoNya pasi pamporayangiNya pasi mangawaika korom karodo ndaya.

2 Timotius 1:2 Referans Kwoze

2 Timotius 2:1

Wali anangku, pakaroso rayamu yako ri kanoto i mPue Allah anu to kita mangarata apa saba kita samba’a pei i Kerisitu Yesu.

1 Timotius 1:2

Wali aku mangantulis sura si’i resi korom, i Timotius. Aku mangepe korom ewa ana ngkorongku apa korom mangaya seja i Pue Allah sewaju pei aku. Wali aku makai-kai see i Pue Allah, Pa’a ngkita, pasi i Kerisitu Yesu, Pue ngkita, damampaponsanika korom kanotoNya pasi pamporayangiNya pasi mangawaika korom karodo ndaya.

Palaong mPomakau i mPue Yesu 16:1

Wali yako ri propinsi Siria pasi Kilikia i Paulus sira dua i Silas polas wo’u yau njo’u kota Derbe pasi Listra. Nja’u kota Listra etu re’e samba’a anaguru i mPue Yesu, sanganya i Timotius. Ngkai etu indonya to Yahudi to mangaya i Pue Yesu, pei pa’anya to Yunani, si’a to Yahudi.

Pilipi 4:1

Wali a’i-a’ingku to kuporayang kojo, see naka pakaroso pangaya ngkomi resi i Pue apa komi seja samba’a pei Ia. Aku mamporayang komi pasi mawongko kojo rayangku resi komi. Pasi aku ndende rayangku mampobuuka komi. Komi wua mpalaongingku wali komi raporapaka ewa dale to meyawa to narata ntau to manang.

Roma 12:19

A’i-a’i anu kuporayang, ane re’e tau to mangika anu to maja’a resi kita, ne’e kita mamponsawak. Biakamo i Pue Allah semo mangahuku tau etu. Apa re’e ratulis nja’u raya ntuntu i mPue, to’onya, “‘Ojo Aku semo to masipato mamponsawaka palaong to maja’a. Wali Aku semo to damangabalas.’ (Ulang 32:35) Etu semo gombo i mPue Allah.”

Roma 1:7

Wali aku mangantulis sura si’i resi samparia komi to mangaya i Pue ri kota Roma. Komi naporayang kojo seja i mPue Allah pasi Ia room mangika jaya see komi mawali seja tauNya. Wali aku makai-kai see i Pue Allah, Pa’a ngkita, pasi i Pue Yesu Kerisitu, damampaponsanika komi kanotoNya pasi mangawaika komi karodo ndaya.

1 Korintus 4:17

Wali etu sabanya naka pei aku mangampokau i Timotius yau resi komi. I Timotius etu aku mangepe ewa ana ngkorongku anu kuporayang kojo apa ia mangaya seja i Pue sewaju pei aku. Pasi ia maya rasarumaka mangika palaong i mPue. Wali tempo ia darata resi komi ia damampatiendoka komi mangkonong ewa wimba lengko ngkatuwu to aku mangika mangalulu i Kerisitu Yesu. Apa lengko ngkatuwu to etu singkonong pei anu to kupotundeka samparia tau to mangaya nja’u ponto-ponto lipu.

Titus 1:4

Wali aku mangantulis sura si’i resi korom, i Titus. Aku mangepe korom ewa ana ngkorongku apa korom mangaya seja i Pue Allah sewaju pei aku. Wali aku makai-kai see i Pue Allah, Pa’a, pasi i Pue Yesu Kerisitu, to Pansompo ngkita, damampaponsanika korom kanotoNya pasi pamporayangiNya pasi mangawaika korom karodo ndaya.

Titus 2:13

Wali anu kita mangika palaong to etu ri tempo si’i, tempo kita masanang mangampeas eonya to kita mampobuu-buuka etu. Etu semo kama’i i Yesu Kerisitu. Ia Allah anu makuasa pasi to Pansompo ngkita. Tempo Ia dama’i etu miyala kojo kayawaNya.

3 Yohanes 1:4

Tare kareba to yusa to sana-sanang aku mangandonge kasimbalinya yako kareba to manganto'o re'e nganangku to lengko ngkatuwunya singkonong pei anu to monso. Kareba etu semo to mampakasanang kojo aku.