2 Petrus 1:3 - Tuntu i mPue ri Basa Taa

³ Wali i Pue Allah bae kojo kuasaNya apa Ia semo i Allah. Wali yako kuasaNya etu Ia roomo mangawaika resi kita samparia to danapake ngkita ri raya ngkatuwunta. Pasi Ia room mangawaika resi kita samparia to danapake ngkita see kita takoto mangika lengko ngkatuwu to mampakasanang Ia. Wali maka pei i Pue Allah mangawaika kita samparia etu? Ia mangawaika samparia to etu apa kita masinsani pei Ia to roomo mampokio kita. Pasi naka pei Ia nampokio kita see kita damangarata seja santila yako ri kayawaNya pasi ri kataoNya.

Sura Magali Nuntu Ngkatuwu

³ I Pue Ala mampake kuasa ua ka-Siranya pue da mangawai ri kita mpengaya-ngaya anu da tapoyoweka ri katuwu mpanyombata. Sira mawianaka inceʼi silulu pai nunjaa anu taincani kono i Yesu Kerisitu, anu mampeboomo kita da mamposiepe peawa pai kadago-A.

2 Petrus 1:3 Referans Kwoze

1 Petrus 5:10

Pei kasesa to nurata ngkomi etu taa damasae. Panewa roo see i Pue Allah semo damampasilonga komi pasi Ia damampakainti, mampakaroso pasi mampakarodo seja komi. Wali Ia damangika ewa wetu apa samparia anu to manoto i Pue Allah semo pu’unya. Pasi Ia semo to roomo mampokio kita damangarata seja santila yako kayawaNya to singkasaenya. Wali matantu kita damangarata keyawa etu apa kita samba’a pei i Kerisitu Yesu.

2 Timotius 1:9

Apa Ia semo to room mangampalaes kita. Pasi Ia room mampokio kita mawali tau to Ia Puenya, to mangika palaongiNya. Si’a yako palaong ngkita to matao naka pei Ia mangampalaes pasi mampokio kita. Naka pei Ia mangika palaong etu apa saba kanotoNya pasi apa singkonong pei songka to si Ia. Apa yako tempo owi, tempo lino si’i tawa rapapowali, i Pue Allah mansongka damampaponsanika kita kanotoNya apa saba kita samba’a pei i Kerisitu Yesu.

Roma 8:32

Apa i Pue Allah sakowa Ana to si Iaja Ia taa manganto’o, “Aku bo’ongKu mangawai.” Pei Ia mangawaika kita AnaNya etu mangkapateka kita samparia. Ia buya rayaNya mangawaika kita AnaNya, wali manasa kojo Ia buya seja rayaNya damangawaika kita samparia anu to yusa.

2 Korintus 12:9

Pei Ia manganto’oka aku, to’oNya, “Aku taa damampakaroo muni panyaki etu, pei Aku manoto kojo resi korom, wali kanotongKu etu gana kojo damangansawang korom ri raya ngkasesa. Apa tempo koromu mayu’u, tempo etu semo damiyala kojo karosongKu.” Ewa wetu nato’o i mPue Allah. Wali see naka aku mangepe masanang kojo apa saba kayu’u ngkorongku, apa kayu’u ngkorongku etu, etu semo sabanya naka pei kuasa i ngKerisitu mangararamaka aku.

1 Petrus 2:21

Wali masipato komi mansabaraka kasesa apa etu semo palaong to nawaika i mPue Allah kita tempo Ia mampokio kita mawali Ia Puenya. Apa sakowa i Kerisitu mangarata seja kasesa seore mangkasesaka kita. Wali Ia mawali tondong to masipato kita mangalulu.

1 Petrus 2:9

Pei kita tau to roomo napilis i mPue Allah damawali tauNya. Pasi kita semo to pampue to mangika palaong Makole ngkita. Pasi kita semo bansa to i Pue Allah Puenya pasi to tare yusa puenya. Naka pei kita napilis i mPue Allah, see kita damampakarebaka resi sa’e palaong to inikaNya to masipato rabarong. Apa Ia semo to nampokio kita damasuwu yako ri kawuri pei masua wo’u ri raya ngkaremeNya to bae kojo kayawanya.

1 Tesalonika 2:12

see komi damangika lengko ngkatuwu to singkonong pei i Pue Allah. Apa Ia roomo mampokio komi damawali seja tau to Ia Makolenya pasi to mangarata seja kayawaNya.

1 Tesalonika 4:7

Apa i Pue Allah taa mampokio kita damangika lengko to maja’a. Naka pei Ia mampokio kita see kita damangika lengko ngkatuwu to masipato naika ntau to Ia Puenya.

1 Petrus 1:15

Pei to tao-tao samparia lengko ngkatuwu ngkomi paka tare dosanya sewaju ewa i Pue to roomo mampokio komi damawali anaNya. Apa Ia taa kojo re’e dosaNya.

Epesus 4:1

Wali apa saba etu, si’i paposia to si aku to ratarungku apa saba palaongingku resi i Pue. Aku manganto’oka komi ika lengko ngkatuwu to masipato naika ntau to napokio i mPue Allah apa monso pu’u Ia room mampokio komi.

1 Korintus 1:9

Wali i Pue Allah maya rasarumaka. Ia semo to room mampokio komi see komi masingkatao pei AnaNya, i Yesu Kerisitu, Pue ngkita.

2 Petrus 1:2

Wali aku makai-kai resi i Pue Allah see kanjo’u-njo’u tiduga-dugang Ia mampaponsanika komi kanotoNya. Pasi aku makai-kai see Ia mangawaika komi karodo ndaya apa saba komi masinsani pei Ia, pasi masinsani seja pei i Yesu, Pue ngkita.

2 Petrus 1:5

Wali saba i Pue Allah roomo mangawaika komi samparia parajanji to etu, see naka masipato komi si’a ojo mangaya Ia. Masipato komi seja mangika lengko to matao. Pasi ri rayanya mangika lengko to matao etu, matao radugangika wo’u kanasanya resi komi mangkonong songka i mPue Allah.

1 Petrus 3:9

Ne’e mamponsawak ane re’e tau to mangika maja’a resi komi. Pasi ne’e seja mampoja’a tau to re’e mampoja’a komi. Kasimbalinya yako etu, matao ane komi makai-kai mamporapika resi i Pue Allah see Ia mangawaika tau to mampoja’a komi etu rasi. Wali ane komi mangika ewa wetu, komi danawaika seja i mPue Allah rasi, apa etu semo naka pei komi napokio i mPue Allah, see komi maya damangarata seja rasi to Ia damangawaika kita to anaNya.

Kolose 1:16

Apa Ia semo nampapowali samparia anu to re'e. Etu semo anu to ndate saruga, pasi to ri wawo lino, to rakita pasi to taa rakita. Ia nampapowali samparia anu to nato'o ntau pue, pasi samparia makole, pomarenta pasi anu to yusa to re'e kuasanya. Wali samparia anu to re'e etu paka napapowali nu Ana i mPue Allah pasi yako pamporani to si Ia naka pei re'e.

1 Timotius 4:8

Apa ane kita mangika palaong to mampakaroso koronta, palaong to etu re’e batuanginya resi kita. Pei ane mangika palaong to mampakaroso raya ngkita mangika palaong to singkonong pei i Pue Allah, etu to bae kojo batuanginya. Apa yako palaong to etu kita mangarata parajanji i mPue Allah, etu semo kasanang ri katuwunta si’i-si’i pasi ri katuwunta ri tempo to darata.

Epesus 4:4

Apa kita to mangaya raporapaka ewa samba’a koro, pasi i Nosa Mapasing anu to re’e ri raya ngkita, Ia seja samba’aja. Pasi ewa see seja pansarumaka to narata ngkita tempo napokio i mPue Allah. Apa kita to rapokio, samba’aja seja pansarumaka ngkita etu.

Pilipi 4:8

Wali a’i-a’i, si’i semo paposiangku to kapuranya. Jagai kojo anu to nupobuuka ngkomi. To matao rapobuuka, etu semo anu to monso, anu to masipato ra’angga, anu to singkonong pei i Pue Allah, anu to mapasing, anu to magaya, pasi anu to nato’o nsa’e matao. Wali samparia anu to matao kojo pasi to masipato rabarong, etu semo anu to danupobuuka ngkomi.

Matius 28:18

Wali i Yesu ma’i ri awe mami pei manganto’o, “Samparia kuasa to re’e ri saruga pasi to re’e ri lino si’i roomo nakuasangika i mPue Allah Aku.

Ibrani 1:3

Wali AnaNya etu semo to mampaporaoka kita kayawa i mPue Allah. Pasi Ia ewa lengke to mampaporaoka kita ewa wimba kamonsonya i Pue Allah, apa Ia sewaju kojo pei i Pue Allah. Pasi Ia mampasilonga pasi mangampiara samparia anu to re’e yako ri gomboNya semo to bae kuasa. Ia semo to mampakayongo kita to lino yako ri dosa ngkita, panewa tempo Ia room mangika palaong to etu, Ia yau matunda ri awenya to Makuasa ndate saruga ri sambaliNya tondo ngkana.

1 Petrus 1:5

Wali apa saba pangaya ngkita, see naka kuasa i mPue Allah mangararamaka kita sampe rata temponya Ia damampalaes kita yako ri lino madosa si’i. Wali songka i mPue Allah damampalaes kita etu, songka etu darapapokitaka ane temponya mosumo danakarata i mPue. Wali masipato kita mangabarong i Pue Allah.

Roma 9:24

Wali kita semo to damangarata kayawaNya etu, apa Ia roomo mampokio kita. Pei Ia si’a ojo mampokio tau yako ri oyo nto Yahudi, Ia mampokio seja tau to yako ri oyo ntau to si’a to Yahudi.

Pilipi 3:8

Pei kamonsonya si’a ojo palaong to etu to aku mampobuuka tare batuanginya. Ane ewa pampobuuka to si aku, samparia anu to re’e paka tare batuanginya resi aku. Apa to bae kojo batuanginya resi aku, etu semo aku masinsani pei i Kerisitu Yesu, Puengku. Wali saba Ia naka pei aku roomo mampiyaika yau samparia palaong to bae batuanginya resi aku seore. Pasi tempo si’i aku mampobuuka palaong to etu ewa wusu to makarika see aku kanjo’u-njo’u ojo tiduga-dugang pansarumakangku resi i Kerisitu.

2 Petrus 1:6

Pasi ri rayanya mangadugangika kanasanya resi komi, dugangika wo’u karoso ndaya see maya manta’amaka raya ngkomi re’e palaong to maja’a. Pasi ri rayanya komi manta’amaka raya ngkomi etu, dugangika wo’u kasabara ngkomi. Pasi ri rayanya komi mangansabara, dugangika wo’u lengko to mampakasanang i Pue Allah.

2 Petrus 1:8

Apa ane lengko to etu to nuika ngkomi, pasi ane kanjo’u-njo’u tiduga-dugang resi komi mangika lengko to etu, ane ewa see katuwu ngkomi damawali bae batuanginya pasi bae wua mpalaong ngkomi. Wali ane komi mangika lengko to ewa wetu, kanjo’u-njo’u tiduga-dugang komi mangansani i Yesu Kerisitu, Pue ngkita.

2 Petrus 1:10

Wali a’i-a’ingku, ne’e ewa wetu. I Pue Allah roomo mampokio komi pasi mangampilis komi. Wali see naka pakakoro mangika lengko to aku roomo manganto’o etu apa etu semo to masipato naika ntau to roomo napokio pasi napilis i mPue Allah. Wali ika lengko to ewa wetu apa ane ewa see komi taa damampiyaika yau pangaya ngkomi.

2 Petrus 2:20

Pei tau to mangansani i Yesu Kerisitu, Pue ngkita pasi to Pansompo ngkita, tau etu tilapamo yako ri lengko ngkatuwu nto lino. Apa lengko ngkatuwu to etu mampakaja’a yau tau to mampolengkoka. Pei ane tau to tilapamo pei roo see mangika muni lengko to ewa wetu, tau etu raporapaka ewa binatang to ra’akal apa ia tamo maya miyai wo’u. Wali apa ewa see, see naka katuwunya to purinya, etu semo to ja’a-ja’a pei katuwunya tempo ruyu, tempo ia tawa mangansani i Yesu Kerisitu.

2 Petrus 3:18

Pei to tao-tao komi mampakakoroka mampodongeka tuntu i mPue Allah see kanjo’u-njo’u tiduga-dugang pangansani ngkomi mangkonong kanoto i Yesu Kerisitu, Pue ngkita pasi to Pansompo ngkita. Pasi kanjo’u-njo’u komi tiduga-dugang masinsani pei Ia. Wali anu kita mangabarong Ia mula yako tempo si’i rataka yau ri tempo to darata! Amin. Wali ungkanyamo gombongku si’i.